معقوله هذا اللي يصير بالكورنيش

[الطيبة كلها]

اليوم كنت على الكورنيش مع زوجي واطفالي قريب اذن العشاء وكنا فرحانين بالاغاني الوطنية والنوافير المائية بس عند وقت الاذان توقعت يسكرون المايكروفونات او يحطون الاذان ابدا الاغاني على طول الكورنيش واللي يشتغلون انجليز مت من القهر تمنيت اشوف مسؤول واحد انجليزي او قطري عند الاذان علشان اقولهم لاني عند الدين وكلمة الحق ما اسكت بس للاسف ولا واحد شفت حزتها مشيت وانا الغصة بقلبي

وعلى فكرة السبت الماضي ذهبت للؤلؤة وعند اذان المغرب بكم دقيقة جان اشوف 5 اجانب بلبس تنكري وطق طبول ومزامير وقفتهم وقلت لهم لو سمحتوا وقفوا شوي وهو يضحك معاي يقول اشتبين حسباله بطلب اغنية معينه علشان نرقص عليها مع عيالي جان اقوله لو سمحت ممكن توقفون عزف 5 دقايق علشان الاذان واعتذروا مني ووقف وقال احنا ما ندري قلت الحين دريت ممكن 3 د ستوب بليز اخخخ ووراهم هندي بجهاز اللاسلكي وقلت له والا يجي قطري مسؤول كان جاي وشافني بهذا الموقف قال مسكين جزاج الله خير اختي احنا ماعطينهم تعليمات يوقفون قلت متى لين خلص الاذان


رجاء اخواني يد واحده ما تصفق لازم التعاون وعدم السكوت بمطعم والا مجمع او اي مكان
لا تسسسسسسسسسكتون والله يثبتنا

[swedan_qatar]

والله انك كفوا واخت رجال .. ياليت يكون عندنا مسؤولين مثلك .. رحم الله والديك

[ss26]

ماينشره عليهم

[النجلا]

جزاج الله خير اختي

[فارس قطر]

الاذان موظة قديمة

احنا في عصر الانفتاح

اللهم لاتؤاخذنا بماعمل سفها ء هذا البلد عليك بهم يارب العامين

كثر الفسق والفجور

حسبي الله ونعم الوكيل فيهم

[!قطريـة بنت القمـر!]

اذا في بعض الناس من المواطنين الله يهديهم مايعرفون يسوقون من غير الاغاني سواء اذان ولا غيره وحتى بعز رمضان نسمع والادهى يبطلون الدرايش واغاني غريبة عجيبة تقولين بلوس انجلوس وياللي ما يشتري يتفرج ؟؟ بنلوم الاجانب ؟؟ والله اكثر شي يحز بالنفس صوت الاغاني مع صوت الاذان ولا من متكلم ولا منكر في بعض الاحيان .... الله المستعان بس ....

[الطيبة كلها]

شكرا اخواني على الردود بس ابغيكم مثلي ماتسكتون بهاذي المواقف مثل الاذان او اشياء مخله للادب تراهم يخافون منا والله لو تعرفون مواقفي مع الاجانب ما بتصدقون ما اسكت عن الغلط خاصة على شاطئ البحر

[الطيبة كلها]

اذا في بعض الناس من المواطنين الله يهديهم مايعرفون يسوقون من غير الاغاني سواء اذان ولا غيره وحتى بعز رمضان نسمع والادهى يبطلون الدرايش واغاني غريبة عجيبة تقولين بلوس انجلوس وياللي ما يشتري يتفرج ؟؟ بنلوم الاجانب ؟؟ والله اكثر شي يحز بالنفس صوت الاغاني مع صوت الاذان ولا من متكلم ولا منكر في بعض الاحيان .... الله المستعان بس ....


عارفة اختي بهاي المواقف اضغط على حلجي علشان ما اقدر اتكلم بس اعطيهم نظرات حادة ونظرات استهزاء لو كنت ريال جان قلت لهم باسلوب حلو ومحرج

[أخت الغالي]

اي والله صدقتي حتى انا امس كنت بذخيرة عند المستشفى ولا ياذن واغنية يوم السعد شغالة والتصوير ماسكروا الابعد ماذن ,,

[الجزيرة]

... جزاك الله خير اختى وكثر الله من امثالك ....

[{ آلكــــآدي ~]

الله يجزاج كل خير
ويكثر من امثالج


ان شاء الله مابنسكت عن الغلط

[ميعاد]

الله يجزاك الخير أختي

ونتمنى تكاتف الجهود كلها للحفاظ على الوية الإسلامية

تقبلي مرور أختك ميعاد

[ام الذيب]

السلام عليكم

تدرين اختي صادني نفس الموقف في ماكس اللي في السيتي ، أذان العصر يأذن وهم مطولين عالاغاني لآخر حد ولا أغاني انجليزيه بعد احترررررق قلبي ان القطريات يتسوقون ومافي وحده منهم قالت لهم يسكرون الاغاني ،، ويوم رحت حق اللي قاعد عالكونتر وقلت له لو سمحت سكره أعتقد أذان يأذن والمفروض تسكرونه بدون محد ينبهكم قال لي سوري مدام بس مافي حد اهني عشان يروح يسكره وانا ابروحي احاسب ويكلمني من طرف خشمه ومب راضي يلتفت علي عاد اهني ارتفع ضغطي قربت منه وقلت له بتسكره ولا أكسر المسجل على راسك على باله باأسكت عنه ولا بـ أخاف منه يوم شاف الصج في عيوني قال اتز اوكي مام اي ول كلوزت ناو ،، يعني في بلادنا ويمشونا على هواهم ومستقوين علينا والله مااييون الا بالعين الحمرا والشرهه على المسلمين اللي ساكتين عنهم ..

المفروض احنا يامسلمين مانسكت عنهم خصوصا بأمور دينا وعاداتنا وتقاليدنا ونخليهم يحترمونا غصب عنهم مثل مانحترمهم في بلادهم ..
جزاج الله خير اختي وبارك الله فيج ان شاءالله..

[الطيبة كلها]

الله يجزاج كل خير
ويكثر من امثالج


ان شاء الله مابنسكت عن الغلط

اي برافوا هذا اللي ابغيه عدم السكوت عن الغلط ساعدوني علشان نكون اقوياء ويخافون منا ها الاجانب

[الطيبة كلها]

السلام عليكم

تدرين اختي صادني نفس الموقف في ماكس اللي في السيتي ، أذان العصر يأذن وهم مطولين عالاغاني لآخر حد ولا أغاني انجليزيه بعد احترررررق قلبي ان القطريات يتسوقون ومافي وحده منهم قالت لهم يسكرون الاغاني ،، ويوم رحت حق اللي قاعد عالكونتر وقلت له لو سمحت سكره أعتقد أذان يأذن والمفروض تسكرونه بدون محد ينبهكم قال لي سوري مدام بس مافي حد اهني عشان يروح يسكره وانا ابروحي احاسب ويكلمني من طرف خشمه ومب راضي يلتفت علي عاد اهني ارتفع ضغطي قربت منه وقلت له بتسكره ولا أكسر المسجل على راسك على باله باأسكت عنه ولا بـ أخاف منه يوم شاف الصج في عيوني قال اتز اوكي مام اي ول كلوزت ناو ،، يعني في بلادنا ويمشونا على هواهم ومستقوين علينا والله مااييون الا بالعين الحمرا والشرهه على المسلمين اللي ساكتين عنهم ..

المفروض احنا يامسلمين مانسكت عنهم خصوصا بأمور دينا وعاداتنا وتقاليدنا ونخليهم يحترمونا غصب عنهم مثل مانحترمهم في بلادهم ..
جزاج الله خير اختي وبارك الله فيج ان شاءالله..

ربي يكثر من امثالج ويثبتج ويبارك فيج كفوا والله خاصة لما قلتي له بتسكرة والا بكسر المسجل فوق راسك ودي ابوس راسج من اللي سويتيه

[الطيبة كلها]

ومشكورين اخواني وخواتي على ردودكم الحلوة

[بوخالد2]

لاحول ولاقوه الابالله

[أمير المحبه]

والله اختي الغاليه عندي راي لو اي حد مسؤل راح للي في لؤلؤه ونبهم بس مره يخافون
بس شتقولين اذا المسائيل مخلين هالاجانب على راحتهم شبتنطرين منهم ان اهم يصكرون الاغاني
من نفسهم خلي نتكلم ابصراحه هاي شي مستحيل تجي منهم والغلط على مسؤلهم اللي معطيهم
الخيط والمخيط والشره موب عليهم على مسؤلهم اللي مفروض نبههم ابوقت الاذان
شبصير لو عطاهم اورقه في مواقيت الاذان بالاجليزي بيتعب لا والله بس اشبتقولين
احنا انحاول انشالله معاج ابكل الطرق يالغاليه ومايصير خاطرج الا طيب
بس بقولج انلحق وشو ولا وشو اللي يصير في المسيره والا اللي يصير من البنات ولا من الشباب
ولا من الاجليز خليها على الله

[الطيبة كلها]

حاول اخوي اذا كنت انت بمطعم ممكن اكون انا بمحل وغيرنا بمجمع والاخر بجانب سيارة حد من الشباب اللي يشغلون الاغاني بصوت عالي عند الاذان ما راح نخسر

[khaldoon]

بارك الله فيج وكثر الله من امثالج اختي

[الطيبة كلها]

تسلم اخوي والله يبارك فيك وبهلك والمسلمين كلهم اللهم امين

[ذيبه مزاجيه]

الله يجزيج الخير و يجعله في ميزان حسناتج و يكثر من امثالج

[qatar.1995]

اليوم كنت على الكورنيش مع زوجي واطفالي قريب اذن العشاء وكنا فرحانين بالاغاني الوطنية والنوافير المائية بس عند وقت الاذان توقعت يسكرون المايكروفونات او يحطون الاذان ابدا الاغاني على طول الكورنيش واللي يشتغلون انجليز مت من القهر تمنيت اشوف مسؤول واحد انجليزي او قطري عند الاذان علشان اقولهم لاني عند الدين وكلمة الحق ما اسكت بس للاسف ولا واحد شفت حزتها مشيت وانا الغصة بقلبي

وعلى فكرة السبت الماضي ذهبت للؤلؤة وعند اذان المغرب بكم دقيقة جان اشوف 5 اجانب بلبس تنكري وطق طبول ومزامير وقفتهم وقلت لهم لو سمحتوا وقفوا شوي وهو يضحك معاي يقول اشتبين حسباله بطلب اغنية معينه علشان نرقص عليها مع عيالي جان اقوله لو سمحت ممكن توقفون عزف 5 دقايق علشان الاذان واعتذروا مني ووقف وقال احنا ما ندري قلت الحين دريت ممكن 3 د ستوب بليز اخخخ ووراهم هندي بجهاز اللاسلكي وقلت له والا يجي قطري مسؤول كان جاي وشافني بهذا الموقف قال مسكين جزاج الله خير اختي احنا ماعطينهم تعليمات يوقفون قلت متى لين خلص الاذان


رجاء اخواني يد واحده ما تصفق لازم التعاون وعدم السكوت بمطعم والا مجمع او اي مكان
لا تسسسسسسسسسكتون والله يثبتنا



بيض الله وجهك

والله انك راعيته وعند الله لك الجر العظيم


ان شااااااء الله ياربي

[ام الذيب]

ربي يكثر من امثالج ويثبتج ويبارك فيج كفوا والله خاصة لما قلتي له بتسكرة والا بكسر المسجل فوق راسك ودي ابوس راسج من اللي سويتيه

اللهم آميـــن .. تبوسين الكعبه ان شاءالله

صدقيني لما يشوفنا احنا ياعرب ويامسلمين فينا غيره على دينا ونحترمه ونحترم عاداتنا وتقاليدنا اللي ربونا عليها أمهاتنا ويداتنا والله بيحترمونا غصب وبيحطونا على راسهم من فوق بس لما يشوفون العكس ومحد مهتم فــ ليش هم يهتمون دامنا احنا يامسلمين مب مهتمين !!

وأتمنى الكل يوقفهم عند حدهم خصوصا لما توصل للدين والله بيكون معانا دام نيتنا خالصه لوجهه الكريم ..

[سلمى76]

جزاك الله خير اختي
وكتر الله من امثالك
وهذا اللي اقوله دايما ان اهلنا القطريين يجب ان يكونوا
في اول الصف لمواجهة تيارات العولمة والتغريب في مجتمعهم
لانهم فعلا بيخافوا منكم
هؤلاء الاجانب جم البلد وهمهم اكل العيش
فلو وجدوا ان اهل البلد لا يرضيهم هذا الحال هيتلموا
ويحترموا نفسيهم

[الطيبة كلها]

تسلمون يا الغالين على المرور وربي يحفظ بلادنا والمسلمين بكل مكان - ترى الاجانب يخافون منا وايد صدقوني

[بومحمد911]

الله يجزيج خير اختي على غيرتك على دينك والله يكثر من امثالج

وتقبلوا تحياتي

[الطيبة كلها]

تسلمون اخواني وخواتي والله يثبتنا