المساعد الشخصي الرقمي

مشاهدة النسخة كاملة : قصه .... و.........قصيدة تعور القلب((مميز))



الرميحي
07-12-2005, 04:00 PM
السلام عليكم ورحمة الله وبركاته

هذى قصيده سمعتها وحبيت اكتبها لكم
القصيده حزينه وتبكى ....
وهى قصه طويله بس اختصارها ،،
ان امراه كانت متزوجه وتزوج عليها زوجها من وراها وجاها بالبيت وقاله ابيك
تروحين معاى للسوق تشترين كل شى بخاطرك ويعجبك
المهم الحرمه المسكينه شرت كل شى حلوو عجبها من مكياج وملابس
ولما جوو البيت

قالها زوجها وين الاغراض اللى شريتيها
قالت له ليش قال الاغراض مو لك..!! للحرمة الجديده وكنت ابيك تشترين الاغراض بنفسك
لانى انا ما اعرف اذواق الحريم وانتى اكيد ذوقك حلوو

الحرمه ماتت من القهر
وطاحت بالمستشفى وخمس سنين وهى بالمستشفى فى غيبوبه
سبحان الله الحرمه صحت بقدرة قادر بعد خمس سنين ......ولما سألت الاطباء وسالت ..فى
احد زارنى قالولها لا محد زارك

بعدها

قالت القصيده


تكفين يا طيـــــــور الحرار افزعيلى
ابى عن ديار الاهل منك اخبار

تكفين حومى فوقهم وارجعيلى
وإلا ان حصل لك حومه داخل الدار

تكفين حول بيوتهم دوريلى
سبعة فروخ يوم اخليهم صغار

شوفى ضناى وعودى وانكفى لى
واشلونهم يا علهم صارو كبار

نسوا دفاي ونومهم فى شليلى
وش علمهم يا علهم بطول الاعمار

قولي لهم ان امكم له عويلي
خمسه سنين دمعها دوم مدرار

وقولي لهم إني علي طول ليلي
أنوح وليا قرب الصبح أنهار

وقولي عيوني دايما له هميلي
تبكي ليا شافت من الناس زوار

كل يوم اقول غدى حديهم يجيني
راحت سنيني مابهم واحد(ن) زار

وانا اللي من سبت سوات الحليلي
حالي تردة كل ماله وتنهار


وفرقا ضناي اللي تردت بحيلي
كني على شوفتهم اصلى على نار


ياويلي كان الله عجل رحيلي
وانا لي سنين ابي لوهي اخبار


ياعونة الله من يبي يرتكي لي
جارت علي بأمر الله كل الأقدار


تنكروا من يدخلون الدخيلي
واللي بوسط ديارهم يامن الجار


قولي لهم ياطيور قلبي عليلي
الله يكافي قلوبهم صارت احجار


وانا اللي لبراق الخيال استحيلي
وقول ياعل ديرتهم للأمطار


تكفين وسط ديارهم صوتيلي
شوفي عسى لأسمي مع الناس تذكار


وقولي لمن نسيانهم يستحيلي
ياللي نسيتوها ترى الوقت دوار


ياهيه ياللي بالسما لك هديلي
ردي خبر تكفين يكفي امرار


شوفي هاك اللي نومهم في شليلي
من اذان المغرب لوقت الأسحار


شوفي هاك اللي ماتهنى في مقيلي
إلا مقيل معهم كبار وصغار


وقولي لهم ان كان حملي ثقيلي
مره يجون وعقبها شي ماصار


وانا يتولاني كريم(ن) جليلي
ياعلني في جنّة وسط الأبرار


وسلامتكم

The Edge
07-12-2005, 06:04 PM
قصيدة مؤثرة جدا جدا
تسلم اخوي الرميحي على الموضوع الرائع و القصيدة الأروع
بارك الله فيك
و لا تحرمنا من جديدك

The Edge
07-12-2005, 06:05 PM
قصيدة مؤثرة جدا جدا
تسلم اخوي الرميحي على الموضوع الرائع و القصيدة الأروع
بارك الله فيك
و لا تحرمنا من جديدك


((موضوع مميز))

شمس قطر1
07-12-2005, 06:23 PM
شكرا اخوي ...الرميحي..... ويعطيك العافيه ...على الموضوع ...المؤثر ....ومايتبعه ...من قصيده محزنه .....
http://www.lahaonline.com/media/images/ecards/Family/imgcards/c001.jpg

Qa6ar
07-12-2005, 07:32 PM
ااشكرك الرميحي على الابداع دوما

ROSE
07-12-2005, 08:18 PM
:eek3: :eek3: شكرا اخوي الرميحي

قصيده مؤلمة ومحزنه جدا :(

relaax
07-12-2005, 11:02 PM
يغطيك العافيـــــــــــــــــه

الموضوع اطرحته لؤلؤة الخليج في المنتدى العام

الرابط (http://www.qatarshares.com/vb/showthread.php?t=22298)

الرميحي
07-12-2005, 11:34 PM
قصيدة مؤثرة جدا جدا
تسلم اخوي الرميحي على الموضوع الرائع و القصيدة الأروع
بارك الله فيك
و لا تحرمنا من جديدك


والله الاروع مرورك,, عاد لاتقطعنا و لاتحرمنا هالطله

الرميحي
08-12-2005, 12:20 AM
شكرا اخوي ...الرميحي..... ويعطيك العافيه ...على الموضوع ...المؤثر ....ومايتبعه ...من قصيده محزنه .....
http://www.lahaonline.com/media/images/ecards/Family/imgcards/c001.jpg


العفووو اختي ومشكوره الف شكر على مرورج وردك 00 لاتحرمينا تواجدك

الرميحي
08-12-2005, 12:25 AM
ااشكرك الرميحي على الابداع دوما


اضفت انت الابداع اخي الكريم و اشكرك على تشجيعك

راعي التويوتا
08-12-2005, 12:29 AM
ما قصرت يا أخوي الرميحي على القصيدة المؤثرة

أما زوجها ما أقول الا حسبي الله ونعم الوكيل

الرميحي
08-12-2005, 12:33 AM
:eek3: :eek3: شكرا اخوي الرميحي

قصيده مؤلمة ومحزنه جدا :(
اشكرج اختي روز

واعتذر من الجميع انني ربما انشر بعض المواضيع المحزنه

الرميحي
08-12-2005, 12:40 AM
يغطيك العافيـــــــــــــــــه

الموضوع اطرحته لؤلؤة الخليج في المنتدى العام

الرابط (http://www.qatarshares.com/vb/showthread.php?t=22298)


أعذرني طال عمرك و السموحة والله غلطة مطبعية :rolleyes:

الرميحي
08-12-2005, 12:46 AM
ما قصرت يا أخوي الرميحي على القصيدة المؤثرة

أما زوجها ما أقول الا حسبي الله ونعم الوكيل


مرحبا الساع حياج الله اختي دانة