شركة عبدالله عبدالغني

[الجنوبي 11]

ابشركم جهودكم واتفاقكم على رفع شعار "دعوها تخيس" قد افلحت،فلقد تم التخلص وانهاء خدمات احد مسئولي المبيعات في الشركة المعروفين والذي كان يتعامل من تحت الطاوله ،هذا اللى عرفته اليوم ،وهناك تغيرات ستجري في الشركة ،استمروا في الحمله بارك الله فيكم :nice::nice:

[qtr1]

:anger1::anger1: لين نحس با الفرق في المعامله وقسم التشييك

[qtr1]

دعوها تصدي

[Q1933]

والله عرفته اقول من ولا لا

[سمو انسان]

.....

[شموع قطر]

خخخخ حلو التعليق دعوها تصدي وانا معاكم لاكن من وين بناخذ جيات لو خلينها تصدي

ولا اقول لكم اشرايكك نخلي التيوتا ونروح الحق النيسان

ومشكور اخوي على المرور

[ديابلو]

والله عرفته اقول من ولا لا



قول وش تنطر من هشام ولا الدوراني ولا شاجي

[ولد شرق]

دعوها تخيس يالربع فعلا وخلونا نتكاتف لأن فعلا انا كنسلت حجز موترين من عندهم وخذت تاهو بدال الجي و اسكاليد بدال اللكزس والصراحه ولا اروع من السياره والخدمه يادهينه لاتنكتين

[الهاجري001]

خلهم يحسون اذا بيحسون صدق يالربع اللي سووه فينا مب شوي

لكن ما اقول خلوا حنا تحت شعار

((خـــــلوهـــا تصـــــدي))

[هجمة مرتدة]

ناس متجيش الا بالعين الحمرا!!!

خلوها جعلها تحترق!!

[محمد عبدالرحمن]

لي وجهة نظر اتمنى نقوم بحملة لها،

أي وكيل سيارات ما يوظف قطريين في مناصب، نقوله "دعوها تصدي"


الفردان للسيارات - بي أم دبليو؟ لا يوجد قطريين؟ دعوها تصدي
الفردان بريمير - لاند روفر و جاغوار؟ لا يوجد قطريين؟ دعوها تصدي
ناصر بن خالد - مرسيدس بنز؟ لا يوجد قطريين؟ دعوها تصدي
البراق للسيارات - بورش؟ لا يوجد قطريين؟ يوجد بحريني و يوجد سلمان درويش، لكم القرار
عبدالله عبدالغني و اخوانه - تويوتا و لكزس؟ لا يوجد قطريين؟ دعوها تصدي
بوزوير - أودي؟ لا يوجد قطريين؟ دعوها تصدي
المانع للسيارات - فورد و بيجو؟ لا يوجد قطريين؟ دعوها تصدي
المتحدة للسيارات - جيب، كرايزلر، دودج؟ لا يوجد قطريين؟ دعوها تصدي
الوطنية للسيارات؟ مازدا؟ لا يوجد قطريين؟ دعوها تصدي
المناعي - جمس، كاديلاك، هامر، اوبل، سوبارو؟ لا يوجد قطريين؟ دعوها تصدي
الدانة للسيارات - لامبورجيني، بنتلي؟ لا يوجد قطريين؟ دعوها تصدي
سبورت كارز - الفردان - فيراري و مازيراتي؟ لا يوجد قطريين ؟ دعوها تصدي
وغيرهم من الوكالات



من الواقع، الحمدلله كل القطريين عايلة واحدة ايش ماكان الإسم الأخير ولا ماكان اسم، كلنا عايلة و نخاف على بعض و أغلبنا نخاف على سمعتنا و سمعة اهالينا
من الواقع، هل الدوحة أخبر الناس بالسيارات، و بعد هل الخليج
من الواقع، مب كل القطريين بيمشون كل شي فري للعملاء، لكن على الأقل بتكون في مصداقية و يقفون للحق لصالح الوكيل و العميل مع بعض سواءا في مجال خدمة ما قبل البيع و خدمة ما بعد البيع


تخيلو لو كان مدير المرسيدس شاب قطري متعقلم كفؤ على أخلاق؟
تخيلو لو بوزوير وظف قطري إداري للأودي؟ مب كنا شفنا السيارة منتشرة بين شباب الدوحة؟

تذكرون عمر الفردان لما خذا وكالة البي إم سنة ٩٤؟ كنا نشوفه بيننا يسوق لسياراته و كان يهتم السيارة تنتشر بين القطريين و فعلا البي إم اللي ماكان لها سوق في ديرتنا إلا لجنسية معينة، صارت منتشرة بين شباب قطر و ما أجمل هالسيارات لما يركبها ولد الديرة، بس شنو الفايدة، الحين سلم زمام الأمور لجنسيات همها الكوميشن من الوكيل و الكوميش اللي يندف من البنك لكل معاملة سيارة

الوكيل اللي مايوظف شباب قطريين أكفاء، نقوله "دعها تخيس" و أشكر صاحب الموضوع، و خلونا ننشر المقاطعة لكل شأن كبير يخص العامة في مجالات غير السيارات لاحقاً.

تحياتي،
الديان

[Engineer CA]

الصراحه شركه المفروض تقوم على خدمه العملاء

ولكن قايمه على الجشع وعدم الاحترام للزبائن

قل سنع

[هاجن داز]

للاسف هذي نهاية الفساد الي سايد في الشركه

بخاشيش .. ومعارف .. وغيرها


انا واحد كرهت الشركه من خدمتهم السيئه جدا جدا

[فلفل حار]

انا واحد بابيع الكروزر وبشتري كورفيت 00 عقب العيد ان شاء الله

خل عبد الغني يطق صبع علي سيرفزه

[عضو قديم]

اذا كل الوكالات نقول دعوها تصدى
زين شنسوق ؟
ركشتا؟ تخيل رايح النعيمي تبي تكرك بالركشا ههههههههههههههههههه
http://www.aldair.net/data3/uploads/india%2084a.jpg

او تخيل اليهال ماخذهم الدريول للمدرسة على هذه الركشا

http://newsimg.bbc.co.uk/media/images/42366000/jpg/_42366294_india_ap416.jpg

[إنتعاش]

ان كانك تقصد اخوي عبدو

فحسب علمي ان جايه عرض بشركة كبيرة في دبي من فترة

والله اعلم

[S A L M A N]

اتمنى صج انه يعملون حساب لنا ويتأثرون بهالشي الي نسويه

ودعووها تصدي

[بوعلي2]

بعد بتاخذون كروزر حتى لو كان غالي

[بـن عدوان]

يمدحون النيسان ^_^

[بوخالد911]

للظالم يوووم


بس ما عرفنا !!

من اللي فنشوووه؟

[làst çhàncè]

ماراح اشتري منهم الا لين يعدلون معاملتهم ,,, وريخصون الأسعار اللي مالها داعي

[بن درويش]

:weeping:انا نستغني عن السياره هذا امر صعب علينا بس من وجهت نظري لا نلحق الموضه وكل سنه نشتري سياره خلك على سيارتك لين اتعرف اشلون اتفكها وتركبها ادري ان ذي في المشمش بس شوفوا لو كل واحد الحين خلى سيارته عنده وما باعها ولا شرى سياره يديده شنو بيصير اول بتفتح ثقافة غير عند الشباب اللي هي ما في تعالي وبتقوى الروابط بينهم لان ما في زبو على الفاضي حتى اللي يقدر ايطلع سياره يديده بيحس انه غير عنهم ومب من فئتهم على قولة اللاولين جنه من غير ناس ما تندس وبتشوفون ان بعض المشاكل الاجتماعية بدات في النزول من حيث النسبه حيث انا الشاب الذي كان يلاحق موديلات السيارت ويعمل كل سنه جدوله علشان ياخذ سياره ثانيه يديده اقساط صار عنده راس مال وفكر يتزوج والمره اللي بياخذه مع تفكير زوجها المتوضع سوف تتخلى عن بعض متطلبتها يمكن من ضمنهم الخدمه والسفر في الصيف والمصاريف اللي مالها عدال اكيد اتقولون هذه ايحلم او يمكن اني عايش في زمن ابوي الله يرحمه وامي الله ايخليها

[سمو انسان]

دعوها تصدي ودعوهم يفحون .مواتر بمذله مانبي

[شقردي]

لي وجهة نظر اتمنى نقوم بحملة لها،

أي وكيل سيارات ما يوظف قطريين في مناصب، نقوله "دعوها تصدي"


الفردان للسيارات - بي أم دبليو؟ لا يوجد قطريين؟ دعوها تصدي
الفردان بريمير - لاند روفر و جاغوار؟ لا يوجد قطريين؟ دعوها تصدي
ناصر بن خالد - مرسيدس بنز؟ لا يوجد قطريين؟ دعوها تصدي
البراق للسيارات - بورش؟ لا يوجد قطريين؟ يوجد بحريني و يوجد سلمان درويش، لكم القرار
عبدالله عبدالغني و اخوانه - تويوتا و لكزس؟ لا يوجد قطريين؟ دعوها تصدي
بوزوير - أودي؟ لا يوجد قطريين؟ دعوها تصدي
المانع للسيارات - فورد و بيجو؟ لا يوجد قطريين؟ دعوها تصدي
المتحدة للسيارات - جيب، كرايزلر، دودج؟ لا يوجد قطريين؟ دعوها تصدي
الوطنية للسيارات؟ مازدا؟ لا يوجد قطريين؟ دعوها تصدي
المناعي - جمس، كاديلاك، هامر، اوبل، سوبارو؟ لا يوجد قطريين؟ دعوها تصدي
الدانة للسيارات - لامبورجيني، بنتلي؟ لا يوجد قطريين؟ دعوها تصدي
سبورت كارز - الفردان - فيراري و مازيراتي؟ لا يوجد قطريين ؟ دعوها تصدي
وغيرهم من الوكالات



من الواقع، الحمدلله كل القطريين عايلة واحدة ايش ماكان الإسم الأخير ولا ماكان اسم، كلنا عايلة و نخاف على بعض و أغلبنا نخاف على سمعتنا و سمعة اهالينا
من الواقع، هل الدوحة أخبر الناس بالسيارات، و بعد هل الخليج
من الواقع، مب كل القطريين بيمشون كل شي فري للعملاء، لكن على الأقل بتكون في مصداقية و يقفون للحق لصالح الوكيل و العميل مع بعض سواءا في مجال خدمة ما قبل البيع و خدمة ما بعد البيع


تخيلو لو كان مدير المرسيدس شاب قطري متعقلم كفؤ على أخلاق؟
تخيلو لو بوزوير وظف قطري إداري للأودي؟ مب كنا شفنا السيارة منتشرة بين شباب الدوحة؟

تذكرون عمر الفردان لما خذا وكالة البي إم سنة ٩٤؟ كنا نشوفه بيننا يسوق لسياراته و كان يهتم السيارة تنتشر بين القطريين و فعلا البي إم اللي ماكان لها سوق في ديرتنا إلا لجنسية معينة، صارت منتشرة بين شباب قطر و ما أجمل هالسيارات لما يركبها ولد الديرة، بس شنو الفايدة، الحين سلم زمام الأمور لجنسيات همها الكوميشن من الوكيل و الكوميش اللي يندف من البنك لكل معاملة سيارة

الوكيل اللي مايوظف شباب قطريين أكفاء، نقوله "دعها تخيس" و أشكر صاحب الموضوع، و خلونا ننشر المقاطعة لكل شأن كبير يخص العامة في مجالات غير السيارات لاحقاً.

تحياتي،
الديان

للاسف ان الاجانب الموجودين نادر اللي تحصله فيهم اخلاقه عاليه انا من فتره دشيت وكالة الجاكوار معجبتني وقال موظف المبيعات شرايك ناخذ لفه بالسياره قلت اوكيه الصراحه المهم قلت بشوف افكر وارد عليك اتصل علي بعد فتره قال كيف الحال انا متصل عليك وعارف انك مش راح تشتري السياره قلت ليش حمكة اني مراح اشتري هل انا مش كفو يعني ولا ايش قصدك انا اعرف حركات الزلمات لهم لفه بصيغة السؤال قلت له نعم مراح اشتري لان يا اخوي مغارنه بسعرها اخذ البيام تكنالوجيا احلا وافخم وامتيازات اكثر من الجاكورا هاذا اللي خلاني اكنسل الجاكوار

واخوي الديان انا تفق معاك بكل كلامك

[محمد عبدالرحمن]

للاسف ان الاجانب الموجودين نادر اللي تحصله فيهم اخلاقه عاليه انا من فتره دشيت وكالة الجاكوار معجبتني وقال موظف المبيعات شرايك ناخذ لفه بالسياره قلت اوكيه الصراحه المهم قلت بشوف افكر وارد عليك اتصل علي بعد فتره قال كيف الحال انا متصل عليك وعارف انك مش راح تشتري السياره قلت ليش حمكة اني مراح اشتري هل انا مش كفو يعني ولا ايش قصدك انا اعرف حركات الزلمات لهم لفه بصيغة السؤال قلت له نعم مراح اشتري لان يا اخوي مغارنه بسعرها اخذ البيام تكنالوجيا احلا وافخم وامتيازات اكثر من الجاكورا هاذا اللي خلاني اكنسل الجاكوار

واخوي الديان انا تفق معاك بكل كلامك

سلمت اخوي شقردي على التعقيب.

مكان ما فيه ولد البلد، لازم نقاطعه، في النهاية احنا ماعندنا عتب على المقيمين، لكن الواقع إن المقيم يترك بلاده و يروح بلد ثاني من أجل حياة معيشية أفضل و مال أوفر، لكن ولد البلد الأصيل بدينه، يهمه تنمية قطر، و قطر ما تنمو إلا بالإنسان، و الإنسان لا ينمو و يتطور إلا من وسط بيئي نظيف و طاهر.

تحياتي،
الديان

[السد]

الظاهر عبدو مال اللكزس
فنشوه وراح دبي !!