عاجل : 5000 ريال زيادة على اسعار تويوتا بعد العيد

[السد]

سوف ترتفع الاسعار التويوتا الكروزرات الى 5000 لكل سيارة
شكرا

[بنت سعادة السفير]

دعوها تصدي دعوها تحلى دعوها ترتفع مليون محد بشاري من عندهم وخل مواترهم لهم

[Qataraholic]

الحمدلله والشكر

[مزيون الدوحه]

والله تأذنون في خرابه
ولا بمهتمين فيكم ولا بالمقاطعه على قولتكم
والظاهر ال 5000 ريال رد على الي بيقاطعون

[khaldoon]

احنا ننتظر نزول السيارت 30-40% و هذه تسوي زياده

لا حول ولا قوة الا بالله

[سمو انسان]

اخوي السد من وين جبت المعلومه ؟؟

وشكرا

[qatar.com]

شباب تبون الحل عندكم وطني صباح الخير ولحد يستحي تراه حق من حقوقكم قول ان الوكيل محتكر السيارة الي الشعب القطري يفضلها ونبي اتصال من مجموعة وبتدعولي وقتها والله


والجرايد



وخلوهاااااااااااااااااااااااااااا تصدي عنده

[sos 12]

ياليت حد يتاكد من الخبر

[بويوسف]

شباب تبون الحل عندكم وطني صباح الخير ولحد يستحي تراه حق من حقوقكم قول ان الوكيل محتكر السيارة الي الشعب القطري يفضلها ونبي اتصال من مجموعة وبتدعولي وقتها والله


والجرايد



وخلوهاااااااااااااااااااااااااااا تصدي عنده


حدث العاقل بما يعقل اخوي..

التويوتا وكاله من عشرات الوكالات الموجودة في البلد مش ملزومين نشتريها ..

وهل السيارة تويوتا خيشة عيش والا خيشة سكر عشان نعتبرها حاجة اساسية ومانقدر نستغني عنها؟

هو يحتكر يا اخي اشتر غيرها مش ملزوم تاخذها ..

[عضو قديم]

دعوها تصدي دعوها تحلى دعوها ترتفع مليون محد بشاري من عندهم وخل مواترهم لهم

اختي سارة لا تعصبين
بيزيدون 5000 طلعي فوق في برج عبدالغني من عند البنغالي 2000 ريال خصم ومن عند مادري منو 3000 ريال خصم وانتهت السالفة

[قطري كيووت]

خلو السيارات تخيس عندهم

[فويرط]

اختي سارة لا تعصبين
بيزيدون 5000 طلعي فوق في برج عبدالغني من عند البنغالي 2000 ريال خصم ومن عند مادري منو 3000 ريال خصم وانتهت السالفة


بعد الزيادة والخصومات اللي قلتها ،، بيبيعون السيارات بالاسعار الاصلية اللي هم يبيونها
والغشيم بينضرب عليه

يمدحون اليوكن ( مريح )

الله المستعان

[إنتعاش]

الخيارات المتاحة :


1- اختيار سيارات بديلة بنفس الاداء والقوة :
- نيسان باترول
- جمس يوكون
- شفروليه تاهو
- ميتسوبيشي باجيرو


2- الاختيار الثاني توفير نفس السيارة من عبداللطيف جميل وارد السعودية بفرع الاحساء اقرب فرع لقطر
فرق في الاسعار بشيء حلو يعني الفرق السعر وفرق العمله لا يقل بأي حال من الاحوال عن 25 الف ريال

[ابوعلي]

الخيارات المتاحة :


1- اختيار سيارات بديلة بنفس الاداء والقوة :
- نيسان باترول
- جمس يوكون
- شفروليه تاهو
- ميتسوبيشي باجيرو


2- الاختيار الثاني توفير نفس السيارة من عبداللطيف جميل وارد السعودية بفرع الاحساء اقرب فرع لقطر
فرق في الاسعار بشيء حلو يعني الفرق السعر وفرق العمله لا يقل بأي حال من الاحوال عن 25 الف ريال


اخوي الغالي

بس يحط في باله ان المناعي ياخذ الحين 5000 ريال رسوم لتحويل الضمان على الشركة مع اني من فترة شهرين دفعت لهم 500 ريال رسوم التحويل ولكن الحين رفع سعره ، وللأسف المختص هناك قال حق واحد من الاهل توه ماخذ يوكن من السعوديه ويبي يحول الضمان ادفع 5000 ريال واذا تبي تشتكي حق الشركة الام روح اشتك

[إنتعاش]

اخوي بوعلي انا قلت عبداللطيف جميل اللي هو وكيل تويوتا .
وليس المناعي وكيل جمس ! ..

ثانيا ً غلطان الرجال اي ضمان يبيه ؟
عنده التيسير اسرع له .

وان كانه يبي ضمان .. 5000 تخصمها من سعر التكلفة الاساسي
بيطلع التوفير بدلا من 30 الف ريال بيكون قول 25 الف ريال

نعمه خودا

[إنتعاش]

للعلم ياشباب :

عبداللطيف جميل عامل عرض اتذكر من كم شهر على الليكزس
تاخذ السيارة اقساط ( بسعر الكااااااااش )

يعني مثلا سيارة قيمتها 200 الف ريال

تاخذها بنفس القيمة ولكن اقساط ..


+

الجميح من اسبوعين عامل عرض رهيب على الجمس والكاديلاك

تخيلو .. سياره قيمتها 200 الف ريال نفترض

تدفع الآن ( اليوم ) : 100 الف ريال

والـ 100 الف ريال المتبقية تدفعها بعد ( سنتين )

تخيلو العروض شلون في الدول المجاورة ..

واحنا الله يرحم حالنا ..

الله يدبر لنا الصالح و ينعم علينا بتجار قلوبهم أحن من قلوب تجار هالأيام الله يهديهم

[بوعلي2]

حدث العاقل بما يعقل اخوي..

التويوتا وكاله من عشرات الوكالات الموجودة في البلد مش ملزومين نشتريها ..

وهل السيارة تويوتا خيشة عيش والا خيشة سكر عشان نعتبرها حاجة اساسية ومانقدر نستغني عنها؟

هو يحتكر يا اخي اشتر غيرها مش ملزوم تاخذها ..

اتفق معاك أخوي قلت الي بخاطري

[ابوعلي]

اخوي بوعلي انا قلت عبداللطيف جميل اللي هو وكيل تويوتا .
وليس المناعي وكيل جمس ! ..



ثانيا ً غلطان الرجال اي ضمان يبيه ؟
عنده التيسير اسرع له .

وان كانه يبي ضمان .. 5000 تخصمها من سعر التكلفة الاساسي
بيطلع التوفير بدلا من 30 الف ريال بيكون قول 25 الف ريال

نعمه خودا

اسف يالغالي ولكن شفتك ذاكر جمسي فعلقت :shy:

واكيد مهما صار هناك ارخص وعلى قولت الشباب دعوها تخيس وانا اقصد كل الشركات جشع لأبعد الحدود

[ALRAYYAN]

عبدالغني وما ادراك ماعبدالغني

الله المستعان

[سمو انسان]

الخيارات المتاحة :


1- اختيار سيارات بديلة بنفس الاداء والقوة :
- نيسان باترول
- جمس يوكون
- شفروليه تاهو
- ميتسوبيشي باجيرو


2- الاختيار الثاني توفير نفس السيارة من عبداللطيف جميل وارد السعودية بفرع الاحساء اقرب فرع لقطر
فرق في الاسعار بشيء حلو يعني الفرق السعر وفرق العمله لا يقل بأي حال من الاحوال عن 25 الف ريال

بصراحه مافي بديل للكروزر بس المفروض ما نستعجل ونقاطع وارد الدوحه

وفكره حلوه انه ناخذ وارد السعوديه لانه ارخص وبدون مذله

بس يا جماعه سؤال يطرح نفسه شالسبب من رفع الاسعار خمسة الاف ريال؟؟؟

[إنتعاش]

هذا تقرير من موقع تويوتا العرب الاخ الحجيلان

عن انهيار اسعار لكزس في امريكا - سيارات اصفار -



انهيــار سعـــر Lx 570 2009 فــي أمريكـــا 10.000 $ .. والقادم أكثر


http://image8.autorevo.com/1325/pics/547780_95b1e2d9-6db5-4824-9a2f-64464788d8e9.jpg

بعد المتابعة الحثيثة لأسواق العالم وما أحدثته هذه الأزمة من انخفاض الطلب على السيارات كثيرا وخصوصا الكبيرة وازدياد السيارات المعروضة وقلة الطلب التي تكاد تكون معدومة تفاجأت وسررت كثيرا بأسعار جيب لكزس Lx570 موديل 2009 جديدة بأمريكا " السعر للسيارة الموجودة بالصورة اعلاه هو 81.000 دولار بعد أن كان 91.000 $ " .

فقد كان الفل أوبشن 2009 جديدة من هذه السيارة وأنتم تعرفون أنها تأتي بمواصفات أعلى وأفضل منا ولاداعي لشرحها الآن قبل مدة بسيطة لاتتجاوز الشهر أو الشهرين مابين ( 88.000 $ و 91.000 $ ) أي مايساوي = 341250 ريال سعودي كحد أفصى ..

أما آخر إطلاع لي فهو الآن حيث أكتب لكم هذا الموضوع فالسعر انخفض 10.000 $ في 95% من ولايات أمريكا وأصبح السعر الآن يتراوح مابين ( 79.000 $ و 81.000 $ ) أي مايساوي بالريال السعودي = 303750 ريال كحد أقصى لموديلات 2009 فل أوبشن ..

فقد أصبح سعر السيارة الآن مغري جدا بعد هذا الإنخفاض غير أن هذا الإنخفاض سيساهم إيجابا على أسعار هذه السيارة الرائدة والفريدة في أسواقنا ..

كما لا أنسى أن أذكركم بأن أسعار 2008 جديدة من نفس السيارة كاملة المواصفات الآن بسعــر يتراوح مابين ( 71.000 $ و 75.000 $ ) أي مايساوي بالريال السعودي = 281250 ريال فقط ..

وهذه الأسعار للفئة الأعلى من هذه السيارة ومن عدة ولايات وموزعين وقد ترتفع 1000 أو 2000 $ كحد أقصى للولايات البعيدة ....

والله الموفق ويجب علينا الإستمرار لإيقاف جشع التجار ومطالبيتهم بالتخفيض ...


ولا أخفيكم سرا أن أسعار 2008 المستعمل شبه الجديد بحدود65.000 دولار أي يساوي بالريال = 243650 ريال فقط ...


والحمد لله على مانراه من انخفاض لأسعار السيارات حتى نهنأ بالعيش برفاهية ودون جشع لامبرر له ...

[الخفي]

بصراحه مافي بديل للكروزر بس المفروض ما نستعجل ونقاطع وارد الدوحه

وفكره حلوه انه ناخذ وارد السعوديه لانه ارخص وبدون مذله

بس يا جماعه سؤال يطرح نفسه شالسبب من رفع الاسعار خمسة الاف ريال؟؟؟




الجواب بسيط ان انهيار اسعار السيارات قادم وبقوه والسيارات ستنزل 40% او اكثر

لذلك زياده 5% لتفادي خساره ال 40% لذلك يريدون يعوضون جزء من الخساره

بنسبه بسيطه حتى لايلاحض الزبائن النسبه الكبيره لذلك 5% طيبه بالنسبه لهم

فالازمه الاقتصاديه اعصار قادم بداء بالبنوك ثم الاسهم والشركات والعقارات وجاء دور

السيارات هذا الجواب في نضري

[مستثمر111]

ههههههههههههههههههههههه شكل شركة التيوتا رفعت شعال خلوهم بدون بر وعطت اشغال فلوس علشان يكملون تكسير الشوارع

[بنت سعادة السفير]

اختي سارة لا تعصبين
بيزيدون 5000 طلعي فوق في برج عبدالغني من عند البنغالي 2000 ريال خصم ومن عند مادري منو 3000 ريال خصم وانتهت السالفة

خخخخخخخخخخخ

حلوووووه :nice:


الله لايحدني عليهم :victory:

[سمو انسان]

هذا تقرير من موقع تويوتا العرب الاخ الحجيلان

عن انهيار اسعار لكزس في امريكا - سيارات اصفار -........

والحمد لله على مانراه من انخفاض لأسعار السيارات حتى نهنأ بالعيش برفاهية ودون جشع لامبرر له ...

تعتقدون السعر راح ينزل زياده وله هذا السعر بكون ثابت........

[abdulla999]

صج حرامية مافي حسيب ولا رقيب كل واحد يزيد على كيفة

[تايد]

احنا البيض وماقدرنا نتركه يخيس

تبون نترك التيوتا تخيس ؟! :con2:

[بوخالد911]

روحوووا فووق
وبتلقووون خصم ب 5000 ريال

وسلامتكم

[حمد911]

حدث العاقل بما يعقل اخوي..

التويوتا وكاله من عشرات الوكالات الموجودة في البلد مش ملزومين نشتريها ..

وهل السيارة تويوتا خيشة عيش والا خيشة سكر عشان نعتبرها حاجة اساسية ومانقدر نستغني عنها؟

هو يحتكر يا اخي اشتر غيرها مش ملزوم تاخذها ..

بويوسف كفيت ووفيت

بس حابب ازيد على كلامك نقاط ثانية ترى شركة عبد الله عبد الغني مش مفتكرين اصلا سواء الناس شرو منهم او لا يا اخي العزيز شوف الدولة كم سيارة تاخذ منة سنويا غير الشركات والمؤسسات وغير مكاتب تئجير السيارات
وغير انة يصدر السيارات الى الخارج يعني سواء حملة او لا بتمشي سياراتة غصب طيب

[حمد911]

انا شريت جي اكس قبل العيد والامور زينة وبصراحة حملة ولا غيرة انا مقتنع في سيارات تويوتا على الاقل اذا بعتة سعرة فية ومايطيح سعرة بالارض

[شيخ الشباب]

الى متى واحنا متخلفين في هالشئ ؟؟

ليش مافيه لكل نوع سيارة وكيلين او ثلاثة عشان نشوف التنافس ؟؟

ولا مافي هالبلد غير هالولد ؟؟

صج تطورنا عقيم :rolleyes2:

[ضوى]

والله تبون الصج ؟؟

حاولت وحاولت اني اقاطع التويوتا ما قدرت

فكرت في النيسان وفكرت في المستوبيشي وفكرت في ايسوزا بس والله كل ما سالت احد عابهم وطلع فيهم عيوب الدنيا ومحد نصحني بغير التويوتا ، وبكل امانة وعن تجربة التويوتا خراباتها قليلة ونادر اذا بيخترب فيها شئ ولله الحمد والمنة
والله الواحد وده يقاطع بس الواحد بعد يدور شئ يمشي معاه سنين من غير تعب وغير هذا أمان للعيال يعني سبحان الله تخترب عليهم بوسط شارع أو شئ ، طبعا هذا شئ بيد الله بس الحمد لله على كل حال

[S A L M A N]

ماتوقع لان لو ارتفعت في ظل هالظروف

بتكون مهزله !!

[الحلال فقط]

الخبر يحتاج تأكيد في البداية فهو الى الان يعتبر اشاعة حتى تثبت صحته
ثم لو فرضنا انه صحيح فهو عبارة عن تمثيلية الهدف منها اقناع الناس انه لا يوجد نزول لاسعار السيارات حتى يبادر الناس الى الشراء بل حتى يتسابقوا على الشراء قبل ان ياتي موعد رفع السعر
ما في شي يحقق الطلبات ويخفض الاسعار مثل المقاطعة
وحتى لو كابروا شهر وشهرين وسنة وسنتين اخرتهم يرضخوا ويكتفوا بارباح معقولة لا خيالية
واللي يقول انهم غير محتاجين لمشتريات الافراد فهو مخطيء لان اغلب مبيعاتهم للافرااد وليس للهيئات والمؤسسات الحكومية وغيرها

[شقردي]

يجماعه كل واحد يتمسك بسيارته لمدة ست شهور صدقوني تشوفون العروض من كل الشركات

انتو اكدو ان سعر التيوتا راح يزيد 5000 ريال وانا اقول خلاص راحت عليه المسكين مثل ماقالو الاخوان عروض اللكزس في السعوديه اقصاد بسعر الكاش ونزور اللكزس في امريكا 10000 دولار
انا اليوم صادفت شباب سعوديين كنت اسولف معاهم قالو اشياء متخش العقل يقول ان شركة الجميح في السعوديه نزلت عروض اشتر سياره واربح سياره مجان واشتر سياره والدفع بعد سنه شي جنني للحين ماني مصدق لكن اذا الخبر هاذا صحيح اكيد فيه انهيار حاد بالسوق

للاسف ان احنا في قطر للحين مش مصدقين وضع الكساد العالمي صدقوني راح تثبت لكم الايام وتشوفون الوكالات تسوي عروض نفس قبل وتبيع عن طريق الوكاله الان البنوك مو مثل قبل اذا حبيت تشتري سياره تشوف ايش الالتزامات واذا عليك التزامات مراح تساعدك في شراء السياره نزول البورصه وانهيار السوق وخسائر اغلبية التجار في البورصه راح يتوقف التاجر عن شراء السياره الجديده ليما يتعدل الوضع المادي عنده

وهاذا يجل السيارات تتوفر بكثره في الوكالات وهني راح تضطر الوكاله الي تنزيل العروض مثل ايام اول

والله يكفينى شر الكساد العالمي

تحياتي

[simsim1963]

تبون شركه عبدالله عبدالغني تركع وتنزل سعرها غصب ؟؟؟؟ عندي الحل



























لا تشترون سيارات تويوتا المستعمله من المعارض وتفقد تويوتا سمعتها شيك في مخباتك طبقوا النظريه 6 شهور وشوفوا العجب

[خط النار]

انا حاجز vxr 2009 مخمل -شاشة من 7 اشهور اتصلوا فيني الوكالة وبلغوني السيارة موجودة وسعرها بعد الخصم 237500 ريال عطوني رايكم:telephone:

[قلب شاعر]

يا جماعه الخير بكل بساطه مافي شي اسمه حمايه مستهلك عندنا وحفظ وضمان حقوقه في الشراء والسلع ...كل تاجر يرفع وينزل على مزاجه ..... يعني ازمه اقتصاد عالمي وسعر البترول في نزول واحنا عندنا عندنا كل شي قاعد يرتفع سبحان الله ....الظاهر وكاله التويوتا بتعوض خسارتها العالميه عن طريق المسكين المستهلك اللي لا حول له ولا قوه .... لكن والله اللي يفهم وعنده كرامه مايشتري من التويوتا لين يستعدل ويقدم خدمات مثل الناس ....انا استغرب يعني أيش بيصير فيكم لو حرمت نفسك انك تركب جي او في اكس ار لين تتعدل الوضع ويحس صاحب الوكاله انه ممكن يخسر زباين.....لكن اللي قاعد يصير العكس ....الربع راح يتسابقون على الوكاله قبل ماترتفع يشترون منها وهاذي المأساه والللي مخلي اصحاب الوكالات يلعبون فيكم على كيفهم.... انا الحمد لله حالف ماركب الجي الا لما ينزل سعره واذا مانزل في النهايه سياره توديني وتجيبني وخلاص ماراح ينقصني شي والرجال....رجال برجولته وشخصيته واحترمه للأخرين وعلمه وثقافته مش بموتره....والله يكبر عقول ربعنا بس

[SULTAN1]

انا حاجز vxr 2009 مخمل -شاشة من 7 اشهور اتصلوا فيني الوكالة وبلغوني السيارة موجودة وسعرها بعد الخصم 237500 ريال عطوني رايكم:telephone:

ياطيب ،اذا انت محتاج للسيارة توكل على الله،انا ضد اني اقاطع الشركة وانا محتاج لهذا النوع من السيارات ، غيرك ينتظر وبياخذها وببيبيعها بربح ،اذا كان هناك احتجاج على الوكيل خاطبوا الشركة الام ،واذكر ان واحد من الاخوان حط عنوان وايميل الشركة والامر الاول والاخير ،ولك منى دعوه بالتوفيق

[بوسلطانqtr]

السلام عليكم

عيدكم مبارك يالربع

يالربع مهما تقولون ومهما نقول محد يقدر يستغنى عن التويوتا لانقص على يعض والله لو ترتفع الاسعار دبل حتى اللي يتكلمون في المنتدي وفي اي مكان راح تلاقي كلامه غير فعله يعني بالكلام بقاطع وماراح اشتري وفي الفعل تلاقيه شاري تويوتا 80% من سيارات الدوحه تويوتا ومهما يصير صدقوني تويوتا وبس
ولكم مني كل الاحترام والتقدير

[السد]

اخوي السد من وين جبت المعلومه ؟؟

وشكرا

من مصادر خاصة اخوي

[السد]

يا جماعه الخير بكل بساطه مافي شي اسمه حمايه مستهلك عندنا وحفظ وضمان حقوقه في الشراء والسلع ...كل تاجر يرفع وينزل على مزاجه ..... يعني ازمه اقتصاد عالمي وسعر البترول في نزول واحنا عندنا عندنا كل شي قاعد يرتفع سبحان الله ....الظاهر وكاله التويوتا بتعوض خسارتها العالميه عن طريق المسكين المستهلك اللي لا حول له ولا قوه .... لكن والله اللي يفهم وعنده كرامه مايشتري من التويوتا لين يستعدل ويقدم خدمات مثل الناس ....انا استغرب يعني أيش بيصير فيكم لو حرمت نفسك انك تركب جي او في اكس ار لين تتعدل الوضع ويحس صاحب الوكاله انه ممكن يخسر زباين.....لكن اللي قاعد يصير العكس ....الربع راح يتسابقون على الوكاله قبل ماترتفع يشترون منها وهاذي المأساه والللي مخلي اصحاب الوكالات يلعبون فيكم على كيفهم.... انا الحمد لله حالف ماركب الجي الا لما ينزل سعره واذا مانزل في النهايه سياره توديني وتجيبني وخلاص ماراح ينقصني شي والرجال....رجال برجولته وشخصيته واحترمه للأخرين وعلمه وثقافته مش بموتره....والله يكبر عقول ربعنا بس

صدقت اخوي 100 %

[مافيا قطر]

الحل يا اخوان مش بالمقاطعه هاى المقاطعه فى امريكا ودول اوربا تجيب نتيجه ليش كم نسبه السكان عندهم

او المشترين لهاى السلعه لكن الازمه ماهى الا بدايه وغصب عليه راح ينزل سوينا مقاطعه وفيه حل ثانى

نسوى كتاب لغرفه وتجاره قطر الكرام يشمل توقيع نسبه كبيره من ملاك تويوتا ومعارضى الشراء من الوكاله

وواحد من الاخوان اللى له صله يوديه لهم

[السد]

الحل يا اخوان مش بالمقاطعه هاى المقاطعه فى امريكا ودول اوربا تجيب نتيجه ليش كم نسبه السكان عندهم

او المشترين لهاى السلعه لكن الازمه ماهى الا بدايه وغصب عليه راح ينزل سوينا مقاطعه وفيه حل ثانى

نسوى كتاب لغرفه وتجاره قطر الكرام يشمل توقيع نسبه كبيره من ملاك تويوتا ومعارضى الشراء من الوكاله

وواحد من الاخوان اللى له صله يوديه لهم

حتى لو كتبنا
بيحطون الكتاب اسفل الطاولة !!

[مضارب دبلوماسي]

اللي سمعته وعلى ذمت الراوي ان اسعار الكروزارات انزلت تقريبا من 10 الى 17 الف

[السد]

اللي سمعته وعلى ذمت الراوي ان اسعار الكروزارات انزلت تقريبا من 10 الى 17 الف


نبغي نعطي الراوي 2000 يستفيد منها
ويخصم لنا 15000 الف ريال

[فلفل حار]

اذكر في احد الاخوان من فتره قال بيرسل كتاب للشركه الام

حد يذكر هالموضوع ؟

ومن ألي قال بارسل عليهم ؟ حتي نعرف شردوا عليه

[qaswed]

الشرهه على الي بيشتري

الي عنده كاش يروح السعوديه ارخص لا وضمان المصنع عندهم 100 كم مثل امريكا

مو عند عبد الغني 60 كم

[busnaidah]

والله شاطين حالكم . خل يزيد 100 ألف ليش يهمكم اذا انتوا بتقاطعون التيوتا. أنا واحد مب مقتنع اصلا في الموتر. الالماني ازود بشي بسيط واحلى بعد.

[بوحارب]

سوف ترتفع الاسعار التويوتا الكروزرات الى 5000 لكل سيارة
شكرا

بس 5000 ريال :(


ولا شي بالنسبه لي :weeping:

5000<<<< مصروف 3 شهور :taunt::eek3::looking::unsure:

[الرايــق]

كله كلام عالفاضي
لا بترتفع ولا شي

والازمة المالية بتاثر على الكل
البديل موجود يا تويوتا ودعوها تصدي

[السد]

كله كلام عالفاضي
لا بترتفع ولا شي

والازمة المالية بتاثر على الكل
البديل موجود يا تويوتا ودعوها تصدي

عاد الا هاذي الوكالة ترتفع ولا تنزل

[قلب شاعر]

السلام عليكم

عيدكم مبارك يالربع

يالربع مهما تقولون ومهما نقول محد يقدر يستغنى عن التويوتا لانقص على يعض والله لو ترتفع الاسعار دبل حتى اللي يتكلمون في المنتدي وفي اي مكان راح تلاقي كلامه غير فعله يعني بالكلام بقاطع وماراح اشتري وفي الفعل تلاقيه شاري تويوتا 80% من سيارات الدوحه تويوتا ومهما يصير صدقوني تويوتا وبس
ولكم مني كل الاحترام والتقدير

وهاذي المشكله ان محد قادر يقنع نفسه ان التويوتا ممكن نستغني عنها .,,, والله العظيم نقدر بس الجهل وقله العقل عند الناس اللي مخليتهم ينسون جميع السيارات وبس في اكس ار والجي ...

يا جماع احنا مانقول الحرمان من هاذي السيارات لكن لازم الوكيل يحس انه قاعد يلعب في المستهلك والعميل وانه ممكن يخسر عملاء بس هاذا مستحيل يصير بسبب الدلع اللي عند ربعنا والله لو اركب اي سياره في سبيل اني في النهايه كلنا نستفيد ما تفرق عندي ...لأن هي سياره توديني وتجيبني وعمليه والسلام ...وعندي عندكم خير ان شاء الله وموتري مش تويوتا لأني حلفت ماشتريها لين ينزل سعرها

وقلتها من قبل ولا زلت اكررها الرجال مايعيبه موتره يا جماعه الرجال مش محتاج فور ويل او في اكس ار عشان يرزه ...رجولته واخلاقه وشخصيته الطيبه وكلمته وثقته بنفسه

[زقرتي]

وانا معااااااااكم

كنت حاجز فيكسار كنسلت
وبخليه عندهم
يخيس

مايبون ينزلون ريال

رحت وخذتلي رنج سبورت
سيرفس وخدمه واحترام 100%
ياعيني عليك يالفردااان

[بوسلطانqtr]

السلام عليكم
اخوي قلب شاعر كلامك على عيني وعلى راسي وهذا صحيح ان الرجال ماترزه الا رجولته واخلاقه هذا شي واللي يعتمد على موتر يرزه الله يعينه على نفسه وهذا الكلام مانختلف فيه بس ماعتقد ان واحد راعي بر وطول يومه في البر من عزبه لين مقناص بيركب له رنج سبورت ولا فوج ولا بورش كيان حتى اليوكن انت تعتقد انه عملي حق البر صدقني مايكمله الشهر الا هو متملع ومافي الا الجي والنيسان بلا منافس وهم المواتر اللي تستحمل وتأمن فيهم
وتقبلوا احترامي وتقديري

[بوسلطانqtr]

السلام عليكم

اخوي زقرتي

صحيح الرنج ماعليه كلام وخدمه واحترام بس لين خلص ضمانه بتعرف الفرق بينه وبين التويوتا ادري بتقولي الخير واجد والحمدلله برد عليك وبقولك نعم الخير واجد والحمدلله وكلا عنده خير بس لين شفت نفسك تدفع مبالغ وقدرها في كل دخلة تشييك او اي عطل بتراجع نفسك وبتقتنع بالفرق والكل اللي ياخذون الرنجات يبيعون قبل لاينتهي الضمان

وتقبل احترامي وتقديري

[لاداعي]

:omg:

[غنام]

قبل العيد اتصلو علي الشركة لإعلامي بأن موتري وصل gxr v8رصاصي 2009 واذا ماخلصت معاهم خلال 4أيام بيروح الموتر علي طبعاً كان ثاني يوم سفري لبريطانيا فرحت مثل البرق لهم عشان اخليهم يأخرون إجراءات التخليص لأنهم متصلين علي يوم الاربعاء الساعة 12.30الظهر ومامداني اوصلهم الا الساعة 1 ولما شفت اللي اتصل على شوفو المفاجأة طلعت السيارة انتاج 7/2008 يعني من شهرين فالمخازن عندهم ولا استلمها راعيها ويبون يلصقونها فلحيتي طبعاً غسلت شراعهم شلون متصلين علي وتهددوني اني اذا مالحقت اخلص الاجراءات خلا ل4 ايام بيروح علي الحجز قالو لأاااا احنا عطيناك الاولية فالسيارة عشانها نفس مواصفاتك قلت وحجزي قالو بيوصل بعد شهر فقلنا نفرحك ونعطيك السيارة قلت لهم عاد انتاج 7/2008 واللي مستلمينها ربعي من يومين انتاج 10/2008 شهالخرابيط اقول لك قام يتلطم هشام اسماعيل مدير المبيعات شقال قول لهم انك ماتبيها وانك تبي حجزك وبتنطر دورك عجيييييييييييييييييب امرهم شرايكم

[خــطــافــ]

حدث العاقل بما يعقل اخوي..

التويوتا وكاله من عشرات الوكالات الموجودة في البلد مش ملزومين نشتريها ..

وهل السيارة تويوتا خيشة عيش والا خيشة سكر عشان نعتبرها حاجة اساسية ومانقدر نستغني عنها؟

هو يحتكر يا اخي اشتر غيرها مش ملزوم تاخذها ..

ههههههههههههههههههههههههه

التويوتا الناقل الرسمي للشعب القطري

[said454]

الخيارات المتاحة :


1- اختيار سيارات بديلة بنفس الاداء والقوة :
- نيسان باترول
- جمس يوكون
- شفروليه تاهو
- ميتسوبيشي باجيرو


2- الاختيار الثاني توفير نفس السيارة من عبداللطيف جميل وارد السعودية بفرع الاحساء اقرب فرع لقطر
فرق في الاسعار بشيء حلو يعني الفرق السعر وفرق العمله لا يقل بأي حال من الاحوال عن 25 الف ريال

جمس يوكون أفضل بديل وخدمة مابعد البيع ممتازة لدى وكالة المناعي

[بن درويش]

كله حديد والله ايحفظكم منه

[technical]

هذه حركه مكشوفه , لانهم لا يريدون الناس أن تحجم عن الشراء في أنتظار نزول السعر للسياره التي يريدون شرائها . فقالت الشركه تراى ناوين نزيد السعر بخمس الاف , فقبل ما تجي الزياده تعالوا وأشتروا قبل الغلى .

لكن الناس بتحجم عن الشراء بحيله الخمس الاف أو بغيره . لسبب بسيط خسائر الناس في البورصه , خسائر الناس في العقارات .

علاوه على خسائر أصحاب الشركات و أصحاب الدكاكين الصغار . نتيجه انخفاض الطلب من المشترين .

و يا عساكم على طاعته سبحانه :)

[mbsaad]

صباح الخير عباللطيف جميل نزل سعر اللكزس Lx570 2009 من 329 الف الى 323 وهذا خبر من الموظفين في الشركه نفسها في السعوديه

[جوال 11]

السلام عليكم
اليكم هذا الخبر والتعليق لجميع الأعضاء
في ضربة موجعة للشركات المصنعة للسيارات رفض مجلس الشيوخ الأمريكي خطة الإنقاذ التي عرضها عليه مجلس النواب الأمريكي.
حيث أعلن اليوم مجلس الشيوخ الأمريكي رفضه التام لخطة إنقاذ بمبلغ يفوق الأربعة عشر مليار لإنقاذ صناعة السيارات في أمريكا.
من جهته حذرت نقابة العاملين في صناعة السيارات مما وصفته بنتائج كارثية في حالة عدم إقرار خطة إنقاذ صناعة السيارات
يشار إلى أن شركات جنرال موتورز وفورد وكرايسلر توظف بشكل مباشر نحو ربع مليون شخص إضافة إلى عدد آخر من العاملين بشكل غير مباشر في مجالات المبيعات وصناعة قطع غيار السيارات.

وتقول كل من جنرال موتورز وكرايزلر ان عدم اقرار المساعدة يعني الافلاس بالنسبة لهما بينما تقول فورد انها قد تحتاج للتمويل في المستقبل.
وفي الكويت شهدت أسعار السيارات إنهياراً كبيراً بسبب أزمة الشركات الأمريكية حيث أنخفضت أسعار السيارات الأمريكية بنسبة 50%.
ويأتي هذا الإنخفاض إزاء التحرك السريع لتوفير سيولة مالية لإنقاذ الشركات المصنعة للسيارات.
وفي السعودية عزف المواطنون عن الإقبال على شراء السيارات وذلك كنوع من الترقب لما ستؤول إليه الأزمة العالمية , وإنتظاراً لإنخفاض الأسعار بنسبة كبيرة حتى يتمكنوا من شرائها.
وفي المقابل لازالت وكالات السيارات في السعودية ترفض الإنسياق خلف الإنهيار الذي يحصل في أسعار السيارات, وتمسكوا بنفس الأسعار السابقة , قابلة عزوف كبير عن الشراء , الأمر الذي أدى لإنخفاض نسبة البيع في هذا الشهر بنسبة كبيرة.






أنظم للحملة الوطنية لمقاطعة الشراء من وكالات السيارات
حتى ترجع الأسعار لسعرها الحقيقي

البترول نزل سعره والحديد نزل سعره
والبضائع من الدول المصدرة للملكة نزلت أسعارها
والتجار ووكالات السيارات لدينا رافعين الأسعار !!!!
لماذا لماذا لماذا

منقول المصدر

http://www.alweeam.com/news/news-act...ow-id-6778.htm

[مساهمه بالحب]

والله انه ماتستاهل انموت عشانها هالوكاله التعبانه

انا عن نفسي مااحب سيايرهم حتى لو بيخصمون لي 50 الف بعد مابشتري من عندهم

كيفي مااحب التيوتا

[mohd essa]

والله تبون الصج ؟؟

حاولت وحاولت اني اقاطع التويوتا ما قدرت

فكرت في النيسان وفكرت في المستوبيشي وفكرت في ايسوزا بس والله كل ما سالت احد عابهم وطلع فيهم عيوب الدنيا ومحد نصحني بغير التويوتا ، وبكل امانة وعن تجربة التويوتا خراباتها قليلة ونادر اذا بيخترب فيها شئ ولله الحمد والمنة
والله الواحد وده يقاطع بس الواحد بعد يدور شئ يمشي معاه سنين من غير تعب وغير هذا أمان للعيال يعني سبحان الله تخترب عليهم بوسط شارع أو شئ ، طبعا هذا شئ بيد الله بس الحمد لله على كل حال

اختي انا شريت يوكن 2005 واستخدمته ثلاث سنين وسافرت فيه عشر مرات ولااخترب عندي ولا مره واللي سويته تغير البيتري والتواير بس , وبعته بسعر اعلى من نص القيمه .

[rarayyan]

بن درويش كله حديد والله ايحفظكم منه



فيــــــــــــــــــــبر جلاس وانت الصادق حادث بسيط يكلفك فوق العشرين الف والسياره قيمتها مايقارب 200000ريال عليكم بالسيارات القديمه اجود وحديد

[The Blade]

والله الشركة صارت تلعب في الناس لعبة
كل شئ واضح شركة تويوتا عارفين ان الناس لو الكروزر وصل 400 بيشترونه
فكرو شوي ياجماعة الـ Vxr اول مانزل 1998 كان بـ 135 تقريبا اذا ما خاب ظني وارفتع شوي شوي الى الآن 260 ألف والناس تاخذ يعني سعره زاد 100 وشوي يعني بعد سنتين اتوقع الـ Vxr بيوصل 300 ألف وبذكركم ان الناس بتاخذ شركة تويوتا عندنا مايهمها اذا الشركة الأم نزلت او خسرت هو عارف ان يقدر يغط الخساره برفع الاسعار لان في ناس راح تاخذ حتى لو 500 ألف !

[qtr666]

بن درويش كله حديد والله ايحفظكم منه



فيــــــــــــــــــــبر جلاس وانت الصادق حادث بسيط يكلفك فوق العشرين الف والسياره قيمتها مايقارب 200000ريال عليكم بالسيارات القديمه اجود وحديد

عزالله صدقت أقل تكلفه والصيانه مايبي لها شي وعلى فكرة ترا البلاد كبيره بأهلها موب بالمساحه ترا أطول خط مايوصل تسعين كيلو
يعني الناس الله يهديهم لو يخلون منهم المضاهر كان احنا بخير

[Vip_Qtr]

دعوها تصدي دعوها تحلى دعوها ترتفع مليون محد بشاري من عندهم وخل مواترهم لهم




صح إلسانج

[تايد]

من يومين تقريبآ رحت صاله العرض الرئيسيه لشركه التويوتا (برج عبد الغني)

وسألت احد الموظفين هناك عن الزياده ..


أنا: عفوآ اخوي انتوا زدتوا السعر 5000 ريال ؟

هو: لا .......... زدناه 7000 !!

أنا: هالزياده كانت بعد اجازه العيد ؟

هو: لا .......... قبل اجازه العيد

[فهد111]

السد شكلك غلطان انا سمعت انهم بيزيدون 100 الف على السياره

[الراوي]

دعوها تصدي دعوها تحلى دعوها ترتفع مليون محد بشاري من عندهم وخل مواترهم لهم


اتفق مع شعار الحملة

[همر]

ماقلنا لا تشترون تويوتا...

لا تشترون من الوكاله ... ممكن ؟!!

مانبي نحرمكم من التويوتا...

بس نبي الوكيل يحترمكم ...

انا ماشفت ناس تحب المذله مثلنا !!!!

وش صار فينا ؟!!!!!!!!!

عنبو يستغفلونكم وهذي ردودكم ؟!! مانقدر ما نستغني ؟!!!

:anger1:

الله يخلي المستعمل... حتى المعارض لا تاخذون منهم جديد لان الوكالة تصرف مواترها عندهم...

سووا Recycling اعادة تدوير

اشتروا الموجود في السوق

نفعوا اخوانكم اللي محتاجين يبيعون سياراتهم

الكروزرات مكوده في المعارض !!!

وتعالوا على نفسكم وكبريائكم ومستواكم المعيشي وحياتكم المخمليه كم شهر

بس كم شهر .. لين يحس الوكيل... وعقب براحتكم !!!

[hxamad]

بدال ماتنخفض تزيد نبى تأكيد الشيخ ومنو مصدرك