دام كل شي مرتفع العقار بيكون مرتفع

[النسر الذهبي]

صدقوني ان ما في شي بيتغير. طالما النمو العمراني مستمر والبلد خيرها ما شاء الله كل ماله يزيد فالعقار راح يتم دايما يزيد. الركود اللي صاير فتره وتعدي باذن الله.

[ماجستك]

اخوي ..

يعني الي صاير الحين في ظنك ان سعر العقار نازل ..العقار قبل 4 سنوات كان اقل من الحين وفي خلال مده بسيطه ارتفع ارتفاع جنوني مقارنه بالمده ...

الى الان السعر يعتبر عالي..الفوت في الخريطيات هالايام على 200..يعني ارض مساحتها(600) الان ب1320000 (مليون وثلاثميه وعشرين الف) ..من يقدر يدفعها..واذا البنك دفعها من بيبني البيت...

نعم الحين نزل ..بس بعد النزول بسيط جدا بس ان شاء الله انه مستمر الى وادي ماله قاع

ياجماعه خلاص خلو الناس اتعيش ...الناس ماتت من غلاء العقار...قطريين صاروا في الشوارع...كلنا سمعنا وطني الحبيب وسمعنا شيبان وعجايز ايتصايحون ...وش بقى

المفروض العقار ينزل اكثر ويوصل الى ماكان عليه قبل 4 او 5 سنين..انت تبي العقار يرتفع وماتدري ان الناس ماتت من غلاء العقار....الله ايهديك بس ..اشلون اتمنى شي وانت تدري انه ايضر الناس...والله يكفي


اسئل الله العظيم رب العرش العظيم ان سعر العقار ينزل الى ماكان عليه سنه 97 ويظل على هالحاله دوم

[الجنوبي 11]

صدقوني ان ما في شي بيتغير. طالما النمو العمراني مستمر والبلد خيرها ما شاء الله كل ماله يزيد فالعقار راح يتم دايما يزيد. الركود اللي صاير فتره وتعدي باذن الله.

اوخوي النسر الذهبيي ودي اصدقك ،والله يسمع منك بان الركود فتره وتعدي ،بس شوف ايش يصير في العالم والدول المجاوره .

[بوحمد2]

اوخوي النسر الذهبيي ودي اصدقك ،والله يسمع منك بان الركود فتره وتعدي ،بس شوف ايش يصير في العالم والدول المجاوره .

وحياتك ليجي اليوم الي تاخذ فيه 1200متر في ازغوه وشارع عام باقل من150للفوت؟؟؟

[ماجستك]

وحياتك ليجي اليوم الي تاخذ فيه 1200متر في ازغوه وشارع عام باقل من150للفوت؟؟؟


اخوي ...هل هاذي حلفه....ارجو ان تمحيها وتستغفر الله عز وجل لان الحلف بغير الله لا يجوز

[شورت تايم]

لا مش حلفه بس تأكيد للشي اذا كنت واثق منه

يعني مثلآ نفس لين يقولك صدقني ومن أنسان واثق

[حرقطر]

اخوي قبل انا كنت ابحث عن بيت في الخور للايجار في حدود 6000

وبعدين والحمد الله حصلت رجال في خير وعطاني البيت 4000 والحمدالله

بس الي اتصلت فيهم وقالووووو لي الايجار على 9000 و 10000 ردو وتصلو وقالو لي تعال اخذ البيت 6000 و5000 قلت لهم اسف والحين في الخور في حدود 5000 الى 7000 والله اعلم

[m_taha123]

أخوي النسر الذهبي السلام عليكم ورحمه الله وبركاته ابي اسالك سوال بالله عليك في مصلحة من ارتفاع العقار الي صار ، الم تصبح البلد 70% عزاب ، الم ترى المواطنين والمقيمين يصرخون في برنامج وطني الحبيب صباح الخير ، الم ترى الناس يسكنون في الكراجات والحوط والزريبة اكرمك الله ، الم ترى الاسعار كيف ارتفعت الى سعر لا عقلاني ، انا ابي اقلك شي ان الله سبحانه وتعالى لا يمكن ان يرضى بالي صار وعلى الظلم الي وقع للمستأجرين من بعض المؤجرين الجشعين ، لكن تأكد أن الايام تمر وما حد يستمر على حاله فكم من فقير اصبح غني وكم من غني اصبح فقير ولعلمك كل الكارثة الي صارت في العالم بسبب ازمة الرهن العقاري وصدقني العقار مب راح ينزل بل سينهار وفي الاخير ابي اذكر نفسي والجميع قول الرسول صلى الله عليه وسلم ( والله لا يؤمن من بات شبعان وجاره جائع وهو يعلم ) شوف الحديث وقول الرسول صلى الله عليه وسلم وهو يعلم اذن شرايك لو طبقنا هذا الحديث في صاحب البيت الي يعلم ان المستاجر راتبة 5 او 7 الف ويقول له ابي 10 الف المصيبة اننا نحن المسلمين للاسف اصبحنا ماديين دنيوين الا من رحم ونسينا اننا سنموت وسنقف امام رب العالمين .

[الصارم]

وحياتك ليجي اليوم الي تاخذ فيه 1200متر في ازغوه وشارع عام باقل من150للفوت؟؟؟




اخوي ...هل هاذي حلفه....ارجو ان تمحيها وتستغفر الله عز وجل لان الحلف بغير الله لا يجوز




جزاك الله خير أخوي ماجستيك على التنبيه وكلامك فعلاً صحيح بس أخونا (مضارب حريص) نفس كثير من الناس اللي تعود لسانهم على هالنوع من الحلف ومايدرون إنه حلف لأن الواو اللي قبل (حياتك) من حروف القسم اللي هي ثلاثه ( الواو:والله ، الباء:بالله ، التاء:تالله ) مثل ( وراس أمك وبوك ، وحياتك ، والنبي..وشرفي..و ) ومايدرون إنه ما يجوز وحرام لقوله صلى الله عليه وسلم (( من حلف بغير الله فقد أشرك )) وقوله عليه الصلاة والسلام: ((ألا إن الله عز وجل ينهاكم أن تحلفوا بآبائكم، فمن كان حالفاً فليحلف بالله أو ليصمت )) ، وهذا الشي منتشر مهب بس عندنا لكن في أغلب المجتمعات العربيه ، أرجو من الأخوه القراء التنبه لهذه المسأله وعدم الوقوع فيها وجزاكم الله خير

[بن درويش]

اخوي ..

يعني الي صاير الحين في ظنك ان سعر العقار نازل ..العقار قبل 4 سنوات كان اقل من الحين وفي خلال مده بسيطه ارتفع ارتفاع جنوني مقارنه بالمده ...

الى الان السعر يعتبر عالي..الفوت في الخريطيات هالايام على 200..يعني ارض مساحتها(600) الان ب1320000 (مليون وثلاثميه وعشرين الف) ..من يقدر يدفعها..واذا البنك دفعها من بيبني البيت...

نعم الحين نزل ..بس بعد النزول بسيط جدا بس ان شاء الله انه مستمر الى وادي ماله قاع

ياجماعه خلاص خلو الناس اتعيش ...الناس ماتت من غلاء العقار...قطريين صاروا في الشوارع...كلنا سمعنا وطني الحبيب وسمعنا شيبان وعجايز ايتصايحون ...وش بقى

المفروض العقار ينزل اكثر ويوصل الى ماكان عليه قبل 4 او 5 سنين..انت تبي العقار يرتفع وماتدري ان الناس ماتت من غلاء العقار....الله ايهديك بس ..اشلون اتمنى شي وانت تدري انه ايضر الناس...والله يكفي


اسئل الله العظيم رب العرش العظيم ان سعر العقار ينزل الى ماكان عليه سنه 97 ويظل على هالحاله دوم

الحمد لله الحكومه ما قصرت عطتنا الارض وانشالله الله بيقويها وبتبني لنا (قطريين) وارض قطر غاليه علينا تبي تشتري منه ارفع سعرها اما اذ اقطري وتبي اتصير رخيصه ومن اللي اشتكى الاجانب هاي ابلادنا واحنا احرار لين اروح ابلادهم ندفع لين اجر مبلغ وقدره ولين ايون ابلادنا ايقولون غاليه بس تيمع ترى عددا اشوي الله يخليك وعددهم وايد ربعنا بنرخصلهم الغالي ( مثلك وشرواك) بس لاتدعي على ارضنا الله ايخليك تراها غاليه علينا اذا مب قادر تشتريه بفلوس اجدودي شروها بالدم ترى هذه قطر الغاليه الغاليه الغاليه والله ايخلي اميرها تاج على رؤسنا

[شورت تايم]

حسبي الله ونعم الوكيل على كل ظالم

[النسر الذهبي]

يبه اسعار الاراضي ما راح تقل واللي صاير ان في ناس متوهقه بتجاره وفي ناس تبي تبيع الاراضي البعيده وتشتري اقرب. ولما سالفة الركود تخلص والدوله تستانف مشاريعها حزتها كل شي بيرجع مكانه باذن الله يمكن مش بالسعر الجنوني بس بالثبوت في اسعار العقارات ان شاء الله

[شورت تايم]

يبه اسعار الاراضي ما راح تقل واللي صاير ان في ناس متوهقه بتجاره وفي ناس تبي تبيع الاراضي البعيده وتشتري اقرب. ولما سالفة الركود تخلص والدوله تستانف مشاريعها حزتها كل شي بيرجع مكانه باذن الله يمكن مش بالسعر الجنوني بس بالثبوت في اسعار العقارات ان شاء الله


بخصوص سالفة الركود لما تخلص كل شي بيرحع مكانه صح كلامك وانا معاك في
تقريبآ في هالنقطه ....

لكن الركود بيخلص بعد تقريبآ سنتين هذا مش كلام من عندي انا جايبه هذا كلام اكبر المسؤلين والوزراء دول العالم سوا اجانب او عرب او خليجيين ودايمآ اذا قالو لك سنتين يعني
مش اقل من 4 اسنين لانهم مايبون يضخمون الحدث عشان الناس ما تخاف لكن حط في بالك سنتين في ركود وخلال هالسنتين
تأكد أن قيمة البناء والمواد الاولية بترخص يعني اللي يبني لك تشطيب ديلكس 2400
يعمكن بعد سنتين يكون 1200 ويمكن ماتدري يينزل لين 800

يعني الافضل البناء على الشراء