من دردشاتي مع زبوناتي

[اهل قطر]

موضوعي اليوم لم افصله عن التجارة
ولكن لم اشاء ان اقف امام رساله وصلتني الاستغراب

الرساله تقول
اختي الفاضله

رايت لك نوع من البسكويت على شكل قلب معلق بكوب الشاي , من اين شريتي القالب

ولا تكتمي مكان شراؤك والا توثمين على كتمه عن الناس .

تصدقون هنا انا استغربت وشو عندي علم شرعي كتمته عن الناس

هذا الا قالب وشريته من خارج الدوحه
عساها ارتاحت
على الاقل قلت لها من وين خارج الدوحه

"""""""""""""""""""""""""""""""""""""""""""""""""""""

ترن ترن ,تلفون يرن
وحده متصله تبغي فطاير شوي , والا عينات

تبغي تعرف الطريقه

الا قلت لها اشتري

قالت لي لا تعرفيين باجيب شغالتي يلا علميها
بادفع لك فلوس

ناس تبغي تشتري كل شيءبالفلوس
لما رفضت ما عجبها تقول بادفع لك افلوس
قلت لها غيري يعلم
قالت بس فطايرك نبغي نتعلمها

يا زين الخلق العالي
ما خبركم يا اهل بلادي كذا

الرزق عند الله

وكم من الناس اشتغل من اجل اسباب اخرى وليس لحاجه للمال

اشكر اهل التعامل الراقي , الذين تعاملت معهم
رجالا ونساءا

وجزاهم الله خير

[biz-qtr]

اي والله يختي صددددددددددددددددددددقتي

فيه ناس للاسف انا ما اعمم اخصص

ما عندهم اسلووووووووووب ولا اتيكيت فالكلام للاسف

والمشكله انهم من هل البلاد

بدال ما يشجعون الوحده القطريه يعاملونها كنها شغاله

الله يوفقج اختي وماعليج الانسان يفرض احترااامه ع الكل

[juliet]

الله يوسع لج باب رزقج حبيبتي

[لاداعي]

ههههههههههههههههههههههه:omg:
ههههههههههههههههههههههه:(
هههههههههههههههههههه:omg:

[ask_and_get]

ما عليج من حد اختي

انا اعرف وايد ناس يعلقون ويغلطون على اللي يشتغلون في بيوتهم

واهم خاطرهم يقلدون بس ما يقدرون ما ينجحون

وسامحيني اذا قلت رايي

[ذيبه مزاجيه]

الله يوفقج ان شاء الله و ما عليج من غيرج فديتج ^_^

[ام المهدي]

السلام عليكم اختي تدرين سبق وحصل لي مثل ما دكرتي لكن ما عليك من هم ولا تزعلي ولا تاخدي على خاطرك لكن لو يدرين ان خادم الناس سيدهم وهد النوعيه من النساء والرجال عندهم مرض هو التكبر
عسا ربي يوفقك ويوفقنا معاك
من اختك ام المهدي
وكل سنه وانت طيبه واهل المنتدى طيبين
وعساكم من عواده:victory:

[لوليتا قطر]

عاادي يالغااالية تعيششين وتشوووفين نااس لاذووق ولا احتراام ولا صدق في الحجوزاات

الله يووفقج

ومااعليج منهم

[لوردغاليري]

ماعليج منهم كلش


بالعكس

كل من ينتقد محتر والله
لانه هو حاول وفشل ومايحب يشوف غيره ناجح


وهو فاشل

وانتي ناجحه يااهل قطر

عسى ربي يوفقج

[اهل قطر]

الله يجزاكم خير , وهالكلام الطيب الصراحه يرفع المعنويات
اصلا انا افخر بكل فرد ما اعتمد على الناس واشتغل وعرف يجيب له مصدر رزق بالحلال
وكان سبب في عمار الكون
اخواني العمل عباده نبتغي بها وجه الله
ورفع الله قدركم , بيض وجوهكم

[الدانه2009]

بالتوفيق أختي وماعليج من حد اهم شي راحتج وممكن رقمج عالخاص

[ام شهد قطر]

الله يعطيج العافيه دايما شغلج مميز وراقي وما عليج منهم

[الوان]

انا في البدايه كنت منحرجه من الشغل من البيت

بس بفضل الله ثم بفضل اختي اهل قطر تشجعت

و الحمد لله بس مكسب مادي .. بل مكسب معنوي

[sos_store]

الله يوفقج يالغاليه

[غناتي1]

اهل قطر اسمعي وطبقي هالمثل 000

طنش 000 تعش 000 تنتعش

[الود4]

مرحبا اختية
الله يوفقج في تجارج
وما عليج بتعيشين وبشوفين
والناس اجناس

[بنت قطر202]

الله يعينج

في ناس مايبون الخير الا حق نفسهم

[تراثكم]

الناس يختلفون في تصرفاتهم وكثير مانواجه من اشكال واصناف
وانا اشوف هالشي دليل على تميزك ياختي
الله يوفقك

[البطرانة]

هههههههههههههههههههههههههههه

حلوة ذي تعالي قولي لي من وين شاريه القالب والا تتأثمين..

على كيفها الشرع تمشيه.. استغفر الله .. حللت وحرمت علي كيفها..

لو كل تاجر قال من وين يشتري اغراضه جان الناس كلها راحت حق المكان نفسه...

والثانية تضحك.. علميني بعطيج فلوس لا وتعصب اذا رفضتي... هههههههههههههههههههه

والله انهم فلم هالثنتين....
ع العموم

حبيبتي مالج خص فيهم.. والله يوفقج انشالله..
وكل انسان فالدنيا له (سر المهنه) وما اظن السر ينقال...

تحياتي..

[أم حمد ومحمد]

رايتج بيضا يا أم حمد
وماعليج ولكل نجاح ضريبه
وربي يوفقج ويرزقج من أوسع ابوابه

[Mi$$ OriGinaL]

اي والله بجيب شغالتي علميها :omg:

شغلج ماعليه كلام .. مع اني اكثر من مره طلبت منج بس ماجات فرصه اجرب شغلج كل اكلمج في الوقت الضايع وتسكرين الطلبات :weeping:

موفقه وماعليج منهم .. هذي ضريبه النجاح :nice: