وداعا لمغاسل السيارات اللي عند الدوار المايل قطع الكهرباء بكره

[الخفي]

السلام عليكم ورحمه الله وبركاته

اليوم ذهبت الى منطقه الغرافه لغسل سيارتي المصونه في المغاسل اللي عند الدوار

المايل وانا قاعد انتضر وقاعد اسولف مع العامل في المغسله واتناقش معاه على

سعر غسيل السياره 25 ريال قلت له واجد المفروض تنزل في السعر كل شي نزل

قالي خلاص اصلا بكره اخر يوم قلت ليه ليش قالي اقرا هالورقه الا ورقه من كهرباء

بقطع الكهربا بتاريخ 30 \11 \ قلت كل السوق قالي كل السوق ابتداء من بدايه

السوق الى الدوار المايل يعني حوالي 50 محل مغسله سيارات بتتسكر بكره وانا

اشوف الشباب اللي يغسل واللي يلمع التاير واسال نفسي اقول وين العالم بيغسلون

سيارتهم لذلك اتوقع ضغط رهيب وطوابير على مغاسل السيارات خصوصا في العيد

وخصوصا ان الاخ يقول مانقدر نفتح محلات لان الاجار بيكون غالي وين احصل محل

بايجار رخيص لذلك اقول مرحبا بأزمه جديده بعد الطوابير التي بدأت نلاحضها في

محطات البترول والله المستعان

[مالك أمل]

الله يخلي لنا باري وعبد الجبار

دريوليت البيت

[umm yousef]

يعني شو إزالة ؟؟

[لاداعي]

الله يكون في عونهم

[الوعد2016]

مبروووووووووووك عليكم ازالته ا وخل جشع بعضهم يفيده صاحب العقار من افضل الناس وملاك العقارات في قطر وشخص يحب الخير ومش طماع ولا رفع عليهم سوى 300 ريال يعني المحل فقط 1800 والشقق لم يرفع الايجار واصحاب المغاسل وغيرهم رافعين الاسعار وعذرهم ان الايجار مرتفع وغير هذا تم التعويض لهم ب100 الف للباب ولم يقوموا بدفع الايجار لصاحب العقار لان العقارات ملك لدوله ولم تطلب منهم الايجار وهم يقولون ندفع ايجار

[الجزيرة]

.... بصراحة ... احسن ... اللهم لا شماته ........ اهدار كبير للمياه الصالحة لشرب

... الحل مواقف الستى او اي مجمع اخر ...... استهلاك المياه في الشهر هناك يعادل يوم في اي مغسلة اخري

الله ايعوض عليهم

[الهاوي28]

الله يعين

[&بوشهد&]

والله انا استغرب اشلون يسكرون المغاسل ومافي بديل
وبعدين بصير ضغط على المغاسل وبيكون الغسيل تعبان وكل واحد يغسل موترة بـ 50 ريال
هذا اكبر سبب في قطر لاتفاع الاسعار وباذات العقارات مارتفعت الا بنفس الطريقة يزيلون مناطق كثيرة واهل قطر وين يروحووون ماتدري وكل يوم اجانب يدخلون البلاد
الله يعينهم

[qatari1]

مبروووووووووووك عليكم ازالته ا وخل جشع بعضهم يفيده صاحب العقار من افضل الناس وملاك العقارات في قطر وشخص يحب الخير ومش طماع ولا رفع عليهم سوى 300 ريال يعني المحل فقط 1800 والشقق لم يرفع الايجار واصحاب المغاسل وغيرهم رافعين الاسعار وعذرهم ان الايجار مرتفع وغير هذا تم التعويض لهم ب100 الف للباب ولم يقوموا بدفع الايجار لصاحب العقار لان العقارات ملك لدوله ولم تطلب منهم الايجار وهم يقولون ندفع ايجار

والله ما فهمت أي كلمة من كلامك!

ياليت ترتب أفكارك، وتكتبها مرة ثانية.

[سهم طايش]

صج مشكلة !!

[ابوسعود]

والله مشكله ولا فيه بدايل

[الخفي]

الحين الخوف من المغاسل الثانيه يرفعون الاسعار بحجه انه بيكون ضغط عليهم خاصه ان المغاسل

اللي تسكرت حوالي 40 محل تقريبا هذا المقصد وبصراحه مثل ماقال احد الاخوان المالك

مارفع الاسعار من سنوات حتى بعد زياده الاسعار يستاهل التعويض والله يعين الشباب اللي يغسلون

شبه يومي انا بالنسبه لي ماعندي مشكله عندي غسله لسيارتي في الشهر مره والله بيعيني

[The Blade]

السلام عليكم
والله ياخوي ما اشوف فيها اي ازمة...
درويل البيت او درويل الجيران تعطيه 10 ريال ويغسل لك السياره...
ع العموم شارع آل شافي فيه مغاسل فلي بيروح الغرافة ما اتوقع انه بيتكسل ومايروح الريان...

[الخفي]

السلام عليكم
والله ياخوي ما اشوف فيها اي ازمة...
درويل البيت او درويل الجيران تعطيه 10 ريال ويغسل لك السياره...
ع العموم شارع آل شافي فيه مغاسل فلي بيروح الغرافة ما اتوقع انه بيتكسل ومايروح الريان...



ماعندك خبر انه نزل قانون اميري ان غسيل السيارات في البيت عليه سجن وغرامه

والمقصد موب ان الواحد عاجز انه يروح الريان بس كم شخص كان يغسل في

الغرافه بيتحول على مغاسل الريان هذا اللي قصدته انا

[pure]

ماعندك خبر انه نزل قانون اميري ان غسيل السيارات في البيت عليه سجن وغرامه


:omg:

ليش يازعم عن التبذير والاسراااف !!!

اول مره اسمع بهالقرار

[الخفي]

:omg:

ليش يازعم عن التبذير والاسراااف !!!

اول مره اسمع بهالقرار




هذا القانون

الدوحة في 21 اكتوبر / قنا /رحبت صحيفة / الوطن / القطرية الصادرة اليوم بالقانون الذي أصدره حضرة صاحب السمو الشيخ حمد بن خليفة آل ثاني أمير البلاد المفدى الخاص بترشيد استهلاك الكهرباء والماء .. . واعتبرته خطوة مهمة تستهدف الحد من الإفراط في هاتين المادتين الاستراتيجيتين ووضع الضوابط لحسن استهلاكهما. وطالبت الصحيفة في افتتاحيتها المواطنين والمقيمين الالتزام الدقيق بالقانون والمساهمة فى هذه المسئولةية الوطنية الكبرى للمحافظة على سرالحياة / الكهرباء والماء ..وقالت // إن ترشيد استهلاك الكهرباء والماء بات من المواضيع شديدة الأهمية للحفاظ على هذه الثروة التي تمثل ضرورة وأهمية قصوى في مجتمع صناعي ناهض.. خاصة وأن الدولة مقبلة على عدة مشاريع تنموية كبيرة//. وشددت على ان ترشيد الاستهلاك في الكهرباء والماء واجب وطني الى جانب كونه ايضا واجبا دينيا وتوفيرا لكثير من الأموال .. ودعت المواطنين والمقيمين الى المساهمة الفاعلة في الحد من إهدارهما في مظاهر غير حضارية خاصة أنهما لا يقدران بثمن في زمن ندرة المياه وزمن يكثر فيه الحديث عن الأمن المائي في المنطقة والعالم. واكدت الوطن ان القانون يكتسب اهمية استثنائية ايضا كونه ياتي والدولة تشهد نموا مطردا في عديد السكان وللزيادة المتصلة والكبيرة في الأنشطة الاقتصادية والتنموية .. /

[hxamad]

مافى ألا الواحد يغسل سيارتة فى البيت لا والمشكلة أذا طلع الى برة عليك مخالفة سمعت يقوولون 5000 ريال قطرى.ولنصير مثل البحرين تحصل الهندى يدور على البيوت للى يبى يغسل سيارتة والله تجارة مع الأيام
بصير هالشى

[Qtr Denver]

عليكم السلام ورحمة الله وبركاته

الله يعين المغاسل

والله يخلي الدريوليه

[بو نايف]

هالمحلات استملكت من فترة طويله

بس عطوهم مدة عشان اعادة تصميم الدوار

[ابو عبد الرحمن]

الله المستعان

[عكاس]

انا مريت عليهم اليوم (السبت ) والمغاسل شغالة طبيعي مافيهم شي

[الوعد2016]

والله ما فهمت أي كلمة من كلامك!

ياليت ترتب أفكارك، وتكتبها مرة ثانية.

اعتقد مكتوب بالعربي مش بلغه ثانيه
والمراقب يعرف اكثر من غيره وانت مراقب ولك فتره طويله في المكان
وتعراف جميع الاقلام وانواعها
وكلامي واضح ومايحتاج توضيح

مبروووووووووووك عليكم ازالته ا
وخل جشع بعضهم يفيده
صاحب العقار من افضل الناس وملاك العقارات في قطر وشخص يحب الخير ومش طماع ولا رفع عليهم سوى 300 ريال يعني المحل فقط 1800 والشقق لم يرفع الايجار واصحاب المغاسل وغيرهم رافعين الاسعار وعذرهم ان الايجار مرتفع وغير هذا تم التعويض لهم ب100 الف للباب ولم يقوموا بدفع الايجار لصاحب العقار لان العقارات ملك لدوله ولم تطلب منهم الايجار وهم يقولون ندفع ايجار

[مشاكل]

الموضوع تأجل لين سنة 2010 والله اعلم

[بوعلي2]

عندي برشر بالبيت باروح اشتري لي شامبو سيارات وباباشر الشغل عدل في حوش بيتنا مع اني اغسل السياره مرات بالبيت وناسه :playball:

[عاشق الشهادة]

عاجبني واحد من الاعضاء وانا متابعه وانتظر هجمه عكسيه منه :)

[الخفي]

انا مريت عليهم اليوم (السبت ) والمغاسل شغالة طبيعي مافيهم شي


انا شفت ورقه ( قطع الكهرباء الصادره من كهرماء ) وانت مريت عليهم اليوم لان

اليوم اخر يوم والورقه اللي قريتها ان قطع الكهرباء بيكون تاريخ

30 \ 11 \2008 - يعني الضاهر اليوم بتقطع الكهباء

[الخفي]

الموضوع تأجل لين سنة 2010 والله اعلم



على الورقه اللي قريتها ان الكهرباء بتقطع اليوم بس ممكن اللي تأجل هو الهدم

[Riku3]

على كذا الغسيل بيرتفع من 30 لين 40 قبل العيد هههه ..

الله يخلي الكلك والصابون اغسل سيارتي بالبيت كل اسبوع بعد ما ارجع من الجيم ولا مغاسل ولا بطيخ :) .

[pinky]

لا تعليق

[بنت المنتدى]

انزين حتى لو غسلنا في البيت وشلون التنظيف من الداخل:eek5: ولو بغيت اغسلها غسيل جيك وشلون احط جيك السياره وارفعها وانسدح تحتها واغسلها بروحي :secret:


والله الهندي قال لي بس قلت يمكن هو مخرررررف :rolleyes2: طلعت انا المخرفه مب هو :weeping:



شكرا لك ع هالخبر المحزن :(

[Qt.1]

كل شهر المغاسل ايقولون هالكلام انه هالشهر اخر شهر لهم او اليوم اخر يوم كل ماروح المغسله ايطلع لي نفس الورقه وهالكلام من 4 شهور.....:rolleyes2::rolleyes2:

[qatari1]

اعتقد مكتوب بالعربي مش بلغه ثانيه
والمراقب يعرف اكثر من غيره وانت مراقب ولك فتره طويله في المكان
وتعراف جميع الاقلام وانواعها
وكلامي واضح ومايحتاج توضيح

وما علاقة عدم رفع المالك لإيجار المحلات بموضوع الإزالة؟!

هل الدولة لما استملكت هذه المحلات لتثأر من المؤجرين الذين رفعوا الأسعار؟!

دائماً ردوك أخوي الوعد خارج صلب الموضوع!

[naklan]

لايكون يشلون البيوت الي ورا المغاسل

اذا شالو البيوت الي ورا بيزيدون ازمه السكن

الشقق الي فوق المحلات بيتشردون منها عوائل كثيره والله يعينهم

[ديابلو]

وما علاقة عدم رفع المالك لإيجار المحلات بموضوع الإزالة؟!

هل الدولة لما استملكت هذه المحلات لتثأر من المؤجرين الذين رفعوا الأسعار؟!

دائماً ردوك أخوي الوعد خارج صلب الموضوع!

صدقت:nice:

[سهم مديون]

:omg:

[متسبب]

اهم شي القهاوي وين راحت؟؟ :)

[حالي الذوق]

لايكون يشلون البيوت الي ورا المغاسل

اذا شالو البيوت الي ورا بيزيدون ازمه السكن

الشقق الي فوق المحلات بيتشردون منها عوائل كثيره والله يعينهم

البيوت الي ورا المغاسل راح تنشال ايضا

وبالامس تم قطع المياه كاجراء اولي يسبق قطع الكهرباء

[حالي الذوق]

وما علاقة عدم رفع المالك لإيجار المحلات بموضوع الإزالة؟!

هل الدولة لما استملكت هذه المحلات لتثأر من المؤجرين الذين رفعوا الأسعار؟!

دائماً ردوك أخوي الوعد خارج صلب الموضوع!

مرحبا اخوي qatari1

الاخ الوعد2016 حاول بمشاركته ان يوضح جشع واستغلال اصحاب المغاسل عندما رفعوا قيمة غسيل السياره من 15 ريال الى 25 و30 ريال والسبب ان الاجارات عاليه مع ان صاحب العقار ما زاد عليهم الاجار الا30ريال ومن فتره طويله وبعد استملاك الحكومه للعقار تموا شغالين بدون دفع الايجار وكذلك رفعوا الاسعار حتى بعد تعويضهم من الحكومه بمبلغ 100 الف ريال لكل باب

[qatari1]

مرحبا اخوي qatari1

الاخ الوعد2016 حاول بمشاركته ان يوضح جشع واستغلال اصحاب المغاسل عندما رفعوا قيمة غسيل السياره من 15 ريال الى 25 و30 ريال والسبب ان الاجارات عاليه مع ان صاحب العقار ما زاد عليهم الاجار الا30ريال ومن فتره طويله وبعد استملاك الحكومه للعقار تموا شغالين بدون دفع الايجار وكذلك رفعوا الاسعار حتى بعد تعويضهم من الحكومه بمبلغ 100 الف ريال لكل باب

يعطيك العافية أخوي حالي الذوق على التوضيح:nice:

في فلل جديدة خلف هذه المقاهي من جهة الشمال، هل سيتم إزالتها؟

وماذا عن المحلات الممتدة شمالاً من الدوار المائل؟

هل ستُزال أيضاَ؟!

[الخفي]

يعطيك العافية أخوي حالي الذوق على التوضيح:nice:

في فلل جديدة خلف هذه المقاهي من جهة الشمال، هل سيتم إزالتها؟

وماذا عن المحلات الممتدة شمالاً من الدوار المائل؟

هل ستُزال أيضاَ؟!


انا قالي صاحب احد المحلات ان الازاله فقط على السوق فقط وليس العقارات الخلفيه

هذا اللي لحد الان واضح بس والله كسر خاطري سوداني اشوفه من يومين شال

عفشه وسألته قالي صار لي فوق 16 سنه في نفس الشقه والاجار رخيييص جدا

وبيض الله وجه المالك يقول الحين اضطرييت اخذ شقه اصغر من شقتي وسعرها دبل

ضعف اجار شقته والله يعينه بصراحه اما المحلات اتوقع اكثريتهم بيبيعون السجلات

لصعوبه الحصول على محلات رخيصه لان الباب الواحد الان فوق 8000 ريال

[امرك غريب]

المفروووض قبل الأزاله ايجااد البديل ،،،

[احساس غريب]

بااال الله يعينهم والله..
مشكور اخوي المختفي على نقل الخبر..

[bu 3li]

انا امس غاسل سيارتي الساعه 7 فالليل فـ مغسلة باها قطر

وهي من بين المغاسل اللي قبل الدوار المايل !! واشوف الشغل طبيعي هناك ومافيه اي مشاكل

مادري يمكن يكون فيه لبس فـ الموضوع او انه التاريخ غلط

[بوحارب]

بالنسبه لي ما غسل موتري في المغسلة الا في مرتين في السنه بس

اما باقي المرات غسيل البيت وانا بنفسي اللي اغسل مواتري & ــ &

غسيل ايديا وحيات عينيا ^ ــ ^

[Fendi]

ياخي وين بروووووووووووحون
مشكله

[الخفي]

انا امس غاسل سيارتي الساعه 7 فالليل فـ مغسلة باها قطر

وهي من بين المغاسل اللي قبل الدوار المايل !! واشوف الشغل طبيعي هناك ومافيه اي مشاكل

مادري يمكن يكون فيه لبس فـ الموضوع او انه التاريخ غلط


انا يوم كتبت الموضوع استندت على اكثر من شي منها

ان صاحب المغسله اللي انا اغسل عنده قالي هالكلام وطلع لي ورقه قطع الكهرباء

وبناء على الورقه كتبت هالموضوع والشي الثاني اني بعد شفت واحد من اصحاب

الشقق شايل اغراضه وقالي نفس الكلام لذلك كتبت هالشي اذا اجلوا او الغوا هالقرار

هذا شي ثاني

[عضو دائم]

يعني شو إزالة ؟؟


يعني رأأأأأأأأأأح يهدوا لبناية !!!!

[الوعد2016]

الان تم فصل الكهرباء عن المحلات التي تقع في اول السوق من شرق
محلات الزينه ومكتب الخدم والتاجير والمغسلتين الساعه 9.10 صباح هذا اليوم2/12/2008مـ

[حسين بن عاقول]

شكلنا بنغسل سييرنا بنفسنا فلعيد

[V.S.P]

السلام عليكم
الكلام اخوان مضبوط لانه جاي اخلاء على هذه المحلات وانا ساكن في فلا خلف هذه المغاسل وواضع ايدي على قلبي خايف يعطونا احنا ايضا اخلاء عن قريب.. سؤالي هل احد من الاخوان يعرف لماذا بيزيلون هذه المغاسل..هل في مشروع معين؟

[الخفي]

السلام عليكم
الكلام اخوان مضبوط لانه جاي اخلاء على هذه المحلات وانا ساكن في فلا خلف هذه المغاسل وواضع ايدي على قلبي خايف يعطونا احنا ايضا اخلاء عن قريب.. سؤالي هل احد من الاخوان يعرف لماذا بيزيلون هذه المغاسل..هل في مشروع معين؟



اتوقع استكمالا لازالات المدينه التعليميه واعتقد اني سمعت انه بيكون فيه نفق

او جسور

[المزن الرياني]

السلام عليكم
الكلام اخوان مضبوط لانه جاي اخلاء على هذه المحلات وانا ساكن في فلا خلف هذه المغاسل وواضع ايدي على قلبي خايف يعطونا احنا ايضا اخلاء عن قريب.. سؤالي هل احد من الاخوان يعرف لماذا بيزيلون هذه المغاسل..هل في مشروع معين؟



أزاله الدوار المايل وبيحلون مكانه نفق
هذا اللي اعرفه ... بس السؤال متى تاريخ الانتهاء هني الغمنده :secret:

[هام السحاب]

أزاله الدوار المايل وبيحلون مكانه نفق
هذا اللي اعرفه ... بس السؤال متى تاريخ الانتهاء هني الغمنده :secret:

عقب ما يتأهل المنتخب لكاس العالم :omen2:

[auto body]

الله يخلى موسى واسلام للسيارات والحوش