الي يبي يعرف كيف يقيم السياره

[MLAAS]

السلام عليكم .. حبيت اني افيدكم بسعر السيارات في السوق .. وهل هي تستاهل او لا


اذا السياره ب 100 الف ... خروجها من الشركه ينزل من قيمتها من 5 الى 7 الاف
وكل ماتمشي 3000 كم .. تنزل من قيمتها 5000 ريال .. والسنه الثانيه كل يحسبون 3000 كم ب 2000 ريال .. والسنه الثالثه 3000 كم ب 1000 ريال .. ومن بعد السنه الثالثه تكون السياره مسعره على حسب العرض والطلب .. وكل ماكان قطع غيار السياره غالي كل ماكانت السياره خصمياتها اكثر


واذا فيها ضربات عاد على حسب .. اذا تبديل نقص من قيمتها زود 2000 ريال

يعني السياره قيمتها 100 الف لو كانت موديل 2007 ماشي 24000 كم ومافيها دعمات تستاهل 60 الف الين اليوم وهذا يكون سعرها المعقول .. بس اذا كانت ماشيه اكثر من 24000 كم ونفس الموديل .. تعتبر السياره مستهلكه لانه الاستعمال الطبيعي 20000 كم في السنه


وهذي حسبه بعض شركات السيارات الي تشتري السيارات المستعمله ..

وانشالله اني ماقصرت وياكم .. تحياتي لكم :)

[بوعلي2]

يعطيك العافيه ع المعلومات شكرا لك

[MLAAS]

يعطيك العافيه ع المعلومات شكرا لك

الله يعافيك :) ومشكور على مرورك الشيخ

[نيساني]

يسلمووووو وماقصرتي:nice:

[MLAAS]

يسلمووووو وماقصرتي:nice:

ماقصرتي = ماقصرت :nice:


الله يسلمك

[qatar25]

السلام عليكم .. حبيت اني افيدكم بسعر السيارات في السوق .. وهل هي تستاهل او لا


اذا السياره ب 100 الف ... خروجها من الشركه ينزل من قيمتها من 5 الى 7 الاف
وكل ماتمشي 3000 كم .. تنزل من قيمتها 5000 ريال .. والسنه الثانيه كل يحسبون 3000 كم ب 2000 ريال .. والسنه الثالثه 3000 كم ب 1000 ريال .. ومن بعد السنه الثالثه تكون السياره مسعره على حسب العرض والطلب .. وكل ماكان قطع غيار السياره غالي كل ماكانت السياره خصمياتها اكثر


واذا فيها ضربات عاد على حسب .. اذا تبديل نقص من قيمتها زود 2000 ريال

يعني السياره قيمتها 100 الف لو كانت موديل 2007 ماشي 24000 كم ومافيها دعمات تستاهل 60 الف الين اليوم وهذا يكون سعرها المعقول .. بس اذا كانت ماشيه اكثر من 24000 كم ونفس الموديل .. تعتبر السياره مستهلكه لانه الاستعمال الطبيعي 20000 كم في السنه


وهذي حسبه بعض شركات السيارات الي تشتري السيارات المستعمله ..

وانشالله اني ماقصرت وياكم .. تحياتي لكم :)

هذا التقييم من وين؟؟؟
لانه الاسعار الي في السوق, مالها خص بهالتقييم

على كلامك ,, الجي اكس , موديل 2007 ,... الي كان ينباع في الشركه حول 125 الف,, اذا انه ماشي 60 الف,, بيكون سعره اقل من 30 الف ريال,,
وهذا غير منطقي

[qatar25]

الا اذا انك مغلط في الارقام,, وكاتب 3000 كم وانت تبي تكتب 30,000 كيلو

[MLAAS]

الا اذا انك مغلط في الارقام,, وكاتب 3000 كم وانت تبي تكتب 30,000 كيلو

لا ياخوي مو مغلط ..

والدليل روح قيم سيارتك في الشركه .. اذا كانت ماشيه 30000 كم .. ومامرت على السياره سنه كامله .. يا يسعرونها برخيص او حتى مايشترونها منك

[MLAAS]

هذا التقييم من وين؟؟؟
لانه الاسعار الي في السوق, مالها خص بهالتقييم

على كلامك ,, الجي اكس , موديل 2007 ,... الي كان ينباع في الشركه حول 125 الف,, اذا انه ماشي 60 الف,, بيكون سعره اقل من 30 الف ريال,,
وهذا غير منطقي


انا ذكرت انه هذي تقييم الشركات مو المعارض ..

المعارض يمشون على حسب العرض والطلب .. وبتحصل بعض انواع السيارات تنباع بأغلى من سعر الشركه نفسها ..

وقلت انه السياره مشيها الطبيعي 20 الف في السنه .. واذا كانت ماشيه 60 الف .. كأنه عمرها 3 سنين مو سنه وحده ..

واتكون حسبتها كل 20 الف كيلو كأنه عمرها سنه



واول سنه تقييم 3000 كيلو ب 5000 .. وثاني سنه 3000 كيلو 2000 .. وثالث سنه 3000 كيلو ب 1000

وهذا للتوضيح

[Qatari2003]

تسلم اخوي على المجهود لكن لا اتفق معاك ممكن كلامك صح في الامريكي لكن مش موافقك في الياباني

[MLAAS]

تسلم اخوي على المجهود لكن لا اتفق معاك ممكن كلامك صح في الامريكي لكن مش موافقك في الياباني



الله يسلمك .. في النهايه كل واحد يقيم بالي يعجبه الشيخ :)

يمكن في سياره تعجبني اشتريها بأكثر من بيع السوق بوايد .. بس هذي الحسبه تنطبق على كل السيارات

[Qatari2003]

الله يسلمك .. في النهايه كل واحد يقيم بالي يعجبه الشيخ :)

يمكن في سياره تعجبني اشتريها بأكثر من بيع السوق بوايد .. بس هذي الحسبه تنطبق على كل السيارات


اخوي ممكن مصدر المعلومات كي يستفيد الجميع

[MLAAS]

اخوي ممكن مصدر المعلومات كي يستفيد الجميع

كنت رايح شركه المتسوبيشي وبعطيهم سياره واشتري من عندهم سياره والموظف الي قالي هذي المعلومه ..

لاني كنت ابي سياره بغالي بس قالي كيف يحسبون قيمتها .. بس انا طبعا مابعتها في الشركه برع جابتلي اكثر

[ss26]

صج حراميه

[ANONYMOUS]

مش على كل حال

[Qatari2003]

كنت رايح شركه المتسوبيشي وبعطيهم سياره واشتري من عندهم سياره والموظف الي قالي هذي المعلومه ..

لاني كنت ابي سياره بغالي بس قالي كيف يحسبون قيمتها .. بس انا طبعا مابعتها في الشركه برع جابتلي اكثر


اوكية بس هل نفس الحسبة عندهم لما انت بتشتري سيارة مستعملة او مسترجعة من شركة المتسوبيسي؟

[MLAAS]

صج حراميه

حراميه = حرامي :nice:


اسف ان بعد الظن اثم

[MLAAS]

اوكية بس هل نفس الحسبة عندهم لما انت بتشتري سيارة مستعملة او مسترجعة من شركة المتسوبيسي؟


والله ياخوي ماظن لانه الشركه هذي تبي الربح .. والمستهلك هو الي مطر انه يبيع بهذي القيمه ..

وحط نفسك بدل الشركه .. وانت بي الربحيه من ورى السياره .. هل انت بتشتري السياره بسعر السوق او اقل ؟؟؟

واذا انت تاجر ناجح مابتشتري سياره تخسر فيها .. حتى لو مر عليها 5 شهور ماتخسر فيها لو تنزل من سعرك

[Qatari2003]

والله ياخوي ماظن لانه الشركه هذي تبي الربح .. والمستهلك هو الي مطر انه يبيع بهذي القيمه ..

وحط نفسك بدل الشركه .. وانت بي الربحيه من ورى السياره .. هل انت بتشتري السياره بسعر السوق او اقل ؟؟؟

واذا انت تاجر ناجح مابتشتري سياره تخسر فيها .. حتى لو مر عليها 5 شهور ماتخسر فيها لو تنزل من سعرك


حلو اخوي التقيم الي انت حاطة لا يطبق على اي عاقل ولكن يطبق على الغير. ومع شكر الجزيل لك اخوي

[مالي ومال الناس]

حراميه = حرامي :nice:


والله اذا انت حاس اني حرامي فهذا الشي راجعلك .. بس اذا انت اتشوف نفسك غبي وانقص عليك فهذي مشكله ..


صج في ناس ماتحب تتعلم طول عمرها بتم سفيهة :)


الاخ اظن يقصد الشركة انهم صج حرامية :nice:

مايقصدك :shy:

[MLAAS]

حلو اخوي التقيم الي انت حاطة لا يطبق على اي عاقل ولكن يطبق على الغير. ومع شكر الجزيل لك اخوي

حياك الله .. وانت عاقل وبتمشي على رايك .. بس في ناس ماتفتكر بالفلوس .. يعني اتبيع السياره بتقييم السوق .. وروح جرب قولهم انك تبي تبيعها وشوف السعر الي بيعطونك في سيارتك .. واذا عرضتها عندهم ترى بعد بياخذون فايده ..


والفايده الي ياخذونها اكثر من 2000 الي انت تتوقعه او اي احد ثاني ..

هو يكون وسيط بين البايع والمشتري .. والسياره لو جابتلك 90 الف .. بيقولك جابت 75 الف .. وانت بتقول لا انتظر شوي عليها .. وبيتصلك العصر وبيقولك جابتلك 78 .. وبيحاول انه يقنعك .. بس هي بالاصل جايبه 90 الف .. وبيبيع السياره ب 90 وبيستلم الفرقيه وبياخذ عمولته منك ومن المشتري .. لانكم ماتعرفون طريقتهم في النصب :)
وانا اتحدى اي معرض يبيع السياره ويستلم فلوسها قدام راعيها ..

[MLAAS]

الاخ اظن يقصد الشركة انهم صج حرامية :nice:

مايقصدك :shy:

مشكور اخوي على التوضيح .. عدلنا الرد -.- لانه واحد يحسبني بنت وعدلت له .. وحسبت الثاني قصده نفس الشي ..

والحمدلله انا مو دلال لانه الدلال يكذب علشان يحصل اكبر حصه عموله هههههه والله يبعدنا عنها:nice:

[مالي ومال الناس]

مشكور اخوي على التوضيح .. عدلنا الرد -.- لانه واحد يحسبني بنت وعدلت له .. وحسبت الثاني قصده نفس الشي ..

والحمدلله انا مو دلال لانه الدلال يكذب علشان يحصل اكبر حصه عموله هههههه والله يبعدنا عنها:nice:

فيك الخير ومشكور على التوضيح لإفادة اخوانك في هذا المنتدى :nice:

[طاش]

هههههههههههه لاتعليق اخوي فيه شي غلط

[بوعلي-Qtr]

هاي الكلام حق كل السيارات .. الا التيوتا

[MLAAS]

هههههههههههه لاتعليق اخوي فيه شي غلط

وشو الغلط في الموضوع الشيخ ؟؟؟؟

[MLAAS]

هاي الكلام حق كل السيارات .. الا التيوتا

اخوي حتى التيوتا جذي تتقيم .. بس ميزه التيوتا انها مرغوبه ..

وازيدك من الشعر بيت .. عبد الغني اذا بيشتري سياره مرجعه من دون ماتاخذ من عنده .. بيقيمها بالي ذكرته .. واذا انت بترجع السياره وفي نفس الوقت بتشتري سياره جديده من عنده .. هني بيعطيك سعر اعلى شوي لانه في الحالتين ربحان .. انك تمشي سوقه .. وثاني شي يدري انه التيوتا مرغوب حتى لو شراه اكثر من سعر السوق ب 5000 يدري انه بيبيعها بأكثر


تحياتي لمرورك اخوي

[simsim1963]

يعطيك العافيه ع المعلومات شكرا لك

[MLAAS]

فيك الخير ومشكور على التوضيح لإفادة اخوانك في هذا المنتدى :nice:

العفو .. وانا ماكتبت الموضوع الا علشان يستفيدون .. بس شكلهم مايبون -.-

[العضوالرسمي]

جزاكم الله الف خير

[!قطريـة بنت القمـر!]

بصراحة استفدت كثيرا .... مشكور اخوي على المعلومة الجيدة ....

[حبر سري]

حراميه = حرامي :nice:


اسف ان بعد الظن اثم

يصبحك بالخير اخوي
اول شي الاية غلط :
الاية الكريمة تقول :
ان بعض الظن اثم
وجب التنويه والتعديل

ثاني شي الله يجزاك خير اخوي عالمعلومة

واعتقد اخوي يمكن هالشي ينطبق على المواتر الامريكية اكثر من الياباني (تويوتا)
يمكن لان التيوتا مطلوبة اكثر

هذا رايي
ومشكور عالمعلومات المفيدة اخوي

[MLAAS]

يصبحك بالخير اخوي
اول شي الاية غلط :
الاية الكريمة تقول :
ان بعض الظن اثم
وجب التنويه والتعديل

ثاني شي الله يجزاك خير اخوي عالمعلومة

واعتقد اخوي يمكن هالشي ينطبق على المواتر الامريكية اكثر من الياباني (تويوتا)
يمكن لان التيوتا مطلوبة اكثر

هذا رايي
ومشكور عالمعلومات المفيدة اخوي


مشكور على مرورك الشيخ :) واسف اعتبرها خطأ مطبعي ماجيك على كلامي اكتب واعتمد :)

انا قلتلك لاتشوف اسعار المعارض .. روح الشركه .. وموضوعي عن الشركه كيف تثمن السياره :) .. واذا بخصوص التيوتا .. معروف التيوتا في السوق هو الاكثر طلب ..

واشكرك مره ثانيه :)

[MLAAS]

بصراحة استفدت كثيرا .... مشكور اخوي على المعلومة الجيدة ....


حياج الله يالقمر .. ماعملنا غير الواجب :)