اللوبي التركي في مطاعم الدوحه وبيع البيبسي بريالين ليش ؟؟

[الخفي]

(( السلام عليكم ورحمه الله وبركاته ))

بالامس طلبت من مطعم تركي طلب وبعد انتهاء الحساب لاحظت ان موظف الكاشير

قد زاد في السعر وبعد الاستفسار افاد لي بأن سعر البيبسي بريالين سألته قالي

والله سعر المشروبات عندي بريالين ليش ياخوي قالي والله هذا سعري قلت له باشتكي

عليك قالي اشتك وقالي ترى كل المطاعم التركيه يبيعون المشروبات بريالين ليش

رحت حق محل فطاير اليوم تركي وسألته كم سعر البيبسي قالي بريالين

وانا هنا اسأل هل لي الحق اني اشتكي عند حمايه المستهلك ولا على كيفه يرفع

السعر وبدون حسيب ولا رقيب وهل الجماعه الاتراك اهل المطاعم متفقين على هالسعر

ولا قالو خلاص اهل قطر عندهم فلوس وبيشترون بريالين انا انبه ترى اغلب الناس

ماينتبهون يعني هم في الاصل يستغلون هالشي واذا ناقشته قالك والله هذا سعري

رح اشتك واخيرا ارجوا من الاخوان ان لايشترون البيبسي بسعر اللوبي التركي

وخلهم يرجعون السعر بريال عشان اللكل يشتري منهم اما يرفعون السعر من نفسهم

احنا تعودنا نسمع عن ارتفاع الاسعار في بعض السلع الاستهلاكيه بشكل عام مثلا

كل الجمعيات يرفعون اسعار الحليب او الدجاج ونقول والله هذا سعر عام بس ان الاخ

يصر ان سعر ريالين بالرغم من ان سعر كل المحلات والمطاعم بريال هذا اللي يبي

له وقفه

[Taxi]

لانهم يدرون ان اللي بيشتري منهم شوارما او اي شي راح يستحي يقول لهم مابي بيبسي بحجة انه برياليين



يعني المسالة مسألة مستحى

:nice:

ولا تشتكي لان محد بيسمعك

[فراغ]

هذا سوق كلآ لاعب فيه
وين حماية المستهلك
أنقذونا يا بلدية

[boooooon]

ومطعم الساحة كم يبيع البيبسي ؟

[الخفي]

ومطعم الساحة كم يبيع البيبسي ؟ ك


حتى مطعم الساحه لوكان يبيع البيبسي بريالين بعد محد يرضى بس السؤال ليش

وش اللي جرأ المحلات والمطاعم على بيع البيبسي بريالين ولا يكتب السعر

في لائحه الاسعار

[فارس قطر]

جات ع البيبسي

السندويش من ثلاثة ريال الى ستة ريال

بلد مافيها قوانين خذ وخل

امس الاضحية وصلت 1500 ريال

الله يعين المواطنين ذوى الدخل المحدود

حسبي الله ونعم الوكيل

[الدوحه%]

جزاك الله خير على التنبيه ,,, هم باين متفقين كلهم لانه ماقدر الا على الاتراك اللي مثله ,,,
بخصوص حمايه المستهلك ,, من قال عندنا حمايه مستهلك سنين مالهم حس تبيهم يطلعون الحين
تقبل مروري

[FULL]

واذا قلت لك عن مطعم في الدوحة حاط سعر علبة البيبسي 17 ريال في المنيو اشبتقول :) ؟

[ANONYMOUS]

والدايت سفن اب بكم :p


عموما.. بعض الاماكن تبيعه على 5 و 7 و10


بأمكانك تدع البيبسي يخيس عندهم


وبخصوص الاضحيه.. الله يستر..

شكلي بضحي في دارفور 4 خرفان

:shy:

[بنت المنتدى]

ذاك اليوم امي فديتها خذت من مرمرة اسطنبول وقالت له عن البيبسي ليش بريالين بصراحه تفشلت وهاي عيبنا نستحي في بعض الاوقات .. واللي خلاني اتغشى من الفشيله ان امي فشلته وردت البيسي قالت له بوقف عن الدكان وباخذ منه ابرك لي :eek5::eek5::eek5:


والله مادري شاقولك

لكن نووووكومنت &_&


وليش نتكلم عن المطاعم التركيه بس وتركنا الفنادق وبعض المطاعم اللي صارت اسعارها ناررررررر ....!

[بوعيسى]

من أمن العقوبة أساء الادب
وزاد السعر

[Doha Land]

أخوي .. صبحك الله بالخير ،،

دام قلت له بشتكي عليك .. فعليك بالاتصال في ( حماية المستهلك ) وتقدم شكوى .

تكون انت أديت دورك وسويت اللي عليك وصدقت في كلامك معاه . .
ومنها تجرب الشباب وتشوف إجراءاتهم . . ترى السكوت خطأ . .

على فكرة الشباب في ( إدارة حماية المستهلك ) اللي في إستطاعتهم بيسوونه ، بس لازم نساعدهم في الإبلاغ عن المحلات المخالفة ، وعلى فكرة أغلب المحلات التجارية تحصل ( ملصق ) وفيه أرقام الإدارة للإتصال في حالة الشك ان المحل يتلاعب في الاسعار .. من بينها تنزيلات وهمية و الغش في المعاملات التجارية . . الخ

وهذا خبر عن أحد أعمالهم في شهر 8

تحويل 6 مخالفات إلى الجهات الأمنية ..
"حماية المستهلك" تضبط 38 مخالفة بينها 17 حالة عدم إعلان عن الأسعار

الدوحة – الشرق :
سعياً من ادارة حماية المستهلك الى تأكيد دور وزارة الاعمال والتجارة لمراقبة المواصفات القياسية المقررة والتفتيش على المحلات التجارية وضبط المخالفات الخاصة بالاسعار وبالغش التجاري وتأكدا لهذا الدور واقتناعا من الوزارة بأهمية الشفافية، فقد اكدت ادارة حماية المستهلك ضرورة المام كل المستهلكين والمنتجين بتطور عمليات التفتيش والرقابة واعداد المخالفات بصفة شهرية.
وفي هذا الاطار اعلنت ادارة حماية المستهلك انها تمكنت خلال شهر أغسطس الماضي من ضبط 38 مخالفة متنوعة من بينها 32 مخالفة تم التصالح فيها، و6 مخالفات تم تحويلها الى الجهات الأمنية.

[الرايــق]

يا زين مقاطعة البيبسي :d

[PoBox]

*


اللي مستحي ،، وعقب يدفع !!
ليش زعلان ؟؟

ويطلب فزعة حماية المستهلك بعد ؟! :omen2:

[::.Silent.::]

امس رحت احد المطاعم التركيه في الخريطيات و جنبهم كافتيريــا

و طلبت 4 ساندويتش ( كفته ) من التركي .. و2 عصير عبادي من الكافتيريــا ..

طلع حسابي= 52 !!!! ليييييييش

والله اشوف انها كثييييير

بواقع الساندويتش الواحد = 7 ريالات
والعصير الواحد يساوي= 12 ريال


دااام مافي رقااااابه .. عيل حلال عليكم

[@فهد@]

اخوي روح اشتك وبعد انشر اسم المطعم وامثاله لو كل واحد منا سوا مقاطعه حق هالمطاعم كانوا عرفوا السنع

الامر الاخر تلقاه المطعم له وموضوع انهم يتفقون اي يتفقون ونص هالعماله اذا ماكان المطعم له منه نسبه مايشتغل زين

لذلك اشتك عليهم في كل مكان وانشر اسم المطعم وموقعه لاحد يقول لي فضيحه الفضيحه انه نسكت وندفع ونمشي ونخلي الكل يركب علي روسنا

[PoBox]

*


ياقماعة يعني وكان الموضوع جديد !

من زمان والبيبسي بريالين وثلاثة في كنتاكي مثلا
كم صار له 20 سنة ؟؟ اكثر !
وب10 في مكان ثاني
و15 مكان ثالث
و21 مكان رابع

احنا نحدد ونختار المكان اللي نشرب منه
وشدخل حماية المستهلك

هذا اختيار احنا نحدده مش موضوع احتكاري
نقدر ناخذ الارخص ونقدر ناخذ الاغلى

[عنيــــد]

بكل بساطة .. لا تشتري من عندهم و اشتر من الدكان احسن لك :nice:

[Taxi]

بكل بساطة .. لا تشتري من عندهم و اشتر من الدكان احسن لك :nice:

المشكله ان البعض يستحي يقول له مابي بيبسي عشان يروح يشتري من الدكان




خلهم

:nice:

[م. عبدالعزيز]

على فكره ،، عش البلبل اللي بالسد السفن آب بريالين..

[Riku3]

والله ياخوي الشرهه على شبابنا الي يشترون ولامفتكرين :] ..

قبل يومين بغيت اشتري لبن المراعي حجم 2 ليتر كالعاده .. والي رفعوا سعره الى 10 ريال من سنه تقريباً والى 11 ريال من كم شهر ... واللحين جاي يقولي ان السعر صار 12 ريال وبكل المحلات !!! .. والله العظيم قتله خله لك ما ابيه ! .

عسى ماشر لبن ينباع بـ 6 ريال بالسعوديه عندنا بـ 12 ... ليش ! .

وعلى طاري المطاعم التركيه .. انا مدمن دجاج مسحب ودايماً كنت اطلب "نص مسحب+صحن شبس" ... وقبل سنة بالضبط كان المجموع 14 ريال ... واللحين صار بـ 20 ريال بس قاطعتهم خلاص من يوم وصل 16:) .

وبالنسبة للبيبسي .. الحمد لله مقاطعه من ايام الانتفاضه ومن وقتها ماشربت اي مشروب غازي .

[بلاهويـــــة]

عصير راني منجا في فندق شرق 50 ريال

[::.Silent.::]

قبل كنـــا نروح 3 اشخاص لبوفيـــه الريتز يطلع حسابنــا 375 ريال

يعني = 125 ريال للشخص الواحد

الاسبوع اللي راح رحت مع اخوي

يعني احنــا 2 بس

طلع الحساب 448

انا بطلت عيوني .. و دفعت وانا ساااااااااااااااااااكت


قال شنو: حماية المستهلك .. الله ....!!

[&بوشهد&]

والله ياجماعة مب عيب الواحد اذا شاف المطعم يبيع البيبسي بريالين واصلها ريال واحد انه يتركها
بعض المطاعم اللي يبيعون بريالين غالبا يكون قريب منه سوبرماركت
حاربوا الغلا
عشان بعدين محد يشتكي ويقول وين حماية المستهلك لازم احنا نعاونهم

[فراغ]

بالنسبة لمطاعم مكدونال ما يبعون الوجبه فقط لازم معاها البيبسي لآني مرة قلت له أبي الوجبة فقط قالى ما نبيعلك
أرجو أن نكون كلنا حماية المستهلك
لذلك من عنده أرقام تلفوناتهم يحطها في المنتدى علشان نخزنها في تلفوناتنا للحاجه لهم عندما نحصل ناس مخالفه في الأسعار نتصل فيهم
وبذلك يخاف أصحاب المحلات من رفع الأسعار
أذا القضية ثقافة ووعي المواطن بدورة في حماية المستهلك

[tawareq]

للاسف الشديد كل شي نزل الا اهم شي المواد الغذائية بكل انواعها

المحلات على كيفهم البقالة - المطاعم - الخ الخ الخ الخ

لا رقيب ولا حسيب واذا قلت بتشتكي عليهم يضحكون عليك للاسف

لان يدري محد راح يستجيب للشكاوي.:secret:

[بو نايف]

واللوبي اللبناني هم اللي عافسين المطاعم


ابي اشرب كوفي يقول 75 ريال

اقل طلب 75

[Smart]

من زمان بريالين لانه مطعم

[بو الجوري]

في مطاعم قلاص البيبسي مب القوطي بـ 18 ريال ؟

والفنادق فوق ال20 ..

صراحه ريالين احسن من 18 و 20 و 7 و ...و...

احسن لك اشتر من الدكان اذا طلبك سفري :)

جات عالبيبسي !!! كل شي غلا .. واللي قاهرني حمص بيروت من 5 ريال الى 8 !!:anger1:

[غزلان]

عيل شتقول عن الفنادق ب7 ريال واكثر

[PoBox]

.. واللي قاهرني حمص بيروت من 5 ريال الى 8 !!:anger1:


:rolleyes2::rolleyes2::rolleyes2:
على طاري بيروت آخر مرة كلت فيه يوم كان ب6 ريال مع الخبز
يوم غير مكانه ماطبيته
وين صار مكانه في سوق واقف
اقدر اطلب منه وانا في السيارة ولا لازم اصف وانزل ؟؟؟
- سؤال خارج الموضوع بس اشتقت له الصراحة :rolleyes2:
وشكرا على الجواب مقدما من اللي يعرف الاجابة

[boooooon]

طيب والاجارات الي زادت من 2000 ل 11000 الف ؟؟

ما يبيلهم حماية مستهلك ؟

[هام السحاب]

مب لازم تشرب بيبسي عن نفسي صار لي ثلاث سنين ماشرب ولا مشروب غازي
يمدحون العصاير

[اسعاف]

انا في تركيا

لاحظت المطعم والدكاكين يزيدون سعر البيبسي على سعره الأصلى
ومرة شفت عنده حصالة فلوس للتبرعات
المجرم كاتب عليها ( بخشيش)

يعني الأتراك ما يستحون على وجههم
لا واكثر الأتراك الذين في الدوحة
مذهبهم (النصيرية)العلوية
الي قال عنهم ابن تيمية هم اكفر من اليهود والنصارى

[بوعلي2]

*


ياقماعة يعني وكان الموضوع جديد !

من زمان والبيبسي بريالين وثلاثة في كنتاكي مثلا
كم صار له 20 سنة ؟؟ اكثر !
وب10 في مكان ثاني
و15 مكان ثالث
و21 مكان رابع

احنا نحدد ونختار المكان اللي نشرب منه
وشدخل حماية المستهلك

هذا اختيار احنا نحدده مش موضوع احتكاري
نقدر ناخذ الارخص ونقدر ناخذ الاغلى



اتفق معاك أخوي كفيت ووفيت

[غناتي1]

لا تشتكي محد بيسمعك

لان فيه ناس تدفع وهي ممنونه وتضحك

[الـجـنـاحـي]

الظاهر انه المطعم او الكفتيريا 5 نجوم.

[ديابلو]

ذاك اليوم امي فديتها خذت من مرمرة اسطنبول وقالت له عن البيبسي ليش بريالين بصراحه تفشلت وهاي عيبنا نستحي في بعض الاوقات .. واللي خلاني اتغشى من الفشيله ان امي فشلته وردت البيسي قالت له بوقف عن الدكان وباخذ منه ابرك لي :eek5::eek5::eek5:


والله مادري شاقولك

لكن نووووكومنت &_&


وليش نتكلم عن المطاعم التركيه بس وتركنا الفنادق وبعض المطاعم اللي صارت اسعارها ناررررررر ....!

:nice:

[ذهب]

في الحق ليش استحي اهو دخل بلدنا يترزق لكن مايستقلنا الي مثل هاذول ماينسحى منهم بلعكس دخل في عيني صبع ادخل صبعين فعينه المستحي ماكول حقه في هالدنيا وسلامتكم

[!قطريـة بنت القمـر!]

يعني جت ع الاتراك .... عادي مثل ما قال احد الاعضاء شوفوا مطاعم الوجبات السريعة .... يعني سعره فوق الريالين بالراحه مايندرى كم بس سعره ما يستاهل وفوق هاي انا ياما كنت اشتري ويعطوني المشروب معفن من قلب وريحته طالعة واستغرب يعني تدفع وخدمة سيئه ومن مطاعم معروفة جدا للاسف .... يعني طنش تعش تنتعش .... احسن شي يشتري له من اقرب بقالة ويفك عمره :) ....

[kitmat]

في مطعم الخيال البيبسي على 4 ريال على باله وين قاعدين في فرنسا

[فهد111]

تعال عيل قهوه الخير الي على شارع الديوان الشاي على 5 ريال والبيبسي 5 ريال وحار مرات والاكلات حدث ولا حرج
في جهه مسؤوله عن الاسعار ابي اشتكي عليهم

[بورصواوي]

انا اشوف كل واحد يحط سعره وكيفهم لو 100 وال يبي يشتري يشتري
شكل ماقلو الشباب في اماكن ب 20 وكل واحد فلوسه في مخباه وله حريه الاختيار

[المخفي]

البيبسي الشئ الوحيد الي ما تغير سعره مع الغلاء

[شسالفة...؟]

عااااااااااااادي شنو المشكله دام ابن البلد ياخذ اجر ثابت آخر الشهر والفلوس للتركي واشكاله

وبعدين يقولك تجاره حره عرض وطلب

يعني بالعربي اللي تبي تسويه سوه بالأسعار محد يمك

وكل هذا على حساب الطبقه الوسطى واللي قاعده تختفي من هالبلد وما دونها من طبقات

[بومحمد911]

اظاهر هاذي عدوى انتقلت الى المطاعم يبون يطلعون من جيوبنا الافلوس باي طريقه

لان مافي قانون يردعهم

اخاف بعد راعي الدكان يسوي عصير بو نص برياليين

[مساهم عادي]

يا اخوان ابتعدوا عن المطاعم قدر الإمكان...ولاتخلونها عادة ...

واحد من الشباب شغال في البلدية..اللي مال المداهمات حق المطاعم... يقول كنا نشوف مناظر مرعبة عن طريقة اعداد الأطعمة قبل الطبخ....شي مانتصوره...
يقول والله لو الأمر بيدي...كان اخلي اصحاب المطاعم ينجلدون في الساحات العامة..
ويقول مهما نسوي مداهمات ومهما نسكر...بس في اشياء وايد مانقدر نصيدها ..


الحين الواحد يحرق قلبه على رفع الأسعار..وعلى ايش؟؟ على اكل فاسد ومعفن!!

[blackjacket]

يا اخوان ابتعدوا عن المطاعم قدر الإمكان...ولاتخلونها عادة ...

واحد من الشباب شغال في البلدية..اللي مال المداهمات حق المطاعم... يقول كنا نشوف مناظر مرعبة عن طريقة اعداد الأطعمة قبل الطبخ....شي مانتصوره...
يقول والله لو الأمر بيدي...كان اخلي اصحاب المطاعم ينجلدون في الساحات العامة..
ويقول مهما نسوي مداهمات ومهما نسكر...بس في اشياء وايد مانقدر نصيدها ..


الحين الواحد يحرق قلبه على رفع الأسعار..وعلى ايش؟؟ على اكل فاسد ومعفن!!

ياخوي ممكن تستفسر من رفيجك وش هو الرقم الي المفروض نتصل عليه في حال شفنا اي مخالفة في اكل المطاعم

[القطرية1]

آخر من بيفيدك
حماية المستهلك
لو يسكرون القسم ابرك.. معاشات على الفاضي.

[القطرية1]

ويقول مهما نسوي مداهمات ومهما نسكر...بس في اشياء وايد مانقدر نصيدها ..

!!

انا اعتقد لازم يكون في عقاب اكبر من انه يسكر المطعم ..مثل غرامات كبيرة
هذا هو الحل من وجهة نظري
اكبر عقاب الغرامات اللي من المفروض تفرض عليهم

[بو الجوري]

:rolleyes2::rolleyes2::rolleyes2:
على طاري بيروت آخر مرة كلت فيه يوم كان ب6 ريال مع الخبز
يوم غير مكانه ماطبيته
وين صار مكانه في سوق واقف
اقدر اطلب منه وانا في السيارة ولا لازم اصف وانزل ؟؟؟
- سؤال خارج الموضوع بس اشتقت له الصراحة :rolleyes2:
وشكرا على الجواب مقدما من اللي يعرف الاجابة

هلا أخوي ..

هو ماغير مكانه .. اللي اعرفه انه فتح فرع ثاني .. اللي هو فسوق واقف .. آخر السوق

أمس كلت من عنده والصحن بـ8 .. بس لازم تنزل عشان تطلب ..

[الخفي]

اولا شكرا لمرور كل الاعضاء الاعزاء والادلاء بارائهم

لذلك ارى ان الاغلبيه اتفقوا ان موب بس الاتراك زادوا الاسعار حتى اغلب المطاعم

وبما ان (( حمايه المستهلك )) اللي نسمع فيها ولا نشوفها ماتسوي اي شي للتلاعب بالاسعار

معنى ان احنا اذا شفنا اللي رافع السعر وخصوصا البيبسي اللي سعره معروف من سنوات

مايتغير نقوله لا ريالين موب شاري منك وانا كنت مستغرب من الريالين طلع فيه محلات على

كلام الاعضاء انهم يبيعون بأكثر من ريالين لذلك ان احنا نخلي لهم البيبسي اللي بريالين

يخيس او ينتهي ولا نشتري منه

[التيما]

صار لي سنين ماشرب بيبسي .. بس فعلا اسعارهم حتى في المطاعم صارت 7 ولا 10 ..

[فراغ]

في مطاعم قلاص البيبسي مب القوطي بـ 18 ريال ؟

والفنادق فوق ال20 ..

صراحه ريالين احسن من 18 و 20 و 7 و ...و...

احسن لك اشتر من الدكان اذا طلبك سفري :)

جات عالبيبسي !!! كل شي غلا .. واللي قاهرني حمص بيروت من 5 ريال الى 8 !!:anger1:

وينك يا بلدية عن حمص بيروت

[وحيد-الشوق]

ذكرتني بموقف مره وانا في المطار القديم مع اخوي طلبت من مطعم شاورما ولما جاب الطلب

قلت له عندك سفن اب قلت له عطني اثنين عقب قالي ترى السفن اب بريالين :eek5: قلت له خله لك :anger1:

ويليت جات بس عالسفن لعنبو غرشه الماي في هاجن داز الي في سوق واقف 8 ريال :omg: بيلفيت يعني

صارت اسعار فنادق تحس انك قاعد في لندن مو قطر :weeping:

[أمير المحبه]

الببسي بريالين
والسندويش صار 7 ريال كفته
وشباقي بعد خلوها على الله
احنا ناااااقصين موب اكفايه الاسهم والغلا

[المفكــر]

الظاهر المقصود القطريين لاني من فترة كنت في واحد من مطاعمهم وواحد تركي ماخذ طلبيه اكثرمن طلبيتي بمرات وطلع حسابه 37 ريال قالهم مبادفع غير 25 ريال لاني طابخها وياكم وفعلا دفع 25 وتوكل

[شقردي]

ياجماعه حاربو الغلاء ترا مش عيب ان احنا نقول هاذا نصب وغالي يعني اذا البيبسي بريالين اخذه من السوبر ماركت لاتستحون منه استحو ان هالاشكال من المطاعم تضحك عليكم

بخصوص حماية المستهلك في سابع نومه ولا تدري عن الوضع

انا من فتره رحت لوكالة الفورد ابي اشتري ليت امامي حصلته 750 ريال بدون شمعنة الليت

طلعت الاحساء وحصلت الليت 245 ريال بالشمعه شوفو الفرق 500 قسم بالله قهرني والليت من شركة الفورد نفسها