أسعار الفوت في جميع مناطق قطر

[درب الساعي]

-
-
-
-
-
-
-
-
-
-
-
-
أسعار العقارات التجارية نزلت بنسبة لاتزيد عن 5% وحسب المناطق
أسعار العقارات السكنية داخل الدوحة نزلت بنسبة لاتزيد عن 15% حسب المناطق
أسعار العقارات السكنية خارج الدوحة نزلت بنسبة لاتزيد عن 40% وحسب المناطق

الأسعار المعروضة الأن لاتمثل السعر الحقيقي للفوت نظرا" للحالة الأقتصادية ولايمكن الحكم على سعر الفوت لمنطقة نتيجة بيع أو عرض عقار لشخص واحد محتاج أقل من السوق

[مالي ومال الناس]

انت مسوي احصائية ولا شنو ؟؟

ولا من هب ودب كتب نزلت 5% ولا ماانزلت ؟؟

الاراضي اشوفها انزلت وااايد :shy:

[درب الساعي]

انت مسوي احصائية ولا شنو ؟؟

ولا من هب ودب كتب نزلت 5% ولا ماانزلت ؟؟

الاراضي اشوفها انزلت وااايد :shy:

ولايمكن الحكم على سعر الفوت لمنطقة نتيجة بيع أو عرض عقار لشخص واحد محتاج أقل من السوق

[السهم الثابت]

كلام سليم ومافية شي الا سوالف الي فاضين انا اقول ان الكل متمسك ولا شي صارر يمكن يكون بيع في السنة القادمة للمحتاجين فقط وبسعاررر معقولة

[بومبارك505]

كلامك عين العقل وانا اعرف ناس باعوا بأقل من سعر السوق لأنهم محتاجين مش اكثر والله يوفق الجميع

[الكواري]

2009 هي سنة ازمة الرهن العقاري في قطر

الله يستر .. بس

[واقع]

100 % :nice:

[برق قطر]

صحيح في ناس باعو محتاجين...بس ماعتقد كل الناس اللي باعو محتاجين...ولا كل العقارات اللي نزل سعرها بسبب حاجة الملاك للسيوله....مثلاً انا من فظل ربي مالي حاجة في السيولة وعقاري نزل سعره...ايش تفسيره غير ان كل العقارات انزلت؟؟؟؟

[ANONYMOUS]

ولايمكن الحكم على سعر الفوت لمنطقة نتيجة بيع أو عرض عقار لشخص واحد محتاج أقل من السوق

وليش يوم كانت الناس تشتري مضطره بالشراء بأعلى من سعر السوق .. ترتفع اسعار كل الاراضي المجاوره بنفس القيمه


لاتزن بمكيالين يا اخي الكريم

[جهينه]

وليش فيه حد طلع من المسئولين وقال هذي الاسعار مبالغ فيها لاتشترون لين انحددها ايضاربون لين ضخموا كل شي .....حتى البترول تموا ايضاربون فيه لين ارفعوه ويوم جا ينزل حددوا له سعر ليش عجبي ؟؟!! ...:nice:

[طواش]

ممكن أحد يزودنا بأسعار الفوت في مناطق قطر .

[مجرد وهم]

انا اتف معاك انه البيع والشراء الي صار في الفتره الاخيره لا يمثل سعر السوق الحقيقي والدليل تفاوت اسعار المعروض بس سامحني ياخوي المعدلات الي انت حطيتها غير صحيحه لانها ناتجه من حسابات شخصيه لا تتفق معى عرض وطلب السوق وهاذا مش معناته اني ما تفق معاك في بعض الكلام لاكن النسب هاذي غير صحيحه .. فيه سيوله موجوده وفيه معروض باسعار حلوه وبعد ما فيه شراء دليل على فقداد الثقه لدى المستثمر العقاري .. في النهايه كلن يقول الي يبي هاذا منتدى مفتوح بس السوق ما يمشي على كلامي او كلامكم .. يا جماعه ارجوكم تاكدو من الكلام الي تقولونه والنسب الي تحطونها لانه فيه الكثير تاخذها كمقياس وتشتري على اساسها .. والكثير يروج الاشاعات لغرض معين .. وياجماعه الاسعار نزلت مثلا في ام عبيريه 70 في الميه لتوفر الاراضي في هذه المنطقه ولكثرة ملاكها ولتعدد اوضاع الملاك الماليه .. وفي مناطق ما انزلت الا 40 في الميه لندرة الاراضي في هذه المنطقه ولقلة ملاكها .. وبالتوفيق للجميع .. احذرو من الاشاعات

[ANONYMOUS]

في الجريده احد محلات العقارات حاط اسعار الاراضي..

بس اسعار عاليه,, الظاهر ماعنده ابديت..

ولا يبي يفرض الاسعار على الناس ..

ما أريكم إلا ما أرى

[hamad-007]

اخواني ..... الزبده الارتفاع الغير مبرر اكيد له نزول غير مبرر والكل كان يدري انه بتكون في نكسه قويه للعقار وهذي يمكن تكون وجهة نظري ..

بالتوفيق للجميع............

[a77md]

الاسعار نزلت كثير في ارض تجارية في معيذر نزلت اكثر من 50% وبيعت واسئل مكاتب معيذر

[شورت تايم]

النزول يالغالي في كل مكان

ويوم قلنا ان النزول مستمر محد صدق
وزعلو علينا كل الاعضاء

وارد واقول ان 2009 بيكون بعد
في نزول قوي في العقارات و في الاراضي
وحتى في مواد البناء

[ممنوع اللمس]

مشكور اخوي عالطرح

[fbk]

السلام عليكم

اليوم انا بايع قطعتين في ام عبيريه على 90 الفوت

هذا لتعم الفائده والله على ما اقول شهيد

[أم قطرية]

السلام عليكم

اليوم انا بايع قطعتين في ام عبيريه على 90 الفوت

هذا لتعم الفائده والله على ما اقول شهيد



وقبل بكم كان الفوت في ام عبيرية

وشكراااااا لصاحب الموضوع

[القناص]

وقبل بكم كان الفوت في ام عبيرية

وشكراااااا لصاحب الموضوع

250 ريال للفوت