برنامجكم ( شـريـنـا و بـعـنــا ) 22

[إنتعاش]

هلا بالجميع

مساكم الله بالخيرات ياهل البيع والشراء :)


اللون الاحمر اليوم كان مكروه من الجميع بشكل اكيد


لكن الملاحظ كميات كبيره من العرض الغير منطقي

ويقابله ولا طلب


انتو يا اخوان

شسويتوا اليوم ؟

شبعتوا وش شريتو ؟


هل عرضت بيع شيء معين ؟

وهل تنفذ لك ؟

هل شريت شي ؟


ام فضلت التفرج ؟


تفضلوا نبدأ حلقتنا اليوم

[sulai6i]

هلا فيك اخوي انتعاش

انا والله اليوم راقبت السوق .. وكنت ناوي اشتري في الصناعات والعقارية بس قلت خلهم لين بكره
اما عن البيع فالحمدالله انا بعت من يوم الخميس عن قناااعه وبربح مغري


وخذ المايك

[سهم طايش]

انا متفرج اليوم مستحيل ابيع مع هالاسعار انشالله يخيس السهم عندي ولا ابيع بخساره

[الآفاق]

انا شخصيا شريت 1000 سهم الصناعات اليوم وما اظن ومن رابع المستحيلات بكره ينزل

[مغروور قطر]

والله تبون الصج والله السوووق يشجع على الشراء وفرصه للي عنده سيوووله

[bo_yousif]

هلا بك يا انتعاااااش

انا اليوم شفت اول خمس دقايق من التداول يوم شفت الصناعات روست طفيت الجهاز وخذت لفه ورجعت قبل نص

ساعة قلت يمكن وجهي منحووووس وعدم متابعتي للسوق بيرتفع !!!!

لكن لاجديد ؟؟؟

[azgert]

وينك يامك انا صراحه حاولت ابيع الي عندي بس ما فيه شراي بس يمكنه فيها خيره لين بكره

للوتجري جري الوحوش غير رزقك تحوش

الله مكتبي رزق اليوم يمكن بكره خضر مثل حديق الهايد بارك

[الحزين]

الحمدلله مشيت عكس التيار وربحت في المطاحن مبلغ حلو ...
وانشاءالله باطبق نفس النظرية بكرة سواء في البيع او الشراء ، وهذي الطريقة تحتاج مراقبة دقيقة بين العرض والطلب .. الله يوفق الجميع

[سهم عتيج]

تنقريبا آنه اليوم بعت وشريت,, يعني أعتقد انه في أسعار بالنسبة لي مشجعة على الشراء مثل الكهرباء لأن مكرر الأرباح مغري جدا بالنسبة لي وهو 13.8 ,, لذلك فضلت اني أشتري في الكهرباء..

وأعتقد انه اذا استمر الوضع على هذا الحال,, فراح تصبح هناك بعض الأسهم مجدية للشراء على نهاية الاسبوع للشخص الذي يود الاحتفاظ بها للاستثمار المتوسط والطويل وممكن المضاربة أيضا..

[bo_yousif]

آآآآآآآآآآآآآآآآآآمييييييييييييييييييييييين يازقرت


(( بس حلوه هذي يامك ))


كثررررر منهااااااااااااا

[بيـــزات]

المايك يا اخي المايك :D

هلا والله انتعاش... لاجديد على الساحه اشوي اناظر واشوي احسب

فكرت اشتري.. بس قلت كل تأخيره وفيها خيره وبكره نشوف :rolleyes:

[مغروور قطر]

االله يارب يعطيكم من نعيمه يارب وبكره ان شاء الله اخضر يارب بس تبون الصج بن ادم طماع كل يوم اخضر ههههه شكلي بنطق

[roadrunner]

انا لا بعت ولا شريت .... بس في علامة استفهام على ويهي .. ومستغرب من العقارية.. الا باطة كبدي بعد ... هذا وفي اسهم اكتتاب بعد ... لكن انا مب بايع بعلأسعار .. حتى لو توصل واحط لي بسطه عند سوق البورصه وابيع حلاوه وعلووج و حب بعد مب بايع اسهمي

[حشربشر]

الضاهر بنروح وطي الله يستر واللي عندة نصيحة لا يبخل علينا.

[الوضع ما يطمن]

اصبر والصبر زين .. أزمة وتعدي .. لا تخاف ولا شي قو قلبك ...

[حشربشر]

الي عندة سلف يسلفني ترى السوق اليوم مشتره.

[بروكر]

لاحد يفرط في الصناعات، ترى البايع خسران والشاري هاليومين الجايين ربحان.....

[قطر]

السلام عليكم

انا اليوم نويت ابيع الاسلاميه يوم وصلت 305

بس هونت عقب قلت انا اللي اصبر الناس اروح ابيع وانزل السهم

لالالالا والف لالالا

بس اللي قاهرني

اللي اعرضوا في السلام واغلب الظن 80% عروض وهميه

وبالنسبه للمصرف مايسوى علينا النص ريال اللي احذفوها

احذفوا الصمود اللي عنده

عيل المصرف ينزل عن ال 500


متى يرجع له :mad:

الله ايعين قلوبنا

[دنيا الاسهم]

مرحبا
انا بصراحةحاولت ابيع في المواشي بس مافية شراي
اللة يستر ما تنزل اكثر
وبعدين السوق بدا يخوف لو استمر الوضع على ذا الحال
ممكن اعرف وش رايك اخوي مغرور قطر لان توقعاتك تصدق ومشكورين

[مغروور قطر]

ياجماعه لحد يبيع نصيحه احس بيرد يرتفع خلال ايام هذا تصحيح

[الخبير المالي]

انا اليوم لابعت ولاشريت في بالي سعر معين لكل شركة وابد مب مستعجل واتوقع بكره اخر يوم يهـبط فيه السوق.

بالتوفيق للجميع

[ابوعلي اليافعي]

اليوم انا كنت فالسوق وتابعت السلام اول ماقام ينباع بكميات كبيره عالمت اب قمت وبعت الكميه الي عندي ورديت شريتها عاللمت داون يعني فرق وياي السهم 8ريالات..وعلى فكره اللمت داون مال السلام بكره بيكون نفس اليوم لان الافرج74.40..وايضا قمت بشراء الاسلاميه على سعر 300واضنه سعر مغري للشراء ..

اخوي قطر لازلت اكرر لاتخاف عالمصرف..ونشالله قريب بتعرف شنو سر النص ريال الملغي من التوزيعات النقديه..

[قطري]

السلام عليكم
هلا شباب
انا لا بعت ولا شريت مافينا شدة بعد للنزول
لكن اذا واصل النزول الى يوم الاربعاء لا قدر الله
ان شاء الله نشتري زيادة
مادام السوق نزل فاعتقد يوم دخول بيعاود السوق ارتفاعه
باذن الله

[احمد علي]

لالالالالالالالالالالا تبيعوو الا سهم
الحيل انظرووووووووووو ياااااا خواني

[قطري]

بوعلي والله خوش شغل الي سويته
وزين انك في السوق ولا جان لي الحين مابعت :)
الله يوفقك اخوي

[المسكين]

والله انا اليوم يا شباب قاعد اطالع البورصه ومتحسف اني شريت التحويليه لاكن الله كريم وهذا اللي الله كاتبه لي

[سهم عتيج]

والله انا اليوم يا شباب قاعد اطالع البورصه ومتحسف اني شريت التحويليه لاكن الله كريم وهذا اللي الله كاتبه لي

لا تتحسف على شيء الله كاتبه لك,, (( وعسى ان تكرهوا شيئا وهو خير لكم,, وعسى ان تحبوا شيئا وهو شر لكم))

وتأكد بانك لم تفقد فلوسك,, لأنك وضعتها في استثمار,, ومهما كان مردود هذا الاستثمار فانك في النهاية ستحصل على عائد منتظم,, وانشاءالله يكون متنامي من عام لآخر.. وما تدري يمكن يجي يوم تسمع فيها أخبار زينة عن التحويلية اتطيّر السعر فوق وتتبدل الأحوال ,,

على العموم يجب ان يقول الانسان,, الحمدلله على كل حال,, وتأكد بأن ما أصابك لم يكن ليخطئك,, وما أخطأك لم يكن ليصيبك.. وهذه هي الحياة نتعلم منها كل يوم,, فلله الحمد والمنة

[قطر]

بوعلي والله اني كنت بسوي مثلك في السلام

لكن ماادري ايش اللي خلاني اتردد

:(


الله كريم وياليت اتعلمنا بالسر ماعليك امر ;)

[ضايق الصدر]

شباب انا والله مبتلش مشكلتي برع الدوحة ولا عندي وسيط
ومتوهق
وحطيت اوردر بيع مواشي وما انباعت
بس بعت كهرماء
وشريت بفلوسها صناعات


بس بكرة باذن الله بابيع مواشي وباشتري فيها صناعات او سلام

[بو صالح]

اما انا فانشغلت اول السوق

وما كنت خايف لاني صفيت الي عندي وخليت المصرف :D


ولكن جيت على اخر نص ساعه

الا اشوف الشباب يبيعون طماط برع السوق - شسالفه يا شباب - والله مستكفين من القعده داخل

وادش ( الا ) الدنيا مقلوبه فوق تحت - الي ماسك رفيجه - ويسدحه _ انت السبب انت السبب وطاخ طيخ

والي متصل عالوسيط بيع بيع بيع بيع بيع لا اترفس ببطنك

واشوف اللوحه الا ( اشوفها اتقطر شااااي وعصير برتقال ) من التحذف الي صار ;)

وادور وادور وادور - ضيعت وين المصرف -قاعد ادور على على لون اخضر

مااااااااااااااااااااااااااااااااااااااااااااااااا ااااااااااافي لا لا المصرف نزل

وكانت المفاجاه لمت داون عصبت ) ومسكت التلفون واتصلت باخوي واسبه سب -سب اخوي :p خخخخخخ بلفيت

امس عطاني كلمه*صيحني * بل عليه ما يبي يطيح 500 بل بل بل ( معن العاده ما تصيب وياه ) صارله اسبوع يحاول ينزله ولكن البطاريه كانت امفضيه الضاهر

وبعدين شرش فل الضاهر ( وفجر المصرف وفجر البورصه كامله بالدوحه وهناك مصادر تقول بانها قد تصل الى الاسواق الاوربيه

وطلعت

واخرتها صكني الشرطي بمخالفه ( واقف قدام البورصه اشخليت حق الشيوخ

ولكن الحمدلله على كل حال

وانشوف اشبيسوي المصرف بكره والطخه الي معاه

واسمحولنا عالاطاله ( وترى الضحك زين في هذه الاوقات )

عودوا نفسكم - خسرتوا - حثلوها - يعني طقع - وان شاء الله اذا لك رزق بتاخذه

ومثل ما قال راجو - لو تجري جري الوحوش غير رزقك ما تحوش ولا بنس -

ايوا يا بنس - شكله ناوي على البنك الاسلامي البريطاني -

على طاري البنك

يا جماعه ( هل سعره جيد للشراء ) ولا يطيح ببطونا بعدين

مب كفايه اهنييييييه هههههههههه ;)

[قطر]

بوصالح خل اخوك يذكر الله

مب حاله هذي هدمالبورصه وصبغها احمر من قلب الا المطاحن الظاهر قارريين عليها قبل لايفتح السوق


اقول بوصالح عن البنك الاسلامي

والله لو ب 80 بنس باشتريه بس القى دور

الحمدلله شريت فيه وبعد ناوي

وبخليه للزمن سنه بس مب اكثر


وشوف الخير باذن الله جدام

بس عاد ها مب كل هل قطر يشترونه

وايصير سهم قطري 100%

عقب بينهار ترى :eek:

[الجزيرة]

................. بصراحه ............ الشاشه اليوم مبروزه بالون الاحمر اتقول عيد ميلاد الساره اليوم

بصراحه هنيت نفسى بالخساره على كل حال ........ وعزمتها على غدا فى الستى ... على حسابى

بس ........... على الحساب اقصد فى الدفتر ...........