ألى متى وكورنيشنا على حـــــــــــــــــــــــــــــــاله ؟؟!!!

[روح الاطلس]

كورنيش قطر يعتبر من اطول الكورنيشات في العالم لكن للاسف لا توجد به اي مرافق ولا خدمات ولا اي شيء يجذب الكبار ولا الصغار


لا دورات مياه
لا كافتيريات
لا مصليات


الى متى والاهمال ؟؟ مع انه يعتبر المتنفس الوحيد

كثير في المنتدى قرأت عن مقترحات لترقيته والاهتمام به والله انها مقترحات رائعه بس ما اشوف اي تحرك من الدولة . حتى جزيرة النخيل تم نسفها عن بكرة أبيها :anger1:

ما ادري هل ممكن يكون فيه احتكار للكورنيش من ناحية المطعم الوحيد اللي أكله كله كرك وسمبوسه هنود ؟؟ والناس عليه بالطوابير مساكين مافي غيره

شنو راح يصير لو فتحوا ثلاث او اربع مطاعم ومصلى للرجال ومصلى ثاني للنساء ؟؟

شنو ذنب الاطفال المساكين اللي يحتاجون الحمامات وانتو بكرامه ؟؟ وبالاخير مافي الا حمام واحد صغير وأكوام من البشر مصطفه طوابير عنده ؟؟ لا تقولون ان حتى الحمامات عليها احتكار !!

نبي اشياء عدله ... نبي نوافير شلالات صناعية .. منحوتات أشياء تفتح النفس:( ..

إلى متى بس والدولة ماتهتم بأي شيء من شأنه يعزز دولة قطر سياحياً .. مع ان الامكانيات متوفرة والاقتراحات متوفره .. ادري ناس تكلموا قبل والصحف تكلمت بس الى متى واحنا نتكلم ؟؟

لو كنت في محل يخولني اني اقدم مقترحات وانفذ مشاريع سياحية كان شفتوا قطر في مصاف الدول السياحية عالمياً وكسرت سوق دبي :shy:

[القناص]

بالعكس أشوف كورنيش الدوحة أفضل كورنيش لممارسة رياضة المشي

شكرا لصاحب الموضوع جميع النقاط المذكورة محتاجه أهتمام أكثر من

هيئة السياحة

[شيزكيك]

تدرين من احلى الاماكن عندي في الدوحه الكورنيش احب اشوفه وانا رايحه وراده من الدوام

وعقب مكان شغلي تغير ففقدته وصج يبي له مرافق ومطاعم وخصوصا وهو الواجهه واول

مايشوفونه الزوار وان شاء الله يطورونه اكثر

[روح الاطلس]

تدرين من احلى الاماكن عندي في الدوحه الكورنيش احب اشوفه وانا رايحه وراده من الدوام

وعقب مكان شغلي تغير ففقدته وصج يبي له مرافق ومطاعم وخصوصا وهو الواجهه واول

مايشوفونه الزوار وان شاء الله يطورونه اكثر



صحيح انه من اجمل الاماكن بس للاسف مافي اي اهتمام فيه :( ياااليت الدولة تلتفت له شوووي ..وتطوره اكثر والله بيصير أروع مكان

[السنافية]

مكثر ما تشكون ذبحتونا كله شكاوي :(

[غزلان]

كورنيشنا حلو بس تنقصه بعض الخدمات مثل ماذكرت مصلى خاصه الى يمشون وياذن للصلاه مايقدرون يلحقون على المسجد وبعض الكوشكات لصغيره للشاي والقهوه والمشروبات الخليجيه المشهوره مثل الزنجبيل وغيره..

موضوع مهم اخوي

[القناص]

مكثر ما تشكون ذبحتونا كله شكاوي :(

ابراز السلبيات لا تعد شكوى بل من أجل التغيير وتطوير الوضع الحالي نحو الأفضل

[ام علي1981]

ان كورنيش الدوحة من اجمل وارقى الاماكن واتوقع ان كورنيش الدوحة هو الاجمل على مستوى الكثير من البلدان
وانا معك انه يفتقد بعض الخدمات كدورات المياه والكفتريات والعاب للاطفال........فالنتكاتف ونطالب دلك

[روح الاطلس]

شوفوا كورنيش الخبر :( :( :( ومو عيب نستفيد من غيرنا

http://www.sfari.com/photo/data/6/swahlcom_c415.jpg

http://www.sfari.com/photo/data/6/swahlcom_5cba.jpg

http://www.sfari.com/photo/data/6/swahlcom_52ee.jpg

http://www.sfari.com/photo/data/6/swahlcom_6f2b.jpg

http://www.sfari.com/photo/data/6/swahlcom_5af9.jpg

http://www.sfari.com/photo/data/6/swahlcom_8d92.jpg

http://www.sfari.com/photo/data/6/swahlcom_c74e.jpg

http://www.sfari.com/photo/data/6/swahlcom_7ad2.jpg[/IMG

[IMG]http://www.sfari.com/photo/data/6/68832b110d.jpg




احنا ما نبي نفسه ولا نبي ربعه بس نبي اهتمـــــــــــــام في كورنيش الدوحة لا أكثر <<< موب طماعين :(

[ام علي1981]

ان كورنيش الدوحة من اجمل وارقى الاماكن واتوقع ان كورنيش الدوحة هو الاجمل على مستوى الكثير من البلدان
وانا معك انه يفتقد بعض الخدمات كمصلى للنساء ودورات المياه والكفتريات والعاب للاطفال........فالنتكاتف ونطالب دلك

[ولد الجزيرة]

ههههههههههههههههههههههههههه


بصراحة تذكرت طابور الانتظار قدام الحمام شي حضاري بمعنى الكلمة

[بوالفاروق]

احنا مثل ما طرح أخونا موب الشكوى على الكورنيش

الكورنيش حلو واحلى مكان حق التمشي بس ناقصه زيادت مرافق

حمامات الله يعزكم واهتمام فيها فتح اكثر من مصلى يعني تخيل تكون في وسط الكورنيش
وماتلاقي مكان نظيف تصلي فيه والكافتيريات معدودة بالاصابع , بلهمبار عاد انا ذي ما طبيته الا مره
وراس الشوعه

ياريت يردون البرتقاله هع يمكن اللي لحقوا عليه يذكرون

تحياتي

:)

[رأس بروق]

ياجماعة الخــــــــــير البلديه مب المقصره ابشي انتو المقصرين انكم ماتزلون ارض الواقع بس كلام الحمامات موجوده بالكورنيش حمام عند الدلــه واحد حق الحريم والثاني حق الريايل ..وحمام ثاني ارضي موجود عنـــد اوري ..ثانـــي شــي الكورنيش ممشاى وستجمام بالرياضه مب حديقه للأكــل ..
وكـــل اللي طلبتوه موجود ومتوفر في حديقة البدع وحديق المتحف ماهم بعيدين عن الكورنيش .
شاكرلكـ اخوي ع الموضوع .

[ولد قطر9]

ياليت في احد يسمع هالاقتراحات

مشكووور والله , طرح رائع

[سوق واقف]

كورنيشنا حلو يا ريال لا تقول جذي ما نبي حفر شغل زمان ولا أحلى ترى

[المولع22]

إلى متى بس والدولة ماتهتم بأي شيء من شأنه يعزز دولة قطر سياحياً .. مع ان الامكانيات متوفرة والاقتراحات متوفره

إلى متى بس والدولة ماتهتم بأي شيء من شأنه يعزز دولة قطر سياحياً .. مع ان الامكانيات متوفرة والاقتراحات متوفره

إلى متى بس والدولة ماتهتم بأي شيء من شأنه يعزز دولة قطر سياحياً .. مع ان الامكانيات متوفرة والاقتراحات متوفره

مليـــــون شخص قال هذا الكلاام ,, كباااار وصغااااااار

حتى الاجانب والزوار قامو يقولون نفس الكلام ,, بلادكم حلوة بس ليش ماتطورونها وتعدلون اللي فيها

حراااااااااام والله حرااااااااااااااااااام

توني اشوف بالاخبار , سفينة الكرامة رايحة فلسطين لتعزيز الاحتياجات ومدري ايش

انزين نبغي سفينه الكرامة شوي تعزز مرافق الكورنيش بس شوي

:(
:(
:(

يسلمو على الموضوع ,, وياليت احد يسمع بس

[المولع22]

http://www.qatarshares.com.qa/data/459/462/storm_1911053249_14205284.jpg

الله يرحم ايام ستيرلنج اللي على مواقف الكورنيش

والله يرحم البرتقالة اللي كانت بوسط الكورنيش

زمااااااااااااااااان

:nice::nice::nice:

[bohilal191]

ياجماعة الخــــــــــير البلديه مب المقصره ابشي انتو المقصرين انكم ماتزلون ارض الواقع بس كلام الحمامات موجوده بالكورنيش حمام عند الدلــه واحد حق الحريم والثاني حق الريايل ..وحمام ثاني ارضي موجود عنـــد اوري ..ثانـــي شــي الكورنيش ممشاى وستجمام بالرياضه مب حديقه للأكــل ..
وكـــل اللي طلبتوه موجود ومتوفر في حديقة البدع وحديق المتحف ماهم بعيدين عن الكورنيش .
شاكرلكـ اخوي ع الموضوع .


حديقة المتحف حدث ولا حرج ليتات مافيها الله يسلمك

[خبير أقتصادي]

موضوع مهم و يمس الجميع
والخدمات الي ذكرتها المفروض تتوسع لتشمل الدوحة كلها

[الجاهلي]

http://farm3.static.flickr.com/2274/2088178158_24d9b418fd.jpg?v=0
حتى البرتقاله شالوها :anger1:

[شاي كرك]

صدقت ..

[فلفل حار]

انا مابي الا يردون البرتقاله ومطعم ستيرلينغ والكرك المتنقل 00 يالبيه هالايام والله :)

الأ بسألكم ايش سالفة الدور الارضي قدام مطعم بلهمبار ؟ اعتقد انها حمامات ولا انا غلطان ؟






لو كنت في محل يخولني اني اقدم مقترحات وانفذ مشاريع سياحية كان شفتوا قطر في مصاف الدول السياحية عالمياً وكسرت سوق دبي :shy:

مايحتاي :victory:

[روح الاطلس]

احنا مثل ما طرح أخونا موب الشكوى على الكورنيش

الكورنيش حلو واحلى مكان حق التمشي بس ناقصه زيادت مرافق

حمامات الله يعزكم واهتمام فيها فتح اكثر من مصلى يعني تخيل تكون في وسط الكورنيش
وماتلاقي مكان نظيف تصلي فيه والكافتيريات معدودة بالاصابع , بلهمبار عاد انا ذي ما طبيته الا مره
وراس الشوعه

ياريت يردون البرتقاله هع يمكن اللي لحقوا عليه يذكرون

تحياتي

:)


اشكر مرورك اخوي الفاروق وهذا اللي قصدته بالضبط كل اللي نطالب فيه هو زيادة الخدمات والمرافق لان الكورنيش يعتبر واجهه للعاصمة الدوحة ويرتداه الكثير من كبار وصغار

وبناء مصليات من اربع جدران مع مغاسل للوضوء احداهما للرجال والاخر للنساء لن يكلف الكثير بدل من الحواجز الشجرية الموضوعه بشكل مربع وفرشة حمراء مهترئه يتزاحم الناس للحصول على مكان يصلي فيه وطبعا النساء ماعندهم غير يتدارون في اماكن بعيدة عن الانظار للصلاة .. والله حز في خاطري احد المرات وقع عيني على امرأة عجوز كبيرة في السن تدارت خلف احد الاشجار وفرشت بساط صغير وصلت عليه ..

[جوهرة قطر]

http://www.qatarshares.com.qa/data/459/462/storm_1911053249_14205284.jpg

الله يرحم ايام ستيرلنج اللي على مواقف الكورنيش

والله يرحم البرتقالة اللي كانت بوسط الكورنيش

زمااااااااااااااااان

:nice::nice::nice:


بل انت اثري من وين امطلع الصوره ذى :shy:

وبعدين مانبي مطاعم فى الكورنيش لانه صج هو ممشى حق الرياضه مب حق الاكل

لانه كل اللى يسون رياضه بيروحون حق المطاعم يعنى شالفايده

[المولع22]

بل انت اثري من وين امطلع الصوره ذى :shy:

وبعدين مانبي مطاعم فى الكورنيش لانه صج هو ممشى حق الرياضه مب حق الاكل

لانه كل اللى يسون رياضه بيروحون حق المطاعم يعنى شالفايده


يا اختي صحيح ان اللي في الكورنيش يسون رياضة ومب لازم ياكلون

طيب لو عصاير مثلا , وبعدين اللي بياكل ماعتقد يضر الكورنيش

اذا بياكل ويلعب رياضة هو يقص على نفسه وثانيا والناس اللي تروح مع عيالها وعوايلها

للكورنيش مايحتاجون ستيرلنج والبرتقالة يعني ؟ والا محد يدخل الكورنيش الا الرياضيين بس

:eek5::eek5: :rolleyes2:

[معيذر جنوب]

يا اختي صحيح ان اللي في الكورنيش يسون رياضة ومب لازم ياكلون

طيب لو عصاير مثلا , وبعدين اللي بياكل ماعتقد يضر الكورنيش

اذا بياكل ويلعب رياضة هو يقص على نفسه وثانيا والناس اللي تروح مع عيالها وعوايلها

للكورنيش مايحتاجون ستيرلنج والبرتقالة يعني ؟ والا محد يدخل الكورنيش الا الرياضيين بس

:eek5::eek5: :rolleyes2:


ومن قال ان الكورنيش لاصحاب الكروش المتدلية فقط ؟!!! لا يكون انتو فاهمين انه جيم gym وانا مدري:eek5::eek5::eek5:

[المولع22]

ومن قال ان الكورنيش لاصحاب الكروش المتدلية فقط ؟!!! لا يكون انتو فاهمين انه جيم gym وانا مدري:eek5::eek5::eek5:

شدرااااااني اي والله :anger1:

الكورنيش هو المكان الوحيد اللي ممكن الواحد يروح يتنفس به عالاقل

ويجونك ناس مايدرون شسالفة يقولك لا بس حق الرياضة عسامااااشر مافي نوادي :tease::anger1: