ومرت الغيمة بدون قطرة مطر ...!!

[طبشور]

توقع الكثيرون من أبناء الشعب أن تنهال علينا الخيرات والمفاجآت من كل حدبِ وصوب بمناسبة اليوم الوطني . فهي مناسبة أسعدتنا جميعاً وكنا نتمنى أن تمطر أرضنا الجرداء بزخات من المطر ( فكعادتها قطر المعروفة عند أهل الشرق والغرب بسخائها الحاتمي ) فهي البلد التي تحتل المراتب المتقدمة على باقي دول العالم من حيث الدخل الفردي أو القومي .
ونحن في هذا الوقت بالذات والذي سحقنا بشدة تحت أقدام الأزمة المالية العالمية ( التي قال عنها وزراء حكومتنا الموقرون بأنها لن تؤثر على أقتصادنا القوووي ) فكلنا أمل أن يمطرو علينا بشي يبهج حزننا الباكي .

كلنا شاهدنا الفعاليات المصاحبة لهذه المناسبة الغالية ومدى الصرف اللا محدود لها ( وهي تستحق منا ذلك ) ولكننا( كقطريين ) نريد أن نفرح كل يوم وليس ليوم واحد فقط

[Bu Rashid]

مرت مروووووور الكرررررام ....

[المرحب]

تفائلوا خيـراً تجدووه

وربنا كريم ...






تحيــــــــــــاتي ...

[فتى الجود]

لا ياشيخ
ما مرت مرور الكرام
اللى شارك بالفعاليات
ماقصروا معاهم

[brent]

سعر برميل النفط دون ال34 دولار
:court:crazy:court:

[Bu Rashid]

لا ياشيخ
ما مرت مرور الكرام
اللى شارك بالفعاليات
ماقصروا معاهم



يستاهلووووووووون ...

[قناص قطر]

لا تستعجل

هذا الاحتفال رقم 130

السنه القادمه 18 / 12 / 2009 يصادف الاحتفال رقم 131 رقم مميز

ممكن تمطر وخاصه شهر ديسمبر معروف بقطر من الشهور الشتويه

تصبح على خير يا طبشور

بس حاسب من المطر هههههههههه امزح معاك

[سهوم المنايا]

اما اناااا فقدت الامل نهائياااااااااااااااااااااااااااااااااااااا


ولاعاد ابي اعيش على امل مرة ثانية

[فتى الجود]

يستاهلووووووووون ...





تستاهل خير
طال عمرك

[بوحارب]

اما اناااا فقدت الامل نهائياااااااااااااااااااااااااااااااااااااا


ولاعاد ابي اعيش على امل مرة ثانية

نفس الحالة بالضبط :victory:

[pinky]

الله كـــــــــــــــــــــــــــريــــــــــــــــــــ ـــــــم
ومن سار على الدرب وصل وكل شي في وقته حلو
ومن جدا وجد
وهذي زبدة الحكي

[Darco]

في قناة الدوحة يوم الأربعاء اللي طاف .. جالس في المجلس ومعيّن خير ..

المعلّق سكت وقال وصلنا البيان التالي .. مكرمة أميريّة ..

ما أوصف لك شلون الشباب تخسبقوا, اللي عدّل جلسته, واللي وقف من زود الحماس .. والصوت على الآخر .. عشان نسمع عن المكرمة الأميرية .. وكلن يبني في راسه مكرمة على مقاسه ..

مكرمة أميرية .. وردنا الآن بأنه تم الإعلان مكرمة أميرية بالإفراج عن كذا كذا مسجون ..

عاد خذ إحباط هههههههههههههههههه ..

[ام علي1981]

ما>ا تتوقعون تكون المكرمه الاميرية

[دهــن العود]

في قناة الدوحة يوم الأربعاء اللي طاف .. جالس في المجلس ومعيّن خير ..

المعلّق سكت وقال وصلنا البيان التالي .. مكرمة أميريّة ..

ما أوصف لك شلون الشباب تخسبقوا, اللي عدّل جلسته, واللي وقف من زود الحماس .. والصوت على الآخر .. عشان نسمع عن المكرمة الأميرية .. وكلن يبني في راسه مكرمة على مقاسه ..

مكرمة أميرية .. وردنا الآن بأنه تم الإعلان مكرمة أميرية بالإفراج عن كذا كذا مسجون ..

عاد خذ إحباط هههههههههههههههههه ..


هههههههههههههههههههههه

وانا اقراء كلامك تحطمت كيييييف وانتوا شاهدين الموقف



الحمد لله على كل حال:secret:

[umabdulla77]

تفائلوا بالخير تجدوه

والحمدلله والشكر لله تعالى على نعمه وفضله والواحد عشان يرتاح لازم يشوف اللي اقل منه

وكفاية ان احنا قطريين وشيخنا حمد ربي يحفظه وبلدنا بلد الامان ربي يدومها علينا ان شاءالله

وباذن الله المكرمة جاية و كل شي بوقته حلو

[الخارجية]

الله يسوي اللي فيه الخير

[مستثمره جديده]

كنت اظن وكنت أظن وخاب ظني ما بقى بالعمر شي واحتريتك <<< زيادة الرواتب واسقاط الديون عن القطريين:weeping:

[ANONYMOUS]

يجيب الله خير

ونعمة الامن والأمان اكبر مكرمه

[بومحمد911]

فالكم طيب

[طبشور]

ترى الظلم خيبة ... وزعوا بهذه المناسبة الكبيرة في قلوبنا



(أعلام )علشان نسوان الدوحة يحطونها على سياراتهم ويطوفون بها بلا مستحى في شوارعنا و(باجات ) و(تتو )حق عيالنا يحطونها على وجوهم الحلوه

[Riku3]

عايشين وانا اخوك ، ناكل ونشرب في بيوتنا والاكل يزيد علينا كل يوم والماي والكهرباء ببلاش وعيالنا واحنا بأمان والاسلام الحمد لله للحين بخير ببلادنا والمستشفيات والعلاج ببلاش ... شنو بعد ..

انا ما ابي يوم يذكرني بولائي لقطــــر ولاميرها ابونا حمــــــد .. الحمد لله رب العالمين اننا قطريين :] .

والله احبج ياقطر وما ابي منها شي غير اني اعيش على ترابها واندفن فيها .. ولو في قرقش هنا وهناك مابقول لاء P: .

[الصدى الخالد]

قولوا الحمدلله

والي يشوف عيشة غيره يحمد ربه على العيشه الي عايشينها والله لا يغير علينا

[نغم الحياة]

اللهم لك الحمد ولك الشكر على نعمة الامن والامان

[المشرفي التم]

في قناة الدوحة يوم الأربعاء اللي طاف .. جالس في المجلس ومعيّن خير ..

المعلّق سكت وقال وصلنا البيان التالي .. مكرمة أميريّة ..

ما أوصف لك شلون الشباب تخسبقوا, اللي عدّل جلسته, واللي وقف من زود الحماس .. والصوت على الآخر .. عشان نسمع عن المكرمة الأميرية .. وكلن يبني في راسه مكرمة على مقاسه ..

مكرمة أميرية .. وردنا الآن بأنه تم الإعلان مكرمة أميرية بالإفراج عن كذا كذا مسجون ..

عاد خذ إحباط هههههههههههههههههه ..


لو انكم كنتم مكان المساجين المفرج عنهم كان ما قلت هالكلام
ترى الحرية مالها ثمن
الحمدللة على كل حال
شوف الشعوب اللي حواليك وقارن نفسك بهم
ترى احنا بألف خير

[لوردغاليري]

يارجال قول الحمدالله ع الامن والامان الي حنا فيه اشكرك يارب

[Darco]

لو انكم كنتم مكان المساجين المفرج عنهم كان ما قلت هالكلام
ترى الحرية مالها ثمن
الحمدللة على كل حال
شوف الشعوب اللي حواليك وقارن نفسك بهم
ترى احنا بألف خير





الحرية لها ثمن وهو أن الواحد يحشم نفسه ومايتجاوز القانون؛ على كلٍ بالعكس الله يفرج كربة المساجين كلهم ويهديهم جميعاً ولم يكن في كلامي إنتقاص للموضوع ..

السالفة فقط هو سالفة تضحّك عن شلون أن الناس قاعدين ينطرون فلوس/ بهانس/ بيسا تجيهم مع كثر هالإشاعات .. :) .. ولا الحمد لله أحنا في خير, الله يزيدنا خير(ن) على خير :).

[ريــــــــان]

وش اقول بس
يوم شفت الناس فرحانه وترقص وواقفين على رجيلهم طول اليوم كنت اتمنى ان يقدرون هالشعب اللي مانام طول اليوم وهم يرقصون ويستعرضون
لكن الحقيقه اللي ممكن تزعل الكثير ان هاليوم مب لقطر ولا للشعب :)

والغيمه ياخوي تمر صوب اللي يبونها تمر فيه لحاجة في نفس يعقوب :nice:

[أمير الود]

من ناحيتي اذا ما شفت شي رسمي في الجريده وإلا ما
اثق في كلام الناس

اذا كان في قرار رسمي من سيدي سمو الامير هذا بيكون
شي ثاني وهالوقت الواحد يصدق ان في زياده حقيقيه

لكن كل واحد يزيد ويعيد اللي يقولك بعد شهر واللي يقولك بداية
السنه واللي يقولك شهر اربعه وناس يقولون شهر 6
وناس اتقول بعد سنه
هذا ما يدخل العقل

جات الزياده خير وبركه ماجات الزياده الف حمد وشكر
على الصحه والنعمه اللي عايشين فيها
والله يبارك في ولي الامر سمو الامير
وجميع اللي معاه

[عكاس]

لو انكم كنتم مكان المساجين المفرج عنهم كان ما قلت هالكلام
ترى الحرية مالها ثمن
الحمدللة على كل حال
شوف الشعوب اللي حواليك وقارن نفسك بهم
ترى احنا بألف خير

أي صادق بألف خير
قوطي الزيتون في السعودية ب 3 ريالات و75 هلله وفي الدوحة ب18 ريال

[الوعد2016]

الله كريم