هل تعترف(ين)لزوجك(لزوجتك) بماضيك؟

[حبر سري]

السلام عليكم

سمعت قصص من فترة عن بعض الازواج (او الزوجات) , اللي يعترفون لازواجهم بماضيهم , ولما اتكلم عن الماضي , اقصد فيه علاقات سابقة مثلا , , واللي عرفته ان هالشي سبب مشاكل تصل الى حد الانفصال .

وفي نظري ان المصارحة بمثل هالامور مالها داعي , سواء من الزوج او الزوجة , فمالفائدة من المصارحة؟؟
مالفائدة اذا كانت لن تجلب الا المشاكل؟؟مالفائدة اذا كانت ستجلب الضيق لأحد الطرفين؟ومالدافع لذلك اصلا؟

اعتقد والله ان كتمان مثل هالامور , والاهتمام الكامل بالطرف الاخر افضل من المصارحة بامور هي من الماضي وقد تسبب مشاكل لاحصر لها

فمارأيكم؟

[الامل القديم]

خالق الكون يستر علينا فليش نبحث عن الفضائح

[Bu Rashid]

حبر سري ... صراحه حيرتني من وين أجييب هذه المواضييع العجييبه
جزاك الله خير على هذى الموضوووووع ...

لكل الاعضاء وخصوصا الغير متزوجيين ... ألي يقوووله أخي حبر سري عين العقل
اللهم أني بلغت فاشهد ...

" أذا بليتم فاستتروا ...."

[أمير المحبه]

انا عن نفسي والله ماقول الا الشي اللي احسه بيفرح زوجتي
وذا كان شي بيزعلها وبتحط في خاطره ماقوله لانه
شي قديم وفات وحنا اعيال اليوم يالغالي
فنصيحه لاتقول لان المره بسرعه اتحط في خاطرها
ولا هذا اذا ماتخيلتك في بالها انت شلون قبل وحبيبتك شلون واذا صار شي
بينكم ولا لا بياكلها الوسواس والله
وشكراااا

[فواز العجمي]

المصارحة ماراح تجيل الا المشاكل وتخلي الطرف الثاني دوم يعيش في شك

[الألماسي]

المخ " العـربي " لا يقبل المصارحه بأخطاء الماضي للزوج / الزوجه باي حال من الأحوال . .

فلذلك دع جملة " استر على ما واجهت " بينك و بين نفسـك أفضل لك درءاً لتغـلـغل الشك في النفس مستقبلاً . .

[أمير المحبه]

المخ " العـربي " لا يقبل المصارحه بأخطاء الماضي للزوج / الزوجه باي حال من الأحوال . .

فلذلك دع جملة " استر على ما واجهت " بينك و بين نفسـك أفضل لك درءاً لتغـلـغل الشك في النفس مستقبلاً . .

صح يالغالي هاي بعد اللي بغيت اوصله :nice:

[بنت ذياب]

انا ماانصح

لان هالشي يمكن يزيد الشك والغيره

ويمكن تنعدم الثقه بينهم

او حتى يمكن يعايرون بعض بهالشي

فـ الستر زين

يعطيك العافيه اخوي حبر ع الموضوع ,

[shoog]

الله سبحانه وتعالى .. (( ستيير يحب الستر ..ويستر عباده في الدنيا والآخره ..

والستر .. صفه محموده ,, وهي صفه من صفة الأنبياء والصالحين ..

إن الستر يطفئ نار الفساد ويشيع المحبه في الناس ,,

وكتم الأسرار نوع من الستر يُحمد عليها صاحبها من الخالق والمخلوق ،

فالزوج اللي مب صاحي

هو اللي بيجي حق زوجته وبيفجعها فيه وفي سوالفه اللي مب سنعه وهنا ماستر على نفسه ..

جاي يتعنتر عليها الحبيب .. :)

أما الزوجه .. اذا قالت شي عن ماضيها فهي مجنونه رسمياً وبايعتها خ خ خ ..

وعن نفسي .. ما أحب أسمع ماضي أنا ماكنت موجوده فيه .. لي الحاضر والمستقبل ..

اللهم استرني فوق الأرض وتحت الأرض ويوم العرض ..

جزاكم الله خيراً ..

[فلفل حار]

ماسموه ماضي الا لانه ماضي

ليش اخليه يخرب حاضري ومستقبلي ؟ :)

[ابن الذيب]

ماسموه ماضي الا لانه ماضي

ليش اخليه يخرب حاضري ومستقبلي ؟ :)


أحلى رد ..:tease:
حسيت إنه من كلام ابن خلدون مادري ابن رشد :victory:

[hasss1969]

الصراحة بين الزوجين في مثل تلك الامور ضررها اكثر من نفعها ,,,فكلاهما يعلم ان لكل واحد منهم ماضي وكل انسان له ماضي مهما ادعى غير ذلك ومع ذلك تزوجوا بعض ,,فقد تم الزواج لذلك الافضل ان يهتموا بامور تقوي علاقتهم وتزيد الثقة بينهم وليس العكس...
هذا رايي المتواضع...
والشكر لصاحب الموضوع

[حبر سري]

خالق الكون يستر علينا فليش نبحث عن الفضائح
والنعم بالله
كلامج عالعين والراس يالامل القديم
ومنطقي في نفس الوقت
لكن في ناس يشوفون المصارحة نوع من التقرب من الطرف الثاني
الف شكر يالامل القديم عالمرور

انا عن نفسي والله ماقول الا الشي اللي احسه بيفرح زوجتي
وذا كان شي بيزعلها وبتحط في خاطره ماقوله لانه
شي قديم وفات وحنا اعيال اليوم يالغالي
فنصيحه لاتقول لان المره بسرعه اتحط في خاطرها
ولا هذا اذا ماتخيلتك في بالها انت شلون قبل وحبيبتك شلون واذا صار شي
بينكم ولا لا بياكلها الوسواس والله
وشكراااا
وهذا بالضبط اللي انا اقوله ياامير المحبة
شي بيضايق واحد من الزوجين , ماله داعي , لانه ماراح يجلب الا المشاكل , والتركيز على المستقبل في هالحالة افضل
شاكر لك مرورك

المصارحة ماراح تجيل الا المشاكل وتخلي الطرف الثاني دوم يعيش في شك

:nice:
هاذي مشكلة المصارحة
ففي هالحالة اشوف ان مالها داعي
عسى الله يشافي بنتك ويعافيها اخوي فواز
شكرا للمرور

[حبر سري]

حبر سري ... صراحه حيرتني من وين أجييب هذه المواضييع العجييبه
جزاك الله خير على هذى الموضوووووع ...

لكل الاعضاء وخصوصا الغير متزوجيين ... ألي يقوووله أخي حبر سري عين العقل
اللهم أني بلغت فاشهد ...

" أذا بليتم فاستتروا ...."



والله يابوراشد ان اي موضوع بدون مرورك وامثالك من المحترمين مايسوا ترى ,
جعل والديك الجنة على كلامك الطيب
والف شكر عالمرور الكريم

[حبر سري]

المخ " العـربي " لا يقبل المصارحه بأخطاء الماضي للزوج / الزوجه باي حال من الأحوال . .

فلذلك دع جملة " استر على ما واجهت " بينك و بين نفسـك أفضل لك درءاً لتغـلـغل الشك في النفس مستقبلاً . .
مرحبا الالماسي
اعتقد يالالماسي بغض النظر عن الجنسية , سواء عرب او غير عرب , بعض الاحيان مثل هالمصارحة راح تجلب مشاكل , ومااظن راح تفرق وايد عرب او غير عرب

وطبعا ماننكر ان في اجانب وايد عادي عندهم , مااقصد عادي عندهم اي شي , اقصد ان ماعنده مشاكل لو قالت له مرته يوم انها كانت تعرف او كانت تحب واحد قبله , وانتهى الموضوع , وراح يتقبل الموضوع , لانه ماضي , ويمكن يكون هو صح ترى , لكن ممكن تلاقي عرب ترى بنفس العقليات , وفي النهاية كل واحد وقناعته
لكن انا اسالك يالالماسي : هل تؤيد المصارحة. والسؤال موجه لك بشكل شخصي .



انا ماانصح

لان هالشي يمكن يزيد الشك والغيره

ويمكن تنعدم الثقه بينهم

او حتى يمكن يعايرون بعض بهالشي

فـ الستر زين

يعطيك العافيه اخوي حبر ع الموضوع ,

الله يعافيج يانوثينق
ووجهة نظرج منطقية , وكلامج صحيح , ان ممكن يعايرون بعض في المستقبل , فالستر افضل
ويعطيج العافية عالمرور

[حبر سري]

الله سبحانه وتعالى .. (( ستيير يحب الستر ..ويستر عباده في الدنيا والآخره ..

والستر .. صفه محموده ,, وهي صفه من صفة الأنبياء والصالحين ..

إن الستر يطفئ نار الفساد ويشيع المحبه في الناس ,,

وكتم الأسرار نوع من الستر يُحمد عليها صاحبها من الخالق والمخلوق ،

فالزوج اللي مب صاحي

هو اللي بيجي حق زوجته وبيفجعها فيه وفي سوالفه اللي مب سنعه وهنا ماستر على نفسه ..

جاي يتعنتر عليها الحبيب .. :)

أما الزوجه .. اذا قالت شي عن ماضيها فهي مجنونه رسمياً وبايعتها خ خ خ ..

وعن نفسي .. ما أحب أسمع ماضي أنا ماكنت موجوده فيه .. لي الحاضر والمستقبل ..

اللهم استرني فوق الأرض وتحت الأرض ويوم العرض ..

جزاكم الله خيراً ..
مرحبا اخت شوق
احب اوضح نقطة للجميع
لما نقول ماضي , مهب شرط يكون فيه بلاوي مثلا(وانتوا عارفين قصدي) , القصد من الماضي علاقة او حب , وهذا ماينفي ان ممكن الواحد يكون انحرف لو شوي , لكن اقصد المصارحة بشكل عام , سواء مع انحراف او بدون , واعتقد قصدي واضح
نرجع الحين حق تعليقج اختي شوق , وانا معاج فيه بصراحة , لان اي مصارحة ماوراها الا المشاكل فمالها داعي , والمستقبل اولى ان نحافظ عليه
يعطيج العافية ياشوق عالمرور

ماسموه ماضي الا لانه ماضي

ليش اخليه يخرب حاضري ومستقبلي ؟ :)

:nice:

[حبر سري]

أحلى رد ..:tease:
حسيت إنه من كلام ابن خلدون مادري ابن رشد :victory:
شكرا للمرور ياابن الذيب

الصراحة بين الزوجين في مثل تلك الامور ضررها اكثر من نفعها ,,,فكلاهما يعلم ان لكل واحد منهم ماضي وكل انسان له ماضي مهما ادعى غير ذلك ومع ذلك تزوجوا بعض ,,فقد تم الزواج لذلك الافضل ان يهتموا بامور تقوي علاقتهم وتزيد الثقة بينهم وليس العكس...
هذا رايي المتواضع...
والشكر لصاحب الموضوع

الشكر لك على المرور اخوي هاس
:nice:

[بوحارب]

ما سمعت ابو بكر سالم وش قال

واللي مضى راح رااااح وما بقى له اي علامة :cool:

انا اشوف كل واحد يستر على نفسه ابرك

والله يوفق الجميع

تحياتي لك اخوي حبر سري :rolleyes:

[حبر سري]

ما سمعت ابو بكر سالم وش قال

واللي مضى راح رااااح وما بقى له اي علامة :cool:

انا اشوف كل واحد يستر على نفسه ابرك

والله يوفق الجميع

تحياتي لك اخوي حبر سري :rolleyes:

مرحبا بالناجحين:nice:

وانا رايي من رايك يابوحارب
الله امر بالستر , والماضي اللي ماوراه الا المشاكل , اعتقد محاولة نسيانه احسن
يعطيك العافية يابوحارب والله يحييك

[هدوء 2]

اذا رب العباد ساتر على امر عبدة طيب ليش العبد يفضح امره :omen2:

[Revamp]

السلام عليكم

سمعت قصص من فترة عن بعض الازواج (او الزوجات) , اللي يعترفون لازواجهم بماضيهم , ولما اتكلم عن الماضي , اقصد فيه علاقات سابقة مثلا , , واللي عرفته ان هالشي سبب مشاكل تصل الى حد الانفصال .

وفي نظري ان المصارحة بمثل هالامور مالها داعي , سواء من الزوج او الزوجة , فمالفائدة من المصارحة؟؟
مالفائدة اذا كانت لن تجلب الا المشاكل؟؟مالفائدة اذا كانت ستجلب الضيق لأحد الطرفين؟ومالدافع لذلك اصلا؟

اعتقد والله ان كتمان مثل هالامور , والاهتمام الكامل بالطرف الاخر افضل من المصارحة بامور هي من الماضي وقد تسبب مشاكل لاحصر لها

فمارأيكم؟

تحمل تقول لها ثري والله تخسر حاضرك وتحسف علي ما ضيك.......

[الفـــارسه]

خبرك عتيج الحين وحده بلا ماضي والرجال يشك لان له ماضي متلتل شلون ان اعترفت بماضيها

حتى لو حلم تخليه في بطنها اوتدفنه ولا تتكلم عنه

[ح.الملا.ح]

مرحبا اخوي الغالي

ياخوي اذا في شي يبيض وجهي بقوله

لكن اذا كان الماضي يسود الوجه ماله داعي اقوله دام انه بيفتح علي باب ومشاكل

وتسلم لي ع الموضوع الحلو

[اخر العنقود]

:nice:

[qtr-1st]

عفى الله عما سلف

[>>> غــمـــوض <<<]

اكــبر غلط انهم يبوحون بماضي ماينذكر ،،،
بداية العلاقة الزوجيه تبتدي بصفحه بيضه نضيفــه ومافي داعي نخربها بهفوات كانت بالماضي

واذا الواحد حب يذكر شي /// حلاته مايذكر الا طفولته وذكرياته الحلوه ويبتعد عن اي شي يخرب العلاقــه

اخي العزيز موضوعك واااااااااااايــد حلو
الف شكر لك
:nice:

[مكافح]

حب الاطلاع وحب البوح
تحرقه نار الغيرة

..........................

[نبـــــراس]

مواضيعك جريئه هالايام .. ؟؟

ما راح ازود على اللي قالوه الاعضاء .. رايي من رايهم .. يعطيك العافيه

[شاهيناز]

لان الرجل يحب الكذب,, وا لمراة تبحث عن رضى السيد ,,,,تكذب ,,, وهو يعرف انها كاذبه ,,,بس يقول الكذب احلى من الصدق الصدق ي,, يلامس رجولته والرجوله ممنوع التقرب منها,,
يضل صوره الرجل الاول في حياة شريكه حياته يلازمه مع انها في كثير اوقليل من الاحيان تكون مزيفه بس ترضى غرور الرجل
يعني لو قالت عن مامضى وش بيضره,,,

لكن ,,, مجتمع نحب الكذب
الرجل يكذب ويرسم له ماضي مزيف ماضي عاشق يعشق وتعشقه النساء وتعرف المرأه انه كاذب لكن تحب الصوره المزيفه الرجل الذي فازت بقلبه رغم قلوب النساء المحطمه خلفه

صور مزيفه في حياتنا لكن نحبها ونعيش معها لاننا نحب الكذب والزيف

تسلم اخي حبر سري مواضيعك تلامس حياتنا

[متفائله]

أحياناً تمر لحظات صدق بين الزوجين يعترف بها الزوج عن ماضيه أو الزوجه عن ماضيها ظناً منهما أنها ستقرب بينهما أكثر وسيزيحان حملاً ثقيلاً عن كاهلمهما وأنه لن يوجد شيء يعكر صفوهما أو يهدد حياتهما دام أن كل طرف يعلم كل شيء عن الطرف الآخر سواء ماضيه أو حاضره ولكن كثيراً بل دائماً ما ينقلب السحر على الساحر ويكون هذا الإعتراف هو الفتيل الذي يشتعل بين الطرفين ويؤدي إلى ما تحمد عقباه

المرأه تسامح هذا حقيقي ولكن تبقى النار مشتعله في داخلها والهواجس والشكوك تحرقها حتى لو أظهرت عكس ذلك فالأفضل للطرفين مسح صفحة الماضي واحتساب حياتهما من لحظة زواجهما وابتدائها معاً

[Ghost]

لملذا ادخل الشك بيني وبين زوجتي هذا اكبر خطاء برأيي

[حبر سري]

اذا رب العباد ساتر على امر عبدة طيب ليش العبد يفضح امره :omen2:
والنعم بالله
تسلمين (او تسلم) على مرورج(ك) ياهدوء


تحمل تقول لها ثري والله تخسر حاضرك وتحسف علي ما ضيك.......

هذا اللي اعتقد انه راح يصير
وارجع واقول مصارحة ماراح تجيب الا المشاكل , فمالها داعي , والتركيز على المسنقبل اهم

شكرا للمرور اخوي

[حبر سري]

خبرك عتيج الحين وحده بلا ماضي والرجال يشك لان له ماضي متلتل شلون ان اعترفت بماضيها

حتى لو حلم تخليه في بطنها اوتدفنه ولا تتكلم عنه
والله يالفارسة مسألة وجود ماضي او علاقات , اعتقد تنطبق على الكل , يعني ممكن تنطبق على الرجل والمرأة , وممكن مافي علاقات
لكن في جميع الاحوال اعتقد كتمانه في مثل هالحالة افضل
الف شكر للمرور يالفارسة

مرحبا اخوي الغالي

ياخوي اذا في شي يبيض وجهي بقوله

لكن اذا كان الماضي يسود الوجه ماله داعي اقوله دام انه بيفتح علي باب ومشاكل

وتسلم لي ع الموضوع الحلو

مرحبتين الشيخ
اولا يسلم من قال
وثانيا اخوي لو سوالف عادية اكيد راح تنقال بمناسبة وبدون مناسبة , يعني مثلا اذا كان مسافر مكان وصار موقف مضحك , او ترقى في شغله مثلا , لكن انا اتكلم بالذات عن وجود علاقات سابقة
هذا اللي اقصده
وفعلا كلامك صح ان الماضي اذا كان سرده بيجلب مشاكل فماله داعي
حياك الله وشكرا عالمرور

[حبر سري]

:nice:
:nice:
وشكرا للمرور

عفى الله عما سلف
شكرا للمرور

اكــبر غلط انهم يبوحون بماضي ماينذكر ،،،
بداية العلاقة الزوجيه تبتدي بصفحه بيضه نضيفــه ومافي داعي نخربها بهفوات كانت بالماضي

واذا الواحد حب يذكر شي /// حلاته مايذكر الا طفولته وذكرياته الحلوه ويبتعد عن اي شي يخرب العلاقــه

اخي العزيز موضوعك واااااااااااايــد حلو
الف شكر لك
:nice:

الاحلى مرورج ياغموض والفين شكر عالمرور:nice:
وانا اثنّي على كلامج جملة وتفصيلا
اي شي يخرب العلاقة الزوجية الابتعاد عنه افضل
لان العلاقة الزوجية تعتبر بداية حياة جديدة مثل ماذكرتي اختي

[امل الحب]

المخ " العـربي " لا يقبل المصارحه بأخطاء الماضي للزوج / الزوجه باي حال من الأحوال . .

فلذلك دع جملة " استر على ما واجهت " بينك و بين نفسـك أفضل لك درءاً لتغـلـغل الشك في النفس مستقبلاً . .

:nice::nice: كلام صح 100%

[دلة الرسلان]

:omg:ايش ها الماضي المرّوع اللي داسيّنه ( خاشيّنه ) ؟؟

[بنت^البحرين1]

والله اسمحوا لي اقول، اللي بتروح تتفلسف وبتقول انها بتعلم ريلها بماضيها وخاصه لين كان ماضي( بكل الوان الطيف) هذي بقره مع احترامي للقراء..
أخبر وحده كله تفوشر انا وريلي متفاهمين وكل شي نقول ، لين ماغطى عقلها الغباء وراحت باحت له بعلاقاتها ماقبل الزواج وطبعا الريال مشى معاها على الخط والحرمه خارتها وطلع الماضي سواد ويه وماينقال بس هي قالت من مبدأ الحب والزوج وانها تابت وماتشوف غير ريلها، طبعا الزوج راووها انه مب مفتكر وعادي الحين وكل شي غير، واسبوع واحد ، الله وكيلكم لليوم هي في بيت أهلها وماتم حد مادرى بالسالفة

العربي المختصر، ( الرجل العربي) وبالذات الخليجي، ستين مليون لا لماضي المرأة مهما كانت درجة الحب بينهم، لحد يقول التفاهم والصراحه مافي احلى منها لان ذي عند الاجانب مب عندنا احنا
واللي بتروح بتقول لزوجها، يعني بيدها تهدم بيتها، بعد الله ستر عليج وتبتي وحصلتي ريل، اعقلي واستري نفسج وحافظي على بيتج، الخبال مايمدحونه


موضوع وايد حلوووو، تناقشناه كذا مره في قعدات الحريم

[حبر سري]

حب الاطلاع وحب البوح
تحرقه نار الغيرة

..........................
:nice::nice:
خير الكلام ماقل ودل
تسلم يامكافح عالاضافة

مواضيعك جريئه هالايام .. ؟؟

ما راح ازود على اللي قالوه الاعضاء .. رايي من رايهم .. يعطيك العافيه
رايج على راسي يانبراس , واي موضوع في حدود الادب واللياقة فهو موضوع عادي حتى وان كان جرئ
:nice:
الله يعافيج والف شكر عالمرور

[ورده]

الصراحه حلوه ومطلوبه بين الزوجين


الا في الامور الحساسه الي ماتتقبلها رجولة الزوج


بمعنى اغلاق صفحة الماضي كأن لم تكن ......لان هو البدايات وآخر ساحل وميناا ! :shy:

[ابن قطر]

الستر زين

اخوي حبر سري


وتسلم على الموضوع الجميل

[بوعلي2]

دام الله ساترها خلاص مايحتاج نقلب بالماضي بعدين بيبتدي الشك ودمار البيت الستر زين والي مضى مضى

[حبر سري]

لان الرجل يحب الكذب,, وا لمراة تبحث عن رضى السيد ,,,,تكذب ,,, وهو يعرف انها كاذبه ,,,بس يقول الكذب احلى من الصدق الصدق ي,, يلامس رجولته والرجوله ممنوع التقرب منها,,
يضل صوره الرجل الاول في حياة شريكه حياته يلازمه مع انها في كثير اوقليل من الاحيان تكون مزيفه بس ترضى غرور الرجل
يعني لو قالت عن مامضى وش بيضره,,,

لكن ,,, مجتمع نحب الكذب
الرجل يكذب ويرسم له ماضي مزيف ماضي عاشق يعشق وتعشقه النساء وتعرف المرأه انه كاذب لكن تحب الصوره المزيفه الرجل الذي فازت بقلبه رغم قلوب النساء المحطمه خلفه

صور مزيفه في حياتنا لكن نحبها ونعيش معها لاننا نحب الكذب والزيف

تسلم اخي حبر سري مواضيعك تلامس حياتنا
يسلم من قال ياشاهيناز
لكن اختي انا اختلف معاج
السالفة مب سالفة كذب , احنا نفترض ان كان في فعلا علاقة لاحد الطرفين , والسؤال هو : مالفائدة من البوح بمثل هذه الامور؟
سواء من قبل الرجل او من قبل المرأة

هذا السؤال
وانتي سألتي سؤال للرجل ياشاهيناز وهو :
يعني لو قالت عن مامضى وش بيضره,,,

طيب واذا هو قال لها عن ماضيه وشراح يضرها؟
المشكلة ياشاهيناز ان بعض الاحيان يجد احد الطرفين صعوبة في تقبّل الماضي , وحتى لو قلتي لي انها ماضي وانتهى , طيب مالفائدة من ذكره؟
هذا السؤال


أحياناً تمر لحظات صدق بين الزوجين يعترف بها الزوج عن ماضيه أو الزوجه عن ماضيها ظناً منهما أنها ستقرب بينهما أكثر وسيزيحان حملاً ثقيلاً عن كاهلمهما وأنه لن يوجد شيء يعكر صفوهما أو يهدد حياتهما دام أن كل طرف يعلم كل شيء عن الطرف الآخر سواء ماضيه أو حاضره ولكن كثيراً بل دائماً ما ينقلب السحر على الساحر ويكون هذا الإعتراف هو الفتيل الذي يشتعل بين الطرفين ويؤدي إلى ما تحمد عقباه

المرأه تسامح هذا حقيقي ولكن تبقى النار مشتعله في داخلها والهواجس والشكوك تحرقها حتى لو أظهرت عكس ذلك فالأفضل للطرفين مسح صفحة الماضي واحتساب حياتهما من لحظة زواجهما وابتدائها معاً

متفائلة
قلتي بالضبط اللي ابي اقوله
بعض المرات المصارحة تكون وسيلة للتقرب اكثر
لكن لازم كل واحد يحط في باله انها ممكن تضر اكثر مما تنفع
وقتها يسال نفسه : طيب وشفايدتها؟؟ يعني ماراح نقدر نقرب من بعض الا بالمصارحة؟ طيب ليش مايصارحها بحبه لها؟؟ ونفس الشي بالنسبة للمرأة

اشكرج عالاضافة القيّمة يامتفائلة

[الملكة الام]

اخوي حبر سري



من رأيي أن لا الزوج ولا الزوجة لازم يتكلمون في ماضيهم....


لأن الزوج لو كان صايع قبل الزواج وعقل والله ستر عليه وهداه فليش يروح يعلم مرته بسوالفه...؟؟؟


ولأن الزوجة لو كانت صايعه قبل الزوج والله ستر عليها وهداها فليش تروح تعلم زوجها بسوالفها؟؟؟


بيبنون حاجز بينهم ومستحيل ينهد....



ولا هي عمرها بتنسى....



ولا هو عمره بينسى...



فليش هالصدعة؟؟؟؟




اختك العوده


الملكة الام

[حبر سري]

لملذا ادخل الشك بيني وبين زوجتي هذا اكبر خطاء برأيي
وهذا رأيي بعد
شكرا عالمرور اخوي ghost

:nice::nice: كلام صح 100%
شكرا عالمرور ياامل الحب

:omg:ايش ها الماضي المرّوع اللي داسيّنه ( خاشيّنه ) ؟؟

والله يادلة الرسلان بغض النظر عن مدى احتواء الماضي على اشياء او افعال لايمكن ذكرها , لكن انا اتكلم بشكل عام , يعني سواء الماضي احتوى على مثل هالاشياء ام لم يحتوي , يعني حتى لو مجرد علاقة عادية

[حبر سري]

والله اسمحوا لي اقول، اللي بتروح تتفلسف وبتقول انها بتعلم ريلها بماضيها وخاصه لين كان ماضي( بكل الوان الطيف) هذي بقره مع احترامي للقراء..
أخبر وحده كله تفوشر انا وريلي متفاهمين وكل شي نقول ، لين ماغطى عقلها الغباء وراحت باحت له بعلاقاتها ماقبل الزواج وطبعا الريال مشى معاها على الخط والحرمه خارتها وطلع الماضي سواد ويه وماينقال بس هي قالت من مبدأ الحب والزوج وانها تابت وماتشوف غير ريلها، طبعا الزوج راووها انه مب مفتكر وعادي الحين وكل شي غير، واسبوع واحد ، الله وكيلكم لليوم هي في بيت أهلها وماتم حد مادرى بالسالفة

العربي المختصر، ( الرجل العربي) وبالذات الخليجي، ستين مليون لا لماضي المرأة مهما كانت درجة الحب بينهم، لحد يقول التفاهم والصراحه مافي احلى منها لان ذي عند الاجانب مب عندنا احنا
واللي بتروح بتقول لزوجها، يعني بيدها تهدم بيتها، بعد الله ستر عليج وتبتي وحصلتي ريل، اعقلي واستري نفسج وحافظي على بيتج، الخبال مايمدحونه


موضوع وايد حلوووو، تناقشناه كذا مره في قعدات الحريم
مشكورة يابنت البحرين عالمرور

بس اختي انتي قلتي:
( الرجل العربي) وبالذات الخليجي، ستين مليون لا لماضي المرأة مهما كانت درجة الحب بينهم، لحد يقول التفاهم والصراحه مافي احلى منها لان ذي عند الاجانب مب عندنا احنا

طيب والمرأة الخليجية؟ عادي عندها زوجها يصارحها بماضيه؟
اعتقد نفس الشي ترى


الصراحه حلوه ومطلوبه بين الزوجين


الا في الامور الحساسه الي ماتتقبلها رجولة الزوج


بمعنى اغلاق صفحة الماضي كأن لم تكن ......لان هو البدايات وآخر ساحل وميناا ! :shy:
اختي حتى المرأة في اشياء كثيرة ماراح تتقبلها
يعني مانلوم الرجل بس
ولا شرايج؟

الستر زين

اخوي حبر سري


وتسلم على الموضوع الجميل
مرحبا يابن قطر
انا رايي من رايك
ومشكور على تشريفك موضوع اخوك حبر سري
ولا تحرمني تواجدك اخوي

[حبر سري]

دام الله ساترها خلاص مايحتاج نقلب بالماضي بعدين بيبتدي الشك ودمار البيت الستر زين والي مضى مضى
:nice:
شكرا على مرورك يارفيع الشان


اخوي حبر سري



من رأيي أن لا الزوج ولا الزوجة لازم يتكلمون في ماضيهم....


لأن الزوج لو كان صايع قبل الزواج وعقل والله ستر عليه وهداه فليش يروح يعلم مرته بسوالفه...؟؟؟


ولأن الزوجة لو كانت صايعه قبل الزوج والله ستر عليها وهداها فليش تروح تعلم زوجها بسوالفها؟؟؟


بيبنون حاجز بينهم ومستحيل ينهد....



ولا هي عمرها بتنسى....



ولا هو عمره بينسى...



فليش هالصدعة؟؟؟؟




اختك العوده


الملكة الام

وانا اثنّي على كلامج
واعتقد وجهة نظرج في محلها

مشكورة اختي الملكة الام:nice:

[ورقــة أمــل]

شحقه الفضايح
كل واحد يستر عل نفسه احسن وبلاش مشاكل زوجية
شكرا على الموضوع

[لاداعي]

:secret::eek5::secret:

[حبر سري]

شحقه الفضايح
كل واحد يستر عل نفسه احسن وبلاش مشاكل زوجية
شكرا على الموضوع
العفو ياq44
ومشكورة عالمرور والتعليق
وعلى فكرة اعتقد 99.9 % من اللي علقوا رايهم هو تجنب الفضايح والتركيز عالمستقبل:nice:

:secret::eek5::secret:

ياهلا لاداعي
ماعرفت رايك :rolleyes2:
لكن وجودك مرحّب فيه في اي وقت:nice:

شكرا عالمرور

[!الشايمه!]

المخ " العـربي " لا يقبل المصارحه بأخطاء الماضي للزوج / الزوجه باي حال من الأحوال . .

فلذلك دع جملة " استر على ما واجهت " بينك و بين نفسـك أفضل لك درءاً لتغـلـغل الشك في النفس مستقبلاً . .


:nice::nice:

عاد ياحلاتها الزوجه تقول لزوجها كان عندي يوماً ما بوي فرند
استغرب من بعضهن.....

اللي مشعلله المسنجر بتوبك...والا مذيلة توقيعها في المنتديات
ب ...........رحت وخليتني وهجرتني وعمري ماراح انساك!!!
وهي متزوجة :victory:

تحية

[حبر سري]

:nice::nice:

عاد ياحلاتها الزوجه تقول لزوجها كان عندي يوماً ما بوي فرند
استغرب من بعضهن.....

اللي مشعلله المسنجر بتوبك...والا مذيلة توقيعها في المنتديات
ب ...........رحت وخليتني وهجرتني وعمري ماراح انساك!!!
وهي متزوجة :victory:

تحية

الف شكر عالمرور يالشايمة
وطبعا نفس الشي ينطبق بالنسبة للرجل

:)