₪₪₪₪₪₪₪₪ ياشباب حد يعرف شسالفتهم ₪₪₪₪₪₪₪₪

[ALRAYYAN]

السلام عليكم

شباب .. اليوم وانا راجع من الدوام الساعه 11.30 على الكورنيش
طبعاً دوامي يخلص الساعه 1.00 بس خبركم لا بد من التزاريق escape

احم احم مو موضوعنا :nea:.. المهم ماوعيت الا وراي سياره gxr ابيض الموديل الجديد
يكبس لنا انا واللي بجنبي ويبي يتجاوز وحالة حاله ومسرع :eek5: .. قلت يمكن الرجال عنده ظرف طارئ :unsure:

المهم فتحت له الطريق على طول ولا اشوف خط رماق ازرق واحمر على الزجاج الامامي ومثله على الزجاج الخلفي .. استغربت :con2:

شوي ولا يوكن من الشكل الجديد سموك نفس حالته .. يسوق برعونه شوي ويدعم اللي قدامه عشان يمر :threaten: وفيه من داخل نفس الرماقات .. طبعاً الرماقات ذي بدون صوت

السؤال .. هل هالسيارات لجهة حكوميه مثل الداخليه مثلاً او الشرطه العسكريه او او ؟؟

او هالرماقات تنباع في محلات الزينه في قطر ولا خارج قطر وتعال ركبها وسوق على كيفك واربش خلق الله معاك ؟؟

واذا السيارات هذه لجهة حكوميه .. هل تسمح لهم وزراة الداخليه متمثله بالمرور بالقياده بهالشكل وتعريض حياة الآخرين للخطر ؟؟

ياليت اللي عنده توضيح او اي معلومه يقدر يفيدنا .. عشان اذا هذه سيارات حكوميه نقدر نتعاون معها على الطريق .. والمصلحه العامه طبعاً فوق كل اعتبار

للعلم ان السيارات عاديه جداً مثل سياراتنا ولا عليها اي شي يميزها عن غيرها الا هالرماقات الداخليه ولو يطفونها خلاص ماتبين

ويعطيكم العافيه .. وآسف ع الاطاله :shy:

اخوكم
alrayyan

[الامير]

نبي توضيح من الداخليه

[بوعلي-Qtr]

اذا تقصد يوكن اسود .. من قدام في رماقين صغار ..

فاتوقع هاي مال لخويا ..

[(السيف)]

اذا تقصد يوكن اسود .. من قدام في رماقين صغار ..

فاتوقع هاي مال لخويا ..



شفت واحد منهم موقف رجال مع سيارته ويصارخ عليه الصبح قدام العالم.

[abdulla999]

على كيفهم عبالهم شوارع يسكرون الشارع ويفكونا بدل يلفون على الناس

[ALRAYYAN]

اذا تقصد يوكن اسود .. من قدام في رماقين صغار ..

فاتوقع هاي مال لخويا ..

لا يالشيخ مواتر الخويا معروفه .. وحتى رماقهم معروف

الموتر عاديه عاديه كلش

[Mody]

أخوي الريان هذي مواتر تابعه لوزارة الداخليه وأدارات التحقيقات والمباحث
اذا ما خاب ظني ونفس النظام هذا موجود بالسعوديه ولهم حق التدخل لتأمين
الطرق وحل المشاكل المروريه واصدار المخالفات و متابعة وملاحقة الخارجين
عن القانون وترى هم بكثره الان واعدادهم في ازدياد لمواكبة الزيادة السكانيه
والمشاكل الناجمه عنها والزحام والمساعده في مد يد العون لسائر القوات الاخرى

[ALRAYYAN]

أخوي الريان هذي مواتر تابعه لوزارة الداخليه وأدارات التحقيقات والمباحث
اذا ما خاب ظني ونفس النظام هذا موجود بالسعوديه ولهم حق التدخل لتأمين
الطرق وحل المشاكل المروريه واصدار المخالفات و متابعة وملاحقة الخارجين
عن القانون وترى هم بكثره الان واعدادهم في ازدياد لمواكبة الزيادة السكانيه
والمشاكل الناجمه عنها والزحام والمساعده في مد يد العون لسائر القوات الاخرى

شاكر لك مشاركتك اخوي .. لكن نبي شي مؤكد .. مافي مجال للتخمينات والتوقعات

انت لو شفتهم شلون يسوقون .. صدقني لو مافي كنترول عادي اي احد يوقفهم وتصير مشكله

هذه ارواح ناس مو لعبه .. ليتك شايفهم بس

[عبودي قطر]

هذي سيارات حمايه الشخصيات

[زقرتي]

مرحبا اخوي

الريان

اذا يوكنااات و جيات جديده
والمواتر عاديه

هااي

الحرس الاميري

واكيد الجماعه في مهمة رسمية.

:victory:

[وطن]

غريبين

زين ليش ما اخذت ارقامهم عشان تسأل بشكل رسمي في الداخليه

[حقيقه]

اعتقد حماية الشخصيات
ودايم اشوفهم يحشرونا بالشارع :rolleyes2:
وحتى الرادار مايخافون منه عادي يمشون 150 140 :rolleyes2::weeping:

ابعد عن الشر وغنيلوه :nice:

[_بوشهاب_]

اتوقع البحث الجنائي لان مواترهم كلها تيوتا لاند كروزر ورماق

[بوعلي2]

اتوقع حماية شخصيات

[ديابلو]

مرحبا اخوي

الريان

اذا يوكنااات و جيات جديده
والمواتر عاديه

هااي

الحرس الاميري

واكيد الجماعه في مهمة رسمية.

:victory:

كلامك صح اخوي 100%

[ALRAYYAN]

مرحبا اخوي

الريان

اذا يوكنااات و جيات جديده
والمواتر عاديه

هااي

الحرس الاميري

واكيد الجماعه في مهمة رسمية.

:victory:

والله يمكن يكون هذا اقرب تفسير .. بس بعد السواقه بهالطريقه وترويع الناس شي مرفوض

يعني انا وانت وبعض الشباب ممكن نتصرف .. لكن خل يجي ورا دريول ولا بنت ]ويسوي هالسوالف اللي شفتها اليوم

صدقني مابيشوف الا انواع البريكات في وجهه .. ولا بيلفون على اللي حواليهم بيسبب له حادث وهو ماشي

بصراحه شي مرفوض :anger1:

[ALRAYYAN]

غريبين

زين ليش ما اخذت ارقامهم عشان تسأل بشكل رسمي في الداخليه

والله فكرت فيها بس كنت اهذر في التلفون ومب فاضي لهم
لكن عقب قلت في خاطري المفروض اني اتأكد بنفسي وخصوصاً اني شكيت انهم مركبين الرماقات ومسويين هالجو جذي بس

المهم اني كنت اتكلم في التلفون .. وماعندي وقت اسجل او احفظ الارقام وخصوصا انهم موترين مو واحد

[ALRAYYAN]

اعتقد حماية الشخصيات
ودايم اشوفهم يحشرونا بالشارع :rolleyes2:
وحتى الرادار مايخافون منه عادي يمشون 150 140 :rolleyes2::weeping:

ابعد عن الشر وغنيلوه :nice:


صح صح لأني لاحظت انهم مروا على رادار الجسر اللي يودي على دوار التلفزيون مثل البرق

ولا افتكروا في الرادار .. اصبت اخوي :victory:

[..er..]

مرحبا اخوي

الريان

اذا يوكنااات و جيات جديده
والمواتر عاديه

هااي

الحرس الاميري

واكيد الجماعه في مهمة رسمية.

:victory:



:secret:



كلامه صحيح :nice:

[*¤ بن قطر¤*]

يا عيني عليك و على مواضيعك الهادفه ...:nice:

هم واحد من الاثنين ...

1- حماية شخصيات مثل ما تفضل أحد الاخوان

2- موكب سمو الامير حفظه الله

ومثل ما تفضلت و قلت يمرون على الرادار ولا كأنه موجود.

[ALRAYYAN]

يا عيني عليك و على مواضيعك الهادفه ...:nice:

هم واحد من الاثنين ...

1- حماية شخصيات مثل ما تفضل أحد الاخوان

2- موكب سمو الامير حفظه الله

ومثل ما تفضلت و قلت يمرون على الرادار ولا كأنه موجود.

هلا وغلا بك اخوي بن قطر

تقريباً الاحتمال الاول لن الموكب نعرف طريقته وسياراته ونشوفها دوم

اما هذول انا اول مره اشوفهم بصراحه

تسلم ع المرور والرد يالشيخ

[*¤ بن قطر¤*]

هلا وغلا بك اخوي بن قطر

تقريباً الاحتمال الاول لن الموكب نعرف طريقته وسياراته ونشوفها دوم

اما هذول انا اول مره اشوفهم بصراحه

تسلم ع المرور والرد يالشيخ


مــــــســــــــــــــاكـ عــــــــــســــــــــــل يا سعادة الباشا :victory:

[سيف قطر]

تسلم على الموضوع .. فعلا استفدت من الطرح .:nice:

[البرنـو]

هذي سيارات المووكــــب احم احم ..

[محمد11]

اخوي الريان

يمكن تذكر من كم يوم كان في مؤتمر يتكون من 150 دولة تقريبا
وانت شفت الامن شلون منتشر ..الظاهر هذا من الامن وحماية الشخصيات

ياريال انا شفت موكب داش فريج الهلال عند لامسي

[عضو قديم]

كل الشكر لك اخوي الريان

وكانت بادرة جميلة منك تنبيه الناس بهذا الموقف لاني انا ممن يقودون احد هذه الكروزر لكن مالقيت فرصة اكتب موضوع

تحياتي لك

[restricted_1]

اخبر في اليوكن الاسود بعد نفس الشي رماق وتحصل لك ثلاث ولا اربع مواتر ويا بعض

يتابعون

اخبر طلع في ويهي في الدوار وبغيت ادخل فيه

ويوم شيرت الهرن الا ملتفتيين علي الي في الموتر كلهم بالفيت يعني شفيك ماتشوف الرماق

انزين خير ياطير شفت الرماق بس مب على شان الرماق تدخل في الدوار عرض وتذبح خلق الله بسبة حماية شخصيات او غيره قمت ااشرت له بيدي وكمل طريقه

احس انهم يهال ومقبضينهم مواتر ومستانسيين على الرماق

[zeknon]

اخوي الزخنون
مساك الله بالخير وعيدك مبارك

الله ايمسيك بالخير
وعيد الله عليك مبارك

[ALRAYYAN]

كل الشكر لك اخوي الريان

وكانت بادرة جميلة منك تنبيه الناس بهذا الموقف لاني انا ممن يقودون احد هذه الكروزر لكن مالقيت فرصة اكتب موضوع

تحياتي لك

بصراحه حابين نعرف شالسالفه بما انك واحد منهم وعشان نتعاون معاكم في مثل هالمواقف

وحلو انك تكون واحد منهم ومنا في نفس الوقت لتوضيح الامور

بارك الله فيك

[وحيد-الشوق]

اعتقد مثل ماقالوا الاخوان سيارات تابعه لحماية الشخصيات

لاني دايما اشوف مرسيدسات تطوف وايد ورا بعض وتكون من بينهم يوكنات سود

بس حتى ولو :anger1: المفروض مايسوقون بالهطريقه الجنونية << ماشاء الله على سواقتك الكجره :secret:
الا اذا كانوا متأخرين ويخافون يتفنشون هذا شيء ثاني لووول :tease:

يعطيك العافية اخوي الريان وعيدك مبارك

[ALRAYYAN]

اعتقد مثل ماقالوا الاخوان سيارات تابعه لحماية الشخصيات

لاني دايما اشوف مرسيدسات تطوف وايد ورا بعض وتكون من بينهم يوكنات سود

بس حتى ولو :anger1: المفروض مايسوقون بالهطريقه الجنونية << ماشاء الله على سواقتك الكجره :secret:
الا اذا كانوا متأخرين ويخافون يتفنشون هذا شيء ثاني لووول :tease:

يعطيك العافية اخوي الريان وعيدك مبارك

هلا وغلا ومرحبا بك يالشيخ

ابرك الاعياد عليك فديت خشمك وعساك من عواده يارب

:nice:

[عضو قديم]

بصراحه حابين نعرف شالسالفه بما انك واحد منهم وعشان نتعاون معاكم في مثل هالمواقف

وحلو انك تكون واحد منهم ومنا في نفس الوقت لتوضيح الامور

بارك الله فيك

بصراحة اخوي الريان
مب قايل لك

ابي الموضوع يطول ونستمتع وخبرك بكرة العيد(عيدك مبارك) ومافي نوم ونبي نستمتع
اقول المنتدى استوا بطيئ من كثر الردود

[ALRAYYAN]

بصراحة اخوي الريان
مب قايل لك

ابي الموضوع يطول ونستمتع وخبرك بكرة العيد(عيدك مبارك) ومافي نوم ونبي نستمتع
اقول المنتدى استوا بطيئ من كثر الردود

هههههههههههههههههه

اوكي بس توعدنا تقول عقب ولا تهون

وعيدك مبارك

[الكواري 1972]

:)

تسلم يالريان على المعلومه
ويعطيك العافيه

الصراحه خوش شات

فله

لحد يرحق الكيبل علينا ورانا عيد

خلاص مب كاتب شئ لا حرق بشئ والا شيات

:)

عيدكم مبارك
وكل عام وانتم بخير

[ALRAYYAN]

:)

تسلم يالريان على المعلومه
ويعطيك العافيه

الصراحه خوش شات

فله

لحد يرحق الكيبل علينا ورانا عيد

خلاص مب كاتب شئ لا حرق بشئ والا شيات

:)

عيدكم مبارك
وكل عام وانتم بخير

هلا وغلا فيك يالكواري

اي تحمل ياخوي .. ترى الابله موجوده لا تحط لك X في الدفتر

لوووووووووووووووووووووول

كل عام وانت بخير يالشيخ

ملاحظه : ابله = مدرسه = معلمه

[وطن]

والله فكرت فيها بس كنت اهذر في التلفون ومب فاضي لهم
لكن عقب قلت في خاطري المفروض اني اتأكد بنفسي وخصوصاً اني شكيت انهم مركبين الرماقات ومسويين هالجو جذي بس

المهم اني كنت اتكلم في التلفون .. وماعندي وقت اسجل او احفظ الارقام وخصوصا انهم موترين مو واحد

عليك مخالفة
تلفون

:tease:

[التيما]

اول مره أعرف عن هالنوع من السيارات صراحة والحمد لله مامروا علي من قبل ويمكن مروا بس أنا ما انتبهت .. زين نبهتني صراحة لانك صاج في موضوع البريك العدل لو حد ديم من غير سبب ..

[ALRAYYAN]

عليك مخالفة
تلفون

:tease:

واحنا ناقصين ياوطن .. بروحه باقي لي 3 نقاط وينسحب الليسن .. :shy:

[ALRAYYAN]

اول مره أعرف عن هالنوع من السيارات صراحة والحمد لله مامروا علي من قبل ويمكن مروا بس أنا ما انتبهت .. زين نبهتني صراحة لانك صاج في موضوع البريك العدل لو حد ديم من غير سبب ..

لا خلاص هذا انتي عرفتي .. ماله داعي البريك .. بس ننتظر عضو قديم يوضح لنا بعض الامور

وحياج الله

[الجنتل]

الريان
كل عام وانت بخير اخوي

[فقط قطر]

انزين..... ايش اطلعوا الحين....تابعين لأي جهة يا شباب....

[م.قطري]

كنت ماشي من كم يوم ومرو علي دعس زين مادعموني الله ستررر :)

[M O 7 A M M E D]

يرجى من الجميع الالتزام وعدم الخروج من صلب الموضوع ..

[فلفل حار]

متابع 00

يعطيك العافيه يالريان

[سبع قطر]

الفريق الخاص لحمايه اي شخصيه مهمه

سواء من البلاد ( قطر ) او خارجها

تابع لخويا او الشرطه العسكريه

او الحرس الاميري

[سمو انسان]

هذا الحرس الاميري الله يسلمك

ومره صارت لي هالسالفه وانا طالع من الجامعه .. يوكن اسود شطف لي زين ما شل موتري معاه

بعدها توعيت ان موكب مر جنبي .. حزتها توخرت عنهم

ترا سواقتهم كذا رعونه زياده عن اللزوم

[The Blade]

هلا اخوي
انا ماقريت كل الردود
بس هذه السيارات تبع الحرس الاميري
وهذه الناس مسموح لهم بالسرعة يعني اقل شئ 140 يسوقون وسيارتهم مجهزه للحماية من الناحية الامنية والاسلاحة ...

راح تشوفهم وايد اذا شخصية مهمه في البلاد او سفير متحرك لمكان ما .... اشوفهم وايد ومره سمعت ان واحد تجاوزهم ودخل الموكب واقلبوه <<< بدون مبالغة ...الصراحه وعلى ما اظن على خط ابوسمره
ومره شفتهم في الشمال حراسة لباصات تبع الجيش الامريكي قسم بالله مافيه آمل تزرق بينهم يصكرون عليك من قلب ومايلخونك تطوف واذا حاولت بتشوف شئ غريب يطلع من الشنطة
خخخخخخخخخخخخخخ
صدقني بدون مبالغه :) هذا شئ معروف ودوم نسمعه ان الناس هذه مسموح لها بكل شئ وهم طبعا تبع الحرس الاميري :) او حماية الشخصيات وهذا جزء من واجبهم!!!

[وحيد-الشوق]

هلا اخوي
انا ماقريت كل الردود
بس هذه السيارات تبع الحرس الاميري
وهذه الناس مسموح لهم بالسرعة يعني اقل شئ 140 يسوقون وسيارتهم مجهزه للحماية من الناحية الامنية والاسلاحة ...

راح تشوفهم وايد اذا شخصية مهمه في البلاد او سفير متحرك لمكان ما .... اشوفهم وايد ومره سمعت ان واحد تجاوزهم ودخل الموكب واقلبوه <<< بدون مبالغة ...الصراحه وعلى ما اظن على خط ابوسمره
ومره شفتهم في الشمال حراسة لباصات تبع الجيش الامريكي قسم بالله مافيه آمل تزرق بينهم يصكرون عليك من قلب ومايلخونك تطوف واذا حاولت بتشوف شئ غريب يطلع من الشنطة
خخخخخخخخخخخخخخ
صدقني بدون مبالغه :) هذا شئ معروف ودوم نسمعه ان الناس هذه مسموح لها بكل شئ وهم طبعا تبع الحرس الاميري :) او حماية الشخصيات وهذا جزء من واجبهم!!!

:eek5:

هذولا مافيا مب حراسات

الله يكفينا شرهم :(

[بومحمد911]

اظاهر مسوين دعايه او شيء من هذا القبيل

خخخخ امزح

ماعليك اخوي حصل خير وماتشوف شر

[وطن]

:eek5:

هذولا مافيا مب حراسات

الله يكفينا شرهم :(

ايه والله مافيا

عسى ما شر يقلبون الناس

:rolleyes2:

[وحش قطر]

كل الشكر لك اخوي الريان

وكانت بادرة جميلة منك تنبيه الناس بهذا الموقف لاني انا ممن يقودون احد هذه الكروزر لكن مالقيت فرصة اكتب موضوع

تحياتي لك

عيدك مبارك

اسرار الشغل لا تطلع برع

ولا بودي نكك وبعطية الكونجرس :telephone:

اذا انت واحد منهم اكيد تعرف الكونجرس

[عضو قديم]

عيدك مبارك

اسرار الشغل لا تطلع برع

ولا بودي نكك وبعطية الكونجرس :telephone:

اذا انت واحد منهم اكيد تعرف الكونجرس

اشلون ما اعرف الكونجرس
عيل خلني في السليم ههههههههههههه

[S A L M A N]

عضو قديم

ياليت نفهم السالفه منك

[Qtr Denver]

عليكم السلام ورحمة الله وبركاته

مرحبا يالغالي

عساك من عايديين العيـد

والله يالغالي اول مره اسمع عن هـ الشي

وياريت حد يفيدنـا

[ALRAYYAN]

يعطيكم العافيه ياشباب وبنات .. اخوي عضو قديم صج هالسوالف

يعني مسموح لهم كل شي لدرجة انهم ممكن يقلبون موتر او يتسببون في حادث لعائلة او لمجموعه شباب في موتر واحد مقابل حماية شخص واحد ؟!!!!!

هل حياتنا كمواطنين صارت رخيصه لهالدرجه .. لدرجة انهم ممكن يقلبون موتر عشان حاول يتجاوزهم ؟؟!!!!!

طيب سؤال آخر ... بما انكم حماية لهالشخصيات .. شالمانع ان السيارات تكون عسكرية وواضحه وضوح الشمس للكل وهذه تفرق طبعاً مع كل من يرتاد الطريق ؟؟

مو احسن من اني اشوف سيارة او سيارتين يسوقون برعونه وباستهتار وممكن اناحسهم لو ماشفت الرماق

وحتى لو شفت الرماق ترى كأنه ليت عادي ممكن اي حد يركبه .. ومانقدر حتى نقول عنه رماق ..

ولا شرايكم ياجماعه ؟؟

[Qtr Denver]

يعطيكم العافيه ياشباب وبنات .. اخوي عضو قديم صج هالسوالف

يعني مسموح لهم كل شي لدرجة انهم ممكن يقلبون موتر او يتسببون في حادث لعائلة او لمجموعه شباب في موتر واحد مقابل حماية شخص واحد ؟!!!!!

هل حياتنا كمواطنين صارت رخيصه لهالدرجه .. لدرجة انهم ممكن يقلبون موتر عشان حاول يتجاوزهم ؟؟!!!!!

طيب سؤال آخر ... بما انكم حماية لهالشخصيات .. شالمانع ان السيارات تكون عسكرية وواضحه وضوح الشمس للكل وهذه تفرق طبعاً مع كل من يرتاد الطريق ؟؟

مو احسن من اني اشوف سيارة او سيارتين يسوقون برعونه وباستهتار وممكن اناحسهم لو ماشفت الرماق

وحتى لو شفت الرماق ترى كأنه ليت عادي ممكن اي حد يركبه .. ومانقدر حتى نقول عنه رماق ..

ولا شرايكم ياجماعه ؟؟

والله يالغالي انا خوفي انهم شباب ماعندهم سسالفه

بس والله اذا شباب والله اتحبل لهم في شوارع الدوحة واطلع ارقام مواترهم :P

وارسلت رابط الموضوع للأخ jajassim على اساس اذا عنده شي يفيدنا

[وحش قطر]

عليكم السلام ورحمة الله وبركاته

مرحبا يالغالي

عساك من عايديين العيـد

والله يالغالي اول مره اسمع عن هـ الشي

وياريت حد يفيدنـا


عضو قديم

ياليت نفهم السالفه منك



هذي السيارات تتبع جهات امنية

مب لازم تعرفون كل شي

اي مخالفة او تجاوز تشوفونة مب عدل سجل رقم السيارة وروح المرور واشتك

ولي لة حق بياخذة

[Qtr Denver]

هذي السيارات تتبع جهات امنية

مب لازم تعرفون كل شي

اي مخالفة او تجاوز تشوفونة مب عدل سجل رقم السيارة وروح المرور واشتك

ولي لة حق بياخذة

إذا صج سيارات تتبع جهات امنيه

والله خووش اقعد في البيت ولا تطلع لا يجيك حد ويقلبك وتروح من كييس أهلك

ولا شرايكم؟

[بن درويش]

اعتقد لو سيارت تابعه لى جهه حكوميه بيكون الي يستخدمونها مدربين على المنورات في الطرقات العامة اذا كان اصحاب الموتر سيكل التابعه لادارة المرور يطرشونهم فرنسا لاخذ دورات على الدراجات قبل لا يستخدمونها في الطريق العام غير الدورات المحلية فما بالك به الاشخاص اكيد مدربين بس اذا في تجاوز من البعض الله ايهدهم ترى شغلتهم صعبه وفيه خطوره عليهم وعلينا

[وحش قطر]

إذا صج سيارات تتبع جهات امنيه

والله خووش اقعد في البيت ولا تطلع لا يجيك حد ويقلبك وتروح من كييس أهلك

ولا شرايكم؟

لا يالغالي لاتقعد في البيت روح وتعال وعلى راحتك واذا حد كلمك سونفسك ماتسمعة

بس في اشياء احيانا تتطلب تدخل حازم وسريع

ولا انت ماتبي الناس تشوف شغلها

[Qtr Denver]

لا يالغالي لاتقعد في البيت روح وتعال وعلى راحتك واذا حد كلمك سونفسك ماتسمعة

بس في اشياء احيانا تتطلب تدخل حازم وسريع

ولا انت ماتبي الناس تشوف شغلها

يالغالي ما اختلفنا
بس ماتهدد حياة الاخريين للخطر

حسب ماقريت من احد الاعضاء في الردود السابقه انهم تسببو في انقلاب سيارة

[jajassim]

والله يالغالي انا خوفي انهم شباب ماعندهم سسالفه

بس والله اذا شباب والله اتحبل لهم في شوارع الدوحة واطلع ارقام مواترهم :P

وارسلت رابط الموضوع للأخ jajassim على اساس اذا عنده شي يفيدنا


هذي السيارات تتبع جهات امنية

مب لازم تعرفون كل شي

اي مخالفة او تجاوز تشوفونة مب عدل سجل رقم السيارة وروح المرور واشتك

ولي لة حق بياخذة


لا يالغالي لاتقعد في البيت روح وتعال وعلى راحتك واذا حد كلمك سونفسك ماتسمعة

بس في اشياء احيانا تتطلب تدخل حازم وسريع

ولا انت ماتبي الناس تشوف شغلها

زبدة الكلام وبدون تعليق ،، :unsure:

[jajassim]

يعطيكم العافيه ياشباب وبنات .. اخوي عضو قديم صج هالسوالف

يعني مسموح لهم كل شي لدرجة انهم ممكن يقلبون موتر او يتسببون في حادث لعائلة او لمجموعه شباب في موتر واحد مقابل حماية شخص واحد ؟!!!!!

هل حياتنا كمواطنين صارت رخيصه لهالدرجه .. لدرجة انهم ممكن يقلبون موتر عشان حاول يتجاوزهم ؟؟!!!!!

طيب سؤال آخر ... بما انكم حماية لهالشخصيات .. شالمانع ان السيارات تكون عسكرية وواضحه وضوح الشمس للكل وهذه تفرق طبعاً مع كل من يرتاد الطريق ؟؟

مو احسن من اني اشوف سيارة او سيارتين يسوقون برعونه وباستهتار وممكن اناحسهم لو ماشفت الرماق

وحتى لو شفت الرماق ترى كأنه ليت عادي ممكن اي حد يركبه .. ومانقدر حتى نقول عنه رماق ..

ولا شرايكم ياجماعه ؟؟

كلامك صحيح أخوى ،،

بس مب هالدرجة ،، الا اذا السائق عاند بدرجة لازم السائق بمهمة يأخذ قرار بابعاده عن الطريق ،،، :deal:

[وحش قطر]

يالغالي ما اختلفنا
بس ماتهدد حياة الاخريين للخطر

حسب ماقريت من احد الاعضاء في الردود السابقه انهم تسببو في انقلاب سيارة

وانت تتوقع اقلبوة عشان يلعبون وياة

اكيد كان يبي يخترق الموكب اوشي مشابهة

على فكرة بعض الشباب عشان يشرد من الزحمة يلحق الموكب شتسوي فية هذي تخلية يلحقك ولا تتخذ معاة اجراء

ولا يلحق الموكب عشان يشوف الموتر اي لون من داخل :anger1:

[بندرصالحي]

خلاصة الموضوع
السيارات تابعه لجهه امنيه ( الحرس الاميري)
اداء واجب
المفروض التعاون التام من الجميع
شكرا لصاحب الموضوع

[الظعاين]

الاسبوع اللي فات يوم من ايام المؤتمر
بومشعل الله يحفظه في موكب بالدوار
جدامي وسوداني شايب لف على الموكب
على طول حرس الموكب قربوا منه
وشافوه شايب خلوه ف حاله
على أنه تعرض للموكب
لين صار بجنب
بو مشعل الله يحفظه لنا

[وحش قطر]

خلاصة الموضوع
السيارات تابعه لجهه امنيه ( الحرس الاميري)
اداء واجب
المفروض التعاون التام من الجميع
شكرا لصاحب الموضوع

صح لسانك

الموضوع بالنسبة لي انتهى

[ALRAYYAN]

كلامك صحيح أخوى ،،

بس مب هالدرجة ،، الا اذا السائق عاند بدرجة لازم السائق بمهمة يأخذ قرار بابعاده عن الطريق ،،، :deal:

هلا وغلا اخوي جاجاسم وكل عام وانت بخير وعساك من عواده

من طول الغيبات جاب الغنايم

بخصوص موضوع هالسيارات بصراحه انا ماناحستهم وفتحت لهم الطريق
لكن الشارع فيه ناس مبتدئين في السواقه وحريم وبنات توهم ماخذين الرخص
وسواقين اسيوين الله بالخير

يعني المفروض تكون هالسيارات عسكريه او ع الاقل تحمل رماقات من رماقات الدوريه وبصوت على اساس الواحد يشوفهم من بعيد

انا بصراحه ماناحستهم لكنه لف علي لفه خلاني اضرب بريك قوي واللي وراي كان بيصدمني لو ما الله ستر

لو دعمني الرجال اللي وراي انا شذنبي والرجال اللي وراي شذنبه

بصراحه انا عندي تحفظ كبير عليهم ولو كان شغلهم لكن .. المفروض وضع آلية احسن من جذي لحماية الشخصيات

[لولوتي]

انا عندي رماق في سيارتي:nice:
نزلته من كم يوم عشان ابدل بطاريته

حتى شوفوا


http://www.qatarshares.com.qa/data/310/313/storm_115636464_1417399835.jpg

:nice::nice::nice:

اسمحوا لي عالمداخله

وكل عام وانتم بخير:)

[ALRAYYAN]

انا عندي رماق في سيارتي:nice:
نزلته من كم يوم عشان ابدل بطاريته

حتى شوفوا


http://www.qatarshares.com.qa/data/310/313/storm_115636464_1417399835.jpg

:nice::nice::nice:

اسمحوا لي عالمداخله

وكل عام وانتم بخير:)

هههههههههههههههههه

مرحبا بج اختي لولوتي .. بصراحه زيارتج لهالقسم نادره

لكن نورتيه اكيد .. ومداخلتج تسعدني اكيد

كل عام وانتي طيبه اختي وينعاد عليج وعلى من تحبين بالخير يارب

[al_qa76ani]

كل عام وانتوا بخير يالربع

والله الموضوع شدني وحبيت اكمل للاخر واكتب تعليق عن اللي اعرفه او عن اللي الكثير من الاخوان ما يعرفونه
مبين من الموضوع وما قيل وما كان من مؤتمرات بالاسبوع الماضي انهم حماية شخصيات او من سلطه اعلى حتى من امن الشخصيات بحيث انهم ممكن يكونون من الشخصيات انفسهم لان بعض الشخصيات الهامه حتى في مواترهم الرماق ومب اي حد يقدر يحط الرماق ويمشي ,,,
بالنسبه للخشونه والرعونه في بعض المواكب تصير ولكن لا يكون موكب سمو الامير
تسألوني كيف بقولكم ..موكب سمو الامير تقفل له الدوارات وكل المنافذ لياخذ الموكب حريته وامانه وتمر قبله عديد من الجهات الرسميه واذا صادف وشي ملفت للنظر السالفه مب سبهلله ينذر الشخص بالاخلاء وعدم الاستجابه يوؤخذ من رئيس الموكب الامر باجراء اللازم ويقدرون يسسوون فيه اي شي ,,
الشي الثاني سمو الامير بعد ساعات الدوام الرسمي يحتك بالشعب لدرجه انك تحسه مواطن عادي واذكر مره من المرات وانا ماخذ دوار الشيراتون راد صوب البريد داش الدوار وانا مو منتبه للسياره انها تروح يمين لاني كنت اشوف الكورنيش ويوم صديت الا اللي معاي ماسك راسه ومنخش تحت الطبلون اقوله اشفيك شاللي صار يقولي ماتدري انت اشسويت اقوله ايش يقولي كنت بتشحف السياره اللي على يمينك قلتله خير يعني عادي اوراقي سليمه والمرور موجود وجل من لايسهو والدنيا سلامات قاللي طيب خف وشوف من اللي فيها والله العظيم يالربع سمو الأمير ووزير البلديه وكأن شيئا لم يكن ,,مسكت اقصا اليمين وخليت لهم الشارع نهائيا من الاحترام والتقدير بدون حرس بدون امن ..

خلاصة القول : اذا كان ماصار امام اخي ريان فالواجب عليه باعتقادي اخذ الارقام وتسليمها لجهة الاختصاص والابلاغ عن ما حدث فقط لانه كان فيه تهور وتهور كبير ويمكن يكون الوضع شخصي للأشخاص انفسهم ليس الا...صج حماية امن شخصيات بس ماعندهم تصريح بذبح العالم الا في حالات تستدعي ذلك ...ولو كانوا من امن الدوله ممكن بعد بس مو في اي وقت لهم هالشي بعد الا في ما يخص شي اكبر لحماية اكبر,,

واسمحولي ع الاطاله

وكل عام وانتوا بخير انا مسافر ادعوا لي

[فلفل حار]

الله يعطيهم العافيه

وان كنت مب موافق علي آليه السواقه

لكن انا معاهم بألي أنذكر 00 لحد يناحس وألي يشوف الرماق يوخر بسكات 00 هذي جهات أمنيه لازم نساعدهم:victory:

ربع تعاونو ماذلو :)

[فلفل حار]

كل عام وانتوا بخير يالربع

والله الموضوع شدني وحبيت اكمل للاخر واكتب تعليق عن اللي اعرفه او عن اللي الكثير من الاخوان ما يعرفونه
مبين من الموضوع وما قيل وما كان من مؤتمرات بالاسبوع الماضي انهم حماية شخصيات او من سلطه اعلى حتى من امن الشخصيات بحيث انهم ممكن يكونون من الشخصيات انفسهم لان بعض الشخصيات الهامه حتى في مواترهم الرماق ومب اي حد يقدر يحط الرماق ويمشي ,,,
بالنسبه للخشونه والرعونه في بعض المواكب تصير ولكن لا يكون موكب سمو الامير
تسألوني كيف بقولكم ..موكب سمو الامير تقفل له الدوارات وكل المنافذ لياخذ الموكب حريته وامانه وتمر قبله عديد من الجهات الرسميه واذا صادف وشي ملفت للنظر السالفه مب سبهلله ينذر الشخص بالاخلاء وعدم الاستجابه يوؤخذ من رئيس الموكب الامر باجراء اللازم ويقدرون يسسوون فيه اي شي ,,
الشي الثاني سمو الامير بعد ساعات الدوام الرسمي يحتك بالشعب لدرجه انك تحسه مواطن عادي واذكر مره من المرات وانا ماخذ دوار الشيراتون راد صوب البريد داش الدوار وانا مو منتبه للسياره انها تروح يمين لاني كنت اشوف الكورنيش ويوم صديت الا اللي معاي ماسك راسه ومنخش تحت الطبلون اقوله اشفيك شاللي صار يقولي ماتدري انت اشسويت اقوله ايش يقولي كنت بتشحف السياره اللي على يمينك قلتله خير يعني عادي اوراقي سليمه والمرور موجود وجل من لايسهو والدنيا سلامات قاللي طيب خف وشوف من اللي فيها والله العظيم يالربع سمو الأمير ووزير البلديه وكأن شيئا لم يكن ,,مسكت اقصا اليمين وخليت لهم الشارع نهائيا من الاحترام والتقدير بدون حرس بدون امن ..

خلاصة القول : اذا كان ماصار امام اخي ريان فالواجب عليه باعتقادي اخذ الارقام وتسليمها لجهة الاختصاص والابلاغ عن ما حدث فقط لانه كان فيه تهور وتهور كبير ويمكن يكون الوضع شخصي للأشخاص انفسهم ليس الا...صج حماية امن شخصيات بس ماعندهم تصريح بذبح العالم الا في حالات تستدعي ذلك ...ولو كانوا من امن الدوله ممكن بعد بس مو في اي وقت لهم هالشي بعد الا في ما يخص شي اكبر لحماية اكبر,,

واسمحولي ع الاطاله

وكل عام وانتوا بخير انا مسافر ادعوا لي

الله يحفظك في حلك وترحالك:nice:

تروح وترجع بالسلامه

ان كنت رايح الاحساء 00 هالله هالله في الجراخيات:tease:

[jajassim]

هلا وغلا اخوي جاجاسم وكل عام وانت بخير وعساك من عواده

من طول الغيبات جاب الغنايم

بخصوص موضوع هالسيارات بصراحه انا ماناحستهم وفتحت لهم الطريق
لكن الشارع فيه ناس مبتدئين في السواقه وحريم وبنات توهم ماخذين الرخص
وسواقين اسيوين الله بالخير

يعني المفروض تكون هالسيارات عسكريه او ع الاقل تحمل رماقات من رماقات الدوريه وبصوت على اساس الواحد يشوفهم من بعيد

انا بصراحه ماناحستهم لكنه لف علي لفه خلاني اضرب بريك قوي واللي وراي كان بيصدمني لو ما الله ستر

لو دعمني الرجال اللي وراي انا شذنبي والرجال اللي وراي شذنبه

بصراحه انا عندي تحفظ كبير عليهم ولو كان شغلهم لكن .. المفروض وضع آلية احسن من جذي لحماية الشخصيات

كل عام وانت يالغالي بخير عسى المولى يكتب لك الخير كله :nice:

وكل كلامك صحيح ،، بالرغم من انهم لديهم الصلاحية ان يقلبوا اى سارة اذا استدعى الأمر ،، الا أنني متحفظ على سواقتهم وكما تفضلت أخوى ،،، وخاصة نحن في الدوحة ،، :)

[فلفل حار]

8
8
8

اخوي جاجاسم

كل عام وانت بخير الشيخ :)

[محمد عبدالرحمن]

كل عام وانتوا بخير يالربع

والله الموضوع شدني وحبيت اكمل للاخر واكتب تعليق عن اللي اعرفه او عن اللي الكثير من الاخوان ما يعرفونه
مبين من الموضوع وما قيل وما كان من مؤتمرات بالاسبوع الماضي انهم حماية شخصيات او من سلطه اعلى حتى من امن الشخصيات بحيث انهم ممكن يكونون من الشخصيات انفسهم لان بعض الشخصيات الهامه حتى في مواترهم الرماق ومب اي حد يقدر يحط الرماق ويمشي ,,,
بالنسبه للخشونه والرعونه في بعض المواكب تصير ولكن لا يكون موكب سمو الامير
تسألوني كيف بقولكم ..موكب سمو الامير تقفل له الدوارات وكل المنافذ لياخذ الموكب حريته وامانه وتمر قبله عديد من الجهات الرسميه واذا صادف وشي ملفت للنظر السالفه مب سبهلله ينذر الشخص بالاخلاء وعدم الاستجابه يوؤخذ من رئيس الموكب الامر باجراء اللازم ويقدرون يسسوون فيه اي شي ,,
الشي الثاني سمو الامير بعد ساعات الدوام الرسمي يحتك بالشعب لدرجه انك تحسه مواطن عادي واذكر مره من المرات وانا ماخذ دوار الشيراتون راد صوب البريد داش الدوار وانا مو منتبه للسياره انها تروح يمين لاني كنت اشوف الكورنيش ويوم صديت الا اللي معاي ماسك راسه ومنخش تحت الطبلون اقوله اشفيك شاللي صار يقولي ماتدري انت اشسويت اقوله ايش يقولي كنت بتشحف السياره اللي على يمينك قلتله خير يعني عادي اوراقي سليمه والمرور موجود وجل من لايسهو والدنيا سلامات قاللي طيب خف وشوف من اللي فيها والله العظيم يالربع سمو الأمير ووزير البلديه وكأن شيئا لم يكن ,,مسكت اقصا اليمين وخليت لهم الشارع نهائيا من الاحترام والتقدير بدون حرس بدون امن ..

خلاصة القول : اذا كان ماصار امام اخي ريان فالواجب عليه باعتقادي اخذ الارقام وتسليمها لجهة الاختصاص والابلاغ عن ما حدث فقط لانه كان فيه تهور وتهور كبير ويمكن يكون الوضع شخصي للأشخاص انفسهم ليس الا...صج حماية امن شخصيات بس ماعندهم تصريح بذبح العالم الا في حالات تستدعي ذلك ...ولو كانوا من امن الدوله ممكن بعد بس مو في اي وقت لهم هالشي بعد الا في ما يخص شي اكبر لحماية اكبر,,

واسمحولي ع الاطاله

وكل عام وانتوا بخير انا مسافر ادعوا لي


سلمت أخي الكريم القحطاني على التوضيح،

في بلد الحرية و المحافظة على حقوق الإنسان و أمن المواطن خصوصاً، لا يجوز لأي كان التعدي على حقوق الغير و إن كان الأمير نفسه حفظه الله تعالى.

أنا التقيت بوالدي سمو الأمير في ليلة من الليالي في إحدى الطرق الضيقة، و كدت استطدم بإحدى سيارات الأمن الخاص التي كانت امام سيارته التي يقودها بنفسه، والله كانوا قمة في الأخلاق، و الأمير له حنية الأبوة في نظراته.

إن من يقومون باستغلال وظائفهم أيا كانت في التعدي عي حقوق الغير أو التسبب في تضرر الغير ظلماً و استهتاراً عكس الدستور و عكس ما يرمي إليه والدنا الغالي حمد و أخونا الحبيب تميم، و عليك مثلما قال إخوتي الكرام الإبلاغ عليهم و ذلك لمصلتحتهم في المستقبل حتى لا يتحولوا إلى ضاريين بالمجتمع بسبب عدم معاقبتهم.

أرجوا من اخواننا في أمن الدولة التدخل في هذا الموضوع.

و نحمد الله على سلامة صاحب الموضوع و ليحفظ الله كل إنسان مسلم و ليصلح شأننا و يوحد شوكة القطريين فيما يرضي الله وحده لا شريك له.

تحياتي،
الديان

[ALRAYYAN]

كل عام وانتوا بخير يالربع

والله الموضوع شدني وحبيت اكمل للاخر واكتب تعليق عن اللي اعرفه او عن اللي الكثير من الاخوان ما يعرفونه
مبين من الموضوع وما قيل وما كان من مؤتمرات بالاسبوع الماضي انهم حماية شخصيات او من سلطه اعلى حتى من امن الشخصيات بحيث انهم ممكن يكونون من الشخصيات انفسهم لان بعض الشخصيات الهامه حتى في مواترهم الرماق ومب اي حد يقدر يحط الرماق ويمشي ,,,
بالنسبه للخشونه والرعونه في بعض المواكب تصير ولكن لا يكون موكب سمو الامير
تسألوني كيف بقولكم ..موكب سمو الامير تقفل له الدوارات وكل المنافذ لياخذ الموكب حريته وامانه وتمر قبله عديد من الجهات الرسميه واذا صادف وشي ملفت للنظر السالفه مب سبهلله ينذر الشخص بالاخلاء وعدم الاستجابه يوؤخذ من رئيس الموكب الامر باجراء اللازم ويقدرون يسسوون فيه اي شي ,,
الشي الثاني سمو الامير بعد ساعات الدوام الرسمي يحتك بالشعب لدرجه انك تحسه مواطن عادي واذكر مره من المرات وانا ماخذ دوار الشيراتون راد صوب البريد داش الدوار وانا مو منتبه للسياره انها تروح يمين لاني كنت اشوف الكورنيش ويوم صديت الا اللي معاي ماسك راسه ومنخش تحت الطبلون اقوله اشفيك شاللي صار يقولي ماتدري انت اشسويت اقوله ايش يقولي كنت بتشحف السياره اللي على يمينك قلتله خير يعني عادي اوراقي سليمه والمرور موجود وجل من لايسهو والدنيا سلامات قاللي طيب خف وشوف من اللي فيها والله العظيم يالربع سمو الأمير ووزير البلديه وكأن شيئا لم يكن ,,مسكت اقصا اليمين وخليت لهم الشارع نهائيا من الاحترام والتقدير بدون حرس بدون امن ..

خلاصة القول : اذا كان ماصار امام اخي ريان فالواجب عليه باعتقادي اخذ الارقام وتسليمها لجهة الاختصاص والابلاغ عن ما حدث فقط لانه كان فيه تهور وتهور كبير ويمكن يكون الوضع شخصي للأشخاص انفسهم ليس الا...صج حماية امن شخصيات بس ماعندهم تصريح بذبح العالم الا في حالات تستدعي ذلك ...ولو كانوا من امن الدوله ممكن بعد بس مو في اي وقت لهم هالشي بعد الا في ما يخص شي اكبر لحماية اكبر,,

واسمحولي ع الاطاله

وكل عام وانتوا بخير انا مسافر ادعوا لي

هلا بك اخوي القحطاني

صحيح كلامك المفروض اني آخذ الارقام واتاكد بنفسي من موضوع هالسيارتين

اما بخصوص انهم من امن الدوله .. انا متأكد مثل مانا متأكد اني عضو في المنتدى انهم مو من جهاز أمن الدولة

وتروح وترجع بالسلامه يالشيخ

[ALRAYYAN]

كل عام وانت يالغالي بخير عسى المولى يكتب لك الخير كله :nice:

وكل كلامك صحيح ،، بالرغم من انهم لديهم الصلاحية ان يقلبوا اى سارة اذا استدعى الأمر ،، الا أنني متحفظ على سواقتهم وكما تفضلت أخوى ،،، وخاصة نحن في الدوحة ،، :)

هلا اخو جاجاسم

بما انك تايد كلامي .. ياليت توصيل وجهة نظري الى السيد مدير إدارة المرور
لمخاطبة الجهات المعنية بهالسيارات لتركيب رماقات بصوت مثل اللي تركب على الدوريات

وانهم بطريقتهم هذه في السواقه ممكن انهم يتسببون في حوادث ووفيات لاقدر الله

وحتى طريقتهم في القياده وبهذه الرعونه ليست في صالحهم ولا في صالح الشخصية المكلفين بحمايتها

واكون شاكر لك

[ALRAYYAN]

سلمت أخي الكريم القحطاني على التوضيح،

في بلد الحرية و المحافظة على حقوق الإنسان و أمن المواطن خصوصاً، لا يجوز لأي كان التعدي على حقوق الغير و إن كان الأمير نفسه حفظه الله تعالى.

أنا التقيت بوالدي سمو الأمير في ليلة من الليالي في إحدى الطرق الضيقة، و كدت استطدم بإحدى سيارات الأمن الخاص التي كانت امام سيارته التي يقودها بنفسه، والله كانوا قمة في الأخلاق، و الأمير له حنية الأبوة في نظراته.

إن من يقومون باستغلال وظائفهم أيا كانت في التعدي عي حقوق الغير أو التسبب في تضرر الغير ظلماً و استهتاراً عكس الدستور و عكس ما يرمي إليه والدنا الغالي حمد و أخونا الحبيب تميم، و عليك مثلما قال إخوتي الكرام الإبلاغ عليهم و ذلك لمصلتحتهم في المستقبل حتى لا يتحولوا إلى ضاريين بالمجتمع بسبب عدم معاقبتهم.

أرجوا من اخواننا في أمن الدولة التدخل في هذا الموضوع.

و نحمد الله على سلامة صاحب الموضوع و ليحفظ الله كل إنسان مسلم و ليصلح شأننا و يوحد شوكة القطريين فيما يرضي الله وحده لا شريك له.

تحياتي،
الديان

الله يسلمك من كل شر اخوي .. مشاركتك اسعدتني ولك مني كل التقدير على ماطرحت

وكل عام وانت بخير

[إنتعاش]

تسلم اخوي الريان على موضوعك

واعتقد انه قد أخذ وقته الكافي للنقاش حول نوعية السيارات التي سألت عنها .

تحياتي للجميع :)