المدارس المستقلة ( نجاح فقط)

[شاعر المليون]

عندي سؤال بخصوص المدارس المستقلة الثانوية هل فيها نجاح ورسوب

ولا نجاح على طول الخط بمعني الي يجيب 40 من 100 في مادة معينة

هل يعتبر ناجح ولا راسب...

[Revamp]

اتوقع نجاح علي طول وعرض....

[làst çhàncè]

المدارس المستقلة , النجــاح فـــيها يكـــــون فــي المـــخبأ ,,

[joOoreee]

المجتهد والكسلان :omen2:
ناجح ناجح ناجح :nice:
بدون تقدير :tease:
الله يعين :omen2:

[بنQATARت]

شنهي احسن مدرسه مستقله ثانويه للبنين
وشنهي مميزاتها

[الفـــارسه]

اخوي كان في المدرسه الحكوميه ملعوزنا من كثر الرسوب وراح مدرسه مستقله مع ربعه

92% نسبته قلت شلون جبت هالنسبه قال وشدراني كله يحطون لنا الدرجات الكامله حتى الرسم اشخبط

واعطيهم ورقتي يعطونا درجات كامله الزبده اللي عنده عيال ملعوزينهم بالرسوب يدخلونهم المستقله

والنجاح ما يقل 90% احسن شي سووه هالمدارس المستقله ما يعرفون يقرون والاملاء غلط والنسبه فوق 90%
عيالنا كلهم في المدارس المستقله مرتاحين ما ندرسهم ولا ندري بهم الا نجاحهم 100% وبتفوق

[غناتي1]

يا خساااااااااااااااارة تعبنا في تأسيس اولادنا يوم كانوا في المرحلة الأبتدائية

[ضوى]

مدري اي مدارس اللي تقولون عنها

اصدقاء عيالي عندهم تقديرات راسب واداء غير مكتمل وولدي بالعربي جايب سي وبنتي بالاجتماعيات جايبة سي وين التقادير اللي تتكلمون عنها ؟؟
دايم مدارس عيالي يسوون مجالس اباء وامهات حتي يتم تحسين تحصيلهم اشلون تقولن كله ناجحين وامتياز ؟؟

[بو الجوري]

ناجح وهو مغمض ..

وأختي ضوى .. صح يسوون مجلس اباء وامهات .. وتحسين مستوى ..

لكن فالاخير ناجح ..

الامتحانات من 40 وال60 الباقيه من عند المدرس .. يعني لو جاب 1 من 40 فالامتحان .. بيعطونه 50 من 60 فالسلوك والنشاط ... والنتيجه 51 من 100 يعني ناجح !!!!

مع الاسف ..

هذي خطة المجلس الاعلى .. لازم المدارس المستقله تنجح فالدوله ..


والعلم عند الله

[مرتبش]

شدعوة
النسبة فوق 90% وبدون دراسة ولا يعرفون يكتبون
غريبة

[الفـــارسه]

شدعوة
النسبة فوق 90% وبدون دراسة ولا يعرفون يكتبون
غريبة


ليش تستغرب ؟؟؟؟ اسأل جامعة قطلر ليش ما ياخذون خريجين المدارس المستقله

وليش المؤسسات ما تقبل تاخذهم وياخذون خريجين المدارس الاهليه والحكوميه والاجنبيه

ليش من سنتين صارت لهم مشكله واحرقوا الجرايد من الشكاوي لانهم ما خذوهم الجامعه

ولا المدينه التعليميه وافقت عليهم

وليش ما يجيبون نسبة امتحان القبول في المؤسسات والجامعه ويجيبون اقل من 20%

والمستقله فوق 90%

اتحدى اي شخص يقول المستقله فيها رسوب لان التنافس بينهم كبير في نسبة النجاح

علشان لهم مكافآت ماليه على نسبة النجاح وكل فاشل يدخل المستقله ويتخرج بنجاح باهر

وفشل في دخول الجامعه ..

لاحد يدخل ويتفلسف يقول هالكلام مش صحيح لان هالكلام واقع حقيقي مدارس فاشله ويديرونها

فاشلين همهم الربح المادي كذا مليون من المجلس الاعلى وبسسسسسسسس

[ذيبه مزاجيه]

للاسف هالكلام صحيح ..

تحسين مستوى و مجلس امهات ومن هالكلام

ولكن في اخر السنه ناجحين ناجحيـــــــــــــــــــــــــــــــــــــــــــن .. مافي شي اسمه راسب و يعيد السنه !!!

وهالنظام الله يعين عليه لانه الصراحه مب داش مخي كلش !!

الله يعين ..

والقهر ان في اهالي عارفين ان عيالهم ما يدرسون و لا يحفظون و يجون يجادلون المدرسات في الدرجات وهم اصلا خبر خير !!!

[Scorpion]

المدارس المستقله = ناجح 100% حتى لو ماتبطل كتاب واحد أهم شي تعرف تكتب اسمك عدل !!

[مستثمر 999]

اخوي راحت ايام النجاح والدلع

كانوا في البدايه يشجعون الناس

انا اصغر عيالي في الثانويه وهو مشاغب شوي

وشهادته ما شاء الله تشرف وتصلح حق هدايا اعياد الميلاد

صج ما يحطون الدوائر الحمرا مثل ايام اول ولكن الدرجات كلها اقل من ال 40 %

يعني راسب في اكثر من ماده

[ضوى]

ياربي ليش تقولون مافي دراسة ؟؟

عيالي يحكون حك مساكين يوميا ، واجبات واختبارات وابحاث ؟؟

عيالي وش يدرسون عيل ؟؟

[مرتبش]

فيه دراسة
والدليل
وقت التسجيل ضرب ومضارب وواسطات عشام يدخلون عيالهم...

بعدين الردود متحاملة على المستقلة كأنها من القمر موب من قطر.. فيه اخطاء ومصايب بس لنكن عقلانين وما نخلط المواضيع ببعض

[غير البشر]

نصيحه دخلو اعيالكم مدارس خااااااااااااااااااصه


والله رصو على نفسكم اشوي وادفعوا

ان شاء الله اتشوفون عندكم جيل لا يعلى عليه

اما المدارس المستقله احسها لين الحين تجارب فقط

انا عن نفسي راص على عمري وامدخلهم مدارس خاااصه

[شعاع]

حرام عليكم ..... لو تدروا جهد المعلم في المدارس المستقله جان ما قلتوا هالكلام .....ومن وين اتيبون الكلام خاطري اعرف ؟؟؟؟؟؟ اذا الطلاب فاشلين وما يعرفون شي والكل ناجح ؟؟؟ عيل شنو هي الاختبارات الوطنية ؟ وشلون هدفهم مادي وعيالكم يدرسون ببلاش وموفرين لهم اشياء ما اتحصلونها في ولا مدرسه خاصه
الكمبيوترات , والمصادر , و الكتب والقصص والالعاب التعليمية واشياء ولا في الخيال يستخدمونها المعلمين عشان يدرسون عيالكم ... بعد لا حمدا و لا شكورا
؟؟؟؟ روحوا اسألوا واستفسروا عدل قبل ؟؟؟ بعدين حصلوا اصلا مدارس عدله من المدارس الخاصه ( اللي على قولتكم مب ماديين ... لا عيل همهم عيالكم ) ؟؟؟؟ بعدين اتفلسفوا
انا ما ادافع عن المدراس المستقله ؟؟؟ وما اقول انهم 100 % ...... بس فكروا قبل ما تكتبون .... واللي ينقد يكون عنده دليل ولا لا يتفلسف
ولا تقارنون مدرسة جديده ما صار لها كم شهر وتحكمون عليها بالفشل ......... غيروا تفكيركم شوي يا العرب وكونوا ايجابيييييييييييين

[قطريه ماركه]

الكسلان و الشاطر = نجااااااااح مبهر !!

[ضوى]

حرام عليكم ..... لو تدروا جهد المعلم في المدارس المستقله جان ما قلتوا هالكلام .....ومن وين اتيبون الكلام خاطري اعرف ؟؟؟؟؟؟ اذا الطلاب فاشلين وما يعرفون شي والكل ناجح ؟؟؟ عيل شنو هي الاختبارات الوطنية ؟ وشلون هدفهم مادي وعيالكم يدرسون ببلاش وموفرين لهم اشياء ما اتحصلونها في ولا مدرسه خاصه
الكمبيوترات , والمصادر , و الكتب والقصص والالعاب التعليمية واشياء ولا في الخيال يستخدمونها المعلمين عشان يدرسون عيالكم ... بعد لا حمدا و لا شكورا
؟؟؟؟ روحوا اسألوا واستفسروا عدل قبل ؟؟؟ بعدين حصلوا اصلا مدارس عدله من المدارس الخاصه ( اللي على قولتكم مب ماديين ... لا عيل همهم عيالكم ) ؟؟؟؟ بعدين اتفلسفوا
انا ما ادافع عن المدراس المستقله ؟؟؟ وما اقول انهم 100 % ...... بس فكروا قبل ما تكتبون .... واللي ينقد يكون عنده دليل ولا لا يتفلسف
ولا تقارنون مدرسة جديده ما صار لها كم شهر وتحكمون عليها بالفشل ......... غيروا تفكيركم شوي يا العرب وكونوا ايجابيييييييييييين


والله كلامج عين العقل

تكلمت قالوا لي تتفلسفين بزيادة

والله الصراحة مدارس عيالي ماعليها كلام ومن هالمنبر اوجه لهم الف تحية

مجمع عمر بن الخطاب التربوي

مجمع البيان التربوي

مدرسة الدوحة الثانوية للبنين

[الجوري]

المجتهد والكسلان
ناجح ناجح ناجح
بدون تقدير
الله يعين

[Banana]

المدارس المستقلة انجحت تجربتها في قطر 100%. من قال الكسلان والمجتهد ناجح دورواا يمكن حد عليه دور ثاني ولا لم ينجح احد انا اعرف ناس واعيال كباريه ولكبير الله اعيالهم راسبين شلون كلهم انجحوا ومنهم بثاني ثانوي ومنهم بالاعدادية ويدرسون لغه بصيف برا اشلون بعد هالسالفه كلهم ناجحين .:nice:

بس احنا ناقصنا جامعات ..الصراحة ..حسب التخصصات اللي يرغبها الطالب بنفسه له حرية الاختيار ..ليش اعيالنا ايروحون يدرسون برا سوا على حساب الحكومة او اذا كان مبعوث من جهة عمله .. او حتى لوراح يدرس على حسابه كلغة او كتأسيس ..ليش مانحط دهنا بمكبتنا ..وعيالنا في بلادنا كمأمن لهم ..الواحد يرتاح لي شاف اعياله حوله مايتم ايحاتي ..خبركم الشباب في الويك إند ايتجمعون من مدينة لين مدينه اولو حصل شي من همومالدنيا ماتكفيك محملني بعد همك ..لا وازيدكم من الشعر بيت ان كان قطري وعنده اعيال يدرسون اهناك وعارف المكان شجع من اهل ديرته من اللي ايعرفهم وتقلقص اهنيه بينهم وقام يسوق لذيك الجامعه وذيك المدينه واكتشف عاد انت لايخدم بخيل اثاريه وسيط للجامعة يعطونه نسبه او افري دراسه لحدى اعياله وياخذ نسبه من السكن ولا قده باني اهناك له عماره وماجرها على الطلبه وين الناس عايشه بكوكب اخر لايخدم بخيل بهالزمن وفيتامين واو لاعب دور بين الاهل والمعارف والخلان ..مايندرى والله الحافظ ...:nice:

تسلم الايادي ..:nice:

[بن علان]

هذي خطة المجلس الاعلى .. لازم المدارس المستقله تنجح فالدوله ..


تدري اخوي ابوالجوري ان في طلاب انتقلوا من مدراسهم المستقله ومازالت اسمائهم مسجله فيها ولم تُشطب عشان المبلغ وقيمته 22 الف ريال في السنه يستمر ولا يُقطع

هذا يعني ان المجلس الأعلى لو كان يملك سجلات للطلاب لما تكررت المدفوعات للطالب في أكثر من مدرسه

سلم لي على المجلس الاعلى

[Banana]

انا اعرف بنات واعيال خلصوا من المدارس المستقله وخذتهم المؤسسات ..ومنهم مؤسسة البترول واللجنة الاولمبية وجامعة قطر نفسها بعد فيها من طلبة وطالبات الثانوية المستقله ....اذا بالكلام خذ وخل ..بس يبيله باحثة تروح اتشوف بالنسبة للاقتناع والاقناع ولا يمكن فيه ناس عايشه بكوكب اخر ... بتقولون من كل المدارس لا مستقله ولا غيره دخل بالواسطه مش بشطاره والنسب باقول نعم الواسطه لاعبه دور في المجتمعات عندك حد تمتح ..:nice:

[ANONYMOUS]

تدري اخوي ابوالجوري ان في طلاب انتقلوا من مدراسهم المستقله ومازالت اسمائهم مسجله فيها ولم تُشطب عشان المبلغ وقيمته 22 الف ريال في السنه يستمر ولا يُقطع

وسلم لي على المجلس الاعلى


:secret:

ان شاء الله يحطون لجنه لمكافحة الفساد في المدارس المستقله..

ويحاسب كل من تسول له نفسه اللعب في الاموال العامه...

[Banana]

:secret:

ان شاء الله يحطون لجنه لمكافحة الفساد في المدارس المستقله..

ويحاسب كل من تسول له نفسه اللعب في الاموال العامه...

الفساد في كل مكان حدث ولا حرج لاحسيب ولا رقيب ميزانيات مفتوحه والثقه موجوده شيسون فيهم ..... مافيه الا العقاب حتى ينردع الاخرون ولا اذا تموا بهالحال تمادى غيرهم وغيرهم ...اعوذ بالله ..:secret:

[بن علان]

:secret:

ان شاء الله يحطون لجنه لمكافحة الفساد في المدارس المستقله..

ويحاسب كل من تسول له نفسه اللعب في الاموال العامه...

للعلم المدرسه المعنيه هي للمرحلة الإعداديه والثانويه .. وهذا الطالب انهى المرحلة الإعداديه وانتقل لمدرسة ثانويه مستقله أخرى ولم يستمر في نفس المدرسة ولكن المجلس الأعلى يقوم بدفع رسوم هذا الطالب لمدرستين القديمة والجديده وهذا دليل عدم وجود سجلات للطلاب :anger1: