سؤال للي يستخدم بروباند كيوتل مهم

[فـــــواز]

السلام عليكم ورحمه الله وبركاته

يقولون الشيبان من نشد ما ظاع وانا بانشد واسال



من الي عنده هذي القطعه والاشتراك هل هي تقطع الاتصال في الانترنت لاني ناوي اقطع الاشتراك عندي dsl واستخدم بروباند بسرعه اكبر وباي مكان ابي

فيه واحد قال لي عند رفيقه ويقطع الاتصال بالنت

وما ادري الي استخدمها كم شهريا يدفع لو هو يوميا ينزل افلام تورنت وعلى المنتديات مشارك يعني يومه كله بالانترنت شغال

يعني كم بيكون شهريا لان قريت عن الخدمه انهم منزلين اسعارهم كثير

ياليت تعطوني نصايحكم للي استخدم هذي الخدمه وعيوبها

[عضو قديم]

خلك على البرق اذا انت من النوع اللي ينزل افلام من التورنت
لان اذا بتاخذ الباقة اللي بو 5 جيجابايت بسعر 300 شهريا هذا مو معناه ان مجموع ما نزلته من النت 5 جيجابايت لاتنسى حتى وانت تتصفح النت بعد محسوبه عليك واذا تعديت الحد المسموح لك وهو 5 جيجابايت بتدفع عن كل 1 ميجابايت درهم وعليك الحسبة
يعني لو في الاسبوع بتنزل 5 افلام بحجم 700 ميجابايت راحت عليك

انا عندي برق في البيت + البروتباند مخليه حق العديد بس
تحياتي

[فـــــواز]

يعني لو انتهت ال ٥ جيجا قبل الشهر

ونزلت ٥ افلام بحجم ٧٠٠ mb ميغابايت و ١ ميغا بريال بتكون الحسبه ٣٠٠ + ٧٠٠ = ١٠٠٠ ريال شهريا ول قسم بالله شي كثير
بس سوال يطرح نفسه ١ ميغا بدرهم او بريال يحسب علشان اذا كذا بتكون الناتج غلط والحسبه غير صحيحه

ياليت تكون بدرهم
يعني مافيه باقه الا محدود يعني ما يحسبون عليك شي ابدا

صدق نصابين كيوتل

[بولينجر]

اخوي لوتنزل افلام وملفات كبيرة الخدمة ماراح تنفعك.... لكن لو تبي بس تتصفح ممتازة....

[Most Wanted]

يقولون والعهده والكلام من ،احد ثقه ان قريب بيخل،نه باشتراك ثابت والتنزيل مفتوح

بس بالوقت الحالي هو ينفع مثل ما قالوا الشباب فوق حق البحر او مكان ما فيه انترنت برق او دي اس ال

بس انه يقطع انا عمره ما قطع معاي

[واحد في حاله]

الخدمه جيده وماتقطع .. طبعآ في مناطق تغطية ال3جي الي هي من الخور لين مسيعيد
اما في نطاق ال2جي الخدمه بطيئه لكن تمشي الحال في التصفح

بخصوص الاسعار فيه 3باقات 1جيجا 100 ريال و 3جيجا 200ريال و5 جيجا 300 ريال

اذا تنزل افلام مانصحك فيها ابدآ لان ممكن توصل فاتورتك فوق ال10الآف

لونفرض انك اخذت ال5 جيجا في الشهر واستخدمت 3 جيجا طبعآ ال2 جيجا الباقي يروحون عليك ومايترحلون للشهر الي بعده ... هذي نقطه

النقطه الثانيه اذا تعديت ال5 جيجا راح يحسب عليك عن كل ميجا ريال " قبل كان الميجا بعشره ريال وتم تخفيضه الى ريال "

الخدمه جيده للتصفح وللبورصه والماسنجر وتنزيل ملفات احجامها مب كبيره
وتقدر طبعآ تاخذ الكرت وتركبه في الجوال وتتصفح عن طريق الجوال او الايفون

لكن ماتغنيك عن خدمة برق ابدآ :nice:

[فـــــواز]

جدول الأسعار البيانات المتاحة الرسوم الشهرية الرسوم المضافة خارج نطاق الحزمة
لايت 1 غيغابايت 100ر. ق. 0.1 ريال/ ميغابايت
بلاس 3 غيغابايت 200ر. ق. 0.1 ريال/ ميغابايت
ماكس 5 غيغابايت 300ر. ق 0.1 ريال/ ميغابايت



الحين بعد ماتنتهي ٥ جيجا تحسب ١ ميغا بريال او بدرهم لان الي موضح بالجدول بدرهم

[ولد الرياان]

انصحك انك تخليك معا البرق احسن

انا كان عندي واحد في شهر دافع فاتوره 3650

وقطعته وركبت البرق

[زمن الغدر]

اممممممممم طيب بس ممكن اسلكم يالربع انا ابي القطعه استخدمها للشات صوتي وكتابي نفس المسن البرنامج انزله على جهازي نفس المسن بس صوتي وكتابي هل بيحسب علي واجد ؟؟؟؟
مثلا باليوم استخدمه ساعتين
ولا على هاي الاشياء مايحسب
ممكن تفودويني

[فـــــواز]

انصحك انك تخليك معا البرق احسن

انا كان عندي واحد في شهر دافع فاتوره 3650 :tease::tease::tease:

وقطعته وركبت البرق


بل شكلك يوميا شغال النت على ٢٤ ساعه ما طفي الجهاز


الله يعين شكلي بخليه بس حق تصفح باالمنتديات مومنزل برامج ولا افلام عليه الله يدبرها

[ANONYMOUS]

\
الله يعين شكلي بخليه بس حق تصفح باالمنتديات مومنزل برامج ولا افلام عليه الله يدبرها


حق التصفح او الماسنجر وخلافه ممتاز..

اما تنزيل افلام.... او برامج كبيره مايصلح.. تنزيل خفايف عادي

اللي عندي يقطع صراحه... بس نادرا.. والقهر اذا تنزل شي وقطع.. لازم تنزله من جد وجديد



انا اقول جربه 3 شهور.. اذا توالفت معاه كمل.. وان ماجاز لك.. اقطعه وبيع القطعه في المنتدى هنا

:)

[abo0o0od QtR]

السلام عليكم

حبيت اوضح لكم شوي عن الخدمه

المودم مايقطع واذا يقطع وياك احذف البرنامج وارجع نزله بيشتغل وياك اوكي واذا تم يقطع

في هالحاله تاخذ المودم وتوديه ستارلينك ويبدلونه لك لانه ضمانه سنه من تاريخ الشراء

ستار لينك فروعها في كل المجمعات موجوده بالاضافه للصالون الازرق بعد لهم فرع داخله

(( طبعا مودم كيوتل ))

وبالنسبه للسعر

بعد ما ينتهي الليمت الي ماحذه يكون كل ميقابايت بعشر دراهم يعني كل عشره ميقابايت بريال

وبعد بالنسبه للسرعه

اذا تستخدمه في مناطق تغطيه ال 3g بتكون السرعه 2 ميجا

اما اذا تستخدمه في مناطق تغطية ال Gprs بتكون السرعه 56 كيلو بايت يعني نفس اتصال

الدايل اب

وتحصل في فروع كيوتل خريطه مفصله عن المناطق الي فيها تغطيه ال 3G


والسموحه على الاطاله واي استفسار انا حاضر

[shmokh]

السرعة في شبكة ال 3g بس 2 ميجا ؟؟ ياخوك الدول اللي حوالينا ( الكويت ، السعودية ، واعتقد الامارات )

الداون لود مفتوح و سعر القطعة ارخص والسرعة وصلت 7.5 ميجا

كله بفضل التنافس بين الشركات

ما لنا الا نصبر لين يجي المنافس

[ANONYMOUS]

السرعة في شبكة ال 3g بس 2 ميجا ؟؟ ياخوك الدول اللي حوالينا ( الكويت ، السعودية ، واعتقد الامارات )

الداون لود مفتوح و سعر القطعة ارخص والسرعة وصلت 7.5 ميجا

كله بفضل التنافس بين الشركات

ما لنا الا نصبر لين يجي المنافس



عندي السرعه 7.2 عادة في لثري جي ارياز

وانا حاليا في الهلال.. والسرعه 236.8 Kbps

[البرونزي]

انا خذت كرت برودباند لاكن الجهاز ماكان متوفر عندهم
وبعد شهر ونص حصلت جهاز مستعمل وشريته
واستخدمته تقريباً خمس مرات وكل مره تكون
المده بين ساعه وساعه ونص وكنت اتصفح فقط
منتدى + ايميل فقط ومانزلت أي شي وجاتني
فاتوره بقيمة 990 ريال وبصراحه
احسن انها كثير

[abo0o0od QtR]

السرعة في شبكة ال 3g بس 2 ميجا ؟؟ ياخوك الدول اللي حوالينا ( الكويت ، السعودية ، واعتقد الامارات )

الداون لود مفتوح و سعر القطعة ارخص والسرعة وصلت 7.5 ميجا

كله بفضل التنافس بين الشركات

ما لنا الا نصبر لين يجي المنافس

اخوي انت لما تشبك على بقطعة البرودباند في تغطية ال 3G بتشوف السرعه 7.2 MB

بس السرعه الفعليه للاتصال اهي 2 MB

وحتى الان مافي ولا دوله في الخليج فيها اتصال 7.2 ميجا كلهم نفس قطر

2 ميجا بس يظهر الاتصال 7.2 لكن اهوا فعليا 2 ميجا بس

[abo0o0od QtR]

عندي السرعه 7.2 عادة في لثري جي ارياز

وانا حاليا في الهلال.. والسرعه 236.8 Kbps


الشيخ السرعه الوهميه في ال 3G اهيا 7.2 لكن اهيا فعليا 2 ميجا

وممكن اتاكد بعد ما تشبك دش على هالموقع بيغطيك السرعه الفعليه


www.speedtest.qa
هذا موقع تابع لكيوتل ويعطيك السرعه بالضبط كم بس لازم تكون منزل الجافا على جهازك



بالنسبه لل جي بي ار اس صادق اشوف سرعته توصل 265 kb