وعادت شجره الكريسماس في المجمعات ؟؟؟؟؟

[بو عبدالرحمن السهم]

لاحول ولاقوه الا بالله

اليوم كنت في فيلاجيو وشفت حاطين شجره الكريسماس لا وهالسنه بعد مكبرينها ...والقهر

ان ان عيال العرب هم اللي مستانسين عليها اكثر ويتصورون عندها .. وهذا غير اغاني

الكريسماس في المحلات ؟؟؟؟؟؟ ليشششش

ليش يحاولون يزرعون في عيالنا الفرحه بالكريسماس والهالوين وغيرهم والتزيين

ويحببونهم في هالشي !!!! ليش صارت الاحتفالات الحلوه والتزين بس مقتصره على اعياد غير

المسلمين

احنا في بلد مسسسسلم وين الفرحه بأعيادنا وين تكبيرات العيد اللي المفروض الواحد

يسمعها ويكبر وياها من اول يوم من ذي الحجه .... بس للأ سف ماشفت ولا شي بسسسسيط

يذكر ويبين للواحد انه في هذه الايام المباركه من ذي الحجه التي اقسم الله تعالى بها لعظمتها ((والفجر وليال عشر ))

ولكن للأسف اللي حاصل الحين الاحتفالات والتزيين بس للهالويين والكريسماس وراس

السنه .
والواحد ما يقول غير.......... حسبي الله ونعم الوكيل ..ولا حول ولا قوه الابالله الله اكبر الله اكبر الله اكبر لاإله إلا الله

الله اكبر الله اكبر الله اكبر ولله الحمد

[Abu Deeb]

لا وازيدك من الشعر بيت الكارفور اليوم موزعين بروشرات على البيوت بعروض على شجرة الكريسمس
للي يبي يشتري
مانقول الا حسبنا الله ونعم الوكيل

[الايرباص320]

استغفر الله العلي العضيم والله الواحد مايقدر يقول غير

حسبي الله ونعم الوكيل

[bohilal191]

لاتعليق ،،

[عالي مستواة]

كنايس انتفتحت

جات على شجره الكريسماس

[الخارجية]

الله كريم .. الحكومة تبغي جذي .. والله سبحان ما يبغي جذي .. الله كريم

[بوعلي2]

لا حول ولا قوة الا بالله

[الألماسي]

امـس دخلــت من بوابـه " فيرجن " و سمعت التهليــل و التكبيـر بالسماعات استبشرت خير صراحه و قلت سبحـان الله طلعنـا ظالمينهم . .

رحت صوب النهـر اللـي قبل " جهه المطاعم " الا ذيـك الشــجره اللـي تشق الوجـه . .

بكل بساطه المعادله الرياضيّه لهـ المنظـر :

تهليــل و تكبيــر + شجـره كريسمس = تقــارب الديانـات :secret:

[مايهمني]

اي والله وكل في صووب وشجره الي واصله لين السقف في فيلاجيو حسبي الله عليهم ان شاء الله طيح على راس الي حطهااا

بس في سوق الجبر كانو حاطين التكبير وتهليل والله شي يطيب الخاطر

الله يعطيك العافيه اخوي

[@فهد@]

اخي عبدالرحمن مثل هالامور لها نتائج علي المدي البعيد غير المدي القريب

الطفل الي يشوووف هالاشجار ترتبط لديه بالاعياد والافراح لذلك عندما يكبر تجده ترتبط لديه بسنوات الصغر وتجده يميل اليها ولا يجد في ذلك اي حرج انت وانا الحين ليه نستهجن هالشي لانه اولا مخالف لديننا ولانه ماتربينا نشوف مثل هالامور في بلادنا وفي بلاد الاسلام وقطر دولة اسلام وبلد محافظ واهله محافظين علي اختلاف مشاربهم

طبعا الاكيد سوف تكون هناك حفلات لاعياد الميلاد وزي ماذكرتوا السنه الشجره اكبر من العام

اذا السنه القادمه بنشوووف نخيل مو شجره

للاسف هناك تراخي في امور الدين لذلك اذا عرف السبب بطل العجب

ماتحسوون ان المسلم صار غريب

سبحان الله وبحمده استغفرك ربي واتوب اليك

[˟ أم علي !]

والواحد ما يقول غير.......... حسبي الله ونعم الوكيل ..ولا حول ولا قوه الابالله الله اكبر الله اكبر الله اكبر لاإله إلا الله

الله اكبر الله اكبر الله اكبر ولله الحمد

[بو الجوري]

حسبي الله ونعم الوكيل ..

حتى فاللاند أمس .. فـ Bhs حاطين شجرة وأغاني كرسمس . . . :anger1:

عمري ماشفت اعلانات ودعايات حق عيد الاضحى !!!

عيد الفطر يحطونه عشان اشياء تجارية مب لسواد عيونا :anger1:


الشرهه مب عليهم .. الشرهه على راعي المحل والمكان :secret:

وبهالمناسبه امس وحده تقولي ان عندهم في مدرسة ابتدائية مستقله 4 معلمات بوذيات !!!

وكل ملازم الاولاد اللي يستلمونها منهم عليها كرسمس وخنزير وبابا نويل !!!

كفايه انهم بوذيات .. يعني خلصو المدرسات المسلمات !!!!!!!:anger1:

وبعدين يقولون عيالنا شعرفهم بهالسوالف ؟ ؟ ؟

تقبلوا تحياتي ومروري وتعليقي

[˟ أم علي !]

اخي عبدالرحمن مثل هالامور لها نتائج علي المدي البعيد غير المدي القريب

الطفل الي يشوووف هالاشجار ترتبط لديه بالاعياد والافراح لذلك عندما يكبر تجده ترتبط لديه بسنوات الصغر وتجده يميل اليها ولا يجد في ذلك اي حرج انت وانا الحين ليه نستهجن هالشي لانه اولا مخالف لديننا ولانه ماتربينا نشوف مثل هالامور في بلادنا وفي بلاد الاسلام وقطر دولة اسلام وبلد محافظ واهله محافظين علي اختلاف مشاربهم

طبعا الاكيد سوف تكون هناك حفلات لاعياد الميلاد وزي ماذكرتوا السنه الشجره اكبر من العام

اذا السنه القادمه بنشوووف نخيل مو شجره

للاسف هناك تراخي في امور الدين لذلك اذا عرف السبب بطل العجب

ماتحسوون ان المسلم صار غريب

سبحان الله وبحمده استغفرك ربي واتوب اليك

والله انك صادق اخوووي ......

[الجوري]

حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل

[بنت المنتدى]

كنايس انتفتحت

جات على شجره الكريسماس




اي والله انك صادق

[هدوء الصباح]

هناك هجمة تنصيرية تبشيرية شرسة..ونحن نتفرج ..الخطر ليس علينا وانما على ابنائنا...

اللهم احفظ الاسلام والمسلمين...

[مداوي القلوب]

http://up.7cc.com/upfiles/cLK97515.jpg (http://up.7cc.com/)

[بــو فهــد]

انا ماقول الا ححسبي الله ونعم الوكيل على اصحاب هالمجمعات اللي راضيين باللي يصير

[a.a.a.qatar]

الموضوع الي تتكلمون عنه صار واقع نعيشه بس اللوم مش على المجمعات والناس اصحاب الديانه الي يحتفلون بـ هالعيد اللوم علينا احنا لما نشاركهم بـ هالشي امس في كارفور وحده ما شاء الله على تدينها حجاب ونقاب وقفاز معاها ثنتين من بناتها قاعده تشتري لهم العاب بابا نويل واشجار الكريسماس الصغار عشان توزعهم على اليهال في المدرسه وعلى المدرسات صار بيني وبينها نقاش قلت لها روحي اسواق الدوحه الشعبية بتحصلين امور تخص الديرة اهني وتخص العيد "عيد الاضحى" تقدرين توزعين هالشي عليهم احسن من بابا زفت وهالشجره .... الا تقولي لا ياختج ما اقدر بعدين يقولون عن بناتي متخلفات يوزعون هالاشياء .... استغربت من ردها قلت لها وين التخلف ... وبعدين سوري على كلامي لج الي يشوف شكلج ما يسمع كلامج وين حجابج وين نقابج قفازج كل هالأشياء ما تقنعج ان هالشي حرام ... قالت لي شنسوي نواكب العصر الحكومه تبي جذي قلت لها فديتج الحكومه يوم فتحت المجال فتحت المجال الثاني وما اجبرت الناس تسوي شي ما تبيه هم احرار يختارون الزين والا الشين مب كل ما شفنا شي مب زين في الديره قلنا الحكومه تبي جذي ليش الحكومه نهت تحتفلون بعيدنا والا الحكومه نهت تلتزمون بتعاليم دينا ... المهم ما طولت معاها كل الي قلته لها انتي حره وانا اسفه على تدخلي ورحت عنها ...
بس سؤالي يا ناس لمتى بنظل احنا نلوم الحكومه ونقول الحكومه هي الي سوت وقالت وحطت ليش ما نشوف الجانب الثاني من حرية القرار الي كفلته لنا الحكومه .... اتصور اجاباتنا مره ثانيه تحتاج للتفكير عشان نحط الجواب في مكانه المناسب صح؟؟؟
واسفه على ازعاجكم

[بو عبدالرحمن السهم]

والله انه معاكم حق جميعآ والله يحفظ عيالنا من هالهجمات التنصيريه التي تتبع سياسه المدى البعيد......

واليوم ولدي جايب لي من المدرسه بروشر عن احتفالات اعياد الكريسماس في الرويال بلازا موزعينهم على

المدرسه مواعيد وبرامج الاحتفال .. حسبي الله عليهم وصلت لين المدارس

[عضو المنتدى]

هذه مب سياسة الأنفتاح .

هذه سياسة المسخ ..

مسخ كل ما هو أسلامي

التعليم صار بالأنجلينزي

والقيم والعادات الأسلامية تم محاربتها في وسائل ألأعلام وحل محلها القيم والعادات الغربية .

و الأحتفالات الأسلامية ألغتها المراكز التجارية وحلت بدلا منها الأحتفالات المسيحية .

الكل يؤدي دورة لمسخنا ما بقت إلا المساجد .

حسبنا الله ونعم الوكيل .

[بنQATARت]

يقول صلى الله عليه وسلم : (( من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا )) ....

[shmokh]

بصراحة انا اكثر ما اضحكني وبنفس الوقت أأسافني هو الاعلان اللي في الوسيط ايام رمضان بمناسبة القرنقعوه

محل حلويات عارض شغله جديدة وهي شجرة القرنقعوه وهي عبارة عن شجرة الكريسميس وحاط فيها قرنقعوه

[شاهيناز]

كل سنه نشتكي من شجره الكريسماس
والاحتفالات المسيحيه المجبرين عليها

الاحتفالات لها تاثير على الاطفال المنبهرين بالشجره والاغاني ووالهدايا

تبشير علني واحنا مانسوي شئ غير الشكوى

ليش مانكتب رساله احتجاج للمجمعات موقعه من نسبه كبيره من القطريين

ليش مانطلب ماقاطعه المجمع

حتى لو ايام محدوده حتى يعرفون انا مب راضين ولنا كلمه
لازم ينفذونها

ولا يدرون مسلسمين يشترون من عندهم

لازم يكون لنا دور غير الشكوى

[نبض الحياه]

حسبي الله ونعم لوكيل

يا جماعة الخير مب تقولون هذي بلادكم وان العرب اقصد الاجانب العرب جاءوا وخربوا البلاد وين النخوه القريه ما اشوفها اشوف بس السب والشتم وين الروح القطريه مب هذي بلدكم ياالله دافعوا عنها من هذي الخرابيط ليش ما واحد فيكم رح وشل الشجره او عمل شي يدل على الاستنكار لا الكلام سهل ووضع الاخطاء على الغير اسهل ويوم الفعل تسكتون ولا تقولون غير يا الله سترك الساكت عن الحق شيطان اخرس

ولا تخافون يشلون عنكم الماركات في الديره يوم ما تعملون عمل ضد مصالح الصليبيين

اصحوا اصحوا اصحوا الدفاع عن الدين فعل مب رمي المسبات على الناس فقط

[هدوء الصباح]

حسبي الله ونعم الوكيل,,ولدي عمرة سنة شدته امس شجرة الكريسماس الى في فيلاجيو...

قهر..قهر..
فبدلا من المظاهر الاسلامية في هذه الليالي الفضيلة نجد شجرة الكريسمس..!!!

وانا اعرف جيدا انه في البلاد التى قسم من مواطنيها مسيحيين لا تنتشر مظاهر الاحتفالات هذه الا في مناطق سكنهم واحيائهم..

فلا نجده مثلا في الاسواق والشوارع العامة..فلماذا هذه المظاهر هنا وليس هناك اصلا سكان اصليون مسيحيون!!!

[الجافي]

من يوم احنا اصغار انشوف شجرة كريسمس والتزينات والديكورات
تعودنا او بالاصح تعودت واحس ابوناسة لما اشوف هالتزيين احس الجو حلو
واسمحولي العرب موب فالحين ابشي غير الحجي والقيل والقال
ماشوف اصحاب المحلات اللي اصحابها خليجين او عرب ايسون اي شي لأعيادنا فخلوا الناس تستانس وانتوا استانسوا، وبعدين يات على كريسمس خلوها على الله
اهم شي التربية الصالحة ربوا عيالكم عدل والله المستعان على كل شي

[هدوء الصباح]

من يوم احنا اصغار انشوف شجرة كريسمس والتزينات والديكورات
تعودنا او بالاصح تعودت واحس ابوناسة لما اشوف هالتزيين احس الجو حلو
واسمحولي العرب موب فالحين ابشي غير الحجي والقيل والقال
ماشوف اصحاب المحلات اللي اصحابها خليجين او عرب ايسون اي شي لأعيادنا فخلوا الناس تستانس وانتوا استانسوا، وبعدين يات على كريسمس خلوها على الله
اهم شي التربية الصالحة ربوا عيالكم عدل والله المستعان على كل شي

هذه اول خطوات النجاح في تخطيطهم التبشيري..

التعود ثم الوناسة ثم الانحراف عن الدين..
التربية الصالحة وحدها لا تكفي فالطفل يثأثر ببيئته ومجتمعه

[الجنوبي 11]

ليش ما تقاطعون هذي المجمعات ،امنعوا عيالكم وبناتكم عن التبضع فيها ،خلوا اصحاب المجمعات يحسون ان سبب عدم تبضعكم هو ما يجري من عادات غير مسنحبه لمجتمعنا

[سنافي قطر]

ليش ما تقاطعون هذي المجمعات ،امنعوا عيالكم وبناتكم عن التبضع فيها ،خلوا اصحاب المجمعات يحسون ان سبب عدم تبضعكم هو ما يجري من عادات غير مسنحبه لمجتمعنا


للأسف هذا المستحيل بعينه

كم بيت بيمنع عياله ؟؟؟

[nor85]

الانفتاح

[الامل القديم]

حسبي الله ونعم الوكيل

المشكله اخوي مو بس نفطع اطفالنا عن المجمعات المشكله هناك عائلات قطريه والجاليات الاخرى المسلمين يحتفلوا بهذا العيد داخل بيوتهم وهذا للاسف واقع نعيشه ولا يمكن انكاره والجميع يعرف هذا الشيئ

اننا كعرب الاسلام نحتفل بهذا العيد مثلهم اذكر اني السنه الي طافت دعيت الى منزل عائله خليجيه على العشاء وكانوا واضعين الشجره في منتصف البيت واغلب المعزومين عرب مسلمين مع الاسف سلمت على الاصدقاء بالضبط 10دقائق ثم خرجت من المنزل وانا مستغربه الوضع

[غزلان]

حسبي الله ونعم الوكيل
مع ان اختى هاوشتهم في محل من المحلات المحتفله بس مافي فايده

[tajirqatari]

شلون ماتبونهم يحطون هالشجر في المجمعات والاداره كلها اجنبيه
خلوها على الله بس
ولاحول ولاقوة الا بالله

[الطيبة كلها]

لاحول ولا قوة الا بالله وين الاوقاف ورجال الدين سؤال محيرني وين وزير الاوقاف نفسه

[+abc]

الكريسماس مظاهره نشوفها من قبل الكريسماس بشهر ويمكن اكثر


والعيد يمر ويجي العيد الثاني ماشفناله اي مظهر في المجمعات
الا بعض المحلات تكتب عيدك مبارك وبس


لاحول ولاقوة الا بالله العلي العظيم

انا لله وانا اليه راجعون

[مستثمره جديده]

اليوم وحده من المدرسات تقول لنا سالفة ولدها والصراحه عورني قلبي يوم سمعتها ..

تقول ان ولدها اللي في الصف الرابع يقول لها يمه يصير اصير مسيحي بس في شهر 12 :omg: قالت له لا طبعا بس ليش تسأل .. تعرفون اشقال لها :(

قال لها ان مدرستهم ( المسيحيه ) خذت اسماء الطلاب المسيحيين بس علشان بابا نويل
بيجيب لهم هدايا ليلة الكريسماس وبيلقونها ثاني يوم في ادراجهم :secret:

وطبعا الولد اغرته كلمة هديه وخاطره ياخذ مثلهم :(

حسبي الله على اللي كان السبب وعلى اللي سمح لهالخمه انهم يتولون تدريس عيالنا ..

[شيخ الشباب]

اليوم وحده من المدرسات تقول لنا سالفة ولدها والصراحه عورني قلبي يوم سمعتها ..

تقول ان ولدها اللي في الصف الرابع يقول لها يمه يصير اصير مسيحي بس في شهر 12 :omg: قالت له لا طبعا بس ليش تسأل .. تعرفون اشقال لها :(

قال لها ان مدرستهم ( المسيحيه ) خذت اسماء الطلاب المسيحيين بس علشان بابا نويل
بيجيب لهم هدايا ليلة الكريسماس وبيلقونها ثاني يوم في ادراجهم :secret:

وطبعا الولد اغرته كلمة هديه وخاطره ياخذ مثلهم :(

حسبي الله على اللي كان السبب وعلى اللي سمح لهالخمه انهم يتولون تدريس عيالنا ..


:eek5::eek5::eek5:

[الـجـنـاحـي]

الواحد يقول:
حسبي الله لا الة الا هو علية توكلت وهو رب العرش العظيم.
استغفرك من كل ذنب واتوب اليك.

[المفكــر]

الله يحفظ الجيل القادم من ها السخافات

[dell]

اليوم وحده من المدرسات تقول لنا سالفة ولدها والصراحه عورني قلبي يوم سمعتها ..

تقول ان ولدها اللي في الصف الرابع يقول لها يمه يصير اصير مسيحي بس في شهر 12 :omg: قالت له لا طبعا بس ليش تسأل .. تعرفون اشقال لها :(

قال لها ان مدرستهم ( المسيحيه ) خذت اسماء الطلاب المسيحيين بس علشان بابا نويل
بيجيب لهم هدايا ليلة الكريسماس وبيلقونها ثاني يوم في ادراجهم :secret:

وطبعا الولد اغرته كلمة هديه وخاطره ياخذ مثلهم :(

حسبي الله على اللي كان السبب وعلى اللي سمح لهالخمه انهم يتولون تدريس عيالنا ..

هذه المفروض تبلغ عن هالمدرسه لان هذا نوع من التبشير للمسيحيه

لاحول ولا قوه الا بالله اللهم عز الاسلام والمسلمين

[بوحارب]

شجرة كرسمس ولا كنيسه نفس الشي

اهم شي النيه <<<< اشدخل النية فالسالفه

عالعموم العتب على المسؤولين اللي اسمحوا بهالشي ^ ــ ^

[hxamad]

الحمدالله والشكر شفيكم يقولون عندنا حريه الله يعينه عليها وعلى الجاي

بعدين مستثمره اي مدرسه اللي تقولين عنها =|

مستقله ولا خاصه ولاشسالفه ..؟؟

وين المسؤولين الحمدالله والله بطة جبد

بكرا ليه كبرت بنتي ام اربع شهور وين اوديها :weeping:

لاحول ولاقوة الابالله :weeping: