عندكــــــــــم لـــــيــــمــــونّ!!؟؟؟؟؟؟؟

[ياقلب لاتحزن]

بسم الله الرحمن الرحيم

السلام عليكم ورحمة الله تعالى وبركاته

وأسعد الله جميع أوقاتكمـــ


آبشركم..
آليوم آتصلت بنت آلجيرآن تقولي :آمي تقول عندكم ليمون؟؟. ..!! تصدقون


منذ متى لم يطرق آحد بآب دآركم قآئلا: عندكم ليمون آو بصل .آو بعضآ من آلهيل؟

في آلفتره آلاخيره
آلعلاقآت هذه فقدنآهآ ..ونسينآهآ.آو تنآسينآهآ
فعلاً لا آذكر متى آخر مره آن وآلدتي قآلت لاحد آخواني. آو آخواتي .. ولا آذكر آحد من آلجيرآن يطلب ..

ربمآ تقولون إن آلناس في هذآلوقت كثر خيرهآ آلحمد لله .. وآصبحت الاموال في آيدي البعض تغطي آلمصاريف
كلام صحيح .. .. لكن آيضآ لم نكن في ذلك آلوقت فقرآء!!.

وأكاد آجزم آن آلحآله آلاقتصآديه كآنت نفسها لمتوسط العوائل .. إن لم تكن أكثر ..وآفضل

سآبقا لم تكن هناك مظاهر آجتماعيه جوآلات وفوآتير الخدمآت العآمه..وآستهلاك عالي للمواد آلغذائيه
والأسعآآآر كانت رخيصة ..و ..و..


آلفرق في نظري إن آلعلاقات آلمتينة الإجتماعية تكاد تنعدم ..
واصبحنا نفضل نشتري على إننا نطلب من الجيران ..
لكن الأشياء آلبسيطة هذه آو حتى مسأله( عندكم ليمون ؟؟) .. لا تأثر .. وتبقي حلقة آلوصل بين الجيرآن قويّة ..


لاآعلم آذآ كنتم ترون معي نفس آلنظره..


وهل هذآ سلبي ؟أ و إيجابي ؟
..
كلنآ نعيش بهذآ آلمجتمع .. ورأي آلجميع مطلوب ..



شكرا لمروركم مقدمآ . .




أختكمـــ

ياقلب لاتحـــــزن

[pinky]

هههههههه(( يحلو موضوعج من عبق التاريخ عندكم بصل آآآآآآآآآآآآه وين ايام اول ضبحنا لبرستيج))

[دلة الرسلان]

الحمدالله احنا حالنا افضل جيرانا أهلنا يعني الحال واحد تشوفين الأغراض تحذف من فوق

الطوفة والسلندرات دحرجة بين البيوت الله لايغير علينا :)

[Taxi]

والله اني عشت الجو وخصوصا يوم يجيك الولد او البنت بملابس عادية وفيها شوية وسخ من لعبهم بالحوش

لا وبعد تسمعون صوت الجهال حذا البيت ويوم تناديه امه : يافلان روح بيت عمتك قماشة وقلها امي تسلم عليج وتقول لج عندكم طماط !!!!

[همي علي قدي]

لا عادي اختي احنا عندنا اللعب على كبير مب بصل وطماط لا يطلبون الخدامه اتساعدهم بعض المرات اذا كان عندهم عشا او مناسبه والجار للجار والرسول عليه الصلاة والسلام وصانا بسابع جار

وشكرا على هالموضوع الحلو

[مصراوية]

الله

فعلا ايام جميلة
احسن من دلوقتي بكتير
كل واحد في حاله وجارك ده ماتعرفيش حتي شكله

لما كنت بشوف المشاهد دي في الافلام المصري القديمة كانت بتعجبني اوي
ولو انهم كانو بيبقو جيران استغلاليين

بس في حياة وعلاقات وترابط
مش زي دلوقتي جارك لو بتموتي

يقول لا احسن لو رحت انقذها يتهموني اني انا اللي عملت فيها كده (( خليني في حالي احسن ))

[ياقلب لاتحزن]

إخواني الأعزاء أسعدتموني وفرحتوني بردودكم الطيبه

عسى الله ان يفرح قلوبكم ويسعدكم على هالردود المتواضعه

كل الشكر لكم إخواني في الله..

(pinky):)

(دلة الرسلان):)

(Taxi):)

(همي على قدي ):)

(مصراويه):)

والله يديم لنا قطـــــروأهل قطــــر ويحفظهم من كل مكروهــ


أختكمـــ

ياقلب لاتحزن

[الوعد2016]

الحمدالله احنا حالنا افضل جيرانا أهلنا يعني الحال واحد تشوفين الأغراض تحذف من فوق

الطوفة والسلندرات دحرجة بين البيوت الله لايغير علينا :)
اهم شي اسلندرات الغاز وقت العشاء العام والكبير صوت الاسلندر على القار رنان

[دلوعه امها]

والله ايام حلوه ذيك الايام اذكر جيرانا كنا نحذف على بعض من فوق الطوفه هههههههزين مافلعنا بعض بالاغراض

[WIFE]

أهلين

أكيد الترابط الاجتماعي و الجيرة الحلوة شي رائع ...بس تكون صح ..يعني الجيران يعرفون بعض عدل و يتبادلون الزيارت و وقت العوزة كلهم يصيرون يد وحدة.....يعني في الحلوة و المرة....و رسولنا الكريم وصانا على سااااابع جار... يالله و احنا الحين تلاقي كثيرييين منا أول جار ما يعرفه أصلا....يطرى علي كان لنا جيران كل يووووووم يطرشون ولدهم ياخذ ليمون و طماط و خس و أشياء كثيرة....لا بعد يهاوش الشغالة انها تجيبه بسرعة بعد ...و تخيلو اني ما قد شفت امه اصلا...يعني ما عندهم شي من أداب الجيرة إلا الأخذ ؟؟؟.......و الحق ينقال شفنا جيران كانو مثل الاهل و أكثر....و كثر الله من أمثالهم
و بعد الواحد ما ينسى نفسه ...يعني تبي جار زين..انت بعد كون جار زين..و الطيور على أشكالها تقع (غالبا)
و لكم التحية

[جير قطر]

عندكم طمام
ههههههههههههههههههههههههههه

[ريال قطري]

يات فتره مب على الخضراء والفواكه او غيره 00 يات فتره الي بيسافر وبيخلي هله في البيت يروح يوصي جاره على بيته وفي الليل يخلون الشباب الاصغار يروحون يباتون عن بيت جيرانهم لين يرجع جارهم بالاخص اذا رايح حج وغيره كنوع من الدعم النفسي وشيل الخوف بالاخص من الي ماعندهم عيال اصبيان اقصد


اما السلندر هذا مشكلته لين الحين

واشكركم على الموضوع

[غناتي1]

الكثير من الاشياء فقدناها مع التقدم الاقتصادي المزعوم

وين لمة الاخوان والاخوات كل خميس في بيت العايلة العود

وين الصحن اللي تطرشه لجارك كل خميس وفيه الميسور من

طبخ البيت

وين صحن الغدا اللي تطرشه لجارك تذوقه غداك وهو يذوقك غداه

و0000 و0000 و0000

[˟ أم علي !]

الحمد لله انا وجيراني عسل ....كل شي من فوق الطوفه ..خخخخ ...حتى عيالنا ...

[بنت المنتدى]

ماشاءالله جيران بيت امي اوكي للحين

عادي تطلب منا سمن او بزار او اي شي قاصرهم ههههههههههه

والله العظيم اني استانس احس صج القلوب نظيفه

[ياقلب لاتحزن]

كل الشكر والتقدير لكم على أرائكم إللي بالفعل أسعدتني ..

وأسعد الله صباحكم جميع بكل خير ومحبه وتقدير وإمتنان لهذا البلد المعطاء ولأهله الطيبين..

(الوعد2016):)

(دلوعه أمها):)

(Wive):)

(جير قطر):)

(ريال قطري):)

(غناتي1):)

(أم علي!):)

(بنت المنتدى):)

ألف شكر لكم مره ثانيه ودمتم بحفظ الله ورعايته..

[نبض الحياه]

هذي العادات يمكن توقفت هنا بالدوحه ولكن مازالت موجوده في بلدان كثيره

[شيخ الشباب]

موضوع مميز . . وياسلام على المحبة والألفة بين الجيران :nice: