مشكلة تانكي بترول الكروزر [الأرشيف] - منتديات شبكة الأسهم القطرية

fahad487

22-12-2008, 09:39 AM

السلام عليكم ورحمة الله وبركاته

بغيت استفسر اذا في حد يصلح مشكلة تانكي البترول غير الوكاله

لاني ما احب ادخل سيارتي الوكاله موضفينهم تعبانين (واخد بال حضرتك)

اللي يعرف مكان زين وسريع لا يبخل علينا

احساس غريب

22-12-2008, 10:13 AM

والله يالشيخ موتري بعد نفس الحاله في مشكلة التانكي واتمنى من اي واحد عنده خبر يفيدنا بخصوص التانكي..

ولد شرق

22-12-2008, 10:13 AM

ياخي لين متى خدمات التويوتا جذيه؟

اخوي عندك المركز الياباني على طريق سلوى بعد دوار الغانم طبعا الشارع الداخلي اللي على يدك اليمين واحد اسمه نور وكان شغال في التيوتا قبل
والله يوفقك...واخد بال حضرتك؟

tawareq

22-12-2008, 10:17 AM

المشكلة بسيطة يا اخوان والحل ابسط

صب بترول بس 10 ريال وبعد فترة صب بعد 10 ريال وبعد فترة صب 10 ريال وهز السيارة شوي

وشوف النتيجة

لان نفس المشكلة صادفتني.

وشكرا

فتى الجود

22-12-2008, 10:21 AM

fahad487

22-12-2008, 10:34 AM

المشكلة بسيطة يا اخوان والحل ابسط

صب بترول بس 10 ريال وبعد فترة صب بعد 10 ريال وبعد فترة صب 10 ريال وهز السيارة شوي

وشوف النتيجة

لان نفس المشكلة صادفتني.

وشكرا

انحلت المشكله عندك أخوي ؟

fahad487

22-12-2008, 10:39 AM

مالك يا أستاز فهد
ليه شغل الشركة مابيجبكش ؟؟

الله يعينك لاتروح لهم

مش عاوز ابخشش

والله من ربعنا اللي يبخششون خربوا علينا كل شي مو بس الوكاله

لاميزون

22-12-2008, 10:51 AM

ياجماعه الخير ممكن نعرف شنهى مشكله التانكى

على نياته

22-12-2008, 11:43 AM

يالربع هل هذي المشكلة في ال 2009 بعد ولا بس في ال 2008 وشكرا للجميع .

احساس غريب

22-12-2008, 11:48 AM

يالربع هل هذي المشكلة في ال 2009 بعد ولا بس في ال 2008 وشكرا للجميع .

لا يالغالي بس ف ال 2008 وتم التعديل ف ال 2009 والحين لو تدخل موترك ال 2008 الوكاله بيعدلونه لك..

fahad487

22-12-2008, 12:22 PM

بس ليش هالمشكله في الدوحه بس انا ما سمعت حد يتكلم عنها الا هل الدوحه

هي بس في وارد عبدالغني

قطري 22

22-12-2008, 12:35 PM

انا عندي 2008 سعودي فيه نفس المشكله
انا دايم اقول للي بيعبي خل الهوز برا وصب بترول عشان يطلع الهوا
هشكل يفوووووول معك الموتر
لان المشكله في التنسيم شكله مسكر
ووووووووووووسلامتكم

رقم مميز

22-12-2008, 02:17 PM

اخوي

المشكله في عاومة التانكي ..

شغله ماتاخذ نص يووم في الوكاله بدوون بخشيش حتى

بس نصيحه اذا بتودي موترك نزل حتى البرغي منه ولاغراض الى في الدرج

لانهم سروووق الى في موتري كله حتى النصوص الى في الطفايه ماخلوهاا

ومفتشين موتري كله ... الله يعين وحسبي الله ونعم الوكيل

ALRAYYAN

22-12-2008, 02:38 PM

مشكله صارت معاي ووديته الوكاله والحين الحمد له تمام

ونفس المشكله مع موتر البيت ووديته الوكاله وصار اوكي فتره ورجعت الحين نفس المشكله

مشكله يقولون لك بدلنا القطعه وهم لا بدلوها ولا شي

الذمه وسيعه حسبي الله عليهم والله لايوفقهم اذا هذه سوالفهم

ذويبان

22-12-2008, 04:12 PM

الموضوع يا جماعه

هذا والعلم عند الله

بس اكثر الناس والميكانيكيه يقولون جذي

انا موتري 2008 ماصادتني المشكله

المشكله هي في الهوز الي يوصل من فتحة البترول الي برى الين التانكي

ضعييف لما يصير في ضغط من مكينة البترول مايمديه يلحق يصب

اوقات شيصير ينترس الهوز وتوقف المكينه

الشركه يبدلون الهوز ويركبون لك واحد اكبر

k9911

22-12-2008, 08:31 PM

السلام عليكم
ياشباب الحل سهل انشاء الله
وانت اتصب بترول بند السيارة وانشاء الله بتشوف
طريقة مجربة

fahad487

22-12-2008, 11:51 PM

السلام عليكم
ياشباب الحل سهل انشاء الله
وانت اتصب بترول بند السيارة وانشاء الله بتشوف
طريقة مجربة

وعليكم السلام

انا جربت بس مافي فايده نفس الشي من يوصل 39 ريال يوقف

ومشكورين شباب على تفاعلكم وانشالله نلقى حل للمشكله ولا نحتاج حق AAA

qtr666

23-12-2008, 02:17 AM

يالربع انا عندي نفس المشكله اذا بحط الموتر عندهم كم يوم ياخذ له