استفسار عن قاعة أفراح

[شاعر المليون]

السلام عليكم ورحمة الله وبركاته أخواني أعضاء المنتدى الكرام.....

عندي كم سؤال لمن يعرف أو عنده تجربة يليت يفيدنا برايه

1) برايكم ما هي أفضل قاعة أفراح في الدوحة ( السعر- المكان)ز
2) الخيام للرجال كم أسعارهم
3) ماهي أفضل المكاتب لتجهيز الأفراح

شكر مقدم لكل من يرد على الموضوع

وكل عام وأنتم بخير......

أخوكم شاعر المليون

[BoFahed]

ان شالله الشباب ما يقصرون وارجو من المشرفين التثبيت لان موضوع مهم لان وايد شباب بيعرسون هم ولا واحد من ربعهم او اخوانهم

[findi]

ان شاء الله الاخوان والخوات يفيدوونك اخووي

ومبروووك مقدمااا =)

[راسيه]

انا افضل قاعة الدوحة للاحتفالات _ 350 شخص ويعطونك 50 مجانا ب49 الف
وقاعه سلوى - الشيرتون

والخيام والله ماعندي فكره
واحسن مكتب لتجهيز الاعراس .. التنظيم لتجهيز الافراح

[غناتي1]

الله يكون في عون كل اللي بيتزوجون

الأسعارقصمة ظهر

[nono80]

بالنسبه للقاعات سلوي والريتز صارت اسعارهم حق 300 شخص 95 الف
والدانه حق 350 شخص 80 الف
وبالنسبه لمحلات التجهز عندك امسيتي والتنظيم ومحل الراقي
وبالنسبه للخيام نفس المحلات
اي خدمه حاضرين لك اخوي

[qatar.com]

الله يكون في عون كل اللي بيتزوجون

الأسعارقصمة ظهر


من قلب والله تدرون اخوي سوى عرسه بالكويت تدرون القاعة كم كلفتة بس 100 دينار كويتي يعني 1200 ريال قطري واحلى قاعة بعد وهذا قرار عندهم من الدولة

[لوردغاليري]

افضل قاعة افراح
الدفنه شيراتون
اذا كان بنفسك تسوي عرس عالمي يعني فنانين او بتجيب فنانه
600 شخص 135000شامل الضرايب
طبعا بيكون عرس فخم وهااااااااااااي
طبعااااااا من غير التجهيزات
اذا كان في الدفنه شيراتون افخم محل رفلكشن اضاءه وصوت وكوشه وطولات وضيافه وبنات كووول وشي راقي وتغليف القاعه ورد طبيعي
شي خيالي
...........................
تجربتي من اشهر بسيطه
كانت
نفس الي شرحته
وكلفني عرس الحريم مع
الدي جي...الرندي
الفنانه كانت يارا... (لبنان)
والفنانه ابتسام الزري(السعوديه)
وطارق الخريف (الكويت)
وتوزيعات فوشون ولاسيجال
وخدمة العشاء ع الطاولات
وبورجرام كانت قبله بروفات
لطلعة المضيفات والتقديمات
اضاءات اقلبت لي القاعه كانها قصر بعد من عندهم
وتصوير كامل في قمة الرقي من غاية الاحلام
وكان العرس كامل مغطى بالتصوير ومنقول لهم بث مباشر لعرس الرجال
شي كان خيالي
وكوشه خذت نصف حجم القاعه
ومدخل القاعه مالت الدفنه كاااااااااامل ورد طبيعي وكريستال ومخمل
واضاءات
ولبس موحد
ورفلكشن وفرولي بعد بنات تقريبا10 يفتحون باب السيارة للمعازيم ويساعدونهم
و...و... اشياء وايد ماتحضرني اللحين
هالكرنفال كامل
مليونين وثمانمية الف2800000
اما الرجال كان 3 خيام من المتكامله
صج ابداع مع البوفيه والمقهويين والرسيبشن جوس وكل شي
ماجبنا معانا غير العود والعرضه بس
120000
...............................................

قاعة الدانه جدا ممتازة في الخدمة والمساحه
عيبها صدى الصوت الي يلج الراس لج
والا روعه
مشالله
وسعرها جدااا مناسب 400شخص 65000ريال طبعا شامل الخدمة
والانتر كونتيننتال
قاعة الوجبه اذا كان المعازيم اشوي
راقيه300شخص 60000ريال شامل الخدمه طبعا سوينا فيها الخطوبه وكانت150شخص 32000سعر ممتاز
واكلهم لذيذ

اتمنى الكل يستفيد من معلوماتي

ملاحظه مهمه جدا جدا جدا
الي يبي يبيض وجهه عند الناس لايتعامل مع المكاتب العاديه مالت الافراح يراونكم شي والحقيقه جدا محزنه وللاسف يوم العرس تنصدم اذا كان كوش وطاولات
راح اكتبلكم شي مضمون بياض وجه وانتوا مغمضين
ماسيس
المناسبات
رفلكشن(اقل تجهيز عرس لازم يكون150000والا مايجهز)
ماجستيك
غيرهم ارجوكم لاتغامرون والله حرام
اما الرجال
المتكامله
البداد
العالميه
واذا مكاتب ثانيه عادي رجال كلها فرش وكراسي ماراح ييأثر

والف مبروك للمعاريس والله يوفقكم يارب

[لحن الخلود]

السلام عليكم
لو سمحتوا حبيت اسئل عن محل اسمه ماجستيك في شارع الفروسية حد سمع عنه من قبل

ياليت تردون علي بأسرع وقت

[غلا الدوحه]

1) برايكم ما هي أفضل قاعة أفراح في الدوحة ( السعر- المكان)

القاعده لو تبي تعزم ناس واايد اقولك قاعدة رجنسي وسعرها 47 الاف تقريبا
وتاخذ 300 شخص مع البوفيه

2) الخيام للرجال كم أسعارهم

ولو تاخذ قاعده الزرقاء رجنسي للرجال سعرها 20 بدون البوفيه نفس سعر الخييمه بالضبط

3) ماهي أفضل المكاتب لتجهيز الأفراح

والله وااايد