فجأة موبايلي مات [الأرشيف] - منتديات شبكة الأسهم القطرية

نور الريان

12-12-2008, 08:29 PM

السلام عليكم ورحمة الله وبركاته

ماادري اذا مشكلتي اهنيه مكانها بس انا باعرضها عليكم واللي يقدر يساعدني جزاه الله خير

فجأة موبايلي مات !

توني شاريته من شهرين فقط !

نوكيا e66

ما تمت طريقة ما جربتها علشان يشتغل مافيه فايده ,,!

اليوم بالصدفه شلت الميموري كارد وحطيتها في موبايل ثاني ,,

المفاجأة ان الموبايل الثاني مات !!

رحت حق موبايلي الاول شغلته اشتغل بدون الميموري!

يعني المشكله في الميموري كارد !:(

عاد الميموري كارد فيها كل الصور والمسجات اللي مجمعتها لي سنين !!

لاحد يقول توج تقولين شاريه الموبايل من شهرين !

الميموري كان في الموبايل القديم وحطيته في الموبايل الجديد بكل مسجاته وصوره

والحين انا ابغي حد من فضلكم يعلمني طريقة اقدر استرد فيها صوري ومسجاتي اللي في الميموري حتى لو عن طريق اللابتوب !

ارجوكم ساعدوني المسجات اللي فيه وايد مهمه عندي اهم من الصور :(

شكرا مقدما لكل اللي راح يمر من اهنيه ,,

ابوالجازي

12-12-2008, 08:48 PM

اذا كان عندج كمبيوتر وفيه مدخل للميموري حاولي تركبينه على الكمبيوتري وانسخي كل اللى تبينه واذا ماصار مالج الا محل تلفونات ويفضل اللى يودي الميموري رجال عشان مايتم نسخ الملفات

نور الريان

13-12-2008, 01:02 AM

اذا كان عندج كمبيوتر وفيه مدخل للميموري حاولي تركبينه على الكمبيوتري وانسخي كل اللى تبينه واذا ماصار مالج الا محل تلفونات ويفضل اللى يودي الميموري رجال عشان مايتم نسخ الملفات

حاولت والله :(

بس لابتوبي مافيه مدخل للشريحه المكان الموجود حجمة كبير والميموري وايد صغير !!

مشكور اخوي ,,

اقول !!

مين غير عنوان الموضوع !!

اعتقد اني كنت كاتبه العنوان ممكن مساعده بقدرة قادر تغير العنوان !!

موبايلي الحمدلله حي يرزق بس الميموري هي اللي ماتت :(

عموما شكرا للي غير العنوان ,,

alwahesh

13-12-2008, 01:15 AM

مشكلة بسيطه وحلها اسهل

ودي الجوال الى شركة الخليج شارع النصر اذا عليه ضمان يصلحونه بنقس اليوم

يمكن ساعه او ساعتين

تحياتي

بوعلي2

13-12-2008, 02:58 AM

شركة نوكيا بشارع النصر ان شاء الله بيفيدونج

هدهد سليمان

13-12-2008, 08:57 PM

حاولت والله :(

بس لابتوبي مافيه مدخل للشريحه المكان الموجود حجمة كبير والميموري وايد صغير !!

مشكور اخوي ,,

اقول !!

مين غير عنوان الموضوع !!

اعتقد اني كنت كاتبه العنوان ممكن مساعده بقدرة قادر تغير العنوان !!

موبايلي الحمدلله حي يرزق بس الميموري هي اللي ماتت :(

عموما شكرا للي غير العنوان ,,

ما قصر بوالجازي والاخوان بعد .. اختي في عندك كرت خاص حق الميموري يتم تركيب الشريحة الصغيره فيه بالكبيره وتركبيه على الابتوب وكل امورك بتكون طيبه

نور الريان

14-12-2008, 12:08 AM

شكرا لكم يااخواني جميعا ,,

وان شاءالله بحاول القى الشريحه الكبيره اللي اقدر اركب فيها الميموري الصغيره واركبها في اللابتوب وانزل كل الصور والمسجات اللي في الميموري ,,

شكرا لكم جميعا على سعة صدركم وتعاونكم معاي لحل مشكلتي :)

جزاكم الله خير ولا اراكم الله مكروها في موبايلاتكم يارب ,,

bohilal191

15-12-2008, 07:03 AM

اختي نور الجوال معاه وصلة كمبيوتر ركبي الوصلة في الكمبيوتر وبيطلع لج اختيارين في الجوال اختاري نقل البيانات وتلقائيا معلومات الميموري بتطلع ،،،جربي وردي علينا

راعية السيكل

16-12-2008, 11:17 AM

ان شالله يفيدونك

نور الريان

16-12-2008, 05:25 PM

ابو ضاري

16-12-2008, 06:02 PM

السلام عليكم ورحمة الله

شكرا لكم جميعا,,

لقيت القطعة الكبيره اللي اقدر احط فيها الميموري وادخلها في اللابتوب ,,

وحطيتها وركبتها في اللابتوب ,,

بس للأسف ما طلعت لي الا الصور والفيدوهات وملفات الصوت !

واللي ابغيه واهم شي عندي في الميموري واللي هو " المسجااااات " للأسف ما طلعت :(

حد فيكم يعرف اشلون اقدر اطلع المسجات وانزلها في اللابتوب عن طريق هالوصله ..

وشكرا مره ثانيه لكل اللي اهتموا وردوا ع موضوعي ,,

هلا بك اختي الكريمة وضعت هنا أكثر من 4 برامج استعادة للرسائل منها برنامج

SIMCon

و

Sim Card Deleted SMS Recovery

و

RESTORE SIM CARD 2.0.1.5

http://www.filedudes.com/images/screenshots/50411.jpg

Sim card data recovery utilities

http://www.recoverdata.in/recovery-data/images/sim-card-recovery-software.jpg

ستجدينها هنا

http://www.qatarshares.com/vb/showthread.php?t=143658&highlight=%C7%E1%D1%D3%C7%C6%E1+%C7%E1%CC%E6%C7%E1

تحياتي لك

فمان الكريم