وصرت موظفة !

[بنت^البحرين1]

أشرقت الشمس في الصباح الباكر، وقمت مسرعة وعلى عجل،فهناك أدرت محرك السيارة، وعدت لتغيير ملابسي، وثم رتبت حقيبة يدي الكبيرة ورميت بها كل اغراضي /حتى صارت السادسة والنصف، وهممت بالخروج .
إنه اليوم الأول لي في التدريب،كوني سأتخرج من الجامعة بعد ثلاث شهور،وقد اخترت احدى الوزارات لأتدرب فيها، وصلت الى تلك المنطقة والسيارات مزدحمه والشوارع تعج بها، ولكني من الداخل فرحه جدا،فاليوم سأصبح موظفة وان كان لفترة محدودة. وصلت وقام موظف الأمن بتسجيل اسمي كوني جديدة حتى أضع سيارتي في مواقف الوزارة.
دخلت الى الشخص المعني، ألقيت التحيه ورحبت بي وأخذتني الى المدير، وعندما دخلت رحب بي وسألني ان كنت أود شرب شي،فشكرته، ومنها الى مدير القسم !!
جالت الافكار في مخيلتي، هل اني شخصية مهمة، لأمر على كل مدراء القسم ليتعرفوا علي ؟؟ ولكن لا بأس فأنا متدربة جديدة ويودون التعرف بي وأنا كذلك في الحقيقة ! ومن مدير الى آخر وكلهم يسألني نفس الاسئلة( من منه أنتي ؟ من أعياله ؟ ) وترحيب وتهلي وانتقل للآخر، الى أن وصلت الى المدير المعني ودخلت في تمام الثامنة والنصف،وأخذ يجول ويصول ببطولاته وشهاداته،( لكن في بالي) لا ضير من ذلك، فالمهم اني موظفة الان، وكنت متحمسه في البداية الا ان الملل بدأ يتسلل لي عندما تعدت الساعه العاشرة والنصف!! ساعتان وهو يتحدث ويشرح ويفسر نظريات، وقد أحس بذلك، فقال لا بأس من بعض النصائح واللتي أكثر مايهمني فيها ان يكون موظفي قسمي من الموظفين المبدعين! واتمنى ان تكوني مبدعه،( ومن داخلي كنت اقول، انا ام الابداع كله) وبعدها اخذ يعرفني على موظفي القسم ووظائفهم، ودخلت المكتب الكبير الذي يضم ثلاثة مكاتب وقال، تفضلي اجلسي هذا مكتبك وهنا سيكون عملك وسيأتي البقية ليعطوك العمل الذي ستباشرينه ويساعدونك. وكان المكتب خاليا في حينها.

خرج هو وبقيت لوحدي، القيت بنفسي على الكرسي وأكاد اقهقه من الفرح، آآآآآه أخيرا كبرت و صرت موظفة، ثواني وقطعها أخي الكبير باتصاله ، وسألني كيف هو العمل، وانا أخبره الى الان ( كل شي اوكي ) وأخذ يمازحني بكلامه المعتاد، حيالله الموظفة والمديرة. وبعدها جلست لوحدي أتأمل في المكان والمكاتب واتوقع من سيكون معي.

دقائق حتى دخل اثنان من الموظفين وهم شباب في مقتبل العمر، القوا التحية وجلس كلا على مكتبه !!
يا للصدمة، دارت بي الدنيا ولم تتوقف، هل سأجلس بين شابين لوحدي !!!!
رحبوا بي وطمأننوني أني سأتعلم العمل لاحقا وتباعا ولا مخافة من ذلك والوضع سيكون على مايرام. ولكني لم أكن أحس بما يدور في خاطري، فقد كانت الدموع تترقرق في عيوني، كيف لا وأنا أجلس معهم، لا أستطيع التحدث براحتي، فأيا كان الحديث سيبقون غرباء عني ولا يحق لي الحديث معهم الا في خصوص العمل وليس أكثر. وأستأذنونني للخروج في مهمات وسيعودون.هززت رأسي وخرجوا، لم أستطع تمالك نفسي فبكيت لوحدي وكفكفت دموعي لوحدي، فأخذت الأفكار تلعب بي يمينا وشمالا،أعلم ان مجال العمل مختلط وفي كل الجهات،ولكني لم أتوقع أن أكون الوحيدة بين الرجال، بعد فترة جائتني مجموعة من السيدات، وعرفت انهم في نفس القسم ولكن مكتبهم يبعد عني عدة أمتار ويباشرون نفس المهام الموكلة ولايوجد لديهم موظفين من الرجال. تحدثت على انفراد مع احداهن وأظنها مسؤلتهن ، وتفهمت جدا لموقفي، فطلبت ذلك واخبرتها ان الشباب ماقصروا وتعاملهم لي كان بكل احترام ولكني لم استطع التأقلم مع الوضع الجديد، خاصه وأني أحس أني أصبحت مقيدة في حركتي وكلامي وطريقة جلوسي على الكرسي، فأنا لست بين النساء لأتصرف كيفما أشاء.أخبرتني ان الموضوع كله مع المدير وهو من يحدد.

ما أن حانت الثانية والربع ، حتى فزعت من مكاني وحملت حقيبتي وسلمت للخروج، وكان الصوت يأتيني(حياج الله أختي في أمان الله).
ونزلت وكم كنت حزينة مكسورة القلب.. هل هذه أنا اللتي كنت لا أبالغ حين أقول اني كنت شعله من النشاط في الصباح، ولكني عدت للسيارة بخطى متثاقلة كئيبة الخاطر..

كتبت لكم مابخاطري من هم كبييير لا أعلم ماذا الحل له، هل أخاطب المدير صباحا وأطلب منه تحويلي لقسم البنات؟؟ مع العلم أنني أنا من أصريت على العمل في العمل الحالي لي لكوني أحب المجال نفسه ولكني لم أعلم باني سأكون الفتاة الوحيدة.

أم أبقى في قسمي ومكتبي وأنتظر لعل الله يغير في الأمر شيئا ؟

انتظر آرائكم بكل شغف فكلي ثقة بأني سأجد منكم من سيساعدني


وعذرا للإطالة

[وثيقة قطرية]

اختي العزيزة نصيحتي لكي أن تصبري وتثبتي نفسك في العمل
وبعد الإثبات وتوقيعج للعقد اطلبي من مديرج اللي في خاطرج

والله يوفقكج وانشوفج مديرة في يوم من الأيام

[دانـة قطـر]

مبروووووووووووك الوظيفه :nice:
وعقبالي يارب :(
أختي بصراحه فعلاً صعب الوحده تشتغل بين رجال..الله يعينج تكلمين المدير ينقلج للبنات ما دام عندهم نفسج مهامج فالمشكله مشكلة المكان فقط يعني وهذي أمرها أحس سهل يعني ما اعتقد يرفض

ربي يوفقج أختي ويسهل أمرج :)

[بوعلي2]

والله مادري يا أختي بس اهم شي راحتج شوفيها وين تكون وروحي لها الحين الواحد اذا بيسئل يقول كيف حالك وشلون الدوام معاك => هذا لشدت اهميته والدوام نفسيه طبعا وانتي شوفي الأفضل لج والاريح وسويه وكلمي مديرج (اسعى ياعبدي واسعى معك)

الله يوفقج ويبارك لج بشغلج الجديد ويحرسج من كل شر

[ورقــة أمــل]

اختي اهم شي تكونين مرتاحه في العمل
ومشكلة المكتب ممكن تنحل بعد فترة
حاولي تتكلمين مع المدير وتفهمينه الوضع بس مب الحين
ممكن بعد كم يوم لانه يمكن حاط الموضوع بباله او لعدم توافر مكاتب جديده خلاج معاهم مؤقتا
لا تتضايقين وايد وانتي توج الا اول يووم وفي اشياء وايد بتتغير مع الوقت
مبرووك التوظيف

[pure]

انا بعد رايي تدورين وين راحتج وتسعين لهااا

وصعب جداا انج تشتغلين في مكتب مختلط حتى راحه مب مرتاحه

وكل كلمه وهمسه ونظره محسووبه عند الله اولا وعقب عند الناس

[اسعاف]

ادعي الله ان يبعد عن العمل بين الرجال ،

ترى مع الزمان سوف تسقط الكلفة بينكم وتتعالى الضحكات ويذهب الحياء

( والحياء اشعرة )كما يقال عندكم في اهل البحرين

لكن همك الأول مرضاة ربك وسوف يوفقك الله لكل خير

الله يستر عليك في الدنيا والأخرة

[فـــــواز]

الله يعينك ويسهل امرك لله ان شاء الله

هو القادر على حل مشكلتك ان اراد

[بنت ذياب]

ادعي الله ان يبعد عن العمل بين الرجال ،

ترى مع الزمان سوف تسقط الكلفة بينكم وتتعالى الضحكات ويذهب الحياء

( والحياء اشعرة )كما يقال عندكم في اهل البحرين

لكن همك الأول مرضاة ربك وسوف يوفقك الله لكل خير

الله يستر عليك في الدنيا والأخرة


انا مع اخونا اسعااف

بيصير هالشي عادي عقب

وانصحج تكلمين المدير

مافيها شي ,

لاتستحين كلميه

اهم شي تكونين مرتاحه في المكان اللي تشتغلين فيه

علشان تبدعين عدل :)

الله ايوفقج يااارب ,,

[قطريه ماركه]

مبروووووووك حبيبتي بنت البحرين ع الوظيفة الجديده و منها للأعلى ان شاء الله ..



بخصوص الاختلاط كلمي المدير و حاولي لأنج ما بتبدعين في العمل الا اذا كنتي مرتااااااحه نفسياً ..

[بوخالد911]

مبروووك الوظيفة



وخللك عليها

وبعد فترة اطلبي نقل لإدارة ثانية

أو

وضع حاجز لج ( بارتشن )


والله يحفظج

[فلفل حار]

اممممممم ظرفج صعب

لانج اشتغلتي في وظيفه كنتي تحلمين فيها من زمان

ونفس الوقت حطوج خلط مابين رجال وانتي ماتبين هالشي ( ونعم التربيه والله:nice: )

المشكله صعب التطلب في الوظيفه من اليوم الاول

لكن بانصحج مثل ماراح انصح اختي لو كانت مكانج 00 أطلبي نقلج إلى مكتب موظفات والسبب هو عدم ارتياحج بين شباب

والله يستر عليج دنيا واخره يالشيخه

[بنت^البحرين1]

اخواني وخواتي مشكورين كلكم

بس بغيت اوضح لكم ،أنا ماتوظفت رسمي، ووضحت كلامي الظاهر مانتبهتوا قلت لك هالوظيفة عبارة عن فترة ( تدريب) عشان اجتاز واخلص بكالوريوس في مارس، يعني " تريننغ" وبخصوص طلب الحاجز، استحاله وضع هالحاجز في مكاتب مفتوحة في الوزارات وحتى الشركات الخاصه وخاصة في البحرين !

انا مابي اتطلب، لكن بعد يستحيل علي اني اقعد في النص ، انتوا تخيلوا وضعي شلون بيكون يوميا من سبع الصبح لي ثنتين وربع على يميني ريال وعلى يساري ريال؟؟ لا أقدر أكح ولا أتكلم، ولا أتحرك ولا حتى أرتاح في القعده

انا قلت بتوكل على الله وبكرة بكلم المدير من الصبح وبقوله اني مش قادرة، وفي حالة رفض ان ينقلني، بنسحب من الوزارة والتدريب بحصله في اي مكان ثاني، بس مستحيل أكون مستمره على هالوضع لانه اليوم اول يوم وانا والله يعلم ان حالتي النفسية احس اني متحطمه جدا..

قاعده اقول اذا الشغل هلون، والله بلاه من شغل وعني ماشتغلت دامها من البداية جذي بيحطوني وسط الرياييل مب لازم اشتغل

دعواتكم لي

[بوخالد911]

اخواني وخواتي مشكورين كلكم

بس بغيت اوضح لكم ،أنا ماتوظفت رسمي، ووضحت كلامي الظاهر مانتبهتوا قلت لك هالوظيفة عبارة عن فترة ( تدريب) عشان اجتاز واخلص بكالوريوس في مارس، يعني " تريننغ" وبخصوص طلب الحاجز، استحاله وضع هالحاجز في مكاتب مفتوحة وخاصة في البحرين !

انا مابي اتطلب، لكن بعد يستحيل علي اني اقعد في النص ، انتوا تخيلوا وضعي شلون بيكون يوميا من سبع الصبح لي ثنتين وربع على يميني ريال وعلى يساري ريال؟؟ لا أقدر أكح ولا أتكلم، ولا أتحرك ولا حتى أرتاح في القعده

انا قلت بتوكل على الله وبكرة بكلم المدير من الصبح وبقوله اني مش قادرة، وفي حالة رفض ان ينقلني، بنسحب من الوزارة والتدريب بحصله في اي مكان ثاني، بس مستحيل أكون مستمره على هالوضع لانه اليوم اول يوم وانا والله يعلم ان حالتي النفسية احس اني متحطمه جدا..

دعواتكم لي





((( ومن يتقِ الله يجعل له مخرجا ويرزقه من حيث لا يحتسب )))

صدق الله العظيم

[alwahesh]

الف الف الف مبروك

تستاهلين كل خير

واعتقد ان المجتمع البحرين مجتمع مفتوح ومتفتح

ومعاملة الرجال للنساء معاملة اخويه

[حقيقه]

الله يعينس
اعتقد طبيعة العمل تتطلب التعامل مع الجنسين من المراجعين طبعاً
يعني حتى لو كنتي بمكتب يجمع موظفات فقط
بيكون فيه مراجعين من الرجال عندكم
وبالتوفيق
هذا الزمن تغير والاختلاط في كل اغلب الاماكن حتى المدارس المستقله للبنات يدخلونها الرجال :nice:

[بنت^البحرين1]

اخوي الوحش اتفق معاك ، لكن مب كل انفتاح ايجابي واكيد تتفق معاي بهالكلام
الشباب اللي معاي في المكتب من خلال اليوم اول يوم، الشهاده لله ماعليهم كلام ومحترمين، لكن بعد مافي شي يجبرني اني الزم نفسي واقعد وسطهم وانا مجرد " متدربة" وحتى لو كان لوظيفة دايمه ، بعد باخذ نفس القرار، الحمدلله انا طموحي اتوظف مب عشان المادة لا والله الخير موجود الحمدلله، لكن احساسي اني انجزت شي من ورى اللي درسته هو اللي مخليني الح على سالفة الوظيفه، مع ان ماواجهته اليوم والله ان ابوي نصحني فيه من البداية، ومن الاساس هو مش من مؤيدي مجال العمل المختلط، لكن تحت الحاحي واني احاججه بان زمانه غير عن زمانا وان الوضع غير، اعرف انه مو موافق ولو بكيفه بيقولي اقعدي في البيت وبيجيج اللي يعطونج اياه من عندي بس ولا الاختلاط،، والله اليوم حسيت بقيمة كلامه بالضبط، وكنت كله اقول بيطبق نظرياته القديمة اللي قبل 30 سنه علي انا
بس فعلا والله ان ابوي صاج، الاختلاط غير ايجابي نهائيا، وخاصه كلام اخوي اسعاف، فعلا مع الوقت استحاله مايكون في سوالف وضحك واخذ وعطا( كفاية اليوم اشوف موظفة تقول موظف بس جيت اشوفك اكحل عيني !) وضحكوا كلهم ان عادي، اقول والله لو ابوي سامع هالكلام ماخلاني اداوم يوم ثاني !!

الله المستعان

[alwahesh]

شوفي اختي

ما في اخبر مني عن البحرين من ايام فندق دلمون وكانت الغرفه على 5 دنانير

المهم انا عندي مبدأ في الحياة ان المرأه اذا احترمت نفسها تجبر الرجال على احترامها والوقوف لها

بغض النظر عن من حولها وحتى عندنا في قطر الزوجه تخدع زوجها بانها منعزله عن الرجال ولكن للاسف
طول فترة الدوام تتصل بالرجال وعلى سبيل المثال

المشرفات في المدارس والوكيله والضابطه ايش طبيعة عملهم الا التنسيق مع سائقي الباصات او التعامل مع الشركات مثل كيوتل او كهرماء او البلديه وكلهم رجال

والانسانه الضعيفه او المريضه نفسيا ( اللعوب ) والله لو حطوها بخزنه من حديد بتخترع الف اختراع

والراتب ضمان اجتماعي حتى المليونير ما يستغى عنه وهذا الشيئ متفقين عليه

والله لما حرم الاختلاط فهناك اسباب وهناك استثناءات مثل الطبيبه والممرضه مثلا وهذيلا مب بس يتكلمون مع الرجال ....الله يقويهم والعكس صحيح

وخاصه في قطر مثلا الزوجه تروح مستشفى الولاده بخلاف خوفها على حياتها ولكن كل الاطباء من الرجال
والشباب حديثي التخرج والكل عارف كيف يتم فحص الجنين وخاصه الشهور الاخيره من الحمل

وعندنا حتى معظم فقهاء الدين بدون ذكر الاسامي بناتهم يشاركون في مؤتمرات وعلنا ولا احد انتقد

نصيحتي لج من اخ لاخته

لا تعطين لاي احد فرصه انه يكتشف شخصيتج وواصلي وثابري وساعتها يحلها الف حلال

[سمو انسان]

الله يعينج :omg:

حاولي مع المدير بكره واعتقد لو هو محترم ومتسنع بتجاوب معاج
واطلبي منه نقلج بكرا اول ما توصلين الشغل لانه هذا من حقج :)



اخوي الوحش اتفق معاك ، لكن مب كل انفتاح ايجابي واكيد تتفق معاي بهالكلام
الشباب اللي معاي في المكتب من خلال اليوم اول يوم، الشهاده لله ماعليهم كلام ومحترمين، لكن بعد مافي شي يجبرني اني الزم نفسي واقعد وسطهم وانا مجرد " متدربة" وحتى لو كان لوظيفة دايمه ، بعد باخذ نفس القرار، الحمدلله انا طموحي اتوظف مب عشان المادة لا والله الخير موجود الحمدلله، لكن احساسي اني انجزت شي من ورى اللي درسته هو اللي مخليني الح على سالفة الوظيفه، مع ان ماواجهته اليوم والله ان ابوي نصحني فيه من البداية، ومن الاساس هو مش من مؤيدي مجال العمل المختلط، لكن تحت الحاحي واني احاججه بان زمانه غير عن زمانا وان الوضع غير، اعرف انه مو موافق ولو بكيفه بيقولي اقعدي في البيت وبيجيج اللي يعطونج اياه من عندي بس ولا الاختلاط،، والله اليوم حسيت بقيمة كلامه بالضبط، وكنت كله اقول بيطبق نظرياته القديمة اللي قبل 30 سنه علي انا
بس فعلا والله ان ابوي صاج، الاختلاط غير ايجابي نهائيا، وخاصه كلام اخوي اسعاف، فعلا مع الوقت استحاله مايكون في سوالف وضحك واخذ وعطا( كفاية اليوم اشوف موظفة تقول موظف بس جيت اشوفك اكحل عيني !) وضحكوا كلهم ان عادي، اقول والله لو ابوي سامع هالكلام ماخلاني اداوم يوم ثاني !!

الله المستعان

انا اخالفج الراي السبب الرئيسي للوظيفه هي الماده :omen2:

[بنت^البحرين1]

اخوي سمو، الواحد ماينكر بيستانس بحصوله على الراتب، لكن هل معناه كل هالبشر تشتغل بس حق الراتب؟ في ناس عندها مصادر دخل مختلفه، وبالنسبة لهم يشتغلون وياخذون رواتب اقل من المبالغ اللي يجمعونها من شغلاتهم الثانية وايا كانت، وفي ناس تشتغل تطبق اللي درسته وحتى لو ماكانت محتاجه للراتب، يعني مب شرط الواحد يشتغل بس عشان الراتب وبس
مادري يمكن تخالفوني، بس انا اشوف يعني تعبت روحي ودرست ابي اطبق اللي درسته في شغل يناسب اللي درسته،اكيد في اللي يوافقني وفي اللي يخالفني

في النهاية الاختلاف في الرأي لا يفسد للود قضية مثل مايقولون

تحياتي لكم جميعا

[سمو انسان]

بسآلج سؤال وفكري قبل لتردين

هل انتي مستعده تشتغلين بدون راتب ؟ (يعني ق،مه كل يوم الصبح وتحضير وعوار راس)


ومانبغي نطلع برى الموضوع بس توكلي على الله وكلمي المدير بكره الصبح على اساس يكون على بينه ويحسب حسابه لو في اي نقل (طبعا نقل مكاتب مش اقسام)

[بنت^البحرين1]

ان شاءالله خير ياخوي سمو انسان،

عموما انا فوضت أمري لله، قلت الصبح بكلم المدير وباشوف ، اذا رضا خير وبركة والله يجزيه خير ، واذا مارضى بنسحب من الوزارة وبروح مكان ثاني

ومشكورين كلكم وماقصرتوا

[وطن]

اخوي الوحش اتفق معاك ، لكن مب كل انفتاح ايجابي واكيد تتفق معاي بهالكلام
الشباب اللي معاي في المكتب من خلال اليوم اول يوم، الشهاده لله ماعليهم كلام ومحترمين، لكن بعد مافي شي يجبرني اني الزم نفسي واقعد وسطهم وانا مجرد " متدربة" وحتى لو كان لوظيفة دايمه ، بعد باخذ نفس القرار، الحمدلله انا طموحي اتوظف مب عشان المادة لا والله الخير موجود الحمدلله، لكن احساسي اني انجزت شي من ورى اللي درسته هو اللي مخليني الح على سالفة الوظيفه، مع ان ماواجهته اليوم والله ان ابوي نصحني فيه من البداية، ومن الاساس هو مش من مؤيدي مجال العمل المختلط، لكن تحت الحاحي واني احاججه بان زمانه غير عن زمانا وان الوضع غير، اعرف انه مو موافق ولو بكيفه بيقولي اقعدي في البيت وبيجيج اللي يعطونج اياه من عندي بس ولا الاختلاط،، والله اليوم حسيت بقيمة كلامه بالضبط، وكنت كله اقول بيطبق نظرياته القديمة اللي قبل 30 سنه علي انا
بس فعلا والله ان ابوي صاج، الاختلاط غير ايجابي نهائيا، وخاصه كلام اخوي اسعاف، فعلا مع الوقت استحاله مايكون في سوالف وضحك واخذ وعطا( كفاية اليوم اشوف موظفة تقول موظف بس جيت اشوفك اكحل عيني !) وضحكوا كلهم ان عادي، اقول والله لو ابوي سامع هالكلام ماخلاني اداوم يوم ثاني !!

الله المستعان

:eek5:

اختي كل وحده تفرض احترامها
صار لنا سنين نشتغل مع رياييل

لكن هالجملة يستحيل تنقال
شدعوه !! في حدود وفي احترام متبادل

وهذي اللي شفتيها نموذج ما يطبق على الكل أكيد

الوضع اللي انحطيتي فيه مو حلو ومو مريح
بين مكتبين
لو يعطونج زاويه وبارتشن ع الاقل اهون لج

او يحطونج في مكتب فيه بنات او لج بروحج

مافيها شي لو رحتي وكلمتي المدير وطلبتي منه يغير لج موقع المكتب او يوفر لج مكتب في مكان معزول شوي
البنت تحتاج خصوصيتها

واذا ما قدر يوفر لج هالشي
خلاص امرج لله
غيري هالوزارة

[مافيا قطر]

اول شى الله يوفقج فى شغلج الجديد

والله الشيخه اللى محترمه ونفسها وماسكها على دينها وخايفه من الملك الجبار

صديقنى مايهما يشتغل معها رجال ولا بس انتى حاسه بالحرج غيرى مكانج وادعى ربج انه مديرج يوافق على تغيرج وربى يسير الامور

[مصراوية]

قبل اي حاجه

انتي تشوفي طبيعتك وشخصيتك
من النوع اللي لو اختلط مع رجال .. تعرفي تتصرفي؟؟


يعني تقدري تشتغلي طول اليوم
وواحد علي يمينك وواحد علي شمالك وانتي مركزا في شغلك ومالكيش دعوه لا بده ولا ده؟؟


في الحالة دي عادي لو بقيتي وسطهم واشتغلتي مع رجال




انما لو انتي من النوع

الخجول وهتتكسفي من اقل حركه او عطسا تعطسيها في المكتب وانتي وهما لوحدكم

يبقا تطلبي نقلك طبعا




بس في العام



انتي اللي بتفرضي احترامك ع اللي ادمك


وبعدين انتي رايحا عشان تشتغلي
لقيتي في ناس محترمة يبقا عادي لو كلام محترم وفي حدود المسموح



لقيتي ناس فاضيه وتافهه
يبقا خليكي في شغلك ووجودهم بالنسبه لك زي عدمه



بس المشكله هنا في ناس كتير
مجرد كلامك العادي معاهم بيفهموه غلط!!!

[بـن عدوان]

انا نفسي ما أايد انه البنت تشتغل في مكان خلط

وبعد تقولين بين شباب !!

انا اقول انج تكلمين المدير احسن

واذا ماوافق

حاولي انج تدورين على مكان غيره

لانه ماراح ترتاحين ولا بتحبين الشغل

[ابوسعود]

مبرووووووووووك الوظيفه

اختي انصحج تكلمين المدير من البدايه وتطلبين مكتب مستقل او النقل لقسم البنات

حتى مايقولج بعدين انتي ليش ساكته ولا يقول توج تتكلمين

لاتترددي استخيري وتوكلي على الله

كل التوفيق لج اختي

[أمير المحبه]

يالغاليه انا من راي تنطرين اسبوعين وتثبتين نفسج اشوي وعقبها اتكلمين المدير
لو كلمتي الحين بيقول هاي من اولها قامت تطلب اقول يمكن فنطري اسبوعين
وبعدها كلمي
واللللللللللللللللللللللللللللللللللف مبروووووووووووووووك الوووووووووووضيفه يالغاليه
تستاهلين كل خير

[بنت^البحرين1]

اخواني اشكركم على نصيحتكم ومساعدتكم لي

وأبشركم ، الحمدلله اليوم كلمت المدير وتفهم موقفي ونقلني للمكتب اللي فيه بنات بس،يعني ماصارت ثمان ونص الا انا في المكتب الجديد وكنت مرتاحة جدا وصح كنت تعبانه من الدوام بس اني كنت مرتاحة نفسيا وانا راجعه، الحمدلله

شكرا لكم جميعا

[سداوي&مدريدي]

اخواني اشكركم على نصيحتكم ومساعدتكم لي

وأبشركم ، الحمدلله اليوم كلمت المدير وتفهم موقفي ونقلني للمكتب اللي فيه بنات بس،يعني ماصارت ثمان ونص الا انا في المكتب الجديد وكنت مرتاحة جدا وصح كنت تعبانه من الدوام بس اني كنت مرتاحة نفسيا وانا راجعه، الحمدلله

شكرا لكم جميعا

مبروك الوظيف

ومبروك انهم غيرو مكتبج

:nice:

[opama]

اختي الله ايكون في عونج
وانا انصحج من البداية اذا كانت هذة هي وظيفتج الاساسية انج تطلبين عدم الاختلاط
والله يستر عليج او على خواتنا اجمعين

[مصراوية]

الف مبروك ع النقل

[وطن]

الحمدلله الله يسرها لج

:)

[alwahesh]

الف مبروك على النقل

بس تذكري

انج لو تخافين من الرجل مره ....احذري من النساء الف مره الا مليون مره

المرأه معروفه بالأنانيه وحب الذات
يعني لو حست ومجرد احساس ان المدير مهتم فيج بعد ما كان شايلها على كفوف الراحه ....الله يستر

وحتى بدون سبب الغيره مولعه عند البنات وتقول في سرها اعلمها وشوله

ورا ...انا غبيه .. ما اكون بريو بنت امي اذا ما رديتها للمرسه مره ثانيه

الله يوفقج ويسهل دربج

والى الامام

[ابوسعود]

اخواني اشكركم على نصيحتكم ومساعدتكم لي

وأبشركم ، الحمدلله اليوم كلمت المدير وتفهم موقفي ونقلني للمكتب اللي فيه بنات بس،يعني ماصارت ثمان ونص الا انا في المكتب الجديد وكنت مرتاحة جدا وصح كنت تعبانه من الدوام بس اني كنت مرتاحة نفسيا وانا راجعه، الحمدلله

شكرا لكم جميعا

الف الف الف مبروك

النقل :nice:

بنت البحرين

بهالمناسبه وين الحلوى :secret:

:shy::shy::shy:

:(<<<<<<<<<<<<<<<< مايفرط



تقبلي تحياتي

[أمير المحبه]

زيييييييين ابركها من ساااعه غير مكانج
ارتحتي الحمدالله الحيييين
اوك انا ابي حلوه بحرينيه ومتاي
+_+يفضل اشويطر ههههه
بالامبارك يالغاليه

[حسين بن عاقول]

ما لحقنا نعطيج نصيحه لكن لحقنا على الحلوى يالله لا تنسينا شويطرا ها مانبي غيره

مبروك على الوظيفة ولا تنسينا فاول راتب

[بنت^البحرين1]

ههههههههههههههههههههههههههههههههههههه

ان شاءالله الحلوى بتوصلكم، بس عطوني عناوينكم والا صندوق بريدكم وان شاءالله كل واحد بكرة بتوصله فريششششششششششششش وأنا صادقه عند ربي ان شاءالله
بس ارجو التحديد، حلوى حمرا او خضرا او ملكية، والمعروف هو شويطر لكن الالذ والاجود هو مروج المحرق بس شويطر هو الشايع بين الناسسسسسس

وهلا بكم جميع

[قطريه ماركه]

^
^

تسلمييين حبيبتي ما تقصرين ..:)

بس الشبااااااب يتغشمرون ..:secret:



فشلتوننا في هل البحرين ..:shy:

[اعالي الجنان]

ههههههههههههههههههههههههههههههههههههه

ان شاءالله الحلوى بتوصلكم، بس عطوني عناوينكم والا صندوق بريدكم وان شاءالله كل واحد بكرة بتوصله فريششششششششششششش وأنا صادقه عند ربي ان شاءالله
بس ارجو التحديد، حلوى حمرا او خضرا او ملكية، والمعروف هو شويطر لكن الالذ والاجود هو مروج المحرق بس شويطر هو الشايع بين الناسسسسسس

وهلا بكم جميع

انا ابي من مروج المحرق :) وابي سنبوسه بعد :) ومتاي اذا ممكن:eek5: والبريد عالخاص بطرشه :secret:

سبحان الله توني اشوف الموضوع ...والله كنت بقول لج استخيري ربج والله بيسرها لج او يصعبها لمصلحتج يالغاليه ...وبالاول والاخير عندي مقوله دايم ارددها من ترك لله شيئا عوضه الله خيرا منها ...بس الحمدلله لانج صدقتي النيه مع ربج بكرهج للاختلاط صدق ربي معاج ويسر امرج بانتقالج بعيد عن الرجال

وموفقه ان شاءالله يالغاليه:)

[حسين بن عاقول]

^
^

تسلمييين حبيبتي ما تقصرين ..:)

بس الشبااااااب يتغشمرون ..:secret:



فشلتوننا في هل البحرين ..:shy:


هي كريمة واحنا نستاهل خخخخخخخخخخخخخ

وبعدين بو بلاش كثر منه ووااههههههههه

تبين تقنعينا انج ماطرشتي صندوق بريدج لها :discuss:







ههههههههههههههههههههههههههههههههههههه

ان شاءالله الحلوى بتوصلكم، بس عطوني عناوينكم والا صندوق بريدكم وان شاءالله كل واحد بكرة بتوصله فريششششششششششششش وأنا صادقه عند ربي ان شاءالله
بس ارجو التحديد، حلوى حمرا او خضرا او ملكية، والمعروف هو شويطر لكن الالذ والاجود هو مروج المحرق بس شويطر هو الشايع بين الناسسسسسس

وهلا بكم جميع



امممم نبي احمر وملكي من شويطر بس فرششش