المشورة العااااااااااااااااااجلة ...... سيارتي الكزس وصلت .. ومتردد استلمها والا؟؟؟؟ [الأرشيف]

مشاهدة النسخة كاملة : المشورة العااااااااااااااااااجلة ...... سيارتي الكزس وصلت .. ومتردد استلمها والا؟؟؟؟

بالول

14-12-2008, 09:48 AM

الحين جاني اتصال من وكالة عبدالغني يخبروني ان سيارتي الكزس (فورويل) وصلت ... وطالبين مني الحضور عشان نخلص اوراقها ......... والسعر 345 الف ريال ...

بس متردد ومتخوف ....لاني اسمع كلام وايد ان الاسعار رايحة تنزل ...... اخذها والا ااجل ؟؟؟؟؟

اشرايكم :rolleyes2:

احساس غريب

14-12-2008, 09:51 AM

السـلام عليكم ورحمة الله وبركاته ..

صبـآآح الخيـرر .. :)

والله انا من رآيي دام إن الموتر وصل توكل على الله ومب خساره فاللكزس ..

ومن صوبي اقول لك توكل على الله . وبالمبارك مقدماً ..

وبعد من رآيي أنك تخلي الموضوع لين اليوم وتسمع مشورة الأعضاء الآخرين . والله يقدم كل الي فيه خير إن شاءالله ..

بالتوفيق أخوي .. واذا نويت عليـها الله يبارك لك فيـها :)

&بوشهد&

14-12-2008, 09:52 AM

اخوي عليك بالاستخارة
( ماخاب من استخار وماندم من استشار )

برشلوني قطر

14-12-2008, 09:56 AM

اخوي عليك بالاستخارة
( ماخاب من استخار وماندم من استشار )

:nice::nice::nice:

بالول

14-12-2008, 09:57 AM

بالول

14-12-2008, 09:58 AM

اخوي عليك بالاستخارة
( ماخاب من استخار وماندم من استشار )

مشكور على النصيحة

مافيا قطر

14-12-2008, 10:01 AM

بالول لو خاطرك فيها خذها تحمل تاخذها وانت متردد صلى صلاه الاستخاره وربك يسوى مافيه الخير لك

والله يعطيك خيرها ويكفيك شرها مقدما

بالول

14-12-2008, 10:07 AM

بالول لو خاطرك فيها خذها تحمل تاخذها وانت متردد صلى صلاه الاستخاره وربك يسوى مافيه الخير لك

والله يعطيك خيرها ويكفيك شرها مقدما

مافيا قطر ..... اشهد انك جبتها ........ صراحة خاطري فيها .....وودي اخلصها اليوم بس خايف .... قلت استشيركم ....... يمكن حد سامع شي بخصوص الاسعار في المستقبل

بوخالد911

14-12-2008, 10:32 AM

l,,,,,

مووووووووفق اخوووي

خريج اعلام

14-12-2008, 10:54 AM

والله حرام عليك
345 الف في ياباني
مشورتي لك لا تستعجل
اللكزس ماراح اتطير
شوف البورش
ولا شوف الرنج
ولا المرسيدس
ولا البي ام
كلهم افضل من اللكزس

Thamer_Qat

14-12-2008, 10:56 AM

على افتراض ان الأسعار بتنزل, ما اعتقد انها بتنزل وايد يعني خاطرك فيها توكل على الله
غيرك خذها من معارض على 400 و390 و380 وبعضها ماشي كم الف

مبروك مقدما والفال لي يوصل موتري بعد 3 شهور انشالله

مدور الصداقة

14-12-2008, 11:03 AM

لو في نزول بالاسعار ما اعتقد يكون فرق كبير ، ويمكن العكس صحيح ترتفع الاسعار ما تنزل
هذا والله اعلم
انا لو منك بعد هالانتظار اتوكل على الله واستلمه واكشخ فيه
واذا استلمته انا اول واحد اقولك الله يعطيك خيره ويكفيك شره

محترف

14-12-2008, 11:05 AM

توكل طال عمرك

وخل عنك التردد

ترى المتردد مايركب موتر عدل ابد!!

خذ الموتر واستنانس فيه والخساره خساره الروح

هالموتر بيتم كشخه ومرغوب لمدة عشر سنين جايه وموتر صمله بس يبي تبديل زين واكرفه كرف ولايشتكي

ياليتني مابعت موتري:(

والله لو بيدي لا اوزع على عيالنا مواتر كشخه كل سنه واخليهم يفتلون:nice:

تحياتي

محترف

راعي المواجيب

14-12-2008, 11:14 AM

بس تأكد إنك بتشتري والأسعار بالقمة ..

والموتر ملحوق عليه .. خصوصا سالفة الحجوزات وتنطر دورك وهالمسرحيات بتختفي قريب مع قلة الطلب

إذا عندك موتر مرتاح معاه خلك عليه .. ايش وراك صبرت شهور .. اصبر لك شهرين

مستثمر 999

14-12-2008, 11:49 AM

اعقلها وتوكل

توكل على الله واستانس

ولو نزلت الاسعار ...كم يعني بتنزل 1000 -5000

الا اذا كانت نيتك انك تربح من وراها طبعا لا والف لا
وربي يوفقك
يعطيك خيرها ويكفيك شرها مقدما

الامير

14-12-2008, 12:00 PM

صياح الخير كل عام وانت بخير .....اذا مالك خاطر في الموتر ممكن اخذه بس يش لونه

امرك غريب

14-12-2008, 12:08 PM

اذا رغبان بالموتر توووكل على اللي ما تنام عينه ،،

ولا اظن ان الأسعار بتزل كثيييييييير حتى لو انزلت ،،

وعلييييييك بالأستخاره ،، ولا خاب من استشار اسأل وشاور ،،

بالتوفيييييييق ومبروك مقدماً ،،

شمسة

14-12-2008, 12:26 PM

مبروك اخوية سيارة قمة في الرفاهية توكل :nice::nice:وخذها
http://images.souq.com/getthumb.php?fromfile=uploaded/1208/5dcbaa8faa736681b2d04d28b683da84_12995847031228384 431.jpg&w=550
http://thumbs.bc.jncdn.com/2c54d7ae593b5cfe89da73ed3f3acb63_l.jpg

hxamad

14-12-2008, 12:33 PM

الصراحة وايد 345000 ريال على تويوتا حطها فى مرسدس أحسلك واله تدري أخذة وسع فيه صدرك كم شهر وبيعة

بوسلطانqtr

14-12-2008, 12:41 PM

السلام عليكم

اخوي لاتتردد صل الاستخاره وارضى بالله يكتبه لك
اما عن الاسعار انها بتنزل مافي اي كتاب رسمي او اي خبر رسمي يأكد كلها اشاعات ومافي مصدر موثوق والله اعلم ويمكن الاسعار ترتفع محد يعلم بالغيب
اما عن الحجز فهذي مشكله ابديه ماراح تنحل وشركة التويوتا مش معتمده على القطريين يعني لو ولا قطري يشتري بعد بتم المشكله موجوده والشباب الله يهديهم يقولون خلوها تخيس لحد يشتري وهم نفسهم يروحون يشترون من المعارض والمعارض تحجز من الشركه والمسأله لو تفكر فيها راح تلاقيها حلقه دائريه
وانا اقول ياخوي دام ان الموتر وصل توكل على الله ولاتنطر احسن من انك تتحسف عقب وانت تنطر بالشهور او تضطر تشتري نفس الموتر بسعر اغلا وبعدين اللكزس موتر ماعليه كلام بدل ايل ( زيت ) وتوكل على الله موتر عملي حق بر وبحر وسفر ودواره احسن من تاخذ لك موتر ثاني وتحاسب الا ولع ليت في الطبلون ولا ابي اروح البر تعالوا مرو علي ولا وينك يالبركدون انا واقف على الخط الفلاني واللكزس ماشاالله شيك في المخبا

والله يوفقك والله يعطيك خير الموتر ويكفيك شره انشاالله والله يجعله موتر مبارك انشاالله

مجرد راي ووجهت نظر خاصه

SULTAN1

14-12-2008, 12:47 PM

اسمع جعل والديك الجنه،اذا قروشك كاش ومحتاج للسيارة ،توكل على الله،سيارة ما عليها كلام ،مع احترامي لرأي بعض الاخوان لبعض السيارات الاوروبيه،والله يعطيك خيرها ويكفيك شرها

جوال 11

14-12-2008, 01:03 PM

عليك بالخدمة ما بعد البيع أهم شئ لأنك بتدفع مبلغ في السيارة
والله يوفقك للصواب

غير عنهم

14-12-2008, 01:08 PM

انا بقولك شغله بخصوص اللي بيقولك فلوسها حرام فيها !!!! وخذ لك موتر ثاني بفلوسهاااا
انا اخالفه فالرأي انا اشوفها افضل سياره موجوده من رفاهيه ومن قوة تحمل اذا انت بتدفع فحدود هالمبلغ توكل على الله وخذ السياره
واذا مستخسر 345 فسياره انا بايدك على هالشي بس انت اخذها مب خسران شي حتى لو ترددت عقب بتجيب لك مب اقل من سعرها وبالتوفيق

علي مهنا

14-12-2008, 01:20 PM

345 الف على ايش والله حرام

والخدمه بعد البيع زفت
يذلونك ذل الي يقول ماخذ منهم الموتر ابلاش

على نياته

14-12-2008, 01:27 PM

بالول لو خاطرك فيها خذها تحمل تاخذها وانت متردد صلى صلاه الاستخاره وربك يسوى مافيه الخير لك

والله يعطيك خيرها ويكفيك شرها مقدما

صدقت وهذا رائيي انا بعد.

العضوالرسمي

14-12-2008, 04:48 PM

اخوي توكل على الله واخذ سيارتك

مايسوى عليك طول هلوقت وانت تتنتظر

بس لاتنس تأخذ تخفيض عليها من مدير المبيعات ومن المدير التنفيذي ( ولد عبدالغني)
امكن توصل معهم الى336

وبتوفيق

العضوالرسمي

14-12-2008, 04:54 PM

انا ضد كلام بعض الاخوان الي يقولون
حرام المبلغ في لكزس وحلال في غيره من السيارات
هذي سياره تفوق جميع التوقعات يكفيك انها شيك في المخبا اي وقت تبي تصرفه
مراح تخسر فيها الا شي بسيط وباقي السيارات الى ذكرها واحد من الاخوان لعلمك خسارتك فيها في خلال 6شهور فوق 100الف وشوف معارض السيارات وقارن قيمته في الوكاله وسعرها بعد الاستعمال

وتحياتي للجميع

السد

14-12-2008, 05:37 PM

خل الفلوس عندك وابني بيت العمر

الحلال فقط

14-12-2008, 05:45 PM

نصيحتي لا تشتريها
ولو ناوي اصبر شوي وبتحصلها موديل احدث وبسعر افضل بكثير باذن الله

السني 73

14-12-2008, 06:19 PM

اما انا عن نفسي حصلت حجز واحد من الربع في اكس ار ..ز وعطاني اياه بدون اي مقابل .... وخذت الكروزر ب 237.500 ... وتوكلت على الله ... انا خذته بستعمله ... وإذا جيت ابيعه ادري اني يمكن اخسر فيه والسبب الازمه الماليه ... لكن ادري اني ماراح اخسر مثل اي خسارة في موتر ثاني غير الكروزر

والشور لك

قطري33

14-12-2008, 06:19 PM

الله يوفقك يالغالــي

الـخـور

14-12-2008, 06:37 PM

لو بتنزل الاسعار كم بتنزل يعني 1000 او 2000
ياريال ماتسوى النطره .. كانك ماجر الموتر بدل النطره
هذا طبعا اذا خاطرك بالموتر

وبصراحه الموتر ماعليه كلام .. ماعليك من الي يقول حرام 300 الف في ياباني
لو الالماني فيه خير كان ماشفته يطيح بسعره
عيل موتر تشتريه اب 400 الف تبيعه اب 200 او 170 الف
هذا الاسعار للمواتر الالماني وشوف السوق هو الحكم

الوفـى طبعي

14-12-2008, 06:48 PM

توكل على الله وخذ الموتر واكشخ واستانس

daekan

14-12-2008, 07:20 PM

دعـــــــــــــــــوها تصــــــــــدي

كيان

14-12-2008, 08:21 PM

يعطيك خيرها ويكفيك شرها توكل على الله... سيارة بمعنى الكلمه وسعرها فيها ...

خــطــافــ

14-12-2008, 08:55 PM

خذها وتوكل على الله

ولو ماتبيها انا جاهز

بس اليوم لقيت وارد البريمي 320 الف

اهـم001

14-12-2008, 10:02 PM

اذا انت متردد خذها منهم وصفها في معرض وفالك البيرق :)

oqbah

14-12-2008, 10:21 PM

يومك طلبت الشور
خذ شوري
اذا انت ماملكت بيت
والله اكبر غلطه تحط هالمبلغ بحديد
وصدقني ماراح يكسبك ولا ريال
اهل المعارض وارطين باللي في حلوقهم

طع شور اخوك الصغير
واذا انت مرتاح ماديا وامورك عدله من بيت وزواج
فتوكل على الله وخذه ووسع صدرك وجعله اردى ما تملك يابعدي

ماندم من استشار
وماخاب من استخار
بس انت ابخص بوضعك وحال
بعض الشباب يحط حيله في موتر وتقسيط
ومايملك غيره واذا قضى منه دينه مايسوى ولا ربع قيمته

الله يوفقك ويدلك على الصواب

S A L M A N

14-12-2008, 10:40 PM

خذها وتوكل على الله

لانه مافي احسن من هالموتر

وناس وايد يدورون اللكزس دواره واسئلة لستة الحجز

حتى من كثرهم سكروا الحجز الي اعرفه حالياً .. ومثل ماقالوا الشباب سعره فيه حتى لو بغيت تبيعه

ولف المعارض بتلاقيه اغلى من الوكاله وماشي بعد !

مبروك ياخوي

مستثمر 999

14-12-2008, 10:47 PM

oqbah

14-12-2008, 10:47 PM

الوسيط العقاري

14-12-2008, 10:49 PM

توكل على الله وأخذ اللكزس

ماعليك من الكلام

والله انه عندي أحسن من البورش والرنج ..

مابتندم .. وسعره فيه

إنتعاش

14-12-2008, 11:01 PM

اولاً بالنسبة للسيارة:
من واقع تجربة اخوي وليست من فراغ
ما بعد اللكزس 570 سياره فورويل بكل امانة .
من كل النواحي لو تعددها .

ثانيا ً بالنسبة للأخ بالول :
تعتمد اخوي على قدرتك المالية الحالية
زي ماقالوا الاخوان
هل انت مرتاح ماديا وما تفرق معاك الـ 340 الف ريال ؟
هل تملك بيت ملك ؟ هل انت متزوج واكملت نصف دينك ؟
عيالك طيبين ؟ ماعليهم قاصر ؟
تجارتك ومدخولك الشهري زين ؟
بتاخذها كاش ان شاءالله ؟

ان كانت جميع اجاباتك اعلاه بـ ( نعم )
فتوكل على الله اسأل الله العزيز القدير أن يوفقك ويغنيك
ويمتعك فيها بالخير والصحة والعافيه

وان كانت بعض اجاباتك بـ ( لا )
سواء كانت على مستوى الأولويات الضرورية للإنسان ( مسكن حر ، زواج ، أبناء )
أو كانت على مستوى القدرة المادية ( المدخول الشهري ، امتلاك المبلغ كاش ، لا يوجد عليك التزامات بنكيه )

فأعتقد أن الوقت الحالي اخوي مثلك شايف كيف الحال تغير بشكل واضح جدا ً
ركز على الاولويات واترك الكماليات
شوف السيارة التي تكون جميلة المنظر و معتدلة التكلفة عليك وعلى جيبك
مثلا vxr بـ230 الف ريال
gx بـ 170 الف ريال تقريبا ً
يوكون من 110 ألف إلى 180 الف ريال
شوف شنو اللي يلبي احتياجاتك ويوفي بها وبنفس الوقت تكون اعتدلت في شرائك
ولم تثقل على كاهلك من أجل المظاهر أو حب تملك الجديد .
فكر بنفسك قبل كل شيء
الوقت الآن المفروض السياسة اللي احنا الشباب نعتمدها تتغير حسب الظروف المحيطة
البلد الآن فيها نقص سيولة بشكل واضح لدى المستهلكين والمشترين
او لنقول ( كلن ماسك فلوسه وعاض عليها )
فشوف امورك الخاصة وأولوياتك ومن ثم قرر بارك الله فيك .

أخاك من نصحك

مافيا قطر

14-12-2008, 11:07 PM

والله جبتها اخوى انتعاش صح الوضع مب نفس اول الكل ماسك فلوسه هاى الايام والله يعلم ايش رايح يصير فى الايام الجايه

اخ بالول ان كنت نفس ماقال اخوى انتعاش ظروفك اوك خذه اما اقساط وانت مش مرتب امورك والله طبعا عالم بظروفك فنصيحه لاتشوف غيرك تراك راح تتعب واسئلنى وراح ارد عليك

بالول

14-12-2008, 11:16 PM

الى كل من شارك في الموضوع .......

جد ...جد ...جد .... خجلتوني :shy:على تكرمكم بالرد والمشاركة في هذا الموضوع ....

صراحة كلمة الشكر قليلة بحق كل واحد منكم يا احلى اعضاء باحلى منتدى اشارك فيه

احترت من كثرة الاراء واختلافها مابين مؤيد ومعارض ......

ولكن وبعد استخارة المولى عز وجل .....

رحت اليوم العصر الى وكالة التويوتا وبالاستفسار من الموظف

تبين لي بان هناك دفعة كبيرة من سيارات الكزس وصلت

واصحاب الحجوزات الي من المفترض وصول سياراتهم على شهر

يناير و فبراير 2009 تم تقديم موعد استلامهم ليكون في شهر 12 الحالي

علما بان تاريخ الصنع المسجل على السيارة هو انتاج شهر اكتوبر 2008

وبناءا عليه طلبت من الموظف ان يمهلني 10 ايام فقط وان يستمر الحجز

باسمي .... فوافق على ذلك .....

وخلال هذه الفترة سانتظر ماذا يحل من تطورات في هذا الشأن

فان لاحظت ان هناك استقرار اواشبه استقرار في سعر السيارة

فسأتوكل على الله وننهي اوراقها ان شاء الله:nice:

Thamer_Qat

15-12-2008, 08:40 AM

خذها وتوكل على الله

ولو ماتبيها انا جاهز

بس اليوم لقيت وارد البريمي 320 الف

وين لقيته في اي معرض؟

ايش يفرق عن وارد الدوحه والسعوديه

واشلون ضمانه؟