حسبي الله ونعم الوكيل اليوم كلمني الساحر الي تقولون عنه

[ام الحلوين]

السلام عليكم ورحمة الله وبركاته
ياخواتي واخواني وربي اني تروعت

رن تلفوني الساعه 6:48 الصباح
الا هذا الي يقولي عندي رساله لك وكلامه عربي مكسر
قلت له عموما انا مشغوله الحين ولا سمعت منه شي
قالي حطي في بالك الرساله لازم تسمعينها:(
واسكر بوجهه
اعوذ بالله منه
اشششششششششششششششششششششششهد اني ارتعت

[مليت]

ولا يهمج هو اهم شي عنده اتوترين عشان تسمعينه في المكالمه الثانيه خليه يولي

كم فتح الخط الي طلع عندج

[الـمـحـنـك]

لا لا اختي هههههههههههههههه لا تخافين ولا شئ الموضوع بسيط جدا


هذا مش ساحر ولاهم يحزنون هذا شخص كذاب يبي يستغلك لا اقل ولا اكثر ولاتقلقي ليس منه ضرر ابدا


هذا لايهش ولاينش انما يريد ان يكذب عليك ِ ويقول انه قادر ان يساعدك وتدفعين له فلوس وياخذ الفلوس ويشرد


نصاب ماعليك منه اختي الكريمه ولاتخافين ولا شي خذي الكلام مليون في الميه :nice: :nice: :nice:

[ام الحلوين]

الله يجزيكم الف خير وربي اني من الروع قلت الاذكار وقلت كل شي حافظته هههههههههههههه
اخوي مليت +22177
حسسسسسسسسسبي الله عليه وش يبي بي

[الخفي]

اول مايكلمك ويقول الوه انا محمد . . . على طول ابدا في قراءه ايه الكرسي

شرط ماتسمع الا طوط طوط وبتشوفه سكر التلفون ولا مكلمك مره ثانيه

[ام الحلوين]

اول مايكلمك ويقول الوه انا محمد . . . على طول ابدا في قراءه ايه الكرسي

شرط ماتسمع الا طوط طوط وبتشوفه سكر التلفون ولا مكلمك مره ثانيه

حسبي الله عليه وجزاك الله الف خير على التذكير

[خالي مشاعر]

اخر مره اتصل على جوال واحد من الشباب
انا رديت عليه وعلى طول قلت له لقد رأيتك في المنام وانك مسحور ويجب ان تذبح بقره وترسلي المبلغ

قعد يضحك وسكر

[غناتي1]

بسم الله عليج من الروعه

الله يحفظج ويحفظنا يا رب

[style]

طرق النصب كثيرة لاتعد ولا تحصى...ولكن انا عندي طريقة علمني اياها واحد من الربع الطريقة هي:
اول مايتصل وتردين علية قولي لة لحظة لحظة خلك عالخط دقيقتين لاتسكر ابيك ضروري وخلية يرن شوي اكيد بيسكر التلفون ..اذا اتصل مرة ثانية قولي لة ماقلت لك لاتسكر ابيك ضروري ضروري اصبر دقيقة وحدة وعينك وماتشوف الا النور خلية يرن مرة ثانية عالخط ..اذا اتصل مرة ثالثة ( مااعتقد يتصل لانة بيعرف انك مب سهلة)

شكرا

[بوعلي2]

لو انا منج اول مافتح الخط باقول له الووو الووو ماسمعك كرر كرر شتقول وهو يقول الووو وانا اقول الووو باسوي نفسي ماسمعه واذا اتصل مره ثانيه بارد عليه باقول له الووو الوو كررر من متصل الوووووووو باحرق قلبه باخليه يخسر رصيده :tooth:
ولاضن انه بيتصل مره ثانيه هههههههههههههههههه

[الخارجية]

ام الحلوين صباح الخير ،،،
تبغين ترتاحين من هذا السوالف ؟أي رقم قريب خارجي أو داخلي لا تردين عليه والله راح ترتاحين ، بس طبع الانسان فضولي

[بوعيسى]

السلام عليكم


انا عملت فيهم مقلب

اتصلت في الشيخ محمد على ( وهو من السنقال ) وهو واحد من النصابين

وقالت لة ياشيخ ( انا حلمت فيك انك منقلب حمار ( اعزكم الله ) وانة مجموعة من السنجاليين راكبين على ظهرك
وش تفسير ذلك

بدا يسبني ويهددني ويقول ( سوف ترى مشكلة كبيرة )

وانا اضحك علية

لاتخافين يا اختي ذول نصابين وماعندهم شي

ولا تتصلين عليهم

لانة يستغلون ضعفاء الانفس وياخذون منهم فلوس

[ام الحلوين]

بسم الله عليج من الروعه

الله يحفظج ويحفظنا يا رب


جزاك الله خير اختي الغاليه

[ام الحلوين]

خالي المشاعر
style2
rfee3 alshn
الخارجيه
بوعيسى اشكركم ع الرد

[الخارجية]

خالي المشاعر
style2
rfee3 alshn
الخارجيه
بوعيسى اشكركم ع الرد
ــــــــــــــــــــــــــــــــــــــــــــــــــ ـــــــــــــــــــــــــــ
لا شكر على واجب يا ام الحلوين:shy:

[مرت محمد]

وانا شلي يخليني ارد على مكالمه خارجيه ماعرف اصلا فيها احد

[المرحب]

أختنـــــا


ام الحلوين

بسم الله على الجميع من هالاشكال وربي يحفظنا وياكم منهم !!!


انا مسافر خارج الدوحه وتجيني اتصالات بدون رقم !!!


تعتقدون منه الاتصالات ؟






تحيـــــــــــاتي ...

[الطيبة كلها]

اتصل فيني واحد من برع وقال ان الشيخ فلان حلم ان ناس عاملين عمل لج وهو بيكلمج بس حطي فلوس بالحساب التالي قلت مالت عليك وعلى شيخك الجذاب انتو ماتخافون الله الناس كلهم يعرفونكم ويعرفون طريقه النصب مالكم ماتستحون قال لا مب احنا والشيخ بيفتح العمل لك قلت خاف الله يا الجذاب وانطم وسكر وياويلك اذا اتصلت مرة ثانية يا الخايس سكر ولا اتصل مرة ثانيه

[ام الحلوين]

انا والله كان ودي ارد لكن الروع ذبحني وسكرت بوجهه

[المركزي]

حسبي الله ونعم الوكيل

[وطن]

هاهاهاهاهاها
لا تخافين
أنا مره كلمته خذت الموضوع بطنازه
يقول لي صليت لج استخاره
قلت له وليش تصلي لي
أنا قلت لك تصلي لي ؟؟
اخر جمله قلتها له مو حرام اللي تسويه الله بيوديك جهنم

مادري شلون طلعت جهنم هاهاهاهاها
اقوى كلمة
فهمها على طووووووول

وقال مع السلامة
مع السلامة
وسكر

بس لازالت تجيني الاتصالات ولا ارد

[hich]

دق على أمس ودعيته الى التوبه وذكرته بعذاب النار والحساب المهم بعد دقيقه سكر أتصلت عليه انا وذكرته بعقاب السحر و ان هناك حساب عظيم

المهم صار يسكر في وجهي

هدانا وهداهم الله

[شيزكيك]

وي ياختي ليش تردين عليهم انا كانت تييني وايد اتصالات منهم وتصلت حق كيوتل ابي

اعرف قتح الخط حق اي دوله وقالوا لي غانا يا مال الويعه ولا قالوا لي لتردين عليهم


واذكر وحده من ربعي ردت وخواتها خرعوها وتمت توسوس

[ام الحلوين]

هاهاهاهاهاها
لا تخافين
أنا مره كلمته خذت الموضوع بطنازه
يقول لي صليت لج استخاره
قلت له وليش تصلي لي
أنا قلت لك تصلي لي ؟؟
اخر جمله قلتها له مو حرام اللي تسويه الله بيوديك جهنم

مادري شلون طلعت جهنم هاهاهاهاها
اقوى كلمة
فهمها على طووووووول

وقال مع السلامة
مع السلامة
وسكر

بس لازالت تجيني الاتصالات ولا ارد

احلى شي جهنم هههههههههههههههههه
تقولي وحده من بناتنا كلمها وقالها السحر محطوط لك في فم بقره (اعزكم الله) مربوطه عند المسجد الي جنب بيتكم
قالت له ماعندنا بقر ينربطون عند المساجد هههههههههههههههههههههههه

[ام الحلوين]

دق على أمس ودعيته الى التوبه وذكرته بعذاب النار والحساب المهم بعد دقيقه سكر أتصلت عليه انا وذكرته بعقاب السحر و ان هناك حساب عظيم

المهم صار يسكر في وجهي

هدانا وهداهم الله


امين يارب العالمين ويبعدهم عنا

[ام الحلوين]

وي ياختي ليش تردين عليهم انا كانت تييني وايد اتصالات منهم وتصلت حق كيوتل ابي

اعرف قتح الخط حق اي دوله وقالوا لي غانا يا مال الويعه ولا قالوا لي لتردين عليهم


واذكر وحده من ربعي ردت وخواتها خرعوها وتمت توسوس


اختي والله مدري شفت رقم غريب ورديت
اشهد اني وسوست وتروعت

[البيت القديم]

"""

عاد انا ما يدق علي الا فليل على الساعه ثنتين ونص ثلاث..

المهم اني اول ماشوف فتح الخط اسفه للرقم ولا ارد عليه..

:):)

,.

[ابوسعود]

انا اي تلفون خارجي مااااااااااا ارد عليه
واريح بالي واذا زود الاااتصااال كل مره يتصل
افتح حتى اخسره وعقب مايتصل مره ثانيه

[Smart]

ما عليج منه

بس احلى شى 6:48

[بن علان]

وي ياختي ليش تردين عليهم انا كانت تييني وايد اتصالات منهم وتصلت حق كيوتل ابي

اعرف قتح الخط حق اي دوله وقالوا لي غانا يا مال الويعه ولا قالوا لي لتردين عليهم

واذكر وحده من ربعي ردت وخواتها خرعوها وتمت توسوس


الله يجزيكم الف خير وربي اني من الروع قلت الاذكار وقلت كل شي حافظته هههههههههههههه
اخوي مليت +22177
حسسسسسسسسسبي الله عليه وش يبي بي

هذا فتح خط السنغال 0221 .... وتليفونه يبتدي برقم 77

وتوقيتهم ثلاث ساعات قبلنا .. يعني إذا اتصلوا عليك الساعه ست الصبح يكون عندهم ثلاث نص الليل ------> صج ساحر :vampire:

[pure]

باال هم للحين على هالحركات

هههههههههههههه

كل الناس درو عن حركاتهم

تدرين عاد ماعليج منه

اهم شي تقرين الاذكار

[ذيبه مزاجيه]

الله يجيرنا من هالاشياء ..

[ام الحلوين]

ما عليج منه

بس احلى شى 6:48

هههههههههههههههههههههه

[بن علان]

هذا فتح خط السنغال 0221 .... وتليفونه يبتدي برقم 77

وتوقيتهم ثلاث ساعات قبلنا .. يعني إذا اتصلوا عليك الساعه ست الصبح يكون عندهم ثلاث نص الليل ------> صج ساحر :vampire:

من شوي جاني مس كول من هالرقم : 22**************+

ملعون الوالدين رنه وسكر .. تذكرت المثل اللي يقول :

بورنه ما يدخل الجنه :nice:

[ام الحلوين]

"""

عاد انا ما يدق علي الا فليل على الساعه ثنتين ونص ثلاث..

المهم اني اول ماشوف فتح الخط اسفه للرقم ولا ارد عليه..

:):)

,.

جعله مايدق علي كثرمادق حسبي الله عليه

[ام الحلوين]

هذا فتح خط السنغال 0221 .... وتليفونه يبتدي برقم 77

وتوقيتهم ثلاث ساعات قبلنا .. يعني إذا اتصلوا عليك الساعه ست الصبح يكون عندهم ثلاث نص الليل ------> صج ساحر :vampire:


صوته يكفي يدل انه ساحر
الله ياخذه

[ام الحلوين]

باال هم للحين على هالحركات

هههههههههههههه

كل الناس درو عن حركاتهم

تدرين عاد ماعليج منه

اهم شي تقرين الاذكار


ربي يثبتنا يارب

[ام الحلوين]

باال هم للحين على هالحركات

هههههههههههههه

كل الناس درو عن حركاتهم

تدرين عاد ماعليج منه

اهم شي تقرين الاذكار




من شوي جاني مس كول من هالرقم : 221*************+

ملعون الوالدين رنه وسكر .. تذكرت المثل اللي يقول :

بورنه ما يدخل الجنه :nice:

ياويلي وش يبون هذولا:secret:
المشكله انه في بنات قالوا لي لما يردون عليهم يتطنزون عليهم لين يسكرون:telephone:

وين ماقدرت يديني ثقلت من الروع ليتني قويت بس ارد الا سكرت ع طووووووول

[Night KNight]

ههههه انا اتصلي واحد

قالي انا دجال ومادري شخربط

عطيته كلام هو الي سكر مب انا

[بوخليفة3]

ياشباب ترا في ناس يخافون منهم
والله انا عن نفسي كنت متملل واشتغله مظبوط
انا قمت اتصله والعوزه خخخخخخخخخخخ
اخر شي قام يتاسف انه اتصلي يوميا اتصله واقطعه والشباب يتصلون له ويقطعونه

[ام الحلوين]

Night KNight
بوخليفه 3

مشاء الله عليكم

اجل ليه انا ذبحني الروع والعالم كلها ماخافت الا انا:secret:

[شورت تايم]

انا مره اتصل فيني واحد من هالسحره
وقال نفس أنا عندي لك رساله قلت له أنا من
قولي ايش اسمي توهق يبي يكمل الرساله
قلت له لحظه أنا من قول اسمي قبل وعقب
قول الرساله توهق وسكر

[ام الحلوين]

انا مره اتصل فيني واحد من هالسحره
وقال نفس أنا عندي لك رساله قلت له أنا من
قولي ايش اسمي توهق يبي يكمل الرساله
قلت له لحظه أنا من قول اسمي قبل وعقب
قول الرساله توهق وسكر

ماشاء الله عليكم
عز الله ماجاتني ولافكره سكرت ع طووول

[بوخالد911]

والله انا مستعد له

لو فيييه خييير يتصل

مجهز له كلااام ؛ جد جد أبوووه ما سمعه

!!@@!!

:anger1::anger1::anger1:
:anger1::anger1:
:anger1:

[ام الحلوين]

والله انا مستعد له

لو فيييه خييير يتصل

مجهز له كلااام ؛ جد جد أبوووه ما سمعه

!!@@!!

:anger1::anger1::anger1:
:anger1::anger1:
:anger1:





هههههههههه الله يجديك عليه

[مضارب دوسري]

الله يجزيكم الف خير وربي اني من الروع قلت الاذكار وقلت كل شي حافظته هههههههههههههه
اخوي مليت +22177
حسسسسسسسسسبي الله عليه وش يبي بي

اتصلي هالرقم من يومين

وعطيته سيفووووون

يعني مارديت

[بـن عدوان]

اختي تكفين طرشي له رقمه ع الخاص

ابي استهبل عليه شوي ههههههههههههه

[القلم الصريح]

اختي ام الحلوين
اذبحج الروع لان الموقف اول مرره يصيرمعاج وانتي تروعتي لآن قلبج خداي
لكن المره الثانيه سوي نفسج ماتسمعينه لين تنبط جبده او نقعيه على الخط لين يفلس ويموت حسره لانه اتصل فيج

[ام الحلوين]

اختي ام الحلوين
اذبحج الروع لان الموقف اول مرره يصيرمعاج وانتي تروعتي لآن قلبج خداي
لكن المره الثانيه سوي نفسج ماتسمعينه لين تنبط جبده او نقعيه على الخط لين يفلس ويموت حسره لانه اتصل فيج


حلوه خداي ههههههههههههه

لابالله ماني براده لو يدق

[amalzen]

انا اتصلي روعني يامال العله صرت اتلفت في الغرفه وانا اكلمه من الخوف
يقول رايتك قلت بس رحت فيها
في المنام واتصلت احذرك من اعدائك قلت ما لي اعداء خير شر
قال هذي وحده ومعها واحد دافنين لك عمل بلمقبره <الله يكفينا شره فال الله ولا فاله >
وما ينفك الا بطلاسم بدم البقرة
تجيبي بقره تذبحيها علي الطريق العام اما اذبحها علي الطريق العام بس اتخيل نفسي ياسلام وارسلي لي بدمها <مستخف دمه هنا ارتحت وجلست وحطيت رجل علي رجل من الحرة > قلت ايوة وبعدين
قال تقدري ؟؟؟
قلت ايوة عطني عنوانك برسل لك الدم وابي اضحك
قال لا لا خلاص ببتاخر لين توصل ارسلي مبلغ البقرة وانا اقوم بكل هذ1 هنا
قمت اضحك من الضحك ابكي لانه صدق خوووووووفي قلت له الله يلعنك ما كذب رسول الله وتوني بكمل سكر بوجهي ماخلاني ابرد حرتي

واسفه علي الاطاله كتبت كلامه اللي بيقوله لكم كامل علشان ما حد يتروع
والله يكفينا شرهم

[_بوشهاب_]

مره اتصل لي واحد وقالي انت مسحوور وهالسوالف وقلت له ماتدري من انا قال لا والله قلت له معاك الساحر فلان الريال قالي كيف والجماعه ماخبروني انت واحد من ربعهم قلت له عندي لك رساله عاجله وقعدت اخرط عليه وفي النهايه تم يتعذر لي ومن هالسوالف
اختي ممكن رقمه عالخاص عندي رساله عاجله له وموصين عليه من فوق بعد ههههههههههههههههههه

[الخلاقي]

خاطري اعرف يالحريم انتوا انا اشوف كل وحده فيكم في الرد مالها تقول دق علي انا وهذي تقول دق علي انا ابي اعرف شسالفه ... ترا لين الحين انا مادري شالطبخه وشنو الموضوع من الاساس عن شنو تتكلمون انا ابي اعرف منو هذا الانسان الخارق اللي يعرف كل ارقام الحريم فقط في قطر شنو وين قاعدين وبعدين يعني مايغلط يعني مافي امل يدق علي ... بليز ابي اعرف الموضوع من طأطأ للسلام عليكم

[السد]

ما عليج منه اختي
خليه يولي

[ام الحلوين]

خاطري اعرف يالحريم انتوا انا اشوف كل وحده فيكم في الرد مالها تقول دق علي انا وهذي تقول دق علي انا ابي اعرف شسالفه ... ترا لين الحين انا مادري شالطبخه وشنو الموضوع من الاساس عن شنو تتكلمون انا ابي اعرف منو هذا الانسان الخارق اللي يعرف كل ارقام الحريم فقط في قطر شنو وين قاعدين وبعدين يعني مايغلط يعني مافي امل يدق علي ... بليز ابي اعرف الموضوع من طأطأ للسلام عليكم

والله ياخوي السالفه مثل ماذكرتها باول الموضوع

[ام الحلوين]

ما عليج منه اختي
خليه يولي



لاالحمدلله من بعد كلام الاعضاء وانا من جد ماعلي منه

[ام الحلوين]

مره اتصل لي واحد وقالي انت مسحوور وهالسوالف وقلت له ماتدري من انا قال لا والله قلت له معاك الساحر فلان الريال قالي كيف والجماعه ماخبروني انت واحد من ربعهم قلت له عندي لك رساله عاجله وقعدت اخرط عليه وفي النهايه تم يتعذر لي ومن هالسوالف
اختي ممكن رقمه عالخاص عندي رساله عاجله له وموصين عليه من فوق بعد ههههههههههههههههههه


وصلك الرقم على الخاص والله يحفظك منه

[_بوشهاب_]

وصلك الرقم على الخاص والله يحفظك منه

يمكن تجيك مكالمه من نفس الرم بس هالمرخ اعتذاااااااااااار واسف شديد هههههه:victory:
اليوم جمعه والشباب متمللين في الخيمه وبفتح لهم الموضوع وكل واحد يطلع شطارته

[*¤ بن قطر¤*]

اين كــــيـــــوتـــــــل ؟؟

هل من الصعب على كيوتل ان تدشن خدمة حجب المكالمات الغير مرغوب فيها؟

[..er..]

صراحه كنت خايف من هالي يتصلون


لين اتصل لي فجأه وانا بالعزبه ,, واجمع له الشباب ونقعد نتطنز عليه :p


ومن يومها ماتصل خخخخخ