المساعد الشخصي الرقمي

مشاهدة النسخة كاملة : العنه 2008-2009 راس مطبخ


على العهد
28-11-2008, 11:33 PM
السلام علييكم


هذي صور للعنه واحنا ننصبها ونعدل ونشيل ونحط

يعني موضوع خفييف تشاركونا الجو,,بس السموحه منكم الصور اكثرها بالجوال ومهتزه,,اعذروني



نبدأ بسم الله

الاربعاء 5-6-2008

اتصل فينا اخونا الؤلؤي,,الي هو اخو الكابوس الاسود
وقال انه السيف انترس عنن ومكانا خذوه قال لحقو يمكن ماتلقون مكان

المهم توهقنا وبسرعه بسرعه رحت حق راعي الخيام في خط سلوى وحملت الخلق مال الخيمه,,ومعاي عمال 2

راعي البانشي وعبدالله ما جاو معاي لانه عندهم دوامات وانا بطالي هههه


وعقب رحنا الصناعيه وحملنا بيبات الخيمه


http://www.lialiq.com/up/uploads/303426b440.jpg (http://www.lialiq.com/up)

http://www.lialiq.com/up/uploads/e91b2d25df.jpg (http://www.lialiq.com/up)

http://www.lialiq.com/up/uploads/cad57d49ad.jpg (http://www.lialiq.com/up)



وبغصب لقيت لي فجه بين عنتين وحطيت الخيمه
والحمدلله طلعوا ناس طيبيين وايد ولا قالو شيل الخيمه ولاشي معا اني لازق فيهم,,ماقصروا والله


وبدو العمال ينصبونها وانا اصور واساعد شوي ووتلفونات بيني وبين راعي البانشي>>يحاتي المكان هههه

http://www.lialiq.com/up/uploads/36ae8d2ceb.jpg (http://www.lialiq.com/up)

http://www.lialiq.com/up/uploads/b23a2cea23.jpg (http://www.lialiq.com/up)

والحمدلله خلصت الخيمه ورجعت الدوحه

http://www.lialiq.com/up/uploads/4fca7853f6.jpg (http://www.lialiq.com/up)


اليوم الثاني 6-11-2008 حملنا اغراضنا وتوكلنا على الله

http://www.lialiq.com/up/uploads/8b96f91359.jpg (http://www.lialiq.com/up)

بتنا هناك واستانسنا

________________________________

والسبوع الي بعده الي هو اول امس
الخميس 13-11-2008

رحنا مره ثانيه وركبنا ليتات برع

http://www.lialiq.com/up/uploads/7fd015fd7a.jpg (http://www.lialiq.com/up)

http://www.lialiq.com/up/uploads/d51b762ca0.jpg (http://www.lialiq.com/up)


يعطييها العافيه مكينتنا ههههه

http://www.lialiq.com/up/uploads/06e6729729.jpg (http://www.lialiq.com/up)


صووره للخيمه
http://www.lialiq.com/up/uploads/24a868145a.jpg (http://www.lialiq.com/up)

مطقميين الربع 3 هلكسات خخخخ
http://www.lialiq.com/up/uploads/fbd88806f9.jpg (http://www.lialiq.com/up)


الحين جا دور المجبوس,,والطباخ هو انا,,

اول مره اطبخ شي عدل>>يعني حدي بيض ههههه


عاد هالمره صنفت الا اطبخ انا >>العاده راعي البانشي يطبخ لنا

المهم

نبتدي بالطبخ

نقعنا الدياي

http://www.lialiq.com/up/uploads/8cd76ac710.jpg (http://www.lialiq.com/up)


الخلطات السحريه خخخخ

http://www.lialiq.com/up/uploads/81bd8da66b.jpg (http://www.lialiq.com/up)



اطبخ وبراشيم الوالده في يدي خخخخ

http://www.lialiq.com/up/uploads/f59b1de140.jpg (http://www.lialiq.com/up)


http://www.lialiq.com/up/uploads/0d881bfbf2.jpg (http://www.lialiq.com/up)

بالهنا والشفا على قولت الطباخين ههههه




السموحه على الاقصوووووووور



كان معكم مراسلكم

على العهد

من مدينة الخور -رأس مطبخ-

في امان الله

^_*
لاداعي
28-11-2008, 11:38 PM
يعطيكم العافيه وأن شاء الله تستانسون فــ العنه

وبخصوص الطباااخ :cry: فيه العافيه
بنت ذياب
28-11-2008, 11:46 PM
اللللللاااي وناااسة

:( ياحظكم والله انتوا الشباب

انواع الطلعات والكشتات << بدااا الحسد خخخ

بس صج نصيحة لكل شاب

لا تفوت هالفرصه

خصوصا الجوو روووعه ..


اخوي على العهد اهم شي استانستوا وغيرتوا جوو

وفيييه العافييية :nice:
بنت المنتدى
28-11-2008, 11:53 PM
ياااااااي

صج صج وناسه وعشت الجووو معاكم http://www.pusup.com/up/get-11-2008-4piii6rl.gifلووووول



اشتطيت وكان خاطري اهاوش الهندي واقوله انصبها عدل http://www.pusup.com/up/get-11-2008-rktdww1f.gif



وبخصوص البراشيم http://www.pusup.com/up/get-11-2008-k8kh5lw4.gifالله بيسامحك لان النتيجه روعه يمي يمي شكله لذيذ http://up.dwltna.com/files/q238er59v3ygwxaw8dg7.gif






ما شاءالله عليكم الله يحفظكم وين ماكنتوا

:):):)
نبـــــراس
28-11-2008, 11:57 PM
اي والله هالفرص ما تتفوت .. واهم شي تستانسون

والفال لنا يودونا يوم من الايام .. جهزي عمرج يا قطريه ماركه .
..الاميرة..
29-11-2008, 12:18 AM
يعطيكم العافيه وعساكم على القوة

لا وطالع فنان في طباخ شكل الاكل لذييييييييذ

مع اني مقاطعه العيووش بس ممكن اخذ اشوي

وجعل فيه العافيه ان شاء الله ..
سوق واقف
29-11-2008, 12:31 AM
تقرير جميل وربي يسعدكم
بوعلي2
29-11-2008, 01:09 AM
صور وتقرير جميل جدا
الله يعطيكم العافيه
ويسلم لكم الهلي :nice:
اعالي الجنان
29-11-2008, 01:17 AM
ماشاءالله خوش رحله
لاداعي
29-11-2008, 02:00 AM
يعطيكم العافيه وعساكم على القوة

لا وطالع فنان في طباخ شكل الاكل لذييييييييذ

مع اني مقاطعه العيووش بس ممكن اخذ اشوي

وجعل فيه العافيه ان شاء الله ..

مب زين العيش يابنت :strong2:
..الاميرة..
29-11-2008, 02:07 AM
مب زين العيش يابنت :strong2:


هههههههههههههههههههههههههههههههه ان شاء الله .. :secret:

لحد يعفس الموضوع عقب يجينا مقص ولا قفل يقفل علينا .. :tease:
لاداعي
29-11-2008, 02:14 AM
هههههههههههههههههههههههههههههههه ان شاء الله .. :secret:

لحد يعفس الموضوع عقب يجينا مقص ولا قفل يقفل علينا .. :tease:



..http://www.x66x.com/download/2990493063024eac4.gif (http://www.x66x.com)
ورده
29-11-2008, 02:18 AM
واااااو رحله حلوه



قلت (السيف انترس عنن ) انا عبالي طحالب


لكن عنن يعني خيام صح ؟؟؟
لاداعي
29-11-2008, 02:23 AM
واااااو رحله حلوه



قلت (السيف انترس عنن ) انا عبالي طحالب


لكن عنن يعني خيام صح ؟؟؟

:nop:
التيما
29-11-2008, 02:27 AM
ههههههههههههههه وناسه صج عيشتنا الجو بس لو انا وايد علي اروح وكل شي جاهز والطباخ والشاي والقهوة والقعدة والخيمة وكل شي مالي خلق انصب خيام ولا اساعد ولا اسوي شي ..
яέέⓜ
29-11-2008, 10:29 AM
نرجع ونقول ياحظ الشباب...

عساكم على القوة
فيزيائية
29-11-2008, 12:20 PM
وااااااااااااااااء:weeping:
ليش الرياييل مستانسين واحنا لا :anger1:

قصدي ما شاء الله :nice:
ان شاء الله تستانسون في العنة
أعرب ماتحته خط :secret:
قطريه ماركه
29-11-2008, 12:23 PM
ما شاااااء الله شكلها الرحله حللللللوووووه ..:nice:


واهم شي مجبوس الدجاااااج .. لونه يجننننننن ...:secret:



الله يخلي البراشيم...:victory:
قطريه ماركه
29-11-2008, 12:25 PM
وااااااااااااااااء:weeping:
ليش الرياييل مستانسين واحنا لا :anger1:

قصدي ما شاء الله :nice:
ان شاء الله تستانسون في العنة
أعرب ماتحته خط :secret:

العنه : مكان تجمع الشباب ونصب الخيام ع البحر من شهر 11 الى شهر 4 :nice:

صح والا لا:secret:
فيزيائية
29-11-2008, 12:51 PM
العنه : مكان تجمع الشباب ونصب الخيام ع البحر من شهر 11 الى شهر 4 :nice:

صح والا لا:secret:

اعرف بس ماعندي سالفة:nice:
سداوي&مدريدي
29-11-2008, 12:52 PM
ما شاء الله شغل عدل أخوي

واهم شي البراشيم والأكل هههههههههههه فيه العافيه ان شاء الله:nice:
بنت سعادة السفير
29-11-2008, 01:08 PM
مااشااء الله ترتيب مظبوووووووووط

اهم شي نتيجة البراااشيم طلعت 100%

خاطري بالكبسه يمي يمي

فيه العاافيه

والله يعطيكم العااافيه
ورقــة أمــل
29-11-2008, 01:52 PM
يحيييييييييييييييييييييييييييييييييييييكم
احنا بعد خاطرنا نحط خيام ونطبخ في البرر
بس مب حووووولنا كللللللللللللش
:(:(:(:(

والمجبوووس عجيب ترررى

يعطيكم العافية
على العهد
29-11-2008, 11:50 PM
مشكوووووووورين جمييع على ردوودكم الطيبه


اسعدتوني فيها والله


العنه= امممممم معسكر يعني,,مادري شلون افهمكم بس يعني لو ناس طلعو بر مثلا كذا يوم وحطو خيامهم
هالخيام والمطبخ والحمام كرمكم الله والمعسكر كله يطلقون عليه اسم العنه


طولتها هههه



لاهنتوا ومنووورين والله
على العهد
06-12-2008, 12:32 PM
امس جاتنا رشة مطر وكان علينا غييم وبرووق


شي والله الجو
Msh3l
06-12-2008, 06:55 PM
والله ونااسه .. فسيلين .. بس صرت اكره ارووحه ...
عمري ما رحت سيلين بدون ماشووف حادث قدام عيوني ..
او بدون ماتكسر انا .. ؛؛ << شاللي حاااااادك يبه ..
الفـــارسه
06-12-2008, 08:15 PM
يعطيك العافيه
ورده
07-12-2008, 01:53 AM
ههههههههههههههههههههه راس مطبخ


عجيب اسمها :)


في وين هالمنطقه وليش سموها هالاسم ؟
دهــن العود
07-12-2008, 07:31 PM
ماشاء الله رحلة حلوووووه


بس اخبر العنة تكون للحمام فوق السطح هههههههههه

تسلم اخوي :)
ورده
07-12-2008, 09:42 PM
ماشاء الله رحلة حلوووووه


بس اخبر العنة تكون للحمام فوق السطح هههههههههه

تسلم اخوي :)


اللهم اجعله خير


اليوم واايد ضحكت


يعني يسوون قفص على السيف ويقعدون فيه ....... ولا شلون هالعنه اللغز :rolleyes2:
ناصر العمادي
07-12-2008, 09:50 PM
ياســـــــــــــــلام عليك فنان ...كل شي عالسريع ...:nice::nice:

طباخك واضح أنه ممتاز مع أني متعود أذوق قبل لا أحكم بس عملت لك أستثناء :tease:

الله يسعدكم ويهنيكم دووم يارب

يعطيك الف عافيه على التقرير الجميل

كل الشكر والتحيه والتقدير لك
مـــحـــمــد
08-12-2008, 08:23 AM
بصراحه عنتكم حلوه

والاحلى المجبوس
على العهد
16-12-2008, 11:44 PM
منووورين اخواني


الله لايحرمني من تواصلكم الاخوي
شكري وتقديري
17-12-2008, 12:11 AM
الله يحفظكم ويوفقكم

رجاء قراءة هذا الموضوع للأهمية

http://qatarshares.com/vb/showthread.php?t=226041
بوخالد911
17-12-2008, 01:00 AM
الشيخ

المررة الثانية

طرررش لي شي من المجبوووس

يعني

عليكم المجبوووس
:nice::victory::nice:








وعلي الدقووووس
:rolleyes2::rolleyes2::rolleyes2:




وبس

:secret::secret::secret:
دهــن العود
17-12-2008, 03:26 AM
اللهم اجعله خير


اليوم واايد ضحكت

يعني يسوون قفص على السيف ويقعدون فيه ....... ولا شلون هالعنه اللغز :rolleyes2:


لا لغز ولا شي يا ورده

العنة كانت تطلق على قفص الحمام فوق السطح
مو مثل الي مسوينة الشباب
واظن الاخت دباس فهمت الكلمة ومعناها :)






مع العلم أن لفظ ( العنّة ) كان تطلق على الكوخة التي تنصب لصيد الطيور .

ويقول المثل :

كانك صيّاد ولا وافقك صيد إرجع على العنّة ثرى الصيد فيها .

والعنة في اللغة العربية :

حظيرة من خشب .