عملات مزوره في قطر

[الوجبه]

بسم الله الرحمن الرحيم

حبيت انبهكم كل واحد يشيك على فلوسه .. ولا يستلم مبالغ من اشخاص عاديين بهدف

تبديلها او انه يبحث خرده .. فقط استلم من البنك .. اما واحد يقول لك عطني خرده وغيرها

من الامور فحاذر ..

حبيت انبهكم لاني شفت 500 ريال مزوره من فتره في (محل) وراعي المحل الهندي

ما يعرف يفرق ولا عنده جهاز للكشف ..

فحبيت احذركم ..

http://farm4.static.flickr.com/3241/3122143376_53a844acd6_b.jpg

صوره للعمله المزوره ولاحظ عدم وجود الشريط للامع ولا توجد فيها الدائره الخفيه

للامعه وفيها الشعار ..

اما العمله الجديده من 500 فتجد فيها شريط لامع فيه شعار الدوله عباره عن سيفين ونخله والقارب

من الجهتين ..

وايضا دائر لامعه من الجهه اليسار من الواجهه العربيه ..

....

من يقول لك عطني خرده ... لا تعطيه

لا ترسل السائق يخرد لك ..

لا تخرد عند محلات (بقاله وغيرها)

وسلامتكم

[ام يوسف]

الله يعطيك العافيه على التنبيه

[ss26]

اكو يبين حبر التزوير على اطراف الورقه

والله اذكر واحد جاني لين عند الباب وتكايت الموتر متروسه خمس ميات مزوره

وقالي شيل الي تبيه بس لا تلعب في نفس المنطقه الي انت فيها

يعني روح بعيد وتعال سالم قلتله مشكو يبه مافيني شده حق اتسحب للمراكز

ثالث يوم الا شادخينه ارجاجيل

وبعد اتسطر على علباه بلق على الي عطاهم فلوس يعني لو انا ماخذها

كان سحبني

[miss-qatr]

جزاااك الله خير ياخوي


تسلم

[mohamed ab]

جزاك الله خير

[تـاجر الـذهب]

جزاك الله خير يالوجبة على التنبيه

[movado]

السلام عليك يا خوي
ومشكور على الموضوع,,,,,,,,
بس اعتقد يا خوي ان طرحك لمثل هالموضوع مبالغ فيه ، وردة فعل مبالغ فيها
و COOOOOOOOOOOOOOOOOOOOOOOOl جداً
لأنه ياخي كان المفروض انك تبلغ على طول
وحتى الأخ اللي ادعى انه تم عرض الفلوس المزورة عليه
اول شي كان النفروض يسويه ،،، انه يبلغ
ياااااااااااااااااااااااااخي عندك رقم الاتصال بخدمة العضيد

ما يقصرون ، وأبداً جاهزين حق الفزعة
عطهم الووووووووووو،،، وشوف ردة فعلهم
انا مجربهم في موقف صار لي مرة عند مطعم ؟؟؟؟؟ اللي بجنب التنس والاسكواتش
وبعدين انا استبعد تزوير العملة، ولو صار فالعملية مكشوفة ، حتى البزران بيكشفونهم

ومشكورين

[الوجبه]

اخوي انا شفت الواقعه .. حبيت انبه

هذا اعتقد منتهي من الموضوع ومبلغ ,, عاد كيف اجراءه هذا راجع له ..

وبعدين اخوي العضيد مش شغلهم هذا .. اعتقد هناك فيه جهه خاصه لهذا الموضوع غير

العضيد .

[المغامر2]

البحث الجنائى وهذا اختصاصهم - شكرا لصاحب الموضوع

[barod]

جزاك الله خير يالوجبة على التنبيه

[قطريه ماركه]

مع وجود الشريط الفضي اللي في العمله سهل الواحد يفرق بين العملات المزوره ...

بس شنسوي في اللي يعطينا الخرده مشققه وملصقه <<< أكرررره شي عندي !!

جزاك الله خيير ع التنبيه ..

[فلفل حار]

8
8
8
انتي مب مجبوره تاخذينها وهذا من حقج القانوني



جزاك الله خير يالوجبة على التنبيه:nice:

[Riku3]

مرات تصير ترى وكل فترة الدولة تعدم كميات بسيطه تكون متداولة ومصنوعة من اشخاص بدون خبرة ويقصون على الدكاكين والمحلات الصغيرة وتنعدم بعد ماتوصل البنوك .