مسيكينه خرب فستانها الخياط وقالت بتصل حق الشرطه

[بن علان]

ليلة العيد موعدها مع فستان العيد .. جات الخياط لإستلامه إلا مخرب لها إياه

عصبت وزبدت وقامت تهدد تعطيني فلوسي والا بتصل حق الشرطه

مني ومناك قالها تعالي باجر إستلميه اللي هو يوم العيد العصر يعني بتعيد الصبح بفستان قديم :anger1:

أنا الحين بسأل يوم انها هددت الخياط بالإتصال بالشرطه :telephone:

هل بالفعل الشرطه تتحرك لمثل هذي البلاغات والا بعد ما ينضرب الخياط وتصير جُنحه تتحرك سيارة التحقيق :discuss:

قصه حدثت اليوم وتحدث بشكل دائم وحبيت أعرف دور الشرطه في حالة الخلاف بين الزبونه والخياط واتصال الزبونه بالشرطه وقبل حدوث الإشتباك من قِبل الزوج أو الأخوان

[ضوى]

للحين في ناس تروح خييايط ؟؟؟
الله يخلي الجاهز ولا منة الخياط

[وحيد-الشوق]

مااعتقد للشرطة دور في مثل هذه الامور والله اعلم :rolleyes2:

لين الحين اذكر وانا صغير كل مااعصب على المحلات خاصتا اذا خذت شيء وحبيت ارده اروح اجيب لهم اخوي الكبير او ابوي واذا كنت بروحي دايما اهددهم بالشرطة هههههه

[الألماسي]

ليلة العيد موعدها مع فستان العيد .. جات الخياط لإستلامه إلا مخرب لها إياه

عصبت وزبدت وقامت تهدد تعطيني فلوسي والا بتصل حق الشرطه

مني ومناك قالها تعالي باجر إستلميه اللي هو يوم العيد العصر يعني بتعيد الصبح بفستان قديم :anger1:

أنا الحين بسأل يوم انها هددت الخياط بالإتصال بالشرطه :telephone:

هل بالفعل الشرطه تتحرك لمثل هذي البلاغات والا بعد ما ينضرب الخياط وتصير جُنحه تتحرك سيارة التحقيق :discuss:

قصه حدثت اليوم وتحدث بشكل دائم وحبيت أعرف دور الشرطه في حالة الخلاف بين الزبونه والخياط واتصال الزبونه بالشرطه وقبل حدوث الإشتباك من قِبل الزوج أو الأخوان


أتوقع لو انها متصله ع الشرطه راح يجونها بسرعه البرق والسبب قضيّه البنغالي المسكين مع السوريين الــ " . . . " اللي ضربوه بسكين في عنقه ليله البارحه في شارع ال شافي في محل اسمه " ريم للعطـور " و السبب اختلافهم معهم بالسعر . .
فـالقضيّه ساخنه الى الان و لوّ متصله و مهدده الشرطه انها بتذبح راعي الخياط بيرسلون لها 5 دوريات بعد . .:nice:

[بوخالد911]

الله يعيين الشررطة


لو بيدخلوونهم في كل المشااكل

[التيما]

ماعتقد بيسوون شي الشرطه وبيقولون لها تنطر باجر واذا ما عدله ترفع قضيه هههههههههههههههه .. على قولة ضوى الله يخلي الجاهز

[هتـان قطر]

هو المفروض ان الشرطة تتحرك وتحل الخلاف بين الخياط والزبونة..!!

ولكن ما قد جربنا..اللي حاصل ان الخلاف يتحول الى عراك بين ولي الزبونة

وبين الخياط ومن ثم يرمي الخياط القماش عليهم ويرفض يخيطه وتنتهي السالفة..!!

اذكر مرة قريت خبر عن بنت صغيرة في امريكا ما قدرت تحل واجب الرياضيات

لصعوبته..اشسوت..؟ اتصلت بالشرطة تطلب منهم المساعدة ..وفعلا تم لها ما أرادت..!!!

لو الامر صار عندنا كان سمعت تهديد الشرطي للبنت..صكي التلفون بسرعة عن اللعبة

والا كلم ولي أمرها وقال لا تخلون البزران يلعبون في التلفونات..!!!:anger1:

[وطن]

كل هذا عشان فستان
ما يسوى !!!

وبعدين صج في ناس للحين تروح الخياط !!

[بن علان]

للحين في ناس تروح خياييط ؟؟؟
الله يخلي الجاهز ولا منة الخياط

وأنا اقول الله يخلي الجاهز ولا منة الخياط

شكرا لمرورك

[بن علان]

مااعتقد للشرطة دور في مثل هذه الامور والله اعلم :rolleyes2:

لين الحين اذكر وانا صغير كل مااعصب على المحلات خاصتا اذا خذت شيء وحبيت ارده اروح اجيب لهم اخوي الكبير او ابوي واذا كنت بروحي دايما اهددهم بالشرطة هههههه

انزين الحين عقب ما كبرت شتسوي إذا اختلفت مع الخياط :discuss:

شكرا لمرورك

[بن علان]

أتوقع لو انها متصله ع الشرطه راح يجونها بسرعه البرق والسبب قضيّه البنغالي المسكين مع السوريين الــ " . . . " اللي ضربوه بسكين في عنقه ليله البارحه في شارع ال شافي في محل اسمه " ريم للعطـور " و السبب اختلافهم معهم بالسعر . .
فـالقضيّه ساخنه الى الان و لوّ متصله و مهدده الشرطه انها بتذبح راعي الخياط بيرسلون لها 5 دوريات بعد . .:nice:

أشوف هالجاليه زادت مشاكلهم .. الإجرام في دمهم :anger1:

شكرا لمرورك

[بن علان]

الله يعيين الشررطة

لو بيدخلوونهم في كل المشااكل



مش الشرطه في خربة الشعب .. مثل ما قال سعيد صالح في المسرحية

شكرا لمرورك

[المهندي911]

اليوم كنت في محل للمكسرات وشفت الدوريه برى قلت في قلبي ياسلام هاد شغله وقاعد يشتري للعيد صج ان بعض الظن اثم ثرى مسكين كان يحل خلاف تاااافه داخل المحل سيدتين قطريتين عصبوا عشان راعي المحل تركهم وراح يلبي طلب زبون ثاني عصبوا وجابوله الشرطه هاي الي فهمته منهم وكل شوي الخوات احنا بنات قطر واحنا بنات قطر زين حشمي نفسهم يوم انج ينت قطر وماظنيت في قطريه محترمه تسوي هالشي والي يعيش ياما يشوف وفي النهايه الشرطه ماسوت لهم شي

[هتـان قطر]

اليوم كنت في محل للمكسرات وشفت الدوريه برى قلت في قلبي ياسلام هاد شغله وقاعد يشتري للعيد صج ان بعض الظن اثم ثرى مسكين كان يحل خلاف تاااافه داخل المحل سيدتين قطريتين عصبوا عشان راعي المحل تركهم وراح يلبي طلب زبون ثاني عصبوا وجابوله الشرطه هاي الي فهمته منهم وكل شوي الخوات احنا بنات قطر واحنا بنات قطر زين حشمي نفسهم يوم انج ينت قطر وماظنيت في قطريه محترمه تسوي هالشي والي يعيش ياما يشوف وفي النهايه الشرطه ماسوت لهم شي



ههههههههههههه هذا هو هدف الموضوع...:telephone:

[بن علان]

ماعتقد بيسوون شي الشرطه وبيقولون لها تنطر باجر واذا ما عدله ترفع قضيه هههههههههههههههه .. على قولة ضوى الله يخلي الجاهز

يالله هو درس لها عشان تعرف الجاهز ولا منة الخياط .. براءة المثل لضوى :nice:

[بن علان]

هو المفروض ان الشرطة تتحرك وتحل الخلاف بين الخياط والزبونة..!!

ولكن ما قد جربنا..اللي حاصل ان الخلاف يتحول الى عراك بين ولي الزبونة

وبين الخياط ومن ثم يرمي الخياط القماش عليهم ويرفض يخيطه وتنتهي السالفة..!!

اذكر مرة قريت خبر عن بنت صغيرة في امريكا ما قدرت تحل واجب الرياضيات

لصعوبته..اشسوت..؟ اتصلت بالشرطة تطلب منهم المساعدة ..وفعلا تم لها ما أرادت..!!!

لو الامر صار عندنا كان سمعت تهديد الشرطي للبنت..صكي التلفون بسرعة عن اللعبة

والا كلم ولي أمرها وقال لا تخلون البزران يلعبون في التلفونات..!!!:anger1:

يا حليل شرطة أمريكا يعرفون يحلون الرياضيات عيل ما يحتاي مدرس خصوص :nice:

[Msh3l]

أتوقع لو انها متصله ع الشرطه راح يجونها بسرعه البرق والسبب قضيّه البنغالي المسكين مع السوريين الــ " . . . " اللي ضربوه بسكين في عنقه ليله البارحه في شارع ال شافي في محل اسمه " ريم للعطـور " و السبب اختلافهم معهم بالسعر . .
فـالقضيّه ساخنه الى الان و لوّ متصله و مهدده الشرطه انها بتذبح راعي الخياط بيرسلون لها 5 دوريات بعد . .:nice:

ههههههههههههههههههههههههههههههههههههه حلوووووووه اختي ..


يسلموو عالموضوع

[بن علان]

كل هذا عشان فستان
ما يسوى !!!
وبعدين صج في ناس للحين تروح الخياط !!

من قالج ما يسوى شكلج من زمان ما رحتي خياييط وما تعرفين أسعارهم :discuss:

[بن علان]

ههههههههههههههههههههههههههههههههههههه حلوووووووه اختي ..

يسلموو عالموضوع

الله يسلمك بس وين اختك .. اسمه الألماسي مب الألماسيه

كله واحد .. عيدكم مبارك :nice:

[هداف]

للحين في ناس تروح خييايط ؟؟؟
الله يخلي الجاهز ولا منة الخياط

فيه احجام اكس اكس لارج مالهم الا الخياط

[الخيميائي]

المفروض كانت تنتظر لما تنتهي اجازة العيد

وتتصل بادارة حماية المستهلك

وهم يتفاهمون مع المحل

وفي الاخير

لا هي بتعيد بجديد ولا الادارة بتحل المشكلة ولا الخياط بياخذ فلوسه

يعني تاخذ الطريق السريع ثاني مرة

وتشتري جاهز

والا تبدأ مفاوضات التفصيل بعد عيد الفطر مباشرة علشان البروفات

[ضوى]

فيه احجام اكس اكس لارج مالهم الا الخياط

الله يخلي المحلات المتخصصة بهالمقاسات :rolleyes2:

[>>> غــمـــوض <<<]

بـــاااااااال صج ناس فاضيـه
الحين بتجييب الشرطه بس عشان خرب لها الفستان :rolleyes2:

انزين هي المفروض تحسب احساب هالشي من قبل ،، لان اغلب الخياييط يخربون الملابس
فالمفروض يكون مجهز الفستان من قبل عشان تشوفه تمام ولا لا ،، مو تجي بليلةالعيد تشوفه

[وحيد-الشوق]

انزين الحين عقب ما كبرت شتسوي إذا اختلفت مع الخياط :discuss:

شكرا لمرورك

هههههه انا الخياط نكبني هالعيد مفصلي خيمه مب ثوب لعنبو ثوبين مخربهم كل ثوب اوسع واطول من الثاني :anger1:

عقب تفاهمت معاه وضبطلي الثياب هالمره ماعصبت بالعكس تميت اضحك على تفصيله :rolleyes2:

[بن علان]

اليوم كنت في محل للمكسرات وشفت الدوريه برى قلت في قلبي ياسلام هاد شغله وقاعد يشتري للعيد صج ان بعض الظن اثم ثرى مسكين كان يحل خلاف تاااافه داخل المحل سيدتين قطريتين عصبوا عشان راعي المحل تركهم وراح يلبي طلب زبون ثاني عصبوا وجابوله الشرطه هاي الي فهمته منهم وكل شوي الخوات احنا بنات قطر واحنا بنات قطر زين حشمي نفسهم يوم انج ينت قطر وماظنيت في قطريه محترمه تسوي هالشي والي يعيش ياما يشوف وفي النهايه الشرطه ماسوت لهم شي

صج ما عندهم سالفه .. إذا راعي المحل تركهم خل يتركون محله يولي

ما في هالبلد غير هالولد

صج هذول ينطبق عليهم قول "لكل مواطن شرطي" .. مادري في قول مثل هذا والا أنا مطلعه من عندي :nice:

أهم شي ان الشرطه ما سوت لهم شي

شكرا يالمهندي وعيدك مبارك

[بن علان]

ههههههههههههه هذا هو هدف الموضوع...:telephone:

يه .. شدراج .. الحين انا اللي احلم .. هذي اللي تدري .. مقطع من "على هامان يا فرعون"

عيدج مبارك اختي هتان

[بوخالد2]

أتوقع لو انها متصله ع الشرطه راح يجونها بسرعه البرق والسبب قضيّه البنغالي المسكين مع السوريين الــ " . . . " اللي ضربوه بسكين في عنقه ليله البارحه في شارع ال شافي في محل اسمه " ريم للعطـور " و السبب اختلافهم معهم بالسعر . .
فـالقضيّه ساخنه الى الان و لوّ متصله و مهدده الشرطه انها بتذبح راعي الخياط بيرسلون لها 5 دوريات بعد . .:nice:


اللى يعين الشارع القطري من الفئه اللى ذكرتها

اللى صاروا لويث في كل مدن قطر و شوارعهاا

[بن علان]

فيه احجام اكس اكس لارج مالهم الا الخياط

الله يعينهم وييسر أمورهم يا رب وعيدك مبارك ياخوي هداف

[المهندي911]

عساك من عايد العيد اخوي
وانا بعد قلت مثلك شدعوه سفهني باخليه وباروح محل ثاني النكبه ان الرجال كان موجود قبلها وهي مانتبهت

لاحول ولا قوة الا بالله العلي العظيم

[سبع قطر]

في حال اتصلت بتجي دوريه نجده طبعا

وبيحاولون قدر المستطاع وغصبن عن البنت والخياط ان ينحل الموضوع ودي

لان السالفه بتطول وتوصل للنيابه وعوار راس وعفيسه والناس عيد

والخياط بيخاف من الشرطه وبيحاول قدر المستطاع انه يعدل الفستان او

يرجع لها فلوسها وينهي المشكله

[شورت تايم]

للحين في ناس تروح خييايط ؟؟؟
الله يخلي الجاهز ولا منة الخياط

السلام عليكم ورحمة الله وبركاته
وكل عام وانتي بخير ضوى

عندي تعليق على الجمله اللي للحين في ناس تروح خييايط مع تكرار علامة الاستفهام

ما اعتقد ان فيها شي اذا البنت راحت الخياط وحرام ان المسلم يستهزء بأخوه المسلم وانتي ما تدرين ايش
ظروف البنت المسكينه عشان تستهزين فيها وتقللين من قدرها واذا انتي مرتاحه ماديآ ترا في ناس ماعندهم ويجمعون
عشان يلبسون شي جديد للعيد وفي النهايه اتجين وتستهزين فيها واتقللين من قدر هالفئه
شوفي الاسلام ايش يقول

لا يجوز الاستهزاء بالناس أو السخرية بهم أو تعييرهم بعيب أو ذنب لقوله تعالى ( يَا أَيُّهَا الَّذِينَ آَمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ ) الحجرات/11

وقال الله تعالى ( وَيْلٌ لِكُلِّ هُمَزَةٍ لُمَزَةٍ ) الهمزة/1.
والهمز يكون بالإشارة .. واللمز يكون بالقول .. واللماز هو العيّاب الطعان والويل واد في جهنم .
وفي هاتين الآيتين الكريمتين تحريم السخرية وتحريم اللمز والهمز وتحريم التنابز بالألقاب .. والإخبار بأن ذلك فسوق وظلم وتوعّد فاعل ذلك بالويل وإرشاد العباد إلى أمر عظيم وهو أن الخير عند الله تعالى ليست بالهيئة والشكل والمظهر .. فقد يسخر الإنسان ممن هو خير منه وأفضل عند الله تعالى .

ثم من الذي يسلم من العيوب حتى يعيب غيره ؟!

ولو فرض وجود إنسان لا عيب له ظاهر فهذا حري به أن يحمد الله تعالى وأن يشكره على نعمته لا أن يسخر من عباده وخلقه .

ومن الذي يأمن تبدل الحال وتغير المآل فقد يمسي الجميل قبيحا والغني فقيرا والضاحك باكيا .
قال ابن كثير رحمه الله في تفسير آية الحجرات ينهى الله سبحانه و تعالى عن السخرية بالناس وهو احتقارهم والاستهزاء بهم .

نصيحه اختي العزيزه أكثري من الصدقة بالمال والأعمال الصالحة فإن الصدقة تكفر الخطيئة والحسنات يذهبن السيئات .
ونسأل الله تعالى أن يتقبل توبتك ويغفر ذنبك .

واتمنى تتقبلين مرور بكل سعت صدر
وكل عام وانتي بخير

[وحيد-الشوق]

السلام عليكم ورحمة الله وبركاته
وكل عام وانتي بخير ضوى

عندي تعليق على الجمله اللي للحين في ناس تروح خييايط مع تكرار علامة الاستفهام

ما اعتقد ان فيها شي اذا البنت راحت الخياط وحرام ان المسلم يستهزء بأخوه المسلم وانتي ما تدرين ايش
ظروف البنت المسكينه عشان تستهزين فيها وتقللين من قدرها واذا انتي مرتاحه ماديآ ترا في ناس ماعندهم ويجمعون
عشان يلبسون شي جديد للعيد وفي النهايه اتجين وتستهزين فيها واتقللين من قدر هالفئه
شوفي الاسلام ايش يقول

لا يجوز الاستهزاء بالناس أو السخرية بهم أو تعييرهم بعيب أو ذنب لقوله تعالى ( يَا أَيُّهَا الَّذِينَ آَمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ ) الحجرات/11

وقال الله تعالى ( وَيْلٌ لِكُلِّ هُمَزَةٍ لُمَزَةٍ ) الهمزة/1.
والهمز يكون بالإشارة .. واللمز يكون بالقول .. واللماز هو العيّاب الطعان والويل واد في جهنم .
وفي هاتين الآيتين الكريمتين تحريم السخرية وتحريم اللمز والهمز وتحريم التنابز بالألقاب .. والإخبار بأن ذلك فسوق وظلم وتوعّد فاعل ذلك بالويل وإرشاد العباد إلى أمر عظيم وهو أن الخير عند الله تعالى ليست بالهيئة والشكل والمظهر .. فقد يسخر الإنسان ممن هو خير منه وأفضل عند الله تعالى .

ثم من الذي يسلم من العيوب حتى يعيب غيره ؟!

ولو فرض وجود إنسان لا عيب له ظاهر فهذا حري به أن يحمد الله تعالى وأن يشكره على نعمته لا أن يسخر من عباده وخلقه .

ومن الذي يأمن تبدل الحال وتغير المآل فقد يمسي الجميل قبيحا والغني فقيرا والضاحك باكيا .
قال ابن كثير رحمه الله في تفسير آية الحجرات ينهى الله سبحانه و تعالى عن السخرية بالناس وهو احتقارهم والاستهزاء بهم .

نصيحه اختي العزيزه أكثري من الصدقة بالمال والأعمال الصالحة فإن الصدقة تكفر الخطيئة والحسنات يذهبن السيئات .
ونسأل الله تعالى أن يتقبل توبتك ويغفر ذنبك .

واتمنى تتقبلين مرور بكل سعت صدر
وكل عام وانتي بخير

:eek5:

الحين هذا استهزاء سويتها سالفه :rolleyes2:

تدري انك غريب والله :(

كل عام وانت بخير

[blackjacket]

:eek5:

الحين هذا استهزاء سويتها سالفه :rolleyes2:

تدري انك غريب والله :(

كل عام وانت بخير

انا وياه في الرد:nice:
صراحة اكثر من وحدة تيجي و تعلق و تقول نفس الكلام:eek5:و انهم مستغربين من الموضوع :eek5:
يعني اذا ما في ناس تروح الخياط كان الحين ماتشوفون ولا محل خياطة في قطر:nice:

[شورت تايم]

وانتي بألف خير

بس اختي العزيزه طريقة ضوى واهي اتقول الجمله بأستغراب
كأنه شي مش طبيعي للحين في ناس اتروح خياييط ؟؟؟
انا ما ابي احط في ذمتي لكن
يعني بما معناه انه شي قديم وحجري وانه مش من المستوى
الناس المتحضرين

واتمنى ان ضوى اتوضح لنا المعنى المقصود
من الجمله وتكون الجمله عن حسن نيه

وكل عام وانتي وضوى بألف خير
وعساكم من العايدين الفايزين بالجنه يارب

[ANONYMOUS]

انا اقول وش لها بالخياط

الجاهز صار ارخص..

وبخصوص الشرطه..والله مادري شالترتيب..

[..الاميرة..]

اشدعوه شرطة علشان خياط !!! (فضيحه :secret:)

ما اعتقد يلتفتون لمثل هذا المواضيع البسيطه

والله يرحم ايام ماكنا نفصل عندهم إذا اخترب الشي اخذناه ورزيناه في الكبت

يعني مسالمين ونقول قضاء وقدر ..:shy:



فيه احجام اكس اكس لارج مالهم الا الخياط




هههههههههههههههههههههههههههههههههههههههههههههههههه هه



وعيدكم مبارك وايامكم سعيده .. :p

[غزلان]

بسبب هالمشاكل نفضل الجاهز والشي الثاني اريح من مشاوير الخياط غير لقماش يعني يبغيلنا خمس مشاوير حق فستان

الخياط حق التصليح بس

[شورت تايم]

انا اقول وش لها بالخياط

الجاهز صار ارخص..

وبخصوص الشرطه..والله مادري شالترتيب..

:nice::nice::nice:

ماشاءالله رد جميل ودبلوماسي في نفس الوقت

احييك اخوي
وكل عام وانت بخير

[امل الحب]

:telephone:

اذكر مريت بهالوضع في عرس من الاعراس.. قلت له خل الفستان عندك ولاني بدافعة ريال :) وطلعت وخذت لي جاهز..

يعني الجاهز اسهل حل

بس ماتوقع الشرطة بيردون عليها :secret:

[وحيد-الشوق]

وانتي بألف خير

بس اختي العزيزه طريقة ضوى واهي اتقول الجمله بأستغراب
كأنه شي مش طبيعي للحين في ناس اتروح خياييط ؟؟؟
انا ما ابي احط في ذمتي لكن
يعني بما معناه انه شي قديم وحجري وانه مش من المستوى
الناس المتحضرين

واتمنى ان ضوى اتوضح لنا المعنى المقصود
من الجمله وتكون الجمله عن حسن نيه

وكل عام وانتي وضوى بألف خير
وعساكم من العايدين الفايزين بالجنه يارب

مادري اذا تقصدني للعلم انا اخوك :rolleyes2:

مالاحظت شيء اكثر البنات والحريم الي علقوا عالموضوع اكثرهم يشترون جاهز حتى الاهل عندنا مايطبون الخياط كلش الا احيانا :secret:

وشوفه عينك محلات الجاهز متوفره في كل مكان ماشاء الله وبجميع الاسعار اما بالنسبه لوضعنا احنا مالنا غنى عن الخياط :nice:

[بن علان]

المفروض كانت تنتظر لما تنتهي اجازة العيد

وتتصل بادارة حماية المستهلك

وهم يتفاهمون مع المحل

وفي الاخير

لا هي بتعيد بجديد ولا الادارة بتحل المشكلة ولا الخياط بياخذ فلوسه

يعني تاخذ الطريق السريع ثاني مرة

وتشتري جاهز

والا تبدأ مفاوضات التفصيل بعد عيد الفطر مباشرة علشان البروفات

بقولك شنهي مشكلة الحريم .. إسمع وانا اخوك

كل وحده تبي تسوي شي محد سواه وتبي تلبس شي محد البسه وخبرك الجاهز مكرر يعني بتشوفه على فلانه وفلتانه عشان جذي البعض منهن تتعنى وتروح تشتري القطعه من السوق وتروح الخياط وادخل قماش على قماش والوان وفصوص وشك وتطريز وكل خرابيط الحريم في هالفستان يازعم بيطلع شي لا صار ولا استوى وفي النهايه على آخر يوم تتفاجأ ان الخياط مسود الوجه ومخرب الفستان وخذ يا صياح ويرتفع الضغط وعوار راس ومرض ويهد :nice:

كل هذا انا شخصيا اسميه قلة عقل .. يمكن اكون غلطان بس اكيد له إسم ثاني إذا ما كان قلة عقل :discuss:

[بن علان]

الله يخلي المحلات المتخصصة بهالمقاسات :rolleyes2:

تهقين صروال بزيج موجود منه جاهز حجم عائلي :nice:

[بن علان]

بـــاااااااال صج ناس فاضيـه
الحين بتجييب الشرطه بس عشان خرب لها الفستان :rolleyes2:

انزين هي المفروض تحسب احساب هالشي من قبل ،، لان اغلب الخياييط يخربون الملابس
فالمفروض يكون مجهز الفستان من قبل عشان تشوفه تمام ولا لا ،، مو تجي بليلةالعيد تشوفه

أنا داري عن الحريم .. حنا يا الرجاجيل ما عندنا هالخرابيط مير انكم يا الحريم عندكم شغلات غريبه :rolleyes2:

شكرا لمرورك

[بن علان]

هههههه انا الخياط نكبني هالعيد مفصلي خيمه مب ثوب لعنبو ثوبين مخربهم كل ثوب اوسع واطول من الثاني :anger1:

عقب تفاهمت معاه وضبطلي الثياب هالمره ماعصبت بالعكس تميت اضحك على تفصيله :rolleyes2:

اللي سويته عين العقل .. كفو عليك رجال وعقلك في راسك :victory:

[بن علان]

اللى يعين الشارع القطري من الفئه اللى ذكرتها

اللى صاروا لويث في كل مدن قطر و شوارعهاا

يا بوخالد إذا عندك سوالف عن مشاكلهم وجرايمهم يا ريت تنورنا وانا اخوك

أنا بقولك شغله من احتيالاتهم .. شفت التريلات .. إذا كانت مفصوله عن الراس .. تصدق ما عندهم مشكله يستخدمونها ويردونها مكانها ولا كأنهم سوو شي

شكرا لمرورك

[بن علان]

عساك من عايد العيد اخوي
وانا بعد قلت مثلك شدعوه سفهني باخليه وباروح محل ثاني النكبه ان الرجال كان موجود قبلها وهي مانتبهت

لاحول ولا قوة الا بالله العلي العظيم

النوعيه هذي من البشر يصيدهم الخرف بدري :nice:

عساك من العايدين والفايزين :nice:

[ناصر العمادي]

موضوع شائك ومحير وصعب ..:omg::omg::omg:

أعتقد لو عطته كف على أذنه ممكن يجون الشرطه ..
او أنها تقولهم أنه تحرش فيها ..<< قويه بصراحه :tease::tease:

على كل حال الشرطه ماظن راح يفيدونها بشي لأنها أذا أصرت على حقها ممكن ترفع قضيه والقانون ياخذ مجراه ..

بالنسبه للأخ اللي أعترض على كلام الأخت ضوى لما قالت لحين في ناس يروحون الخياط..
هل تعلم أن الخياط يكلف المره حوالي خمس أضعاف الفستان الجاهز ..؟؟؟؟؟
يعني هذا مايعتبر أستهزاء يالغالي ..

والله وحده من هلي شافت موديل وراحت شرت القماش وودته الخياط وقالها بيسويه ب 4000 ريال ... وقالت أوكي ...تعرف راحت الحسا تشتري بعض الأغراض ولا تشوف نفس الفستان جاهز ب 800 فقط ...

الجاهز أوفر كسعر وكوقت وراحه للبال لامشاوير كل يوم ولا ليش هني ضيق وهني وسيع وووو...

يعطيك الصحه والعافيه على الموضوع

الله يوفقك وينور دربك وييسر أمرك يارب

كل عام وأنت بألف خير

[بن علان]

في حال اتصلت بتجي دوريه نجده طبعا

وبيحاولون قدر المستطاع وغصبن عن البنت والخياط ان ينحل الموضوع ودي

لان السالفه بتطول وتوصل للنيابه وعوار راس وعفيسه والناس عيد

والخياط بيخاف من الشرطه وبيحاول قدر المستطاع انه يعدل الفستان او

يرجع لها فلوسها وينهي المشكله

والخياط فاهم الشغله من البدايه يختصر الموضوع ويعدل الفستان بس خبرك الحريم دايما يهددون بالشرطه ولو أنا في مركز اتصالات الشرطه بطنش حق الكثير من البلاغات النسائيه لان معظمها بلاغات فاسده :nice:

[بن علان]

السلام عليكم ورحمة الله وبركاته
وكل عام وانتي بخير ضوى

عندي تعليق على الجمله اللي للحين في ناس تروح خييايط مع تكرار علامة الاستفهام

ما اعتقد ان فيها شي اذا البنت راحت الخياط وحرام ان المسلم يستهزء بأخوه المسلم وانتي ما تدرين ايش
ظروف البنت المسكينه عشان تستهزين فيها وتقللين من قدرها واذا انتي مرتاحه ماديآ ترا في ناس ماعندهم ويجمعون
عشان يلبسون شي جديد للعيد وفي النهايه اتجين وتستهزين فيها واتقللين من قدر هالفئه
شوفي الاسلام ايش يقول

لا يجوز الاستهزاء بالناس أو السخرية بهم أو تعييرهم بعيب أو ذنب لقوله تعالى ( يَا أَيُّهَا الَّذِينَ آَمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ ) الحجرات/11

وقال الله تعالى ( وَيْلٌ لِكُلِّ هُمَزَةٍ لُمَزَةٍ ) الهمزة/1.
والهمز يكون بالإشارة .. واللمز يكون بالقول .. واللماز هو العيّاب الطعان والويل واد في جهنم .
وفي هاتين الآيتين الكريمتين تحريم السخرية وتحريم اللمز والهمز وتحريم التنابز بالألقاب .. والإخبار بأن ذلك فسوق وظلم وتوعّد فاعل ذلك بالويل وإرشاد العباد إلى أمر عظيم وهو أن الخير عند الله تعالى ليست بالهيئة والشكل والمظهر .. فقد يسخر الإنسان ممن هو خير منه وأفضل عند الله تعالى .

ثم من الذي يسلم من العيوب حتى يعيب غيره ؟!

ولو فرض وجود إنسان لا عيب له ظاهر فهذا حري به أن يحمد الله تعالى وأن يشكره على نعمته لا أن يسخر من عباده وخلقه .

ومن الذي يأمن تبدل الحال وتغير المآل فقد يمسي الجميل قبيحا والغني فقيرا والضاحك باكيا .
قال ابن كثير رحمه الله في تفسير آية الحجرات ينهى الله سبحانه و تعالى عن السخرية بالناس وهو احتقارهم والاستهزاء بهم .

نصيحه اختي العزيزه أكثري من الصدقة بالمال والأعمال الصالحة فإن الصدقة تكفر الخطيئة والحسنات يذهبن السيئات .
ونسأل الله تعالى أن يتقبل توبتك ويغفر ذنبك .

واتمنى تتقبلين مرور بكل سعت صدر
وكل عام وانتي بخير

لا اخوي راح تفكيرك بعيد هذي اختنا ضوى ما عندها مثل هالسوالف من استهزاء وتعالي

بالعكس قصدها الجاهز ارخص ولا فيه تعب بروفات وتروح تشتري قطعه من السوق والمشوار يصير مشاوير وفي الأخير الخياط يخرب الشغل كله .. عرفت شلون .. ضوى راح تأكد لك هالشي بنفسها

عزيز وغالي وعيدك مبارك

[بن علان]

:eek5:

الحين هذا استهزاء سويتها سالفه :rolleyes2:

تدري انك غريب والله :(

كل عام وانت بخير

ما عليه يا وحيد الشوق .. اللي ما يعرف ضوى ما يثمنها

وعيدك مبارك

[بن علان]

انا وياه في الرد:nice:
صراحة اكثر من وحدة تيجي و تعلق و تقول نفس الكلام:eek5:و انهم مستغربين من الموضوع :eek5:
يعني اذا ما في ناس تروح الخياط كان الحين ماتشوفون ولا محل خياطة في قطر:nice:

انا بقولك سبب استغرابهم .. هم يشوفون الطريق الاسهل وربما يكون الأرخص في الملابس الجاهزه عشان جذي يستغربون من وجود حريم للحين يفصلون عند الخياط ويتحملون التعب والمصاريف وفي الأخير يخرب لهم شغلهم

واختنا ضوى تقول جاهز ولا منة الخياط

وعيدك مبارك

[بن علان]

وانتي بألف خير

بس اختي العزيزه طريقة ضوى واهي اتقول الجمله بأستغراب
كأنه شي مش طبيعي للحين في ناس اتروح خياييط ؟؟؟
انا ما ابي احط في ذمتي لكن
يعني بما معناه انه شي قديم وحجري وانه مش من المستوى
الناس المتحضرين

واتمنى ان ضوى اتوضح لنا المعنى المقصود
من الجمله وتكون الجمله عن حسن نيه

وكل عام وانتي وضوى بألف خير
وعساكم من العايدين الفايزين بالجنه يارب

ما يصير خاطرك إلا طيب وهذا تأكيد مني بأن ضوى بتوضح اللبس اللي صار عندك ولا يهمك

وإن ما جات اليوم .. باجر بإذن الله بوجه لها رساله خاصه .. أنا يهمني ان ما يصير سوء ظن بأحد المشاركين في مواضيعي

وكل عام وانت بخير

[بن علان]

انا اقول وش لها بالخياط

الجاهز صار ارخص..

وبخصوص الشرطه..والله مادري شالترتيب..

وهذا تأكيد من اخونا "سعر الدعم" قديما حاليا في الأسواق " ANONYMOUS"

بأن الجاهز أرخص وهذا كان قصد ضوى في ردها

وعيدكم مبارك

[بن علان]

اشدعوه شرطة علشان خياط !!! (فضيحه :secret:)

ما اعتقد يلتفتون لمثل هذا المواضيع البسيطه

والله يرحم ايام ماكنا نفصل عندهم إذا اخترب الشي اخذناه ورزيناه في الكبت

يعني مسالمين ونقول قضاء وقدر ..:shy:

هههههههههههههههههههههههههههههههههههههههههههههههههه هه

وعيدكم مبارك وايامكم سعيده .. :p



يعني انتي مع براءة المثل للاخت ضوى " جاهز ولا منة الخياط " :nice:

عيدج مبارك

[بن علان]

بسبب هالمشاكل نفضل الجاهز والشي الثاني اريح من مشاوير الخياط غير لقماش يعني يبغيلنا خمس مشاوير حق فستان

الخياط حق التصليح بس

الخياط حق التصليح بس .. كلام طيب .. ويصلح والا يخرب :nice:

عيدج مبارك

[بن علان]

:nice::nice::nice:

ماشاءالله رد جميل ودبلوماسي في نفس الوقت

احييك اخوي
وكل عام وانت بخير

صدقني هذا رأي الجميع .. خلك معانا ومش حتئدر تغمض عينيك :nice:

[بن علان]

:telephone:

اذكر مريت بهالوضع في عرس من الاعراس.. قلت له خل الفستان عندك ولاني بدافعة ريال :) وطلعت وخذت لي جاهز..

يعني الجاهز اسهل حل

بس ماتوقع الشرطة بيردون عليها :secret:

مساكين هالشرطه كفايه وقفتهم على الدواوير .. ما اعتقد انهم فاضيين حق بلاغات مالها معنى

عيدج مبارك

[بن علان]

مادري اذا تقصدني للعلم انا اخوك :rolleyes2:

مالاحظت شيء اكثر البنات والحريم الي علقوا عالموضوع اكثرهم يشترون جاهز حتى الاهل عندنا مايطبون الخياط كلش الا احيانا :secret:

وشوفه عينك محلات الجاهز متوفره في كل مكان ماشاء الله وبجميع الاسعار اما بالنسبه لوضعنا احنا مالنا غنى عن الخياط :nice:

ليش مالكم غنى عن الخياط .. ليكون مثل ما قال هداف اكس اكس لارج :nice:

[PoBox]

بقولك شنهي مشكلة الحريم .. إسمع وانا اخوك

كل وحده تبي تسوي شي محد سواه وتبي تلبس شي محد البسه وخبرك الجاهز مكرر يعني بتشوفه على فلانه وفلتانه عشان جذي البعض منهن تتعنى وتروح تشتري القطعه من السوق وتروح الخياط وادخل قماش على قماش والوان وفصوص وشك وتطريز وكل خرابيط الحريم في هالفستان يازعم بيطلع شي لا صار ولا استوى وفي النهايه على آخر يوم تتفاجأ ان الخياط مسود الوجه ومخرب الفستان وخذ يا صياح ويرتفع الضغط وعوار راس ومرض ويهد :nice:

كل هذا انا شخصيا اسميه قلة عقل .. يمكن اكون غلطان بس اكيد له إسم ثاني إذا ما كان قلة عقل :discuss:



طريق النجومية دائما محفوف بالمخاطر :omen2:

[الخيميائي]

بقولك شنهي مشكلة الحريم .. إسمع وانا اخوك

كل وحده تبي تسوي شي محد سواه وتبي تلبس شي محد البسه وخبرك الجاهز مكرر يعني بتشوفه على فلانه وفلتانه عشان جذي البعض منهن تتعنى وتروح تشتري القطعه من السوق وتروح الخياط وادخل قماش على قماش والوان وفصوص وشك وتطريز وكل خرابيط الحريم في هالفستان يازعم بيطلع شي لا صار ولا استوى وفي النهايه على آخر يوم تتفاجأ ان الخياط مسود الوجه ومخرب الفستان وخذ يا صياح ويرتفع الضغط وعوار راس ومرض ويهد :nice:

كل هذا انا شخصيا اسميه قلة عقل .. يمكن اكون غلطان بس اكيد له إسم ثاني إذا ما كان قلة عقل :discuss:

يعني انت مع الخياط المسكين الى يتوهق من كثر المطالب على الفستان يعني لو كان الفستان بسيط ومافيه تعقيد كان اختفت المشكلة من البداية :omen2:


طريق النجومية دائما محفوف بالمخاطر :omen2:



الطريق الى جهنم مفروش بالنوايا الحسنة والخياطين المبتدئين :omen2:

[ضوى]

السلام عليكم ورحمة الله وبركاته

وكل عام والجميع بخير وعساه ينعاد عليكم بالخير والبركة وبالعافية والصحة اللهم اميييييييييييييييين

حبيت اوضح لكل من فهم تعليقي خطا او فسره انه سخرية واستهزاء اقول الله يسامحكم على سوء الظن فيني

بس مع ذلك باوضح وجهة نظري

المقصد انه الجاهز اريح واوفر واضبط والمقاسات متوفرة ، وغير هذا الجاهز القاه بكل مكان وبكل وقت يعني اقدر ليلة العيد ادور اللي ابيه اذا انضغطت بالمرة
الخياط انا ماحبه لانه يتحكم فيني ويلزمني وقت معين ولما اروح له يقول لي عندي شغل ما خلصته والا يتعذر لي بالف عذ وعذر وللعلم الخييايط اسعارهم في احيان كثيرة اكثر من الجاهز بمراحل وانا اتكلم عن تجربة
ثانيا الخياط ماحب يعرف وش راح البس يوم العيد يعني راح يعرف اللي بالبسه قبل زوجي واهلي وهذا شئ اخر انا ما احبه وماايده

اقول لكل من اساء الظن فيني سامحكم الله ، ومثل ماقالوا الاخوان اللي ردوا ودافعوا عني للحين ماعرفتوا ضوى عدل ، مب انا اللي اخلي الناس وحاجاتهم مادة للسخرية والاستهزاء فهذا شئ مب من اطباعي ابدا ولا من اخلاقي ولا اقبل احد يستهزء بأحد أو يقلل من قيمته

اتمنى اني وضحت اللبس اللي حصل ممن فهم تعليقي بما غير ما قصدته

والله يبارك لكم ايامك في هذا العيد السعيد

[ضوى]

وانتي بألف خير

بس اختي العزيزه طريقة ضوى واهي اتقول الجمله بأستغراب
كأنه شي مش طبيعي للحين في ناس اتروح خياييط ؟؟؟
انا ما ابي احط في ذمتي لكن
يعني بما معناه انه شي قديم وحجري وانه مش من المستوى
الناس المتحضرين

واتمنى ان ضوى اتوضح لنا المعنى المقصود
من الجمله وتكون الجمله عن حسن نيه

وكل عام وانتي وضوى بألف خير
وعساكم من العايدين الفايزين بالجنه يارب

اخوي الفاضل

اذا عالعصر الحجري او القديم فانا من العصر الحجري وافخر بانتمائي له ثم اني والله ماقصدت انه اللي الخياط شئ من العصر الحجري ، كل اللي قصدته انه الخيارات صارت واسعة وكثيرة ومتنوعة حوالينا ، اكثر من مجمع اكثر من سوق اكثر من ماركة واكثر من موديل اشياء جديدة وعالموضة واللي ابيه باحصله وبارخص الاسعار والوقت اللي باقضيه في اختيار موديل ثم اختيار قماش ثم اختيار الخياط امناسب راح يكون هدر بالنسبة لوجود كم هائل من المحلات تفي بالغرض
من سنين تقريبا كنت افصل تنانير عند الخياط اتم عنده وادور في هالموديلات لين زوجي تطق جبده وفي الاخير ما يضبطه مثل ما ابي وانقهر واقط القماش واحط بخاطري عالخياط لا واعطيه فلوسه بعد وبالنهاية اعطيه لاي احد يبيه
الله يهداك اخوي وايد شطحت بالموضووع بعيد جدا ، ماشاء الله عليك والله ولا جا ببالي اللي تقوله بس مااقول الا الله عيدك مبارك وربي يعوده عليك بالفرح والسعادة واضحى مبارك وسعيد

[لاداعي]

:omg::rolleyes2::omg:

[بن علان]

موضوع شائك ومحير وصعب ..:omg::omg::omg:

أعتقد لو عطته كف على أذنه ممكن يجون الشرطه ..
او أنها تقولهم أنه تحرش فيها ..<< قويه بصراحه :tease::tease:

على كل حال الشرطه ماظن راح يفيدونها بشي لأنها أذا أصرت على حقها ممكن ترفع قضيه والقانون ياخذ مجراه ..

بالنسبه للأخ اللي أعترض على كلام الأخت ضوى لما قالت لحين في ناس يروحون الخياط..
هل تعلم أن الخياط يكلف المره حوالي خمس أضعاف الفستان الجاهز ..؟؟؟؟؟
يعني هذا مايعتبر أستهزاء يالغالي ..

والله وحده من هلي شافت موديل وراحت شرت القماش وودته الخياط وقالها بيسويه ب 4000 ريال ... وقالت أوكي ...تعرف راحت الحسا تشتري بعض الأغراض ولا تشوف نفس الفستان جاهز ب 800 فقط ...

الجاهز أوفر كسعر وكوقت وراحه للبال لامشاوير كل يوم ولا ليش هني ضيق وهني وسيع وووو...

يعطيك الصحه والعافيه على الموضوع

الله يوفقك وينور دربك وييسر أمرك يارب

كل عام وأنت بألف خير

مشكور اخوي ناصر على الرد والتوضيح والله يعطيك العافيه وكل عام وانت بخير

[بن علان]

طريق النجومية دائما محفوف بالمخاطر :omen2:



هم يخاطرون والازواج ياكلونها :anger1:

شكرا لمرورك وعيدك مبارك

[بن علان]

يعني انت مع الخياط المسكين الى يتوهق من كثر المطالب على الفستان يعني لو كان الفستان بسيط ومافيه تعقيد كان اختفت المشكلة من البداية
:omen2:

والله هذي النقطه فاتت عن بالي وهي نقطه جوهريه والدليل ليش احنا ما نشتكي من الخياييط لأن مطالبنا بسيطه :discuss:

عيدك مبارك

[بن علان]

السلام عليكم ورحمة الله وبركاته

وكل عام والجميع بخير وعساه ينعاد عليكم بالخير والبركة وبالعافية والصحة اللهم اميييييييييييييييين

حبيت اوضح لكل من فهم تعليقي خطا او فسره انه سخرية واستهزاء اقول الله يسامحكم على سوء الظن فيني

بس مع ذلك باوضح وجهة نظري

المقصد انه الجاهز اريح واوفر واضبط والمقاسات متوفرة ، وغير هذا الجاهز القاه بكل مكان وبكل وقت يعني اقدر ليلة العيد ادور اللي ابيه اذا انضغطت بالمرة
الخياط انا ماحبه لانه يتحكم فيني ويلزمني وقت معين ولما اروح له يقول لي عندي شغل ما خلصته والا يتعذر لي بالف عذ وعذر وللعلم الخييايط اسعارهم في احيان كثيرة اكثر من الجاهز بمراحل وانا اتكلم عن تجربة
ثانيا الخياط ماحب يعرف وش راح البس يوم العيد يعني راح يعرف اللي بالبسه قبل زوجي واهلي وهذا شئ اخر انا ما احبه وماايده

اقول لكل من اساء الظن فيني سامحكم الله ، ومثل ماقالوا الاخوان اللي ردوا ودافعوا عني للحين ماعرفتوا ضوى عدل ، مب انا اللي اخلي الناس وحاجاتهم مادة للسخرية والاستهزاء فهذا شئ مب من اطباعي ابدا ولا من اخلاقي ولا اقبل احد يستهزء بأحد أو يقلل من قيمته

اتمنى اني وضحت اللبس اللي حصل ممن فهم تعليقي بما غير ما قصدته

والله يبارك لكم ايامك في هذا العيد السعيد

بارك الله فيج اختي ضوى اللي ما يعرفج ما يثمنج زين انج ما تأخرتي في الرد والتوضيح وإن شاء الله في ميزان حسناتج :omen2:

وعيدج مبارك

[بن علان]

اخوي الفاضل

اذا عالعصر الحجري او القديم فانا من العصر الحجري وافخر بانتمائي له ثم اني والله ماقصدت انه اللي الخياط شئ من العصر الحجري ، كل اللي قصدته انه الخيارات صارت واسعة وكثيرة ومتنوعة حوالينا ، اكثر من مجمع اكثر من سوق اكثر من ماركة واكثر من موديل اشياء جديدة وعالموضة واللي ابيه باحصله وبارخص الاسعار والوقت اللي باقضيه في اختيار موديل ثم اختيار قماش ثم اختيار الخياط امناسب راح يكون هدر بالنسبة لوجود كم هائل من المحلات تفي بالغرض
من سنين تقريبا كنت افصل تنانير عند الخياط اتم عنده وادور في هالموديلات لين زوجي تطق جبده وفي الاخير ما يضبطه مثل ما ابي وانقهر واقط القماش واحط بخاطري عالخياط لا واعطيه فلوسه بعد وبالنهاية اعطيه لاي احد يبيه
الله يهداك اخوي وايد شطحت بالموضووع بعيد جدا ، ماشاء الله عليك والله ولا جا ببالي اللي تقوله بس مااقول الا الله عيدك مبارك وربي يعوده عليك بالفرح والسعادة واضحى مبارك وسعيد

انتي تفخرين بجيلك لانه جيل مفخره تعالي شوفي جيل هاليوم حتى بيض ما يعرفون يسوون :nice:

[شورت تايم]

السلام عليكم ورحمة الله وبركاته

وكل عام والجميع بخير وعساه ينعاد عليكم بالخير والبركة وبالعافية والصحة اللهم اميييييييييييييييين

حبيت اوضح لكل من فهم تعليقي خطا او فسره انه سخرية واستهزاء اقول الله يسامحكم على سوء الظن فيني

بس مع ذلك باوضح وجهة نظري

المقصد انه الجاهز اريح واوفر واضبط والمقاسات متوفرة ، وغير هذا الجاهز القاه بكل مكان وبكل وقت يعني اقدر ليلة العيد ادور اللي ابيه اذا انضغطت بالمرة
الخياط انا ماحبه لانه يتحكم فيني ويلزمني وقت معين ولما اروح له يقول لي عندي شغل ما خلصته والا يتعذر لي بالف عذ وعذر وللعلم الخييايط اسعارهم في احيان كثيرة اكثر من الجاهز بمراحل وانا اتكلم عن تجربة
ثانيا الخياط ماحب يعرف وش راح البس يوم العيد يعني راح يعرف اللي بالبسه قبل زوجي واهلي وهذا شئ اخر انا ما احبه وماايده

اقول لكل من اساء الظن فيني سامحكم الله ، ومثل ماقالوا الاخوان اللي ردوا ودافعوا عني للحين ماعرفتوا ضوى عدل ، مب انا اللي اخلي الناس وحاجاتهم مادة للسخرية والاستهزاء فهذا شئ مب من اطباعي ابدا ولا من اخلاقي ولا اقبل احد يستهزء بأحد أو يقلل من قيمته

اتمنى اني وضحت اللبس اللي حصل ممن فهم تعليقي بما غير ما قصدته

والله يبارك لكم ايامك في هذا العيد السعيد


السلام عليكم ورحمة الله وبركاته

مشكوره اختي ضوى على الرد الجميل والتوضيح
الأكثر من رائع

وكان القصد من الرد على كلامج مش لأثارة بلبله لكن
يمكن في ناس او بعض الناس ياخذون كلامج على محمل
الجد ... وما يردون على كلامج وياخذون
موقف منج لانه في ناس وايد تدخل المنتدى
لكن من غير مشاركه يشوف ويقرا ويطلع
ومش حلوه في حقج كعضو مؤسس ان الناس تاخذ
عنج فكره وان انتي تفكيرج سطحي

شي جميل ان الواحد يحط النقط على الحروف
عشان الناس مايروح تفكيرها بعيد

ومثل ما ذكر أحد الاعضاء الكرام
الـلـي مـا يـعـرفـك مـا يـثـمـنـك

وصدقيني ان التوضيح في صالحج يالغاليه

وجزاج الله الف خير اختي الفاضله

وكل عام وانتي بخير

[بن علان]

السلام عليكم ورحمة الله وبركاته

مشكوره اختي ضوى على الرد الجميل والتوضيح
الأكثر من رائع

وكان القصد من الرد على كلامج مش لأثارة بلبله لكن
يمكن في ناس او بعض الناس ياخذون كلامج على محمل
الجد ... وما يردون على كلامج وياخذون
موقف منج لانه في ناس وايد تدخل المنتدى
لكن من غير مشاركه يشوف ويقرا ويطلع
ومش حلوه في حقج كعضو مؤسس ان الناس تاخذ
عنج فكره وان انتي تفكيرج سطحي

شي جميل ان الواحد يحط النقط على الحروف
عشان الناس مايروح تفكيرها بعيد

ومثل ما ذكر أحد الاعضاء الكرام
الـلـي مـا يـعـرفـك مـا يـثـمـنـك

وصدقيني ان التوضيح في صالحج يالغاليه

وجزاج الله الف خير اختي الفاضله

وكل عام وانتي بخير

رد رائع منك اخوي شورت تايم ويدل على مستواك الثقافي ورجاحة عقلك

بما ان الأمور هدت جا دوري أنصحك في طريقة الإستيضاح كان من المفروض إنك تستوضح قبل لا تهاجم .. بس هذا هو مأخذي عليك والا كل شي تمام التمام

ولا تحرمنا من مشاركاتك ويعطيك الف عافيه

[بن علان]

:omg::rolleyes2::omg:

:con2: