حد عنده خبر شاللي حاصل ؟؟

[Abu Deeb]

يا اخوان حد عنده خبر عن شي صاير قريب من الهلال لان انا بيتي قريب وسيارات الشرطه والإسعاف ماسكتت من ساعه تقريبا
اللهم اجعله خير يارب

[السديم]

اللهم اجعله خير اي والله ياخوي الاسعاف صوته مستمر من فتره خير ان شاءالله

[ابن قطر]

يارب خير

[Abu Deeb]

لعله خير يارب اللهم احم كل من على هالأرض يارب
فعلا شي مرعب صوت سيارات الإسعاف

[h2004]

رائحة الحريق واصوات سيارات المطافي لها ساعة تقريبا سترك يارب

[مساهم فنان]

سمعت صوت سيارات شرطة أو إسعاف من حوالي نص ساعة واستغربت مرورها في نص الليل.

[bohilal191]

اندلاع حريق كبير في احدى البنايات السكنية وعالم تصارخ وانا كنت موجود بس ماقدرت اعرف شاللي صاير بس صج عفسة

[رأس بروق]

لاحول ولا قوة الا بالله العلي العظيم ياخوي يعني شي غريب بالديرة وشي حولك ليش ماتعرف شاللي حاصل
مانقول الا ان شاء الله مايكون في اضرار بالارواح بهالحريق
والله يحمي ويستر على الجيميع


:eek5:اخوي انت تقول بالهلال والثاني يقول بالمنصوره والثالثه وين :rolleyes2:!!!!

[ابن قطر]

اخونا راس بروق الكل يحاتي لا تلومنا

وبارك الله فيك

[bohilal191]

اللي ساكن في الهلال سمع واللي في المنتزه سمع حوالي 10 سيارات مطافي اضافة الى الدوريات الكثيفة وماتبي تسمع

[Abu Deeb]

اقول حسستني ياخوي ان قاعد بكوكب اخر ان اللي بالهلال مابيسمع شاللي صاير

الله يستر بس

[ابن قطر]

الله يستر

[bohilal191]

اقول حسستني ياخوي ان قاعد بكوكب اخر ان اللي بالهلال مابيسمع شاللي صاير

الله يستر بس

لا يالغالي كلامي موجه حق راس بروق

[Abu Deeb]

لا يالغالي كلامي موجه حق راس بروق

اي يالغالي فاهم عليك كلامي موجه حق راس بروق

فعلا الناس خايفة وتحاتي وهو ولا على باله للأسف ويقولك اشاعات

[qatar.up]

انا كنت بالموقع هو بالمنصورة بالضبط قريب المبنى العود عند الإشارات

وهو حريق كبير في عمارة اعتقد انها جديدة

[bohilal191]

اللي قدرت اشوفه ان الحريق في المواقف تحت البناية والدليل ان المطافي تحاول تشيل السيارات

[هجمة مرتدة]

:eek5:اخوي انت تقول بالهلال والثاني يقول بالمنصوره والثالثه وين :rolleyes2:!!!!


وخير يا طير واحد قال الهلال والثاني قال المنصورة

لب الموضوع هو الحريق.. مو مكان الحريق...

ونريد معرفة ما إن كانت هناك إصابات أم لا

[theeb_qatar]

انا في هلال العــلي ....
ماسمعت شي ... !!

[bohilal191]

بصراحة سيارات الاسعاف موجوده بكثرة في الموقع

[لاداعي]

الله يستر

[دانـة قطـر]

يعني تهقون العماره فيها سكان؟ :eek5:

الله يستر

[bohilal191]

فيها والدليل السيارات الموجوده في المواقف ،،،ناس تصرخ

[Abu Deeb]

فيها والدليل السيارات الموجوده في المواقف ،،،ناس تصرخ

الله يرحمهم وان شاء الله مايكون في اصابات يارب

[رأس بروق]

وخير يا طير واحد قال الهلال والثاني قال المنصورة

لب الموضوع هو الحريق.. مو مكان الحريق...

ونريد معرفة ما إن كانت هناك إصابات أم لا

انطرهم عند مستشفى حمد وكتبها لنا باجر علشان الكل يعرف كم اصابات ومرى وحده نسخه حق الصحف ..ناس طماشه :waiting:

[bohilal191]

بس لاحظت ان ماعندنا سلالم طويلة توصل للطوابق العليا والمفروض من صاحب البناية عمل سلم للطوارئ من خارج البناية انتوا معاي في هالشي

[دانـة قطـر]

هاه وش أخر الاخبار؟ :(

[Abu Deeb]

بس لاحظت ان ماعندنا سلالم طويلة توصل للطوابق العليا والمفروض من صاحب البناية عمل سلم للطوارئ من خارج البناية انتوا معاي في هالشي

نعم ياخوي من المفروض يكون بالمخططات الهندسية لأي مشروع مخططات الطوارئ والسلامه

[bohilal191]

نعم ياخوي من المفروض يكون بالمخططات الهندسية لأي مشروع مخططات الطوارئ والسلامه


تعال يا راس بروق شوف اندلاع الحريق خلانا نفتح سالفة متطلبات الطوارئ اللي مش موجوده

[Abu Deeb]

تعال يا راس بروق شوف اندلاع الحريق خلانا نفتح سالفة متطلبات الطوارئ اللي مش موجوده

نعم اخي اعتقد هي موجوده بالابراج وغير موجوده بالعمارات السكنيه او لا يتم الاهتمام لها بشكل جدي
من المفروض يكزن في جهه رقابيه من الدوله للتأكد من سلامة المباني السكنيه والمكتبيه

وتزويد كل المباني السكني بأنظمة مراقبة الحريق لان ارواح الناس مش لعبة

[دانـة قطـر]

وبعدين :waiting:

حد يقول لنا شصار؟

لين ألحين فيه صراخ وحريق :(

[bohilal191]

عني انا ماعندي غير اللي قلته لأني تركت المكان

[Abu Deeb]

والله ماعندي خبر ان شاء الله مافي شي ويكون الامر مجرد حريق بالمبنى ومايكون في خساير بالارواح اوإصابات

[bohilal191]

والله ماعندي خبر ان شاء الله مافي شي ويكون الامر مجرد حريق بالمبنى ومايكون في خساير بالارواح اوإصابات


ان شاء الله يارب،،،،وبكره بنشوف الجرايد ونعرف

[دانـة قطـر]

ما اعتقد بيطلعونه في جرايد اليوم لإنه أصلاً يطبعونها ويوزعونها بعد نص الليل فما يمدي لهم يكتبون الخبر :(

[هجمة مرتدة]

انطرهم عند مستشفى حمد وكتبها لنا باجر علشان الكل يعرف كم اصابات ومرى وحده نسخه حق الصحف ..ناس طماشه :waiting:

مهيب طماشة
وان كان قلبك ميت فاحنا نخاف على عيال البلاد

روح انت خلك في مكان الحريق
وخل قلوبنا تحترق على عيال البلاد إن كان صار فيهم شي

بالفعل رد ينم عن عدم حرصك على غيرك... وخل يالله نفسي ينفعك!!!

[!قطريـة بنت القمـر!]

شسالفه طمنونا ؟؟؟ :eek5: ....

[بورصواوي]

شسالفه؟

[مرحوم قطر]

الله يستر

انا قبل ساعه كنت قريب من المنصوره ماشفت شي


المشكله مادري من الي مناوب اليوم في لخويا ولا كان اتصلت

[hxamad]

ايه والله امس اسعاف وشرطه وبلااوي

بس ماادري شسالفه ..!!

ان شاء الله بس مافي اصابات يارب

[tariq ali]

الحريق في عماره خلف مبنى البيئة سابقا
السكان كانوا بيحالوا ينزلوا بواسطة الشراشف من الطابق الثاني ومتعلقين فيها
سمعت انه في 2 توفوا رحمهم الله

[قطري vip]

صحيح الوفيات انا سمعت بس واحد والثاني حالته كانت خطيره وهم من الجاليه الهنديه الحريق كان تحت بس الخوف خلاهم يطبون من فوق

[نبض الحياه]

قبل شوي يعني من ساعه سمعنا سيارات الاسعاف والمطافي

يارب سترك وعفوك

[Delete]

راعي العمارة ماجر مواقف السيارة الي تحت العمارة مستودع لجمعية الميرة

وشتعل الحريق داخل المستودع ومن ثم انتقل الى العمارة

وعدد الوفيات واحد والثاني في غرفة الانعاش

[هجمة مرتدة]

لا حول ولا قوة إلا الله

الله يرحم المتوفي ويسكنه فسيح جناته

ويلطف بحال المريض.. ويشافيه ويهون عليه

-------------------------

للأسف جهالة بعض الردود أمثال هذا العضو http://www.qatarshares.com/vb/showpost.php?p=3452137&postcount=24

ينزل من قيمة الروح البشرية في الدوحة بالاستهزاء بمصائب كبيرة كالحريق والاصابات وما الى ذلك!!!

مانقول إلا الله يعينكم على نفسكم... ويلهيكم بنفسكم..

[Abu Deeb]

إنا لله وإنا إليه راجعون
الله يرحم المتوفين ويعين المصابين

وهذا الحريق كان يومالثلاثاء 2/12 في منتصف الليل علشان مايعتقد أحد أنه اليوم

والله يحمي الجميع ويبعد عن كل مسلم وانسان شر الحرائق

ويحفظنا جميعا يارب العالمين

وفعلا ياريت يكون هناك وعي من بعض الأخوة والأنتباه على ردودهم على بعض في حالات الطوارئ

أطلب فقط من ادارة المنتدى تغلق هذا الموضوع