شخبار شركه ناس البحرينيه ؟؟؟

[المخلب]

شباب حد عنده اخبار عن شركه ناس البحرينيه

والله هل الشركه كاسره خاطري اول مره اشوف شركه تنزل البورصه بلمت داون !

بس ابي اعرف اخبارها علشان نفتك من سهمها ! :anger1:

[KhalidQ]

سعر السهم 0.53 و طبعاً الاكتتاب بسهم 06.1 و خسران
اللي اكتتب فيها (( يذكر ان السبب هو بيع العائلة المؤسسه لشركة
نصيبها من الشركة))

[jajassim]

سعر السهم 0.570

لو زارعين بصل أفضل


:con2: :con2: :con2:

[KhalidQ]

سعر السهم 0.570

لو زارعين بصل أفضل


:con2: :con2: :con2:


وكان في فايض في الاكتتاب

[jajassim]

اللي اكتتب اكثر من 1000 سهم يدخل في نسبة وتناسب اما الالف تم تخصيصه بالكامل ودمتم .

[المخلب]

ههههههه حسبي الله عليهم

يعني انا ابي اعرف هذي شركه وله حي الله اي كلام تبي تسجل اسمها بالبورصه وبس

صج الي قال مد لحافك على قد صروالك

وانا مسوي روحي صج بقول بربح منها الحين 70.000 الف ريال لو وصلت 7 دينار

احلام انسان طموح <<<<<:)

[jajassim]

وانا مسوي روحي صج بقول بربح منها الحين 70.000 الف ريال لو وصلت 7 دينار



بل بل بل بل بل بل بل بل بل بورصة ناسداك :funny: :funny: :funny: :funny:

[حالي الذوق]

الله يعينكم

[المخلب]

وانا مسوي روحي صج بقول بربح منها الحين 70.000 الف ريال لو وصلت 7 دينار



بل بل بل بل بل بل بل بل بل بورصة ناسداك :funny: :funny: :funny: :funny:

خخخخخخخخخخخ

والله يا جاسم كاني حبست فلوسي بحفره وماعرف شلون اطلعها !

يالله بكره تصير طفره اقتصاديه بالبحرين و يربحون احفادي ملايين من ورى جدهم (( المخلب )) :eek3:

[jajassim]

بعد عمر طويل ان شاء الله

وان شاء الله احفادك يتربون في عزك :nice: :nice:

[dr_haitham]

شباب حد عنده اخبار عن شركه ناس البحرينيه

والله هل الشركه كاسره خاطري اول مره اشوف شركه تنزل البورصه بلمت داون !

بس ابي اعرف اخبارها علشان نفتك من سهمها ! :anger1:



أخواني ,

ترى كلنا متورطين بهذا السهم الفاشل. المشكلة عندنا في البحرين ان شركات الوساطة ماتسمح بتنفيذ الصفقات أقل من 1500دينار اي مايعادل 15000ريال تقريبا سواء بيع أو شراء. وايد ناس ما كانوا يدرون واكتتبوا بكميات قليلة و مو قادرين يصرفونها. البورصة سوت نظام جديد بتجميع الأسهم الأقل من 1500دينار و بيعها بسعر قليل (انه موفاهم للحين). صاروا الناس يتخلصون من أسهمهم بخسارة لأن موفارقه وياهم لأن كمياتهم شوي وماتسوى.

واحنا اللي اشترينا كميات كبيرة متورطين فيها لأن اذا بعنا اللحين بنكون خسرانين وايد.

عليه العوض و منه العوض

[Bin Hood]

ههههههه حسبي الله عليهم

يعني انا ابي اعرف هذي شركه وله حي الله اي كلام تبي تسجل اسمها بالبورصه وبس

صج الي قال مد لحافك على قد صروالك

وانا مسوي روحي صج بقول بربح منها الحين 70.000 الف ريال لو وصلت 7 دينار

احلام انسان طموح <<<<<:)

الله يهداك يا المخلب 7 دينار توصل ماتبي 70 دينار احلى تكون بعد , حتى لو بعد سبعين سنه ما راح توصل 7 دينار , الظاهر انت ما شفت بورصة البحرين من قبل اسمع عيل انا الحين راح اعطيك قيمة بعض الا سهم الي حافظهم بدون لا اجوف شاشة الاسهم لانه ماتغير اصلا :

1.بنك البحرين الاسلا مي (من 410 الي 700 حده ) فلس
2.بنك البحرين الشامل 1.650 فلس خذاله سنه او اكثر على هالسعر
3.بتلكو دينار وشوي
4. المطاحن 300 فلس
5. الشرق الاوسط 100 فلس
هذي الي انا حافظة واذا تبي روح تاكد

الي ابي اقوله ان البنوك ماوصلوا حق سبعه دينار تبي هالشركه توصل , انا بعد نفس حالتك شريت 1000 سهم ونسيتهم بكل معنى الكلمه ويا المعومات الي سمعته من الشباب عن صعوبة البيع قول لهم باي باي.على العموم 1000 سهم تساوي 6000 ريال الله يعوضنه .

[KhalidQ]

طيب ليش البورصة عندكم كذا يترى المسؤاللين مايشوفن الدول المجاورة
اكيد في شي

[Bin Hood]

اخوي سنيك , بورصتنه لك عليه شوي صج انه من اقدم البورصات في الخليج , كل يوم انا كنت اشوف الجريد لين اكون في البحرين الاسعار ثابته ماتغير , مثلا تلقه كل الا سعار ثابته ما عدل جم سهم واحد ارتفع شوي وثاني نزل شوي , تقدر اتدش على الموقع ما سوق الاسهم .وبالنسبه عن سؤالك عن المسؤولين مادري عنهم شنو تبي يسوون ( ما قدر اجاوبك لاني ما عرف في الاسهم ذاك الزود ...مستواك عالي ) . انا انصح ان تبتعدون عن هالسوق .

[dr_haitham]

بالنسبة لسؤال الأخ سنيك! والله انه موقادر افهم نظام سوقنا في البحرين بخصوص تحديد تداول السوق. بصراحه انه من بديت استثمر و فلوسي بره البلد و غلطت غلطة و حطيت مبلغ عود في ناس لكن كل مستثمر لازم ياكلها مرة و أكثر عشان يتعلم و في البورصة مافي ندم لأن كلنا عارفين انها ربح وخسارة:)

بصراحه انه ما سمعت كلام ابوي و أخوي المهندس لما قالوا لي انه هالشركة تعبانه و مالها مستقبل وقلت انه مالهم في البورصة ومايفهمون لكن جنه كلامهم صح.

آنه اضحك وأقول الله يستر ويسهل علينا.

[راجي خير]

أخي dr_haitham:

هل لي بمعلومات عن سوق البحرين

وش قد يبيلي عشان اقدر اشتري وبيع (فتح محفضه)

وايضا شنو قوانينهم في البيع والشراء وهل صحيح اني لا استطيع ان ابيع او اشتري اقل من مبلغ 1500دينار؟؟؟؟؟؟؟؟؟؟؟؟؟؟؟؟؟؟؟؟؟؟؟
وما هي افضل شركات الوساطه

وشكرا

[jajassim]

يأخ المخلب عندي فكرة بس لا تضحك علي ، :D ايش رايك كل المكتتبين في شركة ناس البحرينية من القطريين في الدوحة ننتازل اسهمنا لشخص واحد ثم يتخلص من الاسهم وبعد ما يستلم المبلغ يقسمها علينا ، اذا كانت البورصة لاتسمح بتدوال أقل من 15000 ريال (( هى خربانه خربانه )) :anger1: :anger1:

ونرجوا من اخوانا البحرينيين افادتنا بكيفية اجراءات التنازل ودمتم :con2:

[jajassim]

هل في واحد منكم ( المكتتبين ) استلم اى اشعار بالتخصيص ؟؟؟

[ملك السوق]

السلام عليكم...حمدو ربكم ان الدرس وصل لهذا الحد...المره الجايه اذا سمعتو عن (اكتتاب)..لا تشلون جوازاتكم وتطيرون...وتسوون روحكم مستثمرين واتحللون بعد..نصيحه لوجه الله ( اذا حبيت تكتتب في شركه خارج قطر سواء اكتتاب عام او خاص اقرا النشره مضبوط وشوف وضع السوق ووضع الشركات من نفس القطاع واسال اهل الاختصاص وبعدين قرر..واذا كان خاص حاسب اكثر لان المبلغ اللي بيروح عليك بصعوبه بتقدر تعوضه(مبلغ كبير)........ )..والله يعوض عليكم خير انشاالله

[المخلب]

والله ياجماعه كسرتوا خاطري تحطمت احلامي الورديه والقصر الي كنت بسويه والمزرعه والشاليه والفندق والسياره والشركه والـ....... <<< حشى مو احلام صارت افلام


المهم ياجماعه البورصه فشلت بس القاهرني حتى مسج واحد ماطرشوا على الجوال او البريد العادي او حتى الاكتروني ! خلاص انا تعلمت لن اكتتب الا في 3 دول في الخليج (( السعوديه , الامارات , وبتاكيد قطر )) لان غيرهم ماينفع للاسف طبعا !

في بنك راح ينطرح في البحرين شراكم نكتتب فيه يمكن نربح ! :)

[المخلب]

الله يهداك يا المخلب 7 دينار توصل ماتبي 70 دينار احلى تكون بعد , حتى لو بعد سبعين سنه ما راح توصل 7 دينار , الظاهر انت ما شفت بورصة البحرين من قبل اسمع عيل انا الحين راح اعطيك قيمة بعض الا سهم الي حافظهم بدون لا اجوف شاشة الاسهم لانه ماتغير اصلا :

1.بنك البحرين الاسلا مي (من 410 الي 700 حده ) فلس
2.بنك البحرين الشامل 1.650 فلس خذاله سنه او اكثر على هالسعر
3.بتلكو دينار وشوي
4. المطاحن 300 فلس
5. الشرق الاوسط 100 فلس
هذي الي انا حافظة واذا تبي روح تاكد

الي ابي اقوله ان البنوك ماوصلوا حق سبعه دينار تبي هالشركه توصل , انا بعد نفس حالتك شريت 1000 سهم ونسيتهم بكل معنى الكلمه ويا المعومات الي سمعته من الشباب عن صعوبة البيع قول لهم باي باي.على العموم 1000 سهم تساوي 6000 ريال الله يعوضنه .

تصدق توني منتبه للاسف ما عرفت اللعبه الا متاخر :(

[المخلب]

أخواني ,

ترى كلنا متورطين بهذا السهم الفاشل. المشكلة عندنا في البحرين ان شركات الوساطة ماتسمح بتنفيذ الصفقات أقل من 1500دينار اي مايعادل 15000ريال تقريبا سواء بيع أو شراء. وايد ناس ما كانوا يدرون واكتتبوا بكميات قليلة و مو قادرين يصرفونها. البورصة سوت نظام جديد بتجميع الأسهم الأقل من 1500دينار و بيعها بسعر قليل (انه موفاهم للحين). صاروا الناس يتخلصون من أسهمهم بخسارة لأن موفارقه وياهم لأن كمياتهم شوي وماتسوى.

واحنا اللي اشترينا كميات كبيرة متورطين فيها لأن اذا بعنا اللحين بنكون خسرانين وايد.

عليه العوض و منه العوض

يعني شلون انا مااملك بالبحرين الا 1000 سهم بس ! شسوي علشان افتك من هذي البلوه ؟

[المخلب]

يأخ المخلب عندي فكرة بس لا تضحك علي ، :D ايش رايك كل المكتتبين في شركة ناس البحرينية من القطريين في الدوحة ننتازل اسهمنا لشخص واحد ثم يتخلص من الاسهم وبعد ما يستلم المبلغ يقسمها علينا ، اذا كانت البورصة لاتسمح بتدوال أقل من 15000 ريال (( هى خربانه خربانه )) :anger1: :anger1:

ونرجوا من اخوانا البحرينيين افادتنا بكيفية اجراءات التنازل ودمتم :con2:

جاسم (( بو محمد )) خلاص اتنازلي على اسهمك علشان نبيع ونفتك
ياخوك ورانا الاسمنت في قطر والبنك الجديد ابرك من هناك بالف مره وله شرايك

[المخلب]

السلام عليكم...حمدو ربكم ان الدرس وصل لهذا الحد...المره الجايه اذا سمعتو عن (اكتتاب)..لا تشلون جوازاتكم وتطيرون...وتسوون روحكم مستثمرين واتحللون بعد..نصيحه لوجه الله ( اذا حبيت تكتتب في شركه خارج قطر سواء اكتتاب عام او خاص اقرا النشره مضبوط وشوف وضع السوق ووضع الشركات من نفس القطاع واسال اهل الاختصاص وبعدين قرر..واذا كان خاص حاسب اكثر لان المبلغ اللي بيروح عليك بصعوبه بتقدر تعوضه(مبلغ كبير)........ )..والله يعوض عليكم خير انشاالله


والله تسلم على النصيحه :o

[dr_haitham]

أخي dr_haitham:

هل لي بمعلومات عن سوق البحرين

وش قد يبيلي عشان اقدر اشتري وبيع (فتح محفضه)

وايضا شنو قوانينهم في البيع والشراء وهل صحيح اني لا استطيع ان ابيع او اشتري اقل من مبلغ 1500دينار؟؟؟؟؟؟؟؟؟؟؟؟؟؟؟؟؟؟؟؟؟؟؟
وما هي افضل شركات الوساطه

وشكرا

أخواني الأعزاء عموما و أخص ألأخوان راجي خير و المخلب..
بالنسبة لأسألتكم :

فتح رقم مستثمر في البحرين 3دينار وحساب عند الوسيط 5دينار.. تداول الوسطاء وتنفيد الأوامر على الأقل لازم يكون البيع أو الشراء بما يعادل 1500دينار.

بالنسبة لكل من يملك 1000سهم في شركة ناس أو أقل من 1500دينار لهم نظام خاص يسمونه "سوق الكسور" أو Odd Market حسب وصف الوسيط بحيث يتم التداول عليها بشكل خاص و أحيانا أقل من سعر السوق لكني ما قدرت أفهم التفسير 100% لكن أهم شي انكم تقدرون تبيعون و مافي داعي للتوكيل أو تجميع الأسهم على شخص معين.

أنا أتعامل مع شركة Gulf Invest وأنا وايد مرتاح من تعاملهم وخصوصا انها شركه مقتدره ولها مده في السوق و عندها أيضا صناديق استثمارية وأنشطة في بورصات عالمية. ممكن تكلمونهم على رقم 0097317207070 لفتح حسابات أو للاجابة على بعض الأمور الغامضة بالنسبة لكم.

حسب كلام الوسيط ان السبب الرئيسي لإنخفاض سعر ناس في السوق هو أن أغلب المستثمرين من أخوانه السعوديين اللي 28000 منهم اشتروا على 1000 سهم وصاروا يصرفونه على أي سعر لأي سبب من الأسباب عن طريق سوق الكسور والسهم بيحتاج له أشهر حتى يعدل من وضعه في السوق.

أتمنى أني وضحت لكم بعض الأمور.

الله يعم الخير

[jajassim]

أخواني الأعزاء عموما و أخص ألأخوان راجي خير و المخلب..
بالنسبة لأسألتكم :

فتح رقم مستثمر في البحرين 3دينار وحساب عند الوسيط 5دينار.. تداول الوسطاء وتنفيد الأوامر على الأقل لازم يكون البيع أو الشراء بما يعادل 1500دينار.

بالنسبة لكل من يملك 1000سهم في شركة ناس أو أقل من 1500دينار لهم نظام خاص يسمونه "سوق الكسور" أو Odd Market حسب وصف الوسيط بحيث يتم التداول عليها بشكل خاص و أحيانا أقل من سعر السوق لكني ما قدرت أفهم التفسير 100% لكن أهم شي انكم تقدرون تبيعون و مافي داعي للتوكيل أو تجميع الأسهم على شخص معين.

أنا أتعامل مع شركة Gulf Invest وأنا وايد مرتاح من تعاملهم وخصوصا انها شركه مقتدره ولها مده في السوق و عندها أيضا صناديق استثمارية وأنشطة في بورصات عالمية. ممكن تكلمونهم على رقم 0097317207070 لفتح حسابات أو للاجابة على بعض الأمور الغامضة بالنسبة لكم.

حسب كلام الوسيط ان السبب الرئيسي لإنخفاض سعر ناس في السوق هو أن أغلب المستثمرين من أخوانه السعوديين اللي 28000 منهم اشتروا على 1000 سهم وصاروا يصرفونه على أي سعر لأي سبب من الأسباب عن طريق سوق الكسور والسهم بيحتاج له أشهر حتى يعدل من وضعه في السوق.

أتمنى أني وضحت لكم بعض الأمور.

الله يعم الخير


الله يعطيك العافية ويخليك ذخر لنا ان شاء الله :nice: :nice:

[dr_haitham]

الله يعطيك العافية ويخليك ذخر لنا ان شاء الله :nice: :nice:



لا شكر على واجب وحاضر لأي استفسار ومشكور على الموضوع اللي ارفقته من ملتقى البحرين بخصوص بورصة البحرين و ياريت الأعضاء يقرأونه.

والله يعطي الجميع العافية