الأنترنت السريع مجاناً في سوق واقف ..!!

[فارس الكلمة]

أعلنت كيوتل من خلال صفحة كاملة في جرائدنا المحلية

اليوم .. عن تدشين خدمة الأنترنت السريع مجاناً في سوق واقف ..

ما رأيك في هذه المبادرة ..؟!

[الوجبه]

حق الاجانب مش لنا ..

[بنت المنتدى]

أعلنت كيوتل من خلال صفحة كاملة في جرائدنا المحلية

اليوم .. عن تدشين خدمة الأنترنت السريع مجاناً في سوق واقف ..

ما رأيك في هذه المبادرة ..؟!





^

دافعة بلااا عنهم .. خلهم يطهرون فلوسهم :tease:

[رقم مميز]

حق الاجانب مش لنا ..
:nice: اتفق معاك في الراي


هم في القهاوي على بيالة شاهي يقعدون 4 ساعات واكثر

بياله ...

الله يعينا عليهم

[أحلى وسيطه]

والله كيــــــــــــــــوتل عليـــــــــــها حركاااااااااات


تخلينا نحبها بالقوووة

[الخارجية]

النت في الدول المتقدمة بدون رسوم في كل بيت نت يعني ان كيوتل سوت شي عظيم

[الدوحه%]

احنا نبيهم يخفون عن المكان ,, و كيوتل يبيون يقعدونهم زياده ,,, الله يعين سوق واقف كل ماقلت بروح اشوفه اغير رايي

[احب قطر]

النت في الدول المتقدمة بدون رسوم في كل بيت نت يعني ان كيوتل سوت شي عظيم

ممكن نعرف في وين الانترنت مجاني؟؟؟

[احب قطر]

حق الاجانب مش لنا ..

اخوي الوجبة...خاطري في يوم اشوف منك مشاركة ايجابية...

[الخفي]

ليش مايحطون انترنت سريع عند الكرك عشان الشباب بعد يستخدمون الانترنت

[˟ أم علي !]

والله الوجبه صادق في الي قاله ((((للاجـــــــــــــــانـــــــــــــــب))))

[البيرق]

انا مع الوجبة وهو صادق
المهم في هذا البلد الاجانب كيف يرون البلد لاخدمة المواطن
ولاحول ولا قوة الابالله

[سعد آل شريم]

أخوي أحب قطر وين بتلاقي مشاركات ايجابيه دام السالفه فيها كيوتل ..

[mohamed ab]

حق الاجانب مش لنا ..

صدقت,,,,,,,,,,,,

[فارس الكلمة]

شكراً لهذا التجاوب .. و طيب المشاركة ..

هذا قد يفيد أصحاب المحلات أيضاً .. الذين يستخدمون الإيميلات و البحث في النت ..

يعني ممكن تكتب طلباتك في المنيو و أنت قاعد على الطاولة .. و تبعثها بالإيميل للمطعم مثلاً

.. خدمة سريعة .. :)

[كاتم الاسرار]

حق الاجانب مش لنا ..

مرحباا

جبته صح والله 100% :victory:

[Smart]

اى بلد متقدمه ببلاش؟

ولا تنسون الخدمه موجوده من كيوتل فى الحدائق على الكورنيش ببلاش

[حبر سري]

يالربع وليش حق الاجانب بس؟
روحوا انتوا
من كفو يمنعكم؟

[سيزن]

حق الاجانب مش لنا ..

نعم........ لللويث.

[احب قطر]

عيل هل معنى كلامكم ان السوق حق الاجانب فقط؟؟؟

[حبر سري]

عيل هل معنى كلامكم ان السوق حق الاجانب فقط؟؟؟

احنا اللي مانروح وبعدين نقول حق الاجانب !!

روحوا واللي فيه خير يقول لكم لاتروحون

[خشوف]

هو بدون انترنت وما نلاقي مواقف الله يعين الحين مافي امل

[سهم المراقيب]

يستاهلون أهل لبنان ,,
لك هالأ بدي آآنتر وانا جالس في سوء وائف ,, بلاش من غير مصاري ,,

[شيزكيك]

صدقوني الي قالوا حق الاجانب صادقين اميه في الميه والظهر قريت الخبر

حق امي وقلت لها حق الاجانب هالي محتلين السوق


والي يقول ليش ما تروحون نروح ونشوف مفاصيخ وريحة الشيشة المعفنه في

كل مكان ما اقول الا ياحظهم البيت بيتك

[الرايــق]

صدقوني الي قالوا حق الاجانب صادقين اميه في الميه والظهر قريت الخبر

حق امي وقلت لها حق الاجانب هالي محتلين السوق


والي يقول ليش ما تروحون نروح ونشوف مفاصيخ وريحة الشيشة المعفنه في

كل مكان ما اقول الا ياحظهم البيت بيتك

اتفق معاك باخر جملة

[فارس الكلمة]

شكرا لكم على المشاركة .. و طيب المداخلة ..

[الوجبه]

السلام عليكم

بعض الردود تخلي الواحد غصب يرد ..

يا اخوان في ذمتكم من متى كيوتل عملت حاجه لصالح اهل البلد ..

ابتدي معاكم خطوه بخطوه ..

الاسعار ..

كيوتل جالسه تحسب اسعار المكالمات في البلد على (الفرد) يعني كانه في البلد فقط رجل واحد هو

اللي جالس يتكلم ويدفع الفاتوره مش عامله حساب ان هذا (الرجل) المغلوب على امره جالس

يدفع الفاتوره لعائله كامله من زوجه وعيال وبنات غير الانترنت في المنزل للعائله وغير الخدامه تحتاج

تتصل مكالمت دوليه ..

كل هذا وكيوتل مش عامله حسابه الرجل (الزوج) (الاب) راعي الاسره ..

ثانيا :

اذا كيوتل تراعي (سواد عيون القطري) بدل زرق العيون كان من زمان على ايام (البليب) دول

المجلس تشتريه مره وحده ابلاش وكيوتل تدفع عليه ..

ثالثا :

كل المسجات اللي توصلنا من خدمات كيوتل اللي تقدمها لنا سواء لمتابعه حدث معين او غيره من الامور

على 20 و 25 في الشهر ..

في ذمتكم مسج يوصلك يمكن في الاسبوع مره على 20 و 25 في الشهر .. حق سواد عيونكم يا اهل قطر

رابعا:

كنت بشترك في خدمه موزاييك بوضع القران الكريم بدل الرنه .. ولكن للاسف غييبرت رايي

شوف بكم ..

يعني حتى القران الكريم يتاجرون فيه .. على الاقل خفضو القيمه ..

خامسا :

كم تعداد القطري مع الاجنبي يا كيوتل .. جالسين ادلعونهم وكل يوم عرض جديد لهم من تخفيضات

اخر الليل وكروت هلا مجانيه لهم وغيرها من الخدمات والقطري كل يوم محاكم بسبتكم لان (الزوج)

هو المسئول عن دفع ومن حقه يتواصل مع عياله سواء في الخارج او الداخل وكيوتل ما تراعي

هذي الامور ..

اما بالنسبه للقهاوي وغيرها من الامور فاعتقد هو للاجانب لانهم (يتواصلون) مع اهلهم بالانترنت

وعن طريقه يتواصل معاهم في المقابل كيوتل قاطعه الصله بين الاسره القطريه بالتواصل نتيحه

الاسعار والفواتير ..

انا وغيري ما عندنا مشكله مع كيوتل من ناحيه الدفع ولكن اللي مش قادر يدفع من اهل قطر وعنده

كرت واحد هلا حق عياله كلهم ..

والبنت اللي ما تقدر تتواصل مع اهلها في الجامعه او المدرسه وتقول لهم انا بطلع او المدرسه

رخصونا وتتم في الشمس تاخذ جوال البنات لان اهلها مش قادرين يطاعون لها كرت او يعجزون عن

الفاتوره ..

في بريطانيا وبعض الدول الاوربيه وانت تمشي النت شغال في كل مكان (ومجاني) اكرر ومليون خط (مجاني)

وفي السعوديه ومليون خط على السعوديه كل يوم عرض جديد وخدمه جديده .. وفي قطر

مليون خط على قطر .. يجيك مسج قبل العيد او قبل لينزل الراتب (ادفع ولا تليفونك بيتسكر) ..

تبغون اهل قطر يتواصلون مع اهلهم في القهاوي وبعدين مش كل اهل قطر عندهم (تجاره) او تواصل

تجاري خارجي او (اسهم) وكم غني في قطر يحرك شغله في قهوه ..

في الختام

اذا بيسووووووووووون خير حق اهل قطر يراجعون الفواتير او يخلون الانترنت عام في البلد ..

ما شاء الله كل ما تمشي تشوف (شيب) كانه برج (بيزا) خالي مافيه شي ولو هذا الشيب في

بلد ثاني كان شفته مليان وكله في خدمه المواطن سواء ارسال واستقبال المعلومات بسرعه

او الانترنت فائق السرعه المجاني للهاتف المتنقل او خدمه الهواتف الذكيه ..

بنظره سريعه

شوف تليفونك .. ادخل الخصائص كم خدمه فيها ناقصه او مبالغ فيها ..

اتمنى تكون نظرتهم اشمل واعم للمواطن القطري (الزوج) وراعي العائله لان نظره كيوتل للفرد

فقط .

وسلامتكم

[موبايل]

يا اهل قطر

اسمع كلامكم اصدق اشوف اموركم استعجب

تقولون ان الدولة ممثلة بسمو الامير ( الله يحفظه ) مو مقصرة معاكم بشي واقول اللهم لاحسد , ولما اجي اقرى مشاركاتكم في مثل هذا الموضوع وغيره من المواضيع تحسسوني ان قطر موفره كل شي للاجنبي ومو معطيه القطري اي شي. واشوف ان كثير من المواضيع تتحور 180 درجة وتتركز لنفس الموضوع وهو موضوع الاجانب.

ياجماعة سوق واقف سوق مفتوح للكل مب للاجانب بس.

اعذرني اخوي فارس قطر لاني خرجت عن الموضوع, بس اعتقد ان الموضوع خرج عن مساره الاصلي من اول مشاركة.

واتمنى ان تتقبلوا رايي بصدر رحب, ولكن يحزنني كثيرا مايتطرق له بعض الاعضاء بمناسبة وبدون مناسبة بشان الاجانب وارجو الايعمموا على كل الاجانب. الا لو كانوا يتمسكون بمبدأ (السيئة تعم والحسنة تخص).

وفي الاخير اقولكم يشهد الله اني احب قطر واهل قطر.

[الرايــق]

يا اهل قطر

اسمع كلامكم اصدق اشوف اموركم استعجب

تقولون ان الدولة ممثلة بسمو الامير ( الله يحفظه ) مو مقصرة معاكم بشي واقول اللهم لاحسد , ولما اجي اقرى مشاركاتكم في مثل هذا الموضوع وغيره من المواضيع تحسسوني ان قطر موفره كل شي للاجنبي ومو معطيه القطري اي شي. واشوف ان كثير من المواضيع تتحور 180 درجة وتتركز لنفس الموضوع وهو موضوع الاجانب.

ياجماعة سوق واقف سوق مفتوح للكل مب للاجانب بس.

اعذرني اخوي فارس قطر لاني خرجت عن الموضوع, بس اعتقد ان الموضوع خرج عن مساره الاصلي من اول مشاركة.

واتمنى ان تتقبلوا رايي بصدر رحب, ولكن يحزنني كثيرا مايتطرق له بعض الاعضاء بمناسبة وبدون مناسبة بشان الاجانب وارجو الايعمموا على كل الاجانب. الا لو كانوا يتمسكون بمبدأ (السيئة تعم والحسنة تخص).

وفي الاخير اقولكم يشهد الله اني احب قطر واهل قطر.


كلامك صحيح

بعدين يا اهل قطر ليش ما نشوفكم بسوق واقف

اعتقد ان السوق للكل بس المواطن يفضل يروح اماكن اخرى عن سوق واقف لهاسبب نشوف الاجانب كانهم محتلين السوق من كثرهم طبعا

[shmokh]

فكرة ممتازة خصوصا ان اغلب التليفونات صار فيها امكانية استقبال البريد الالكتروني وارساله

وصار الواحد الحين في سوق واقف يخلي هله يتسوقون وهو يقدر يرد على ايميلات العمل ويستغل وقته

جزا الله صاحب الفكرة الف خير

[Revamp]

مجاني في السوق...ويدبلون علينا الفاتوره في البيت...يعني احنا الخسرانييين...يا الله متي تشتغل فودافون..بعد لو اغلي 50% بعد بتعامل وياهم

[روميت]

صدقوني الي قالوا حق الاجانب صادقين اميه في الميه
والي يقول ليش ما تروحون نروح ونشوف مفاصيخ وريحة الشيشة المعفنه في

كل مكان ما اقول الا ياحظهم البيت بيتك


....:nice:....

[الفـ@ــــد]

شي طيب

شكرا ع الخبر@

[المشتاقه الى الجنه]

عقبال عنا في البيوت يصير النت مجانا

[simsim1963]

نفس الخطوط القطريه رخيصه للغريب وغاليه على اهل البلد .... شركات وطنيه بس بالأسم وظلم ذي القربى اشدد مضاضه من حد السيف .... ارحموا اهل قطر

[بوعلي2]

حـــــــــــــــــق الاجــــــــانــبـــــــــــــــــــــــــــــــــ ــــــ

[ابن قطر]

عشنا وشفنا


النت مفروض بسعر رمزي

[بوخالد911]

مباادرة جائت متأخرررة جداً


:anger1::anger1::anger1:
:anger1::anger1:
:anger1:

السرريع للأجانب

والبطيء لنا

!!!!!!!!!!!!!!!!!!!

[بورصواوي]

زين بس اهم شي المسنجر فاتح واليو تيوب