طريق سلوى

[الكولونيل]

الحمدلله أخيرا وبنسبة ٩٠ بالمئة تم الإنتهاء من طريق سلوى بعد معاناة مريرة

أكثر من خمس سنوات ونحن ننتظر

الطريق جميل وبه أربع حارات وإضاءة طول الطريق

وأتمنى أن لا تكون هناك أي مشاكل إذا إنزلت الأمطار

ولكن هناك ملاحظة وهي أن الشاحنات تستخدم حارتين من الحارات الأربع

وهذا خطأ يجب تخصيص حارة واحدة فقط للشاحنات

طبعا أنا أتكلم عن الطريق العام تم الإنتهاء منه أما باقي الخدمات مثل محطات البترول
والمطاعم ومحلات السوبر ماركت ...........الخ؟ العلم عن الله متى بيخلصونها بس أهم شي الطريق صار مريح للسفر.

[ALRAYYAN]

صباح الخير اخوي الكولونيل

للأسف اخوي ان احنا مانتعلم لا من تجاربنا ولا من تجارب غيرنا

بذمتك خط جديد طولة حوالي 100 كيلو وهو الخط الوحيد لمنفذ الدولة الحدودي
يعني شاحنات رايحه وجايه بالهبل .. ولا في ميزان للشاحنات مثل الخطوط اللي نشوفها في السعوديه
الشاحنه المفروض انها تلتزم بوزن حموله معين .. والمفروض ان في اكثر من ميزانين على كل شارع
للتأكد من وزن الحموله ومخالفة الشحانات اللي حمولاتها زايده

اما بدون ميزان ابشرك ان الشارع حده سنتين وبينتهي .. والله اعلم ان كان هالشي متعمد
لأن خبرك لو ماخترب الشارع الشركات بتسكر

لاتفرح وايد يالشيخ .. علمونا ان احنا مانبالغ في فرحتنا باي مشروع جديد
مثال جسر الغرافه .. جسر المدماك .. خط بو سمرة واللي صار فيه بعد كم يوم مطر العام الماضي

الله المستعان

[الكولونيل]

alrayyan الله يصبحك بالخير

كلامك صحيح لكن شبنسوي نستانس لنا كم سنة بها الشارع لين يستوي الجسر اللي شكله بيصير عقب عشرين سنة*

[السهم الحلال]

صباح الخير اخوي الكولونيل

للأسف اخوي ان احنا مانتعلم لا من تجاربنا ولا من تجارب غيرنا

بذمتك خط جديد طولة حوالي 100 كيلو وهو الخط الوحيد لمنفذ الدولة الحدودي
يعني شاحنات رايحه وجايه بالهبل .. ولا في ميزان للشاحنات مثل الخطوط اللي نشوفها في السعوديه
الشاحنه المفروض انها تلتزم بوزن حموله معين .. والمفروض ان في اكثر من ميزانين على كل شارع
للتأكد من وزن الحموله ومخالفة الشحانات اللي حمولاتها زايده

اما بدون ميزان ابشرك ان الشارع حده سنتين وبينتهي .. والله اعلم ان كان هالشي متعمد
لأن خبرك لو ماخترب الشارع الشركات بتسكر

لاتفرح وايد يالشيخ .. علمونا ان احنا مانبالغ في فرحتنا باي مشروع جديد
مثال جسر الغرافه .. جسر المدماك .. خط بو سمرة واللي صار فيه بعد كم يوم مطر العام الماضي

الله المستعان

للأسف هذا الواقع

نصبر ونحتسب أجر الصبر

[السامـي]

الحمد لله على كل حال،واخيراً.

بس لو يقللون من الردارات عليه،أشوفها واجد.:)

[عضو قديم]

الحمد لله على كل حال،واخيراً.

بس لو يقللون من الردارات عليه،أشوفها واجد.:)

افا عليك مبرمجها في شاشة الفكسار وينبهك قبل ما توصله بكيلو

[hich]

أخوي الى الان لم يتم الأنتهاء من الشارع والى الان الشاحنات تقوم بالتخريب في الشارع و كذالك الى الأن هناك حوادث في الشارع

نصبر ونحتسب الأجر وانا لله وانا اليه راجعون

[راعي البيرق]

الحمد لله على كل حال،واخيراً.

بس لو يقللون من الردارات عليه،أشوفها واجد.:)
لا والمشكلة اخوي في جميع خطوط الدوحة تلاقي لوحة تحذيرية من وجود رادار بالشارع قبل الرادار ب 500 تقريبا اما بخط بوسمرة الملاحظ انه اللوحة بعد الرادار !!!!!!!!!! :eek5:
يعني راحت عليه اللي يدوس ومب عارف مكان الرادار

[المشرفي التم]

من التجربة مع اشغال
صدقني ما تخلص ال10% الباقية الا وهم يبتدون صيانة وتصليح من جديد
خلاص سارت عادة عندهم اعتقد يعتبرونها تمرين للمهندسين عندهم واكتساب خبرة للشركات الوطنية!!!!

[م. عبدالعزيز]

شارع سلوى فتحوه كامل 100%؟

ومن وين يروحون له؟ من معيذر للحين ولا فتحوا من الصناعيه؟ صار لي فتره مارحت صوب الصناعيه

[جوهرة قطر]

زين والله وعقبال خط الشمال اللى اضن انه فى سنه بيخلص لانه اسبوعياٌ امر عليه واجووفهم راكزين لي قاعده اعنوبه هذا جسر مو لعب يهاال

[الكولونيل]

لين ألحين يروحون له عن طريق معيذر

تدري إن معيذر إشتهرت وايد

[هام السحاب]

لين ألحين يروحون له عن طريق معيذر

تدري إن معيذر إشتهرت وايد

أهي اصلن مشهوره من زمان
لعلمك اهي العاصمه الاقتصاديه للبلاد :omen2:

[بوخالد911]

مشكور للخبررر
ونتامل لباقي المشاريع ان تنتهي باسررع وقت

[الكولونيل]

هام السحاب لايكون معيذر شنغهاي

[وحيد-الشوق]

طريق فاشل مثل مشاريع اشغال الفاشله

كل شوي يرقعون فيه مااعتقد خلص اخر مره كنت راد من الخط تاريخ 28 -11 :weeping:

[إنتعاش]

الله يقويهم على انجاز مشاريع بلادنا على الوجه المطلوب

ولو انني لا اعلم لماذا لم يفتحوا خطوط منعزلة تماما ً للشاحنات
سواء للداخله لقطر او الخارجه من قطر

مثل ابوظبي

تلقاها في خط لحالها منعزله تمااااااما عن الخط الرئيسي

وان شاءالله يضعون هالامر في الاعتبار بالمشاريع القادمه

[ابن قطر]

مبروكييييييييييييييييييييييييييييييييييييييييييييي ييييييييين

[مريش]

هههههه خط بوسمره كلاكيت الف مره ماعلينا

هههه باعطيكم وصف حق امممم الرادارات

وأنت رايح بوسمره هناك 5 رادارات

أول رادار عقب ماتتعدى الأقمار الصناعيه بيكون بين الأقمار الصناعيه وبين مكينس

ثاني رادار بعد مكينس بشوي وثالث رادار بعد الرادار الثاني الثالث مب بعيد وايد
ماقر اقولكم الحسبه لكن جذي حافظهم انا هههههههههه

يعني لين الكرعانه 3 رادارات حلو واحد بين مكينس والأقمار الصناعيه
واثنين عقب مكينس بشوي

الرابع عقب جسر الكرعانه على طول
الخامس عقب الرمزاني بكيلو الرادار بيكون مع حنيه شوي قويه

تعبت :(

اما وانت ياي من خط بوسمره امممم
عقب 500 متر من المركز رادار
وعقب ماتتعدى الرمزاني على طول رادار

على يسارك الكرعانه رادار
وعقبه بكيلو تقريبا رادار وعقبه بشوي رادار

وسلام عليكم

[فارس قطر]

الله يفظح اشغال الي لين اللحين ماخلصوا شارع المطار

تبيهم يخلصون شارع سلوى

نتظر خمس سنوات اخرى يمكن ان يتم 50% من المشروع

لاحظ بعد جبل النخش عند المنحدر

لاحاجز ولااشارة

والسيارة الي تتعطل عند المنحدر تتوقف على الشارع لعدم وجود باركنك

وين التخطيط

ثلاث حوادث حتى الان على هذا المنحدر الجديد

حسبي الله ونعم الوكيل

[سهم طايش]

وين محطات البترول و البقالات و المساجد على الطريق ؟؟؟؟؟؟

يبيلهم اكثر من 3 سنوات