ممكن نعرف سبب تسجيل في منتدى شبكة الاسهم القطريه

[مستر بن]

اخواني واخواتي الاعزاء
اتمنا من كل واحد منكم ان يشرح لنا سبب تسجيله في منتدى شبكة الاسهم القطريه فكل واحد له نضريته الخاصه حول هذا الموضوع
وممكن يستفيد الأخرين منها
والبدايه مني
سجلت في هذا المنتدى من اجل "" سمعته المتميزه ""

[مزيون الدوحه]

وانا كنت اسوي بحث في قوقل
( بيع روس تريلات )
وحصلت المطلوب وسجلت في المنتدى :nice:

هذاهو السبب واذا عرف السبب بطل العجب ههههههههه <<< شدخل ؟ :shy:

[!قطريـة بنت القمـر!]

للاسف انا من فترة طويلة مسجلة بمنتدى ثاني كنت وعبالي اهوا هالمنتدى وبعدين اكتشفت الغلط وجيت وسجلت هني وشفت الفرق وعرفت ان هذا هو المنتدى اللي كنت ابيه .... وسبب التسجيل فضول بعالم الاسهم بس مع الوقت لقيت المنتدى يناسبني من ناحية النقاشات والجدية .... وايضا لوجود ناس من اهلي فيه .... ومشكور يا راعي الموضوع على السؤال الجميل :) ....

[ناصر العمادي]

سبب تسجيلي في هذا المنتدى الرائع هو متابعة الأسهم وأخبارها فقط لاغير ...

وبعد فتره طويله بدأت أدخل على العام وكيفت على المنتدى لأني أول مره في حياتي أدخل منتدى ..:secret::secret:

والحمدلله أن أختياري كان سليم 100% :nice::nice:

يسلموا على الموضوع الخفيف

الله يوفقك ويسعدك ويرضى عليك يارب

كل الشكر والتحيه والتقدير لك

[بوعلي2]

انا سبب تسجيلي قسم السيارات كل قسم السيارات اشوف السيارات وللبيع وللشراء وبعدها دخلت العام والاستراحه وكنت في منتدى قبل هذا كانت لي مشاركات تقريبا 32 الف مشاركه بس صار بايخ الحين هذا منتدى احسن منه بالف مره وسمعته عاليه وكل شي فيه راقي ووجودكم كفايه يشرح الصدر ونستفيد منكم ومن خبراتكم بالحياه وعسى الله لايحرمنا من بعض وشكرا ياصاحب الموضوع على طرحك اياه

وتقبلوا مروري :shy:

[قطريه ماركه]

سبب تسجيلي هو دعوه من احدى الصديقات اللي مدحت لي هالمنتدى ..

وكنت دايما في سوق المنتدى وهالشي يتطلب تسجيل ^__^

والحين أكثر شي الاستراحه و العام والسوق ..

[همي علي قدي]

لايوجد سبب:whistling:

[النجلا]

انا كل مااسوي بحث في قوقل عن شي يطلع المنتدى في وجهي <<< رزة فيس ههههههه

المووهم قمت اتصفح المنتدى وعجبني من ناحية التقسيم يعني مافيه ستين الف قسم نفس باقي المنتديات اللي تخلي الراس يفتر وياها والسبب الثاني للأمانه شفت أعضاء راقيين في اسلوبهم وناس مثقفين وواعيين للكلام اللي يكتبونه وانه مافيه يهال :) ووبس

[الكولونيل]

بصراحة سوق المنتدى هو اللي شجعني لطلب التسجيل والإشتراك وأيضا للرد على بعض المواضيع المميزة مع إني متابع قديم للموقع وللأمانة موقع مميز مايعطي الواحد فرصة إنه ينتقل الى مواقع أخرى

[بولينجر]

فضول الاسهم... ابي اعرف شسالفتها.... وابي اتعلم التحليل الفني....

[سداوي&مدريدي]

الأسباب كثيره لاتعد ولاتحصى

:nice:

[بوحارب]

كنت دور على تحاليل للأسهم ولقيتها اهني ^ ــ ^

[بوالفاروق]

سبب تسجيلي للمنتدى نفس سبب بولينجز
بالإضافة لسوق المنتدى ,, سوق ممتاز فيه أشيا عجيبة
وبعد المنتدى العام أحسه الاعضاء مش صغار كبار بعقولهم
واسلوبهم ,,

ويعطيك العافية

[بنت المنتدى]

سبب تسجيلي لأن ناس كثيره امدحته وأول مره بحياتي اسجل في منتدى قطري ..

شكراً لك

[qatar.up]

سبب تسجيلي في هالمنتدى هو سماعي لقصة ابو البورصة الله يرحمه ويغمد روحه الجنه

تأثرت في قصته كثير حتى اخوي كان يشرحلي يوم وفاته فسارعت لأقرأها وسجلت بالمنتدى

رحمة الله على موتى المؤمنيين جميعاً ...

[بن درويش]

اخبار البورصه وسوق السيارات والعقار وقسم الشريعه

[مريش]

هههه بالضبط مادري ليش
يمكن كنت لان ابي اتعلم عن الاسهم يمكن شي جذي
وسجلت وعقب تطور الوضع

[مستر بن]

escapeشاكر لكم مروركم ويستاهل هالمنتدى كل الاعضاءescape

[Most Wanted]

السبب الأسهم الله لا يعودها من ايام سوده

[mubarak2]

سجلت في منتدى شبكة الأسهم القطريه

لأنه أفضل وأحسن موقع قطري شامل ومفيد

وأشكر جميع القائمين عليه والمتابعين فيه

وبيض الله وجوهكم وكثر الله من أمثالكم

وإلى الأمام إن شاء الله

[وكراوي]

السلام عليكم

ماذكر ليش !!!!!!!!!!

بس الحمدلله اني مسجل فيه

الله يعطيكم العافيه

تحياتي للجميع

[بورصجية]

السلام عليكم
انا سجلت فيه لانو منتدى حكومي
لازم التسجيل فيه ببريد حكومي
يعني من الاخر موش هيلم كل من هب ودب وهتكون فيه فئات راقية في التعامل ودا فعلا الي لاقيته

وكان طبعا السبب الرئيسي الاسهم لانو بصراحة انا استفدت منو كتير في موضوع الاسهم والجلسات

اخر حاجة السوق جميل
والاخبار بعرفها من المنتدى قبل الجرايد

بالتوفيق يا شبكة الاسهم القطرية

[كويتى1]

متابعة الأســـــــــــــــــــــــــــــــــــــــــــهم القطـــــــــــــــــــريه الشـــــــــــــــي الى شدنى

[ALRAYYAN]

سبب تسجيلي هو سوق المنتدى وقسم السيارات تحديداً

لأني تاجر ارقام .. ابيع واشتري ارقام السيارات من سنة 2003

ولقيت في المنتدى اقسام وااايد حلوه مثل العام واللاستراحه وحبيت هالمنتدى

موضوع حلو

[غزلان]

الأسم لوحده من قريباتي سجلت في بداية المنتدى ولا استخدمته خذته منها وشاركت فيه

[بوخالد911]

جتني دعوة

وسجلت فيه

وكان يوماً لا يُنسى بالنسبة لي
!!@@!!

[أمير المحبه]

الأسباب كثيره لاتعد ولاتحصى

:nice:

ههههههههههههه الاسباب كثيره يابو الاسباب تعال اقولك :eek5:
موب موتر انت وشاهين ورفيجكم الثالث من متى في التوقيع
السياره ماشيه ولللللللل مايخلص البترول كلش :eek5:
لو خلص عندك محة السيف ادلها ههههه :tease:
ماحست كلش :whistling:

[أمير المحبه]

اخواني واخواتي الاعزاء
اتمنا من كل واحد منكم ان يشرح لنا سبب تسجيله في منتدى شبكة الاسهم القطريه فكل واحد له نضريته الخاصه حول هذا الموضوع
وممكن يستفيد الأخرين منها
والبدايه مني
سجلت في هذا المنتدى من اجل "" سمعته المتميزه ""

هييييييه انا قصتي قصه شوفو :(
كان ياماكان في قديم الزمان
كنت افررفرر في النت وفجأه طلع الذيب يعني المنتدى :( ونضر الي ونضرت اليه
وانا في قمة استغرابي هل اسجل ام لا اسجل صليت صلاة استخاره خخخخخ
:tease: المهم وفجأه بيدون اي تفكير سجلت واااااه بعدما سجلت اخذ
هاذا المنتدى كل ما املك هذا الذءب اخذ مني اغلى ما املك اخذ عقلي واخذ تفكيري
ودون ان يستاذن مني سيطر على قلبي ودخل غرفتي وسيطر عليها :(:weeping:
وهذيهي نهاية القصه ارجو ان تنال اعجابكم :victory:

[مافيا قطر]

انا اشتركت فيه يوم الاسهم كانت فى عزها والسلام على 60 ريال قالى عنه واحد من الربع قلت خلنى اسجل

وكل ما ادش النت لازم ادخل المنتدى

[صمت القلوب]

انا عرفت المنتدى عن طريق واحده من صديقاتي ....
واللي اعجبني في هالمنتدى ...
الفئه اللي فيه كبيره بالعمر واهل خبره
يحاور مشاكل اللي تخص قطر ... والاشياء الجديده اللي تحصل فيها ...
فيه نضج كافي لحوار بعض المواضيع الكبيره .... لاتصلح لباقي منتديات قطر ....حيث
اغلبها مراهقين ....او يحصل اهمال للعضو من حيث الردود ... والمتابعه له
ووجدت كل هذا في منتدى الاسهم .... والحمدالله ...بالرغم من بعض العيوب الصغيره

اشكرك ..مستر بن على طرح الموضوع ...
تقبل مروري ...

اختكـ
صمت القلوب

[الحالمه بالجنان]

اقول ..

ولا ما اقوول.. <انهبلت البنت

بصرااحه انا امي هني مشاركه في المنتدى الجميل ياني فضول اكتشف المنتدى

دخلت وعجبني شاركت بس ما را اقول لكم من هي امي


P=

[barod]

سبب التسجيل صديقي مدح لي الموقع ودخلته واكتشفت انه ممتاز طبعا بمواضيعه وباعضائه المميزين