اهل قطر يسافرون الى الحسا والدمام للتسويق

[&بوشهد&]

السلام عليكم ورحمة الله وبركاته
في موضوع في بالي حبيت اطرحه عليكم وهو :
الاحظ اهل قطر يسافرون للحسا والدمام يتشرون اغراض رمضان والعيد على اساس ان اسعارهم اقل منا وانا اشوف العكس مصاريف السفر والسكن تكلف اكثر
يعني لو الواحد يقعد في بلاده ويشتري منها ابرك له لانه الاسعار قريبه من بعض
غير انه اخر الايام صارت الحسا غالية مثل قطر واللي رفع اسعارهم هم اهل قطر
والا انتوا اشرايكم تستاهل السفرة عشان هم اقل منا بشي بسيط :(

[نبـــــراس]

احيانا تكون السفره حجه وحاجه ..
يعني منها تغيير جو ومنها تشري ..
والبضاعه في الحسا صج الاسعار مثل الدوحه تقريبا بس حلوه ومميزه .

[بنت ذياب]

مب عن الاسعار ياخوي

بس شوف مجامعاتهم

صح نفس الماركات

لكن البضاايع غير

واحللللى واكثر

ومحلالاتهم بعد اكثر .. وتحصل اللي تبيه بسرعه

هني تلف وتلف وتلف ولا تحصل شي يدش مزاجك

[جوال 11]

من الأسباب :
-المعروض أفضل ومتنوع.
- الأسعار أرخص وهنالك تسامح في البيع.
- للسفر سبع فوائد.
- شركة الميرة منعت من الأستيراد من الخارج وتشتري من التجار في البلد وتتضاعف الأسعار.

[فيزيائية]

والله اذا على شغلة وثنتين ماتسوى
بس اذا عرس او تجهيز بيت فيه الكثير من التوفير <<<<هكذا سمعت
عالعموم من كثر ماسمعت عن الحوادث والموت في هالطريج
ماحب اروح هناك :weeping:

[دنيا الاسهم]

والله اهل قطر يسافرون الحسا ولا اي مكان هذة حرية شخصية والناس كيفها تشتري اللي يريحها
ليكون بعد فية جهة تمنع هذا الشي
والله اهل قطر يسافرون برا ويشترون اغراضهم من الحسرة والفلس والغلاء الفاحش المقصود والغير مقنن من الدولة يعني كلن سيدة قيدةيسوي اللي يبية من التجار ولا يطبقون القانون الا على الفقير واللي ماعندة واسطة اللي صار بسوقنا اللي عمرنا مالقينا شي يعجبنا واذا لقينا ناخذة غصب لان مايعجبنا بس هذا هو الموجود
واعتقد ان السوق المالي حر كما قال وزير الاعمال والتجارة فهد بن جاسم :tease: :omen2:

[hxamad]

والله اخوى صدقت الوقت الحالى فى الحسا والشرقية كل شى غالى مب مثل أول والسبة أحنا حتى فى واحد سعودى يقول أنتوا ياأهل قطر خربتوا سوقنا يقول أن بعض التجار يقولون للسعودى اذا ماتبى بيجى طرى يشترى ومن الشكل كل التجار أرفعو، والواحد أحسلة يشترى من بلادة ويسلم من خط الحسا التعبان

[ذيبه مزاجيه]

فعلا كل واحد كيفه يشتري من المكان اللي يبيه

بس انا افضل اشتري من برع لان الغلاء اللي صاير هني مب طبيعي كلش كلش !!!!

انا الصراحه و لا مره رحت الحسا بس اسمع ان اسعارهم اوكي واهم شي مب الاسعار و لكن هناك تلقى اشياء حلوه تستاهل السعر مب هني يدور راسك لين تلقى شي و يوم تلقى شي يسد نفسك السعر بالذات اذا كانت ملابس والله ان القماش يلوع الجبد من لبستين ينشق !!!! شدعوه و تلقاه على 390 -500 وفوق بعد !!

الله يعين و ما الومهم يوم يسافرون حق المشترى عن نفسي انا اطلب كل شي ابيه من النت وفاكه عمري من الغثى ..

[بو نايف]

انا اروح الخبر

احب هالمدينة


منها تغيير جو ومجمعات حلوة وكل المراكات موجوده

[Smart]

تغير جو

يكفى الواحد لين شرى من الليوان مندى او محشى مع ديايه كامله ب 25 وياكلون فى 4 ويزيد

[khalid1010]

تغير جو

يكفى الواحد لين شرى من الليوان مندى او محشى مع ديايه كامله ب 25 وياكلون فى 4 ويزيد

هههههههههه صحيح بس ما يصير تحدي ويرحون الحساء عشان كبسة بخاري ويبونها حق الربع في المجلس؟؟؟؟؟؟؟؟؟؟؟؟؟؟؟؟؟

[شاعر المليون]

الاحساء والخبر والشرقية كلها فيها اشياء حلوووه ومو موجوده في قطر حتى لو نفس السعر وكل الماركات عندهم .. حتى بين الدواعيس تلقى بوتيك شانيل او ديور فاتح مو شرط داخل مجمعات مو مثلنا بوتيكات محدووده جدااا وكوليكشن قديم

[شويهينــه]

صج ان اسعارهم صايره مثل اسعارنا بس في خيارات اكثر

مو مثلنا تشوف الشغله ماتسوى وسعرها فوق

ليش ان شاء الله؟؟

انا عن نفسي كل شي اشتريه من هناك وسوق الدوحه ماطبه خير شر

[&بوشهد&]

اشكركم على مروركم

[شيزكيك]

سوق الحسا اكثر بضايعه تركي وسوري ولا ومغليين بعد وعقب غسلتين تنتهي البدله

والحين فيه العثيم مول وهاذي كانه اللاندمارك يعني نفس الاسعار عندنا اللهم الا اذا

حق فساتين الاعراس ويتراولي الخبر اكشخ وكله ماركات ويستاهل العنوه

[&بوشهد&]

والله اهل قطر يسافرون الحسا ولا اي مكان هذة حرية شخصية والناس كيفها تشتري اللي يريحها
ليكون بعد فية جهة تمنع هذا الشي
والله اهل قطر يسافرون برا ويشترون اغراضهم من الحسرة والفلس والغلاء الفاحش المقصود والغير مقنن من الدولة يعني كلن سيدة قيدةيسوي اللي يبية من التجار ولا يطبقون القانون الا على الفقير واللي ماعندة واسطة اللي صار بسوقنا اللي عمرنا مالقينا شي يعجبنا واذا لقينا ناخذة غصب لان مايعجبنا بس هذا هو الموجود
واعتقد ان السوق المالي حر كما قال وزير الاعمال والتجارة فهد بن جاسم :tease: :omen2:

محد يقدر يمنعهم
واكيد حرية شخصية
بس هد اعصابك:nice:

[كاتم المواجع]

:
تغير جو

يكفى الواحد لين شرى من الليوان مندى او محشى مع ديايه كامله ب 25 وياكلون فى 4 ويزيد

:eek5::omg: يالله حيهم :omg::eek5:

[بوحارب]

بكرة ولا اللي بعده رايحين هناك ناخذ لنا اغراض العنه ^ ــ ^

الخيمة اهنية ب 2600 وفي الحسا على 1500 و 1600

شوفوا الفرق http://www.pusup.com/up/get-11-2008-8sb8oqrp.gif (http://www.pusup.com/up)

[_بوشهاب_]

ياجماعه الاهي ساعتين بصراحه انا ما سميها سفره هذي قريبه من قطر وايد والله نرووح ونرد في نفس اليوم ولا سكن ولا شي يمكن المصاريف الزياده هي التامين 70 ريال بس
ولا الفرق بالاسعار بالنسبه لي وايد والله

[بنت المنتدى]

تغير جو

يكفى الواحد لين شرى من الليوان مندى او محشى مع ديايه كامله ب 25 وياكلون فى 4 ويزيد



:eek5:

هذي مقولة امي فديتها .. دائماً تقول اكلهم فيه بركه ..

و وايييييد امي تستانس هناك فديت روحها تقول كفايه ان حياتهم فيها بساطه


وفي الاول والاخير من وجهة نظرررري انا .. ان مايسوى علي اني اتعب روحي كم ساعه بالسياره وامر على مراكزهم وغير النفسيه الحلوووه اللي الكل يدري بها واخرتها اخذ خيشة سكر :secret:


يعطيك الف عافيه اخوي

[بو فهد]

لاوالله تفرق الحساء وايد عن الدوحة
اتمنا من شخص الي يقول ماتفرق الاسعار
المواد الغذائية متقاربة في الاسعار

بس قطع غيار السيارات تفرق واجد عنا...... الادوية في الصيدليات تفرق وجد عنا

ويكفي عندهم محلات منتشرة وتسمى اسواق بوريال....وريالين والي معدومة في الدوحة

[mohd essa]

السوق اكبر وامتع في السعوديه وبالنسبه للمسافه مااشوفها بعيده, الدوحه اقرب من الرياض حق الحسا

[theeb_qatar]

انا عن نفسي ماجربت اتشرى من الحسى او الخبر ....

اللهم امر على الحسى والدمام مرور الكرام واكمل مشواري ...

[مرت محمد]

مرحبا اخوي .. عشان بس لاحد يفكر انك ولدي .. الحسا والمنطقه الشرقيه عموما في فرق شاسع من ناحيه الاسعار الي نشتري في قطر 500 الريال نحصله عندهم 70 ريال اذا كانت التنزيلات عندهم 70% صج تعب على محمد بس شنسوي اوفر لجيبه

[abdulla999]

الحساء ارخص من الدوحة بوايد في فرق حتى في تاثيث البيت فرق شاسع واشكال حلوة

[علي عطا]

البضاعة في الشرقية حلوة ومميزة ولو انها غالية بس بالنهاية تشتري الحاجة وتحتار من حلاوتهم شلي تاخذه مب هنيه يدور راسك

[خشوف]

نحن درنا محلات قطر كلها مالقينا شي ينلبس للعيد كل ملابسهم قصيرة وخليعه وبنطلونات واذا لقينا اشياء تلوع الكبد ماتناسبنا الالونهم كيبه ولا غاليه التنوره ب400 ولا بعد لازم تكون قصيره بس الحسا والسعوديه بشكل عام ملابسهم كشخه وروعه تناسب لبس بنات قطر وخاصه الي يحبون المحتشم

[كاروهات]

انا اشوف ان الحسا وااايد ارفعوا اسعارهم وخاصه اذا شافوا قطريين
بس انا ماحب اتسوق من الحسا
احب اتسوق في الخبر

[&بوشهد&]

هذا مجرد مناقشة لااقل ولا اكثر
وحبيت اشوف وجهت نظركم
واشكر الجميع على التفاعل

[بنت ذياب]

نحن درنا محلات قطر كلها مالقينا شي ينلبس للعيد كل ملابسهم قصيرة وخليعه وبنطلونات واذا لقينا اشياء تلوع الكبد ماتناسبنا الالونهم كيبه ولا غاليه التنوره ب400 ولا بعد لازم تكون قصيره بس الحسا والسعوديه بشكل عام ملابسهم كشخه وروعه تناسب لبس بنات قطر وخاصه الي يحبون المحتشم

اي والله

ليش صايرة ملابسهم جي

هاي كله بسبب الانفتاح

كل شي حق الاجانب :weeping:

مانبي نلبس نفسهم مو غصب :anger1:

[السد]

الحسا كشته وتغيير جو
ويا عيني على محل القطان بسوق القيصيرية
اللي ما يروحه كانه ما زار الحسا !!

[vimto]

مرحب

انا حسااوي وعارف الوضع كله

وفعلان فرق في الاسعار الاني اعرف الاسعار في قطر واعرف في السعوديه

وربعي الي في قطر دوم يشترون من هنى يسألوني واشوف لهم الاسعار بذات حق السيارات

في فرق كبير

وبنسبه حق السووق في فرق بس افهم يا فهيم وعرف يا ابو العريف

وبسراحه وعلى بلاطه مثل ما يقولون


ترى الان بدو يرفعون الاسعار بسبب القطرين الانهم الاسف ما يكاسرون في السعر

معروف معنى اذا جيت تشتري شي تكاسر في السعر وتشيك محل وثنين وتشوف الفرق في الاسعار

بس اخوانى القطرين يجون يشترون على طول مو عيب ولا جهل بس يشوفونى ارخص من عندهم ويخذون على طول

يعني السلعه في قطر على سبيل المثال نقول ب 200 يجيون السعوديه يحصلونها 170

يقوم يشتريها على طول الانها ارخص صح شغله بس في الاساس تحصل البايع يبيعها 150

اذا فاصلة معى وكاسرتى

ولي حاصل الان الي يبيعون معنى صارو والعياذ بالله نصابين السعودين يعطيهم تسعيره والقطرين تسعيره

مو الكل البعض

فا انتبهو يا اخواني ويا خواتي لا تخلون حد يستقلكم


واكبر دليل محل معروف عند الشباب القطرين محلات اجهزة الارسال

والله يجماعه انا اروح يعطيني سعر واذا راحو ربعي يرفع السعر

فصرة اسأل اول لهم وارح بعدين معهم عشان لا يرفع السعر

ومره صارة مشاده معى الانه يرفع السعر الانهم قطرين


انتبهو انتبهو

واذا مره مره البسو لبس سعوودي وتسوقو وشوفو التوفر الي راح يصير

هههههههههه


أمزح



بتوفيق للجميع