من يعرف حق موقع bidz

[sos_store]

بليز ياشباب وصبايا المنتدى الي يعرف لهالموقع يعلمني عليه او يقول لي شلون اقدر اتعامل معاهم ومشكورين

[فلفل حار]

عجبني الموقع بعد

بس ماعرفت له

[كونكورد]

السلام عليكم
الموقع أنا جربته .. سجلت فيه وبديت بالمزايده
بس لاحظي ان المزاد اغلب شي يكون على الاشياء اللي باقي على المزاد ثواني
وطبعا ، ممكن الاشتراك في Pay pal وهذا اضمن
وانا اشتركت في ال Paypal بس يوم خلص رصيدي قمت اشتري بالفيزا كارت وكان مضمون
والصراحة الأغراض كانت توصلني مثل ماهي في الصورة
بس اتحطين في بالج شي واحد .. حجم السلعة .. لأن كل سلعة موجود لها مقاسات
وأي سؤال أنا حاضر

[اناقه]

ترى المزايده سهلة جدا

اول الايام تميت اتابع فقط

وعقب تعلمت

ما يبيلها شي

بس الافضل انج تنتظرين الثواني الاخيرة من المزايده و تزيدين

والمزايده اوتوماتيكية او انج تحطين سعرج

وبالنسبة للدفع انا ادفع عن طريق الفيزا

و تطرش الاغراض حق عنواني في امريكا و عقب توصل الدوحه

وترى اغراضهم تجنن و اسعارهم خيالية

و بالنسبة لبريد امريكا تقدرين تسويين لج بريد عن طريق ارامكس

بس نصيحه حبيبتي تحملي تزايدين على اشياء ما تبينها و تخلينها تتراكم

لان عقب بتتوهقين اذا وصلتي حق عدد من السلع وتمت سلعه في خاطرج تبيها ترى ما تقدرين تاخذينها الا اذا شريتي اللي زايدتي عليهم

ان شاء الله تكونين استفدتي

(( عيدج مبارك ))