مكيفات الميتسوبيشي وين أحصلها... [الأرشيف] - منتديات شبكة الأسهم القطرية

مشاهدة النسخة كاملة : مكيفات الميتسوبيشي وين أحصلها...

هجمة مرتدة

17-12-2008, 12:36 AM

يا جماعة أنتوا مدحتوا لي مكيفات الميتسوبيشي...

أنا رحت البناسونيك.. من كم يوم واشتريت مكيف سبلت بو طنين ونص..

للأسف التمديدات طلعت في الجهة الثانية من المكيف... يعني الحل يا أني أكسر الطوفة علشان التمديدات..

أو أني ارجع المكيف وأشتري نوع ثاني من شركة ثانية...

فقلت بشتري من الميتسوبيشي...

لكن من الوكيل؟؟ ومن وين اشتريه..؟؟

وحد عنده فكرة عن السيرفس؟؟ جيد؟؟ ولا تعيس...؟؟

بروفشنال

17-12-2008, 01:03 AM

هلا الشيخ الميتسوبيشي من احسن المكيفات وشركتهم ممتازه ومحلهم موجود اول شارع الكهربا على اليمين مقابل المواقف اللي جنب مسجد الديوان القديم واعتقد وكيلهم التيسير

فتك العديد

17-12-2008, 01:10 AM

وكيلهم المانع او المناعي للاكترونيات جرب تتصل فيهم
واتوقع الشركه قريبه من اشارات رمادا
بس انصحك خذ من عند الوكيل احسن لانه في نوعيه تجميع عند باقي المحلات

قطري vip

17-12-2008, 01:31 AM

اشدخل المناعي اهووكيلهم التيسير اللي جنب بنك قطر الدولي الاسلامي اللي بشارع الكهربا ولا تاخذ ميتسوبيشي الكتريك ترى هذا التجاري اخذ الياباني الاصلي فقط وسعره تقريبا 6000 ريال للطنين سبليت

اللورد

17-12-2008, 01:50 AM

مكيفات ميتسوبيشي تنباع على طريق سلوى ووكيلهم التيسير للتبريد

هجمة مرتدة

17-12-2008, 02:14 AM

بيض الخعفق

17-12-2008, 02:18 AM

اخوي
وكيل مكيفات الميتسوبيشي
هو محلات الكوهجي
عند اشارات مجسم السيفين
في شارع حمد الكبير
سوق الوطن

qatari1

17-12-2008, 02:20 AM

يا جماعة شلون أعرف الاصلي من التجاري
بيقول لي اللي يشتغل انه اصلي

عاد انا وش عرفني...

بعدين 6000 للطنين؟؟؟ انا ابي طنين ونص سبلت... بكم تتوقعون يكون..؟

والوكيل في طريق سلوى ولا شارع الكهرباء... أنا بكره لازم اروح اشتري مكيف...

الكمبريسر عندي اخترب.. وتغييره في حدود 3000 ريال.. فقلت اشتري مكيف جديد واغير الترين اللي عندي ابرك...

مشكورين

أخي الكريم...

الوكيل الحصري لمتسوبيشي في الشرق الأوسط وقطر هو الشركة الحديثة للإلكترونيات.

موقعهم في شارع الهندسة بعد إشارات المنتزة على يدك اليمين بجانب نظارات الكواري-الدور الثاني.

الطنين سبلت بحوالي 3500 صناعة تايلندية، والتمديدات لا تزيد عن 5 أمتار.
مكيف ممتاز، وعليه ضمان.

هجمة مرتدة

17-12-2008, 02:24 AM

أخي الكريم...

الوكيل الحصري لمتسوبيش في الشرق الأوسط وقطر هو الشركة الحديثة للإلكترونيات.

موقعهم في شارع الهندسة بعد إشارات المنتزة على يدك اليمين بجانب نظارات الكواري-الدور الثاني.

الطنين سبلت بحوالي 3500 صناعة تايلندية، والتمديدات لا تزيد عن 5 أمتار.
مكيف ممتاز، وعليه ضمان.

أخوي الميتسوبيشي صناعة يابانية.. شلون تكون تايلندية...

أنت تستخدم هالنوع من المكيفات؟؟ شلون التبريد؟؟

والسيرفس مابعد البيع شلون؟؟

بيض الخعفق

17-12-2008, 02:26 AM

ضاع الريال
اخوي انا من 6 شهور شاري من عندهم مكيف ويندوز
ومافي اي مشاكل
وهذا رقمهم لو حبيت تتصلهم بهم
4449020
4449030
بتحصل عندهم الياباني والتقليد

qatari1

17-12-2008, 03:48 AM

أخوي الميتسوبيشي صناعة يابانية.. شلون تكون تايلندية...

أنت تستخدم هالنوع من المكيفات؟؟ شلون التبريد؟؟

والسيرفس مابعد البيع شلون؟؟

نعم أخوي صناعة تايلندية، وهناك صناعة يابانية أيضاً، ولكن السعر أغلى.

وأنا اشتريت واحد تايلاندي منذ 6 شهور، والتبريد ممتاز.

لم أجرب الصيانة أو الخدمة حتى الآن.

qatari1

17-12-2008, 03:51 AM

ضاع الريال
اخوي انا من 6 شهور شاري من عندهم مكيف ويندوز
ومافي اي مشاكل
وهذا رقمهم لو حبيت تتصلهم بهم
4449020
4449030
بتحصل عندهم الياباني والتقليد

الكوهجي موزع وليس وكيل!

ولا يوجد ما يسمى بالتقليد.
نفس الكمبريسر والتكنولوجيا، ولكن الفرق قي بلد المنشأ.

المهم العلامة التجارية للمنتج، وليس بلد الصنع.

بو عبدالرحمن السهم

17-12-2008, 04:06 AM

انا ماخذ مكيف متسوبيشي من التيسير للتبريد من شهر وهم وكيل لمتسوبيشي ومكانهم طريق سلوى

هجمة مرتدة

17-12-2008, 03:50 PM

تسلمون يا جماعة الخير...

الليلة أمرهم ان شاء الله...

Bohamad

18-12-2008, 12:36 AM

انا انصحك بمكيفات الهيتاشي يابانية اسعارهم معقولة وخدمة وصيانة فوق الممتازة معرضهم عقب مطعم ليالي قبل دوار مدماك واقولك عقب تجربة .
وربي يوفقك .

امير البحر

18-12-2008, 11:39 AM

باين ضيعوك الربع

يا خوي انا شاري مكيفات ميتسوبيشي من 6 سنين الشهادة لله انها ممتازة و الصيانة ممتازة بتليفون واحد هم عند البيت

كان خابر مكانهم شارع الكهرباء على اليمين و أعتقد انهم مازلوا نفس المكان و يمكن صار عندهم فرع ثاني

تحياتي

وسمي2016

18-12-2008, 12:24 PM

يا جماعة شلون أعرف الاصلي من التجاري
بيقول لي اللي يشتغل انه اصلي

عاد انا وش عرفني...

بعدين 6000 للطنين؟؟؟ انا ابي طنين ونص سبلت... بكم تتوقعون يكون..؟

والوكيل في طريق سلوى ولا شارع الكهرباء... أنا بكره لازم اروح اشتري مكيف...

الكمبريسر عندي اخترب.. وتغييره في حدود 3000 ريال.. فقلت اشتري مكيف جديد واغير الترين اللي عندي ابرك...

مشكورين

الوكيل الحصري هو:: التيسير للتبريد و التكييف,,,و موقعهم الجديد بشارع سلوى قبل دوار قطر للديكور وانت نازل من جسر المدماك.

بعد انتقالهم من شارع الكهرباء بسبب الازاله للمنطقه.

واذا تبي تعرف الاصلي فهو مكيف ميتسوبيشي دايا

خالد32

18-12-2008, 05:20 PM

الوكيل الحصري هو:: التيسير للتبريد و التكييف,,,و موقعهم الجديد بشارع سلوى قبل دوار قطر للديكور وانت نازل من جسر المدماك.

بعد انتقالهم من شارع الكهرباء بسبب الازاله للمنطقه.

واذا تبي تعرف الاصلي فهو مكيف ميتسوبيشي دايا

كلامك صحيح اخوي
اسم المكيف MITSUBISHI HEAVY INDUSTRIES (DAIYA)
الشكل واحد
فيه سرعتين بس و مؤقت كنترول حراره
عيبه التنقيط في الصيف (عندنا 28 مكيف)
السيرفس نص و نص و الضمان نفس باقي الشركات