( لكزس Lx570 : كيف تطلب رنجات 20 + عيب شرعي في السيارة للمسافرين بالبر )

[إنتعاش]

بسم الله الرحمن الرحيم ..


الاخوان الكرام السلام عليكم ورحمة الله وبركاته



موضوعي اليوم فيه عدة نقاط أسردها عليكم اختصارا ً :
1- كيف تطلب رنجات 20 اصلية .
2- كم تكلفتها بالطلب عبر الانترنت ؟
3- ماهو رأيك في الجنوط وكيف السواقة فيها ؟
4- عيب شرعي انتبهوا منه في السيارة .



- - - - - - - - - -




أولا ً :
رنجات 20 الأصلية أين أجدها وكيف تطلبها ؟


في الحقيقة رأيت ان الكثيرين يطلبون
ويسألون عن هذه الجنوط او الرنجات
وقد اشتريتها بالفعل من امريكا مباشرة ً
عن طريق الانترنت وانا في بيتي ..


بالمناسبة في قطر لدينا تجار يبيعون 4 جنوط اصلية
بسعر 15 الف ريال قطري
ما يعادل 15.500 ريال سعودي -
من غير كفرات ومن غير اي شي
اللهم الجنوط عدد 4 .



الموقع الرسمي لقطع غيار لكزس في أمريكا :


http://www.sewellpartsonline.com/default.asp




1- اذهب إلى ACCESSORIES بأعلى الصفحة تجده ثانيا من اليسار
2- اختر نوع اللكزس و حدد سنة الصنع
3- اضغط على GO
4- ستجد على اليسار قائمة اكسسوارات اذهب إلى قبل الاخيرة Wheels & Tires
5- ستجد نوعان من الجنوط


الاول : WHEEL, DISC HYPER-SILVER
http://www.sewellpartsonline.com/images/product/193196.JPG

اللون الرصاصي المطفي العادي
وفيه لمعه جميله جدا الحقيقة
خصوصا في الليل



صورته على سيارة أمريكية
http://upload.wikimedia.org/wikipedia/commons/0/0c/2009_Lexus_LX570_DC.JPG



النوع الثاني الموجود اللي هو النيكل
القليت على قولتنا ياهل قطر


LX570 Chrome Wheel Set

http://www.sewellpartsonline.com/images/product/197087.JPG

ومبين الاسعار عند كل نوع عندما
تختار نوع ما منهما

1- حدد عدد الجنوط اللي تبيها
2- لا تنسى اهم نقطة تختار ستجد بالاسفل من الكفر في الصفحة
الاغطية للكفرات
Wheel Center Cap


http://www.sewellpartsonline.com/images/product/191927.JPG


يجب ان تختارهم ايضا ً لأنني توهقت طلبت الجنوط فقط
ولما وصلوا ورحت اركبهم تفاجأت
بأن الاغطية غير موجودة ..




ملاحظه : براغي او صواميل الكفرات لا تخافون لأنها نفسها
اللي على سيارتك الآن
يعني مايحتاج تطلبها من الموقع .



مدة وصول الجنوط إليك : من 7 أيام إلى 10 أيام عن
طريق فيدكس العالمية للشحن إلين باب بيتك .

[إنتعاش]

طيب السؤال الآن :



كم كلفك اجمالي الجنوط ؟

ملاحظة هامة : الاخ شاقح وضع لنا طريقة ارخص من طريقتي لطلب الرنجات
راجع الرد رقم 31 رجاء ً


سأسرد لكم طلبيتي التي كانت جنوط 5 اول شي
ولما وصلوا رحت اركبهم لقيتهم من غير غطيان
فتحطمت نفسيا ً ومعنويا ً ..
فمن الطفاقه اللي في محاكيكم ..
طلبت الاغطيه مع الكفرات دنلوب
لأنني تفاجأت في قطر ان ليس لدينا مقاسات الكفر
من الماركتين الشهيرتين ميشلان ودنلوب
وهما موجودان في الموقع على فكرة


دنلوب :
Dunlop Grandtrek PT2A Tire - 285/50VR20


ميشلان :
Michelin Latitude Tour HP - 285/50VR20


اولا طلبية الجنوط ( 5 ) بكافة تفاصيلها :



Thank you for your recent order from Lexus-Parts.com.
Below, please find the details of your order:


XXXXXX-LX


Cardholder Name:XXXXXXXXXXXXX
Shipping Name:XXXXXXXXXXXXXXXXXX
Address:doha - qatar p.o box XXX
City:doha
State/Province:
Zip:+974
Country:QA
Email:XXXXXXXXX*************



Product #:4261A-60010
WHEEL, DISC HYPER-SILVER
Quantity:5
Price:$510.71
Item Total:$2,553.55



Sub-Total:$2,553.55
Shipping: $1,092.95 **************** تكاليف الشحن واصل قطر
Tax:$0.00
Total:$3,646.50 ************ ما يساوي 13.310 ريال قطري اجمالي


For support or questions, email .


Your order will be processed and shipped shortly. Please allow 3-10 days for arrival of your order.


If you do not receive your order after 10 days, please feel free to email us at or call us at 1(888) 909-6633 (when calling please ask for the Internet Customer Support) for more information.


Thank you again for shopping at lexus-parts.com!


---------------------------------------



وبعد وصول الرنجات الـ 5 وصلوا لي فيدكس الجنوط
إلى البيت ودفعوني رسوم جمارك قطر
مبلغ وقدره : 550 ريال قطري تقريبا ً




ومن ثم طلبت الكفرات دنلوب 5 + اغطية الكفرات 5
وصلوا بعد 10 ايام


وهاذي فاتورتهم :
بإختصار



Product #:4260B-60060
Wheel Center Cap
Quantity:5
Price:$50.93
Item Total:$254.65
+


Product #:T2855020DUN
Dunlop Grandtrek PT2A Tire - 285/50VR20
Quantity:5
Price:$291.20
Item Total:$1,456.00



Sub-Total:$1,710.65
Shipping: $940.94 ************ تكاليف الشحن
Tax:$0.00
Total:$2,651.59 ************ يساوي 9678 ريال قطري

ودفعوني جمارك في قطر قرابة 700 ريال
او حولها ناسي والله الفاتورة ليست لدي الآن .



------------------------------------



الخلاصة : الاسعار جيدة - من غير الشحن الباهظ -


النصيحه : لمن لديه معارف في امريكا طلاب او مبتعثين
ان يدبر له عروض افضل ربما
وايضا طريقة للشحن اقل تكلفة بحيث
انها ترخص عليك التكاليف .



بمراجعة المعلومات اعلاه :


تطلع قيمة الجنط الواحد واصل بلدك : 2662 ريال قطري
لو افترضنا تريد 4 فقط : 10.650 ريال قطري

الجنوط فقط .

[إنتعاش]

ماهو رأيك في الجنوط وكيف السواقة فيها ؟

الحقيقة أثناء طلبي للجنوط ولم تصل بعد أتاني
أحد الأصدقاء بسيارة أخوه
ومركب عليهم الجنوط نفسها
وقال لي جرب تسوق ،
وركبت وسقت
الصراحة كانت أكثر وعورة من وضعها الحالي
بجنوطها الـ 18
لأن الشيء اللي الصراحة شدني بقوة في السيارة
و حببني فيها
هو مقدار نعووووومتها
وريااااااااافتها الخياااااااااااالية

فلما جربتها على جنوط 20 ..
فقدت جزء كبير من الريافه في تقديري .

ولذلك صادف أن أحد الاخوان والاعزاء عندي كان يبي يطلب
برضو نفس الجنوط فقلت له يابوي لا تطلب هذاني طالب
وهاذي الجنوط خذها بالكفرات وكل شي وهاذي فاتورتهم
وشراهم مني .

لذلك خلاصة القول :

1- رنجات 20 شكلية ممتازة واكشخ بكثثثثثثثثثثثثثيررررررر

2- عيبها انها ليست بنفس ريافة و نعومة الرنجات الـ 18 الأصلية


يعني انت امام خيارين :

1- اكشخ سيارتي ويشوفونها الناس يقولون وااااو ..
لكنها اقل ريافه و راحه للسائق لذلك اشتر 20

2- لا والله ما علي من الناس ولا الشكل المهم راحتي الداخلية وانا اسوق ،
خلك على الرنجات 18

[إنتعاش]

العيب الشرعي :

الحقيقة هو ليس عيبا ً شرعيا ً اذا انتبهت له و عملت الاحتياط لكي لا تتفاجىء به .

في عيد الفطر المبارك سافرت برا ً إلى المملكة العربية السعودية والحقيقة لم أنتبه او التفت لهذه النقطة

المشكلة هي :


الكاميرا الأمامية في السياره

: جدا جدا جدا حساااااااااااااسه وتتأثر من العج والغبار ..
توقعت في تقديري ان بالتأكيد الشركة بتخلي الكاميرا الامامية فيها غطاء عازل تقديرا ً لظروف
السرعه او عوامل الجو اثناء الرحلات الطويلة .


ولكنني تفاجأت بعد وصولي وغسيلي للسيارة بأن عدسة الكاميرا الامامية تجرحت بشكل واضح من حيث لمسها ستجد كيف الجروح فيها والخدوش ..
وايضا من خلال الشاشه وانت تسوق بتشوف زي التحبيب في الشاشه ..
زي الغبش فيها لكن تقدر تشوف
لكن قصدي الصفاااااااوه رااااااااااااحت .

عاد مدري هل غطاء العدسه يتغير لوحده ؟
ام انني سأضطر لتغيير الكاميرا كاملة .؟

لم اسأل حتى الآن ولا اعرف ..

شاهدوا معي الصور : الموضحة :

لاحظ كيف الخدوش والتجريحات اللي على العدسه
والحبوب من العج والرمال


http://www.qatarshares.com.qa/data/41/43/storm_1508203751_603078033.jpg

http://www.qatarshares.com.qa/data/41/43/storm_2104669080_768958283.jpg

للمقارنة انظر إلى صفاوة الكاميرا الجانبية

http://www.qatarshares.com.qa/data/41/43/storm_712120116_234228365.jpg

وهنا الشاشه وكيف تشاهد امامك واثار الخدوش واضحة
ولكنها تمشي الحال هههههههههه

http://www.qatarshares.com.qa/data/41/43/storm_1360050724_495524979.jpg

http://www.qatarshares.com.qa/data/41/43/storm_186888473_483604950.jpg

لاحظ صفاوة الكاميرا الخلفية وقارنها بالخدوش في الامامية

http://www.qatarshares.com.qa/data/41/43/storm_256952747_50557875.jpg

http://www.qatarshares.com.qa/data/41/43/storm_606592314_348498737.jpg

http://www.qatarshares.com.qa/data/41/43/storm_301173852_1459127664.jpg

النصيحه :
عندما تسافر او تريد قطع مسافات طويلة انصح بتركيب عازل على العدسه
يعني لاصق او حماية او اي شي تراه مناسب للتركيب ..

واللي يعرف علاج لكاميرتي ياريت يفيدنا يا اخوان

هل يتغير غطاء العدسه فقط ام الكاميرا كاملة ً ؟ ؟؟؟؟؟؟؟
وكم يكلف ؟

[509]

بيض الله وجهك على هالتوضيح

وانا واحد من عيال عمي ماخذ اربعه بـ20000

وبعد ماعتقد انها اصليه


اما على قولتك يغالون فالاسعار فصدقت


فيه استغلال غير طبيعي للمستهلك


مفروض موب في هذا بس

روح الامارات او البحرين وقارن الاسعار صدق تحس انه ينقص عليك اهني يادفع البلاء


مثال على هالجشع والغلاء في الاسعار


انا اخذ فليت مال كهرباء الملابس اسمه (فضفاض) كنت اخذه بــ8 ريال


والله انصدمت اليوم وانا اشوف السعر الجديد عليه صار بــ10 ريال





ودمت ياغالي على التوضيح والتفاصيل النافعه


كتبها الله في ميزان حسناتك


ومن العايدين ياغالي

[m0o0j]

يعطيك العافية اخوي على المعلومات الطيبة

[إنتعاش]

بيض الله وجهك على هالتوضيح

وانا واحد من عيال عمي ماخذ اربعه بـ20000

وبعد ماعتقد انها اصليه


اما على قولتك يغالون فالاسعار فصدقت


فيه استغلال غير طبيعي للمستهلك


مفروض موب في هذا بس

روح الامارات او البحرين وقارن الاسعار صدق تحس انه ينقص عليك اهني يادفع البلاء


مثال على هالجشع والغلاء في الاسعار


انا اخذ فليت مال كهرباء الملابس اسمه (فضفاض) كنت اخذه بــ8 ريال


والله انصدمت اليوم وانا اشوف السعر الجديد عليه صار بــ10 ريال





ودمت ياغالي على التوضيح والتفاصيل النافعه


كتبها الله في ميزان حسناتك


ومن العايدين ياغالي

هلا فيك اخوي 509

الواحد والله وده يرشد الناس على افضل الطرق لجلب حاجاتهم
سواء الاساسية او الاكسسوارية سواء لسيارات وغيرها

فلذلك احنا ان شاءالله جميعا هنا نحاول دائما بإفادة بعضنا البعض
بحيث ان نحقق الهدف الاساسي من إنشاء الموقع ككل .

تحياتي لك

[إنتعاش]

يعطيك العافية اخوي على المعلومات الطيبة

الله يعافيك ويسلمك اخوي موج

[المفتاح]

الله يعطيك العافيه اخوي

وكل عام وانت بخير

[إنتعاش]

الله يعطيك العافيه اخوي

وكل عام وانت بخير

هلا بك اخوي المفتاح

وانت بأتم صحة وعافية

وبقية الاخوان الكرام القراء والاعضاء

[qatari1]

شكراً لك انتعاش على التقرير الجميل، وعيدك مبارك.

طيب ليش ما سويت العازل الشفاف على الكاميرا الأمامية؟!

[فلفل حار]

الله يعطيك العافيه اخوي انتعاش علي هالتقرير المفصل

والكميرا أكيد علي الضمان 00 جرب تسأل الشركه مع السيرفز القادم

كل عام وانت بخير اخوي

[ساحر برشلونة]

الله يعطيك العافيه اخوي

وكل عام وانت بخير

ورحم الله والديكم وجميع المسلمين

[إنتعاش]

شكراً لك انتعاش على التقرير الجميل، وعيدك مبارك.

طيب ليش ما سويت العازل الشفاف على الكاميرا الأمامية؟!

العفو اخوي قطري1

وكل عام وانت بخير

[نيساني]

يعطيك العافيه يا انتعاش على الموضوع والنصيحه وكل عام وانت بخير

[سمو انسان]

مشكووور اخوي على طرح الوضوع

بس عندي توضيح بسيط من الطبيعي انه الموتر يكون وعر مع الرنقات الكبيره لانه الموتر من اصل مهيئ عندنا فالخليج على مقاس ١٨ من الدرام ويل وتوابعه
اما لو كان يجي من المصنع الاصلي رنقات عشرين رايح يكون اريف بواجد

هذي شغله والشغله الثانيه ترى تركيب رنقات اكبر راح يكون له تأثير على الموتر من ميزانيه + رودات + والدرام ويل والتوابع ، يعني راح يجيبلك عوار الراس وطبعن هذي مش بس للكزس لكن لجميع السيارات

واشكرك اخوي مره ثانيه عالموضوع :)

[سمو انسان]

اي وفي شغله اهم منهم


عيدك مبارك :)

[لاداعي]

يعطيك العااافيه أخوي أنتعاش على الشرح الرائـــع وكل عام وأنت بخير يالغالي وعيدك مبارك

[S A L M A N]

هذي المواضيع ولا بلاش

جزاك الله خير على هالنصايح الحلوه

والي بتفيد الكل خاصتا الي عنده لكزس او الي ناوي عليه

[qatar.1995]

مااااااااااااااقصرت وبيض الله وجهك

[qatar28]

كفيت ووفيت مشكور على الموضوع الرائع والمفيد
وننتظر منك المزيد.......

[سهم طايش]

بيض الله وجهك اخوي انتعاش على هالتقرير الطيب و جزاك الله خير

انا سافرت بالسيارة الى الطائف بالرنجات 18 ما شاء الله تبارك الله على الطريق ثبات و ريافة و متعة في السواقة و قوة

بصراحة موتر ما عليه كلام و انا مرتاح له جداااا جدااا

[السد]

يعطيك العافية اخوي على المعلومات
معلومات قيمة

[شاقح]

عيدك مبارك اخوي انتعاش
وبخصوص الكيمره ياليتك امركب حمايه كان ماتأثرت الصراحه مب خساره
وجزاك الله خير على الجهد في الموضوع وفيت وكفيت

[إنتعاش]

الله يعطيك العافيه اخوي انتعاش علي هالتقرير المفصل

والكميرا أكيد علي الضمان 00 جرب تسأل الشركه مع السيرفز القادم

كل عام وانت بخير اخوي

هلا بك اخوي فلفل حار

الله يعافيك ويسلمك

ماظنتي العم عبدالغني عنده شي اسمه على الضمان !

بس بنجرب وبنشوف وقت التشييكه الجايه

[إنتعاش]

الله يعطيك العافيه اخوي

وكل عام وانت بخير

ورحم الله والديكم وجميع المسلمين

هلا بك ساحر برشلونه

الله يعافيك ويسلمك اخوي

وانت بخير وصحة وسلامة والقراء الكرام

[إنتعاش]

عملت الآن طلبية تجربة للأسعار

فكانت هذه النتيجة :


الرنجات : السلفر
العدد : 4
+
4 اغطية للرنجات نفسها :

2,246.56 دولار

تكلفة شحنها : 824.55 دولار

بالريال القطري :

11.210 ريال قطري

+ 700 نقول بتدفعها لفديكس جمرك قطر

يعني 11.910 ريال قطري للرنجات واصلة لبيتك .

تاير قوديير في محلات التواير مع الترصيص والتركيب : 1350 للتاير الواحد

= 5400 تركيب تواير جديدة قوديير

التكلفة الاجمالية للرنجات 4 بتوايرها : 17.310 ريال قطري

[J0o0j]

امبية ما خلوو شي

شاكرة لك اخوووي

[السعر]

يعطيك العافيه

والله صدقت الكيمره الاماميه انتهت عندي من العج ما تنفع كلش بعد فترة بوديها الشركة وبشوف يبدلون الغطا او يبدلونها كامل .

[أمير الود]

يعطيك الف عافيه اخوي انتعاش
وفيت وكفيت

والله يكون في عونك على العدسه

[شاقح]

اخو شوف هذا الرابط سعره مناسب مع تواير ميشلن
http://cgi.ebay.com/ebaymotors/4-LEXUS-LX570-FACTORY-20-WHEELS-TIRES-TUNDRA-SEQUOIA_W0QQitemZ220327673019QQcmdZViewItemQQptZMo tors_Car_Truck_Parts_Accessories?hash=item22032767 3019&_trksid=p4506.c0.m245&_trkparms=72%3A727%7C65%3A12%7C39%3A1%7C240%3A1318

[إنتعاش]

سلمت ياشاقح والله

وسعر رائع

9800 ريال مع التواير الصراحه رائع

بس ماعرف هل هم 4 فقط ؟

ومادري كم يكلف شحنهم لأني ولا عمري تعاملت مع الـ EBAY

اللي له خبره في هالموقع يفيدنا

[شاقح]

سلمت ياشاقح والله

وسعر رائع

9800 ريال مع التواير الصراحه رائع

بس ماعرف هل هم 4 فقط ؟

ومادري كم يكلف شحنهم لأني ولا عمري تعاملت مع الـ EBAY

اللي له خبره في هالموقع يفيدنا

بيكلفك تقريباً 3500 ريال عن طريق ARAMEX والرنقات 4 فقط بس منزله من على سياره

[إنتعاش]

بيكلفك تقريباً 3500 ريال عن طريق ARAMEX والرنقات 4 فقط بس منزله من على سياره


جعل من جابك الجنة يا شاقح قول آمين

لك ولكل من يسعى لفايدة اخوانه ودلهم على افضل وارخص اماكن
يجيبون منه حاجاتهم واغراضهم .

بيض الله وجهك

[شاقح]

جعل من جابك الجنة يا شاقح قول آمين

لك ولكل من يسعى لفايدة اخوانه ودلهم على افضل وارخص اماكن
يجيبون منه حاجاتهم واغراضهم .

بيض الله وجهك

أو وجك ابيض ماسويت شي ياخوي انت راعي الاوله

[إنتعاش]

بخصوص الكاميرا الامامية

أفادني الاخ الغالي : بوسالم 90

بأنه تعرض لنفس المشكلة

وذهب للوكالة وقالوا له : ليست على الضمان لانها من العج والغبار مش من التصنيع .

الحل ماذا ؟

تتغير كامله الكاميرا الامامية

السعر كم في قطر مركبه خالصه ؟

2580 ريال قطري

النصيحه : اللي ناوي يركبها يروح قبل لا يوديها التشييك لانها ممكن تكون خالصه
يعمل طلب لها او يحجزها على حين ما يجيب لهم السياره بحيث انك تشيك السياره وبنفس
الوقت تغير الكاميرا لديهم

طيب تركيب الحمايه ؟
الرد : لا يصلح تركيب اي شيء على الكاميرا الامامية لأنها حساسه جدا

شـ السواة ؟

اقتراحي : يمدحون وارد السعودية رقم 2 اللي بدون كاميرا أمامية عشان الواحد ما يتسندر :)

[b0-7amad]

يعطيك الف عافيه اخوي انتعاش مشالله عليك شرح وافي وشغل متعوب عليه

لسعيك لتوصيل المعلومه وجعله انشالله في ميزان حسناتك

اما بخصوص السايز مال الرنجات خذها قاعده كل ما كبر شكله حلو بس بيزيد وعوره الموتر

وانشالله تحصل حد يفيدك بخصوص الكميره الاماميه

تحياتي

[إنتعاش]

الله يسلمك ويبارك فيك اخوي

بوحمد

الله يرحم والديك وما عملت الا اقل من الواجب

شوف الاخوان ماشاءالله اللي جاب لنا عرض بـ 9800 ريال التواير بالرنجات كامله مكمله
الاخ العزيز شاقح

والاخ بوسالم ما قصر عطانا تكلفة الكاميرا الامامية وتجربته مع الوكاله

وكلنا ان شاءالله نفيد بعضنا بعض وننصح بعضنا بعض

[ابوسند]

سلام عليكم


اشهد بالله انك ما قصرت شرحت وافي وكافي من رجل سنافي