شركة قطر للتأمين ... حسبنا الله عليهم .

[عضو المنتدى]

ويقولون ليش القطري يتذمر ...

نتذمر من الفوضى والظلم والقهر وعدم المحاسبة من قبل الحكومة

لهذه الشركات إللي بهدلتنا .

شركه قطر للتأمين ميزانيتها أكثر من 30 مليون ريال .

وعلى ذلك لا يوجد سوى فرع واحد هو الفرع الرئيسي في الكورنيش لتجديد التأمين .

فالتأمين عندهم صار أجباري . لا يمكن أن تنتقل لأي شركه تأمين أخرى في حاله أنتهاء

تأمينك إلا بصعوبة .( هذا قرار جديد من شركات التأمين ) .:anger1:

ألغوا كل الفروع إلي كانت لديهم .

والفرع الرئيسي في الكورنيش عدد الموظفين فيها 3 . ولا توجد مواقف وأزدحام شديد

من عمال الشركات . قسم بالله أن أحد موظفيهم قال حتى تنجز معاملتك

لازم تحضر الساعة 4 الفجر لتأخذ رقم . !!!:anger1:

و الأرقام عندهم أتخلص من الساعه ثمان صباحا !!!!

و لا يوجد لديهم فروع فاتحة العصر !!! .

أسئلكم بالله حد يقدر يخلص معاملته عندهم بهذه الطريقة .؟؟؟؟

شفتوا البخل والشح في سياسة هذه الشركة من قلة عدد الفروع وعدد الموظفين

وعدم فتح المكاتب بعد العصر وأجبار العملاء على التأمين عندهم .

أذلال ما بعده أذلال ...حسبنا الله ونعم الوكيل .:anger1::anger1:

[Revamp]

الله المستعان......بجد الواحد يتعب لين يخلص له اي معامله في التامين,,,...وبعدين ما ادري ليش يلزمون الواحد علي التامين من نفس الشركه...هاذي يبيله الهيومن رايتس..والله مالهم حق

[كاتم الاسرار]

مرحباا
قوه اخوي مستثمر الصراحه الله يعينك ويعييينا منهم الصراحه كل يوم قرار وكل يوم شي تدري حق نفسهم الي في بالي والله ما تطول المعامله دقايق بس لنا وفي ديرتنا بعد والمشكله قطر للتامين محق شركه افتكييييييييييت منها عوار الراس

[جوال 11]

شركات التامين أصبحت حكومة تفرض القرارات على الزبائن ولا لها فروع غير الرئيسي حيث لا يوجد التنافس ، أنت مجبور تأمن عندهم ، لابد من قرار حكومي اذا أدارة المرور ما تقدر عليهم لفك هذا الأحتكار من سوق التأمين.

[Bu Rashid]

اذا الكلام الي ينقال صحيح ... هذى هو الاحتكار والتخلف ...

[بوخالد911]

اشوووفه

قمة التخلف

[عضو المنتدى]

اشوووفه

قمة التخلف




تحياتي لمشاركتكم

وفعلا بو خالد قمة في التخلف

ومجلس أدارة الشركه قطر للتأمين يحتاجون إلي تغيير وتبديل لأنها الشركة تحمل أسم قطر .

همهم بس أخر السنة كم حققوا ربح لمصالحهم !!! :anger1:

ما همهم تيسير معاملات الناس والمنافسة .حسبنا الله ونعم الوكيل

[hich]

شركة فاشلة اداريا وسبب النجاح فقط عدم وجود بديل كفوء يوفر نفس الخدمة

[فلفل حار]

الله يعينك ياخوي

احسن من شركة الخليج للتأمين مافي :)

[بن درويش]

الله يعينك ياخوي

احسن من شركة الخليج للتأمين مافي :)

كل واحد بلال اخو عنبر ( هاي احوال شركات التامين بقطر)

[همر]

سبحان الله خذت الموضوع من طرف اصابعي

رحت المرور اجدد تأمين 3 سيارات وعبالي ان فروعهم لين الحين في المرور

عاد ماخذ اجازه وقلت خلني اخلص معاملاتي بنفسي بلا مخلصين بلا كسل

طبعت الطلبات وسألت الزول وين مكاتب التأمين؟!!

قالي مكاتب التأمين تعيش انتا !!! خسرانين 15 مليون السنه الفايتا وقفلوا مكاتبهم...

قلت ان شاء الله دوم...

للأسف طلع عندي تأمينين في قطر للتأمين

قلت للزول بكم تسوي التأمين ؟!!!

قالي السياره بـ100 !!!

قلت له يعني السيارتين بـ 200 ها ها ها ...

قالي ايوه ليش داير تضحك ؟!!

قلت له والله تستعبط... مشوار واحد بتسوي سياره سو الثانيه !!!

قالي بكيفك ببلاش وروح سوي سياراتك...

قلت يااااحبيبيييييييي ... اليوم الثاني الساعه 5 الفجر واقف عند قطر للتأمين

مافي حد ... غريبه... سألت الباسكتاني البواب الساعه كم بطّل؟!!

قالي بكره الساعه 8 اليوم سبت مافي شغل !!!!!!!!!!

أي

زين بكره يجي سيم سيم تايم في نفر واجد؟!!

اوهووووو واجد نفر انتا سوي نماز فجر على تول يجي ممكن حصل نمبر ممكن ماحصل

ممكن خلاص سيم سيم يوم ممكن مافي خلاص !!!!!!!!!!

بذمتكم هذي حاله ؟!!!

هذي دوله متحضره متطوره ؟!!!

العالم شعارهم كستمر فيرست ... وعندنا كستمر لاست !!!

العالم يقولون كستمر إز الوايز رايت... وعندنا اذا مب عاجبك اقبض الباب !!!!

رحت الاسلاميه اسأل... ياخي ابي تأمين اسلامي... قالي شامل نسويلك... ضد الغير مانبي !!!!

طلعت السالفه ان شركات التأمين الثانيه هي اللي ترفض تاخذ الزباين مش العكس !!!!

والله فوضىىىىىىىىىىىىىىىىىىى


الو ... تاج السر... الله يخليك بعطيك 300 وروح سو لي التأمين :weeping: