مطعم في شارع سلوي

[Revamp]

امس رحت اتعشي في مطعم في شارع سلوي وبصراحه هذا المطعم يستغبي الزباين
اول ما تقعد يجيبون لك ماي صحه من الكبار بدون ما تطلب...واذا خلصت الاكل يمرون عليك بكيك يعني سوييت الواحد يفتكر انه ببلاش...لكن من تقوم وتدفع الحساب تلاقيه محسوبه عليك....بما اني انا جيت هذا المطعم من شهرين....ولاني اعرف هاذي السوالف قلت لهم ما احتاج الماي...المهم يوم قمت ادفع لقيت الربع حاسبين علي ....انا بس حبيت اقول للجميع ان الواحد منا يلزم علي الفاتوره يوم يخلص اكله....ثري ها العالم يستغبون القطري بالذات انا احنا ما نقري الفاتوره....انا عن نفسي هذا المطعم بالنسبه لي صار عدم

[Bu Rashid]

صج والله .. وعليهم حركات ثانيه غير جذيه ...

مره طلبت سلطه وما يبوها ... اكلت الوجبه وقلت لهم ما جبتوا السلطه قبل الوجبه فما احتاجها الان كنسلوها ...
كنسلوها بس جابوها في الفاتوره يسووووون روحهم ما يدرووووون ...:anger1:

يعطيك العافيه على تنبيه الاعضاء ...

[عضو المنتدى]

وعندك مطعم الساحة (مطعم سوري ما دري لبناني ) في شارع بن عمران

الصراحه سيئ

تطلب سندويتش شكف لحم , يحط لك 3 ألحمات وحده كلها شحم !!!

:(

[الطيبة كلها]

احنا دائما نشوف الفاتورة بالمطعم وما نسكت عن حقنا حتى لو مثلا جابوا شوربه وتطلع سيئة اردها واكنسلها من الفاتورة حتى العصير ارده اذا مب حلو واكنسله من الفاتورة

[sendarala]

الله يرحمنا يرحمته
لان شايفين الكل يدفع بدون ما يحاسب
بس ما يدروون ان الكل انتبه لهم وقام يجادل في الفاتورة
والله يوفق الجميع ،،، وشكرااخوي Revamp على طرح الموضوع

[زقرتي ومزاجي]

تسلم على التنبيه

[شويهينــه]

والله صرت اكرهم من سوالفهم هذي

صاروا يستغبون القطري بشكل يحر

[nor85]

لاتسكتون لهم والله يستغفلونا النص ريال مايعطونك اياها يجبون لك غرشه ماي وانت ماطلبتها لما تخرد 500 تشوف الخرده غلط لان على طول مانحسب تعطينا اياها ونخدلها في الشنطه لكن الحين احسب من وراهم ولين عطوني حلاوه او علوج رجعتها قلت لهم مابيها ابي نص ريال

[شيزكيك]

اي صح دققوا وراهم ساعات اطلب وما يبون الطلب وياويلهم اذا حصلناه في الفاتوره


وساعات يطقطقون على الراس انهم ناسيين


لكن خل يكون شعارنا لا للاستغفال

[ANONYMOUS]

لاحد يستحي..


مابيقولون هذيلا.. اجاويد.. ولا مايبون يحرجون المطعم.. ولا كرماء..


لان يوم يشوفونكم ساكتين.. يقولون هذيلا اغبياء ومغفلين..

فلا تخلي حد ينظر اليك كـ غبي.. او اخرق

[ديمقراطي]

نفس الحركه صارت معاي في ستاربكس اللاند مارك .. طلبنا قهوتين بس .. الا الحساب 60 .. بعد ماراجعنا الفاتورة طلع حاسب علينا كيك بعد

[فلفل حار]

ناندوز فرع السد وفرع سلوى دايما يسوون هالحركه

كنت عميل دايم عندهم والحين مقاطعهم صار لي فتره ولا افكر ارجع لهم

(دعوهم يخيسون )

:):):):)

[بويوسف]

محل ناندوز اخر مرة رحت له كان ردئ وخدمتهم سيئة والاكل تعبان .. خصوصا اللي في فرع طريق السلوى ومن بعدها كنسلت اروح له.

[بومحمد911]

هاذولي ترا في دمهم النصب والاحتيال حاسبوا منهم

لا تستحون في مثل هل المواقف

[بوخالد911]

لازم تنتبهوون من الاستغلال


ولازم تشيكوون ع الفاتورة زين ما زين قبل الدفع

[_بوشهاب_]

شكلكم ماعرفتوا بوشهاب يوم يحاسب يطلع روحهم ومرات يكون الماي ببلاش
لان الفلوس من تعب مب محصلها في الشارع وبدفعها لهم والحق حق والفلوس فلوسكم ولكم الحق محاسبه المطعم في كل ريال وتقبلوا تحياتي

[miss-qatr]

انا هالمكان اللي مااحبه كلشششششششش



وبعد حبيت اضيف مطعم الساحه يغلط بالفاتوره ومن الغباء ان يطلع مبلغ مباااالغ فيه:omen2:



هذا كلام ناس مقربين :secret:



تسلم عالتنبيه

[تـاجر الـذهب]

طيبتنا وسكاتنا خلاهم يتجرون علينا


نصهم شغالين قبل بالسعودية والكويت ويعرفون شلون يصرفونها علينا



وزين سويت فيهم

[تـاجر الـذهب]

طيبتنا وسكاتنا خلاهم يتجرون علينا


نصهم شغالين قبل بالسعودية والكويت ويعرفون شلون يصرفونها علينا



وزين سويت فيهم


زين عندي سؤال :rolleyes2:

وين وشنهي هالجهه الي لازم افكر فيها ويمكن تصيب ويمكن تخيب عشان نعرف
انها هي المسؤولة عن استقبال الشكاوي على هالمطاعم الي تتكرر اخطائها باستغفال الناس؟

وسرقة فلوسهم


وعندي اقتراح للي يبون يروحون لنناندوز انهم يركبون عدسات زرق ويصبغون شعورهم
اشقر ويتكلمون انقليزي او بلهجه لبنانيه عشان يتهنون بوجبتهم بدون مايحاتون ان احد بيسرقهم بالحساب ( طبعا بالغلط يعني )

[*¤ بن قطر¤*]

جات بس على هالمطاعم ... حتى فنادق الخمس نجوم تسوي هالحركه ... و كلمة ٍSorry Sir
جاهزه.

أول كانوا الشباب يعيبون علي لاني أراجع الفاتوره بغرض عدم استغفالنا ... لانه ما شاء الله

علينا لي جات الفاتوره تصير هوشه ندفع وما ندري ايش حاطين بالفاتوره.

بس لما أنلسعوا أكثر من مره ... صاروا يشيكون :)

و شكرا

[غناتي1]

لاتسكتون لهم والله يستغفلونا النص ريال مايعطونك اياها يجبون لك غرشه ماي وانت ماطلبتها لما تخرد 500 تشوف الخرده غلط لان على طول مانحسب تعطينا اياها ونخدلها في الشنطه لكن الحين احسب من وراهم ولين عطوني حلاوه او علوج رجعتها قلت لهم مابيها ابي نص ريال


وانا اسوي مثلج 000 ويطالعوني بنص عين

أحمر عليهم عيني وأطالعهم من فوق لتحت

[الصمت]

يمدحون اكل البيت

[blueZircon]

والله مب بس المطاعم حتى المحلات اللي بالمجمعات

على سبيل المثال محل فيرجن في فيلاجيو , الصراحه نصب واحتيال وجشع عمري ماشفته

انا قبل فتره شريت تحويلة ايبود للسياره من خارج قطر كلفتني 230 ريال شامل الضريبه الحكوميه بعد

وانا مار في فيرجن شفت نفس السلعه قلت خل اشوف السعر وياليتني ماشفت السعر ,, 499 ريال !!!!!

خير يبه وين قاعدين احنا ؟؟؟؟؟ اش هالجشع والنصب والاحتيال

ماقول حسبنالله عليهم وعلى اللي يحط الاسعار

عبالهم اهل قطر اغبياء وعلى نياتهم

[الوعد2016]

المطاعم يستغلون الطيبه ويستغلون اهمال البلديه ويستغلون نوم حمايه المستهلك

[وضحى قطر]

تصدقون حتى الخيمه فالسد سووا فينا نفس الشي انا وزوجي جابو لنا اشيا ما طلبناها والله والي يبط الجبد اكثر انه المصري الي يشتغل هناك يبي يشربنا اياها بالغصب شوي وبيقول باخذونها غصبن عنكم بس الحمد لله ريلي عصبي زفه زففففف لا وشوي والا يجيبون لنا طلب ما طلبناه قام ريلي قاله انا ما طلبت هالاكله قاله امبلا طلبتها قاله اقولك ما طلبتها لا تعورون راسي شهالمطعم رووح اسال مديرك انا مكلمه شخصيا لما طلبت قال طيب راح رجع معاه الاكله الا يقول ((المدير بيقول انته طالب ده كمان )) وانا مااااسكه نفسي ريلي مايحب اناجر غرب ولا اكلمهم هو يتكفل بهالشي ولله كان ودي اخذ صينيته واصقعها على راسه قاله ريلي اذلف قول حق مديرك انا ماطلبتها ولا باخذها كذا ولا بنمشي ولما جات الفاتوره الا مسجلين الطلب قام ريلي دفع الي طلبناه وسفه الباقي طبعا مالهم عين يقولوله شي واحنا طالعين لو تشوفون شلون يخزونا والله تقول احنا الي مستغبينهم وماكلين حقهم ولا نبي نصب عليهم موب هم
حسبي الله عليهم

[اكسجين]

لاحد يستحي..


مابيقولون هذيلا.. اجاويد.. ولا مايبون يحرجون المطعم.. ولا كرماء..


لان يوم يشوفونكم ساكتين.. يقولون هذيلا اغبياء ومغفلين..

فلا تخلي حد ينظر اليك كـ غبي.. او اخرق



:nice:

[حبر سري]

لاحد يستحي..


مابيقولون هذيلا.. اجاويد.. ولا مايبون يحرجون المطعم.. ولا كرماء..


لان يوم يشوفونكم ساكتين.. يقولون هذيلا اغبياء ومغفلين..

فلا تخلي حد ينظر اليك كـ غبي.. او اخرق

وانا معاك في هالشي والله

المفروض كل واحد يشوف فاتورته وهو طالع
هذا حقك

[دانـة قطـر]

احياناً نلقى فالفاتورة 10 ريال زياده عالطلب

لما سألتهم قالوا هذا بقشيش الخدمه !!

كنت كله أدفع اللي فالفاتورة بدون ما انتبه بس هالمره دققت

قالوا اللي معاي فشلتينا عطيهم هذا بقشيشهم :rolleyes2:

يعني لازم أعطيهم يقشيش؟؟<<< بخيله:tease:

[Grnas]

ناندوز الستي : الشوربة مجانية

بس ناندوز السد وسلوى بفلوس

الاستغباء تحصله في كل زمان ومكان بس اهم شي اللي يدقق ويحسب وشو طلب بالضبط

شي ثاني مطاعم تشيليز وأبل بيز في 5% سيرفس (هذا اذا ماكان أكثر) فأنا استغرب اللي يعطيهم بخشيش فوق هذا الشي.
^^
اللي يعرف ليش الـ 5% يقول لنا.

[الواعد]

أنا صارت لي نفس السالفة في مطعم الخيمة

طلبت كريم الكراميل المهم الطلب ماجاء واكلنا وخلصنا

الا الأخوان حاسبينه في الفاتورة :)

قلت له أخوي الطلب ماجاء شلون تحسبه

قال خلاص دقيقة ويجي قلت له لالالا مشكور

وطبعا كنسل فلوسه

من بعدها صرت ادقق اكثر من قبل بالفاتورة


ومن قبل رحت لمطعم الكروان أنا واخوي

وطبعا جاب لنا ماي كبير بعد ماخلصنا قام أخوي وشال الماي

وقال مادام جابوا لنا كبير واحنا ماطلبناه بشيله معاي :)

[دانـة قطـر]

ناندوز الستي : الشوربة مجانية

بس ناندوز السد وسلوى بفلوس

الاستغباء تحصله في كل زمان ومكان بس اهم شي اللي يدقق ويحسب وشو طلب بالضبط

شي ثاني مطاعم تشيليز وأبل بيز في 5% سيرفس (هذا اذا ماكان أكثر) فأنا استغرب اللي يعطيهم بخشيش فوق هذا الشي.
^^
اللي يعرف ليش الـ 5% يقول لنا.

5% يعني كم ريال :con2:

[Grnas]

5% يعني كم ريال :con2:
اذا كان حسابك 100 ريال= 5 ريال
== == 300 ريال = 15 ريال

[لوردغاليري]

تسلم على التنبيه

[فهد111]

يليت كل واحد يشيك على فاتورته ومب مطااعم وبس حتى محطاات البترووول لو كل واحد شيك كم صب وكم دفع بينصدم من الغش الي حاصل تقريبا كل يومين يصيرمعاي هالموقف اذا الهندي شاف قطري قال هااي مابيتضايق اذا خذيت منه 10 ريال بدون مايدري

[جوال 11]

شكرا على التنبيه
أحد أفرع الميرة باقي لي 25 درهم لما راجعت الفاتورة سألت المحاسب عن ال 25درهم تصوروا وش قال
أنت قطري يبي 25 درهم .
وهنالك دكاترة تعمل هذا الشئ من يومين كنت في أحد المراكز الصحية التجارية وبعد الأجراءات مع دكتور عظام قال حاسب الصندوق وأنا دافع حوالي 1000 ريال لما سألت الدكتور قلت له المبلغ كبير صورة أشعة وتحليل دم والدكتور ، تدرون وش قال غيرك دافع الحين 3500 ريال .
فعلا أستغلال من دون رقيب الكل ينهش في المواطن، المستشفيات المجانية تحتاج واسطة للعلاج وأنهاء أجراءتك معاهم.
واللي يسرق 25 درهم يسرق أكثر والله يكون بعون المواطن.

[_بوشهاب_]

يليت كل واحد يشيك على فاتورته ومب مطااعم وبس حتى محطاات البترووول لو كل واحد شيك كم صب وكم دفع بينصدم من الغش الي حاصل تقريبا كل يومين يصيرمعاي هالموقف اذا الهندي شاف قطري قال هااي مابيتضايق اذا خذيت منه 10 ريال بدون مايدري

مايتضايق!! خله يسويها ويشوف اخليه يتضايق ولا لا ههههههه والله حاله

[القطرية1]

احنا دايما نراجع الفواتير وفي اغلب الاحيان انلاقي غلط
ىخر مرة سارت لنا في لاسيكال
كنا فوق 10 اشخاص بس حافظين طلباتنا وجالنا المدير البناني على ما ظن .. واخذنا بالشيمة
( خلاص انا راح ادفع من جيبتي ) وخربيط

ناهيك عن الهنود اللي في الجمعيات فهذول خلهم على صوب
عني انا لازم احط عيني على الكشير وسوي روحي اني امتابعته علشان ما يستغفلني

[السد]

اي مطعم الشيخ ؟

[Revamp]

اي مطعم الشيخ ؟

ناندوز في شارع سلوى...علي فكره مب انا الي غيرت العنوان..الظاهر احد ثاني

[بنت المنتدى]

امس رحت اتعشي في مطعم في شارع سلوي وبصراحه هذا المطعم يستغبي الزباين
اول ما تقعد يجيبون لك ماي صحه من الكبار بدون ما تطلب...واذا خلصت الاكل يمرون عليك بكيك يعني سوييت الواحد يفتكر انه ببلاش...لكن من تقوم وتدفع الحساب تلاقيه محسوبه عليك....بما اني انا جيت هذا المطعم من شهرين....ولاني اعرف هاذي السوالف قلت لهم ما احتاج الماي...المهم يوم قمت ادفع لقيت الربع حاسبين علي ....انا بس حبيت اقول للجميع ان الواحد منا يلزم علي الفاتوره يوم يخلص اكله....ثري ها العالم يستغبون القطري بالذات انا احنا ما نقري الفاتوره....انا عن نفسي هذا المطعم بالنسبه لي صار عدم



مطعم ناندوز مره من المرات اسحبوا من الكردت اكثر من الفاتوره :eek5:

حاسبوا الذمه وسيعه عندهم :secret:

[بنت المنتدى]

ناندوز في شارع سلوى...علي فكره مب انا الي غيرت العنوان..الظاهر احد ثاني

الفروض العنوان مايتغير واله لي متى واحنا نغطي عليهم المفروض يخلون عنوانك !!

[*ام محمد*]

مشكور على الموضوع والله اخوي انا حتى في الجمعية لما يعطوني علوج اقولهم ما ابي عطوني النصف ريال علشان ما يحسون ان انا مستغفله واستحي اطلب نص ريال لا والله اطلبه وطز فيهم حتى لو وراي طابور ينطر مالي خص اطلب حقي وكل عام وانتو بخير

[رأس بروق]

امـــس شايف الموضوع لقيت اسم المطعم اليوم مافيه ...؟؟؟؟؟؟؟؟

[technical]

امـــس شايف الموضوع لقيت اسم المطعم اليوم مافيه ...؟؟؟؟؟؟؟؟

أسم المطعم ناندوز , وذكر المطعم يجوز لأن الذي ذُكر يتعلق بالخدمه .

[ذيبه مزاجيه]

اشوه اني ما اروح مطاعم و لا اكل فيها هههههه << مفتكه

بس شي يجيب المرض شنو هاي !!!

حسبي الله عليهم .. لو كل احد كلاهم بقشورهم كان تأدبواا .. يا كافي الشر ما يجون الا بالعين الحمره

[Dohasun]

مشكورين على الموضوع

وياريت الكل ينتبه من محطات البترول خصوصا اذا يعبي السيارة مثلا يقولك 50 ريال ولو تدقق على العداد تلقى لحساب 49 ونص
وهذي الطريقة متبعه عندهم وفي اكثر من محطه بترول
ولحساب يطلع اذا عبى حق 500 سيارة يطلع له 250 ريال في اليوم فما بالك بالطوابير
انتبهوا منهم هذي سرقة عيني عينك
انا حصلت معاي 3 مرات وكل مرة بدل ما اعطيه زيادة اخليه ينقص او يرجع يعبي بريالين مب مشكلة

[امل الحب]

اشوه اني ما اروح مطاعم و لا اكل فيها هههههه << مفتكه

بس شي يجيب المرض شنو هاي !!!

حسبي الله عليهم .. لو كل احد كلاهم بقشورهم كان تأدبواا .. يا كافي الشر ما يجون الا بالعين الحمره

مو بس المطاعم..

الجمعيات والمكاتب والمحلات وووو الخ

دايما راجعي الفواتير :)

[الكلدي]

المطاعم مقدور عليهم انا عندي طريقه اتعامل معاهم فيها

وخاصه المصريين واللبنانيين

شوفوا خل معاك ورقه وقلم وانت تطلب

يعني اكتب الطلب في ورقه وحط السعر قدام كل اكله وخل الجرسون يشوفك وانت تكتب

حسسه انك عارف حركاتهم وانك مو هين واجمع المبلغ وكتبه بخط اكبر وحطه على الطاوله

بط فيه عينه ...وشوف الفاتوره بتجيك على الملللللي

والله يبيلهم ما يستاهلون حد يعاملهم باحترام

وخصوصا اذا جاك وحط غرشه الماي قدامك..غصب تشربني ماي لا ويفتحها بعد عشان تحسب
عليك

بصراحه انا اخليه يفتحها وبعدين اقوله خذها معاك انا ما طلبت ماي

ولو تنتبهون ترى غرشه الماي هذي تمر على كذا واحد لانها من الاساس مفتوحه

[شورت تايم]

تسلم على التنبيه

[ss26]

هذا في كل مكان

حتى في الفنادق

[Revamp]

ههههههههههههههههههههههههه

:omg::omg::omg:

[أمير المحبه]

امس رحت اتعشي في مطعم في شارع سلوي وبصراحه هذا المطعم يستغبي الزباين
اول ما تقعد يجيبون لك ماي صحه من الكبار بدون ما تطلب...واذا خلصت الاكل يمرون عليك بكيك يعني سوييت الواحد يفتكر انه ببلاش...لكن من تقوم وتدفع الحساب تلاقيه محسوبه عليك....بما اني انا جيت هذا المطعم من شهرين....ولاني اعرف هاذي السوالف قلت لهم ما احتاج الماي...المهم يوم قمت ادفع لقيت الربع حاسبين علي ....انا بس حبيت اقول للجميع ان الواحد منا يلزم علي الفاتوره يوم يخلص اكله....ثري ها العالم يستغبون القطري بالذات انا احنا ما نقري الفاتوره....انا عن نفسي هذا المطعم بالنسبه لي صار عدم

ياخوي صادق في كلامك اكثر المطاعم هاي حركاتهم وشو اتلاقيه
عقب اللي سواه يتملحس صوبك يبي يخشيش
ولا غير ذي اخوي ايام المؤتمر شوف سياير اليموزين لاعبين فينا لعب
اول ماركتبت الليموزين اشيو اقوله شخبارك مدير قال تمام
يقولي انت يروح شريتون قتله اي وصلني وفي الطريق هذا نفرات قطري واجد زين
ههه ومشي اي واجد زين اشوي انت شنو نيم انا نيم فلان بن فلان يقولي اووو
هاي نيم كبييير داخل قطر ضحكت قتله ايه امشي ابي اشوف وين يبي يوصل
ترا يحطونكم في الشيمه المهم من الستي لين الشيرتون وصلت اقوله كم
يقولي 50 ريال خمسين يني يدخلون فيك لييييش يقولي قطري مافي مشكل رجال
واجد زين قتله شوف بابا مافي كلام زياده قتله هاك 15 بغا يصيح ادري انه اغلا
لعبت في حسبته خليته يفكر الف مره قبل لايقص علينا واخرتها قطيت عليه 20
ريال وراااااح لاتخلونهم يقصون عليكم ترا الكل قام يقص علينا والله :victory:

[لاجئ عاطفي]

احسن حل من وجهة نظري البوفيه لان سعر البوفيه محدد وتقدر تاكل فيه وتشرب فيه اللي تبي وبهالطريقه ماتدخل في تشعبات الفاتورة وتفاصيلها واؤيد الاخوان برفع شعار لا لاستغلال القطري من قبل الاجنبي حتى لو على نص ريال

[Revamp]

علي كل حال اليوم رحت وخذت لي عشا من الزرقا والله يا حي العز.....ما عقب الشباتي ...مالنا بد منه من وقت لوقت

[QatarServ]

اخوي قصدك ناندوز صح

,,!

عالعموم تسلم عالتنبيه

:)

[الـجـنـاحـي]

اخوي فيه ناس ماتبالي تدفع من غير تشوف الفاتورة.