لحد يسوي تامين من بعد اليوم !!

[السد]

السلام عليكم ورحمة الله وبركاته











اليوم رحت لشركة قطر للتامين
وشفت حالة التامين اللي يبي يجدد او يبغي يعمل بوليصة تامين
80 رقم فقط للتامين
يجب ان تحضر الساعة 6 لاخذ طابور
زحمة لا توصف
نفس الحال بالنسبة للشركة القطرية العامة للتامين واعادة التامين
150 رقم
الارقام تخلص تقريبا قبل الساعة 8
واذا رحت تجدد بعد هذا الوقت تقريبا الساعة 10 ونصف
يغلق الباب ولا يسمح لك بالدخول
هكذا وصل الحال لشركات التامين عندنا
مذلة الانسان !!
نصيحتي
شوفوا لكم شركات غير هذه الشركات المزدحمة
دوام واحد عندهم فقط
لا مواقف
شرطة المرور بانتظار المخالفين

وتم اليوم استدعاء الشرطة لنشوب خلاف بين احد الموظفين واحد المراجعين
وواحد من المراجعين قال انه جاء الساعة الثالثة صباحا ليمسك بالدور انتظار لتامين سيارته
اتركم مع الصور !!

[fahad487]

شلون ما تأمن يعني

التأميــــــــــن إجبـــــــــــــــــــــاري

[bnb]

شركات تعيسة ‏

تبي تلم فلوس بأي طريقة

الواجب موقع الكتروني لكل شركة

ويتم تجديد التأمين عن طريقة الموقع الالكتروني

وين وزارة الداخلية ؟؟!!‏

المفروض أجبار الشركات بانظام المواقع الالكترونية

[قطراوي للأبد]

يــآآزين اللبنانيه السويسريه P= .. لازحمه ولا بطيخ !

[طاير]

مية ريال مندوب وفك نفسك من العباله والله ايعين

[&بوشهد&]

والله شقا الحين موتري لازم اجدده الصراحة تكدرت الله يعين

[السد]

شلون ما تأمن يعني

التأميــــــــــن إجبـــــــــــــــــــــاري

أمن اخوي
غير هذه الشركات

[_بوشهاب_]

ياخوي انا امس مجدد التامين
والله بدون مبالغه صفيت السياره دخلت المبنى وخذت الرقم وانتظرت دوري وامنت ورجعت السياره كل هذ في
( ( ربع ساعه ) ) وانا رايح الساعه 8:30 الصبح
في الشركه الاسلاميه للتامين مجابل سينما الخليج

[السد]

ياخوي انا امس مجدد التامين
والله بدون مبالغه صفيت السياره دخلت المبنى وخذت الرقم وانتظرت دوري وامنت ورجعت السياره كل هذ في
( ( ربع ساعه ) ) وانا رايح الساعه 8:30 الصبح
في الشركه الاسلاميه للتامين مجابل سينما الخليج

زين اخوي ربع ساعة
ومشكور انك ذكرت اسم الشركة

[S A L M A N]

المشكله مب بالتامين

المشكله بقلة شركات التامين

مفروض تكون هناك شركات اكثر عشان يتوزعون العالم !

[غناتي1]

لا حول ولا قوة الا بالله العلي العظيم

الله يرحم ايام اللي لارحت تأمن يراكظون لك مراكظ خطر يشيلونك من الارض

عشان يكسبون الزبون 00 مب الحين وهالحالة

يبه السيارات كثرت في البلاد وهالشركات اشبعت

[الهاوي28]

القطرية للتأمين

طرشت لهم مندوب علشان يجدد تأمين موتري راح على يومين والارقام كلها مخلصه

كلمت مدير هناك عندهم وطبيت في بطنه الا يقولي طرش المندوب لان الحين الارقام متوفره

وبالفعل طرشت المندوب ويوم وصل مالقى ولا رقم

اتصلت بحضرة المدير المحترم واهنيه افلتت اعصابي ومب طبيت في بطنه الا دست بطنه

وفي الاخير قالي طرش لي صورة استمارة سيارتك بالفاكس وانا بجددها لك ومر علي متى مافضيت

خذ ورقة التأمين ههههههههههه قلت له انا مب فاضي امر عليك بطرش لك المندوب ومعاة الرسوم

[Index Signal]

الحل :

١. شركات التأمين تفتح فتره مسائيه.
٢. إجبار شركات التأمين بفتح فروع لها في مقر الفحص الفني.
٣. تفعيل دور وزارة الداخليه من خلال تجديد الإستماره بمقر الفحص الفني.

الخلاصه : المراجع يطلع من الفحص الفني خالص من كل شي و إستمارته معاه بدل اللف و الدوران في الشوارع بين الفحص الفني و شركات التأمين و المرور..!!

[khaldoon]

زين اخوي ربع ساعة
ومشكور انك ذكرت اسم الشركة

اخوي السد يمكن يقولك راجع شركتك وما يقبل يأمن لك

[khaldoon]

اخوي تبي تعرف ايش السر من هذه الحركات اللي تسويها شركات التأمين؟

تبي تعرف ليش يا اخوي يوم كان عدد سكان قطر نصف مليون كانوا يشتغلون للساعه 6 المغرب و يوم صاروا مليون الى مليون ونصف صاروا يشتغلون للساعه 1 او 3 العصر بالكثير...الناس تتقدم و تتطور بخدماتها والا تتأخر

شركات التأمين ما تقدر تمتنع عن القيام بتأمين السيارات وخصوصا ضد الغير لانهم في حالة رفضهم انهم يأمنون سيارتك ضد الغير بتغرموا عشرة الاف ريال

لهذا السبب تلاقيهم يماطلون فيقولون لك لو تبي تأمين ضد الغير الارقام خلصت و لو بغيت شامل اوكيه نعطيك رقم ...مثل ما قال اخونا a.b.t

شركات التأمين تحاول تقلل من خسائرها بتقليل فرص المأمنين بالقدوم عندهم و القيام بالتأمين

لو تشك بكلامي اسأل اي واحد يشتغل بشركات التأمين

تحياتي

http://208.43.66.217/vb/showthread.php?t=215608&highlight=%C7%E1%CA%C3%E3%ED%E4

[My Trip2]

انا باخذ على كلمتك بس لين صادوني الشرطه انت تدفع المخالف الي بيعطونياها لان التأمين مع الاستمار

يعني انا مب امجدد الستماره

خلك جاد في موضوع ترى انا جاد ومب امجدد موتر على كلمتك بس اذا صادوني انت تدفع المخالفه عني اوكي

انا ماتغشمر تراني صاج

[Q-tr]

في أختراااع اسمه فاااااااااكس

انا كل سنه استخدم الفاااكس طبعا عن طريق وسيط

لا عوار راس ولا زحمه

[فقط قطر]

المشكلة ان ادارة المرور فارضة علينا ان نأمن عند ذات الشركة السابق التأمين عندها...
ايش المشكلة لو تم التأمين عند شركة ثانية....

[بوعلي2]

أمن في الخور 5 دقايق لازحمه ولا شي :shy:

[tawareq]

المشكلة ان ادارة المرور فارضة علينا ان نأمن عند ذات الشركة السابق التأمين عندها...
ايش المشكلة لو تم التأمين عند شركة ثانية....

فعلا مشكلة كبيرة قبل تقدر تأمن في اي شركة وتغير التأمين في اي اوقت

اما الحين لازم تامن في نفس الشركة اللي انت فيها .

تعتقدون هذا افضل وللا قبل.

[hxamad]

ليش مايحطون لهم أفرع فى مراكز المرور مثل مدينة خليفة والصناعية والمعموره والمطار وجذية بتخف الزحمة بس شكلهم جذية مستانسين الجماعة

[الرايــق]

شركة قطر للتامين

ازدحام كالعادة والموظفين بطيئين للغاية ..

[ترتووووب]

والله يربع انه اتعس شركه شفتها هي شركه قطر للتأمين
والله يذلونك ذل اذا تبي منهم شي
والله مع اني لي خصم ويعطوني اقل من الشركات الباقيه بس لو بريال والله ما اامن سيارتي عندهم
ابيم سيارتي عند التكافل الاسلاميه ولا ابيم عندهم
ومعاملتهم ما في اخس منها
امس رحت لهم لانه في واحد داعمني
والله خذت الرقم 11:30
والله جدامي 70 واحد
جيت الساعه 1:00 جدامي 10
ما خلصت الا الساعه 1:45
واول ما تطلع من عندهم تلاقي شارع الكرنيش ما تنطاق

[لولوتي]

:shy:

انا اضطريت السنه اجدد استمارة سيارتي بنفسي
اضطريت اني اعتمد على نفسي بالرغم من اني كنت كارهه ادخل اي مكان من الاماكن اللي يحتاج الشخص يدخلها لاتمام اجراءات الاستماره ولكني قويت قلبي ورحت:shy:

وكان بودي اني اكتب لكم من قبل عن تجربتي هذي ولكني ماتشجعت:)

ابتداءاً بالفحص الفني وقفت عند اللولو وقدامي 10 مواتر..ولو اني ماكنت ناسيه فلوسي في البيت ورجعت عشان الافلوس كنت اول وحده

و لكن إنتبه لي النيبالي والهندي العاملين من بعيد وعطوني رقم وقالوا لي ماما انت مايبي يوقف مني
سألت ليش قال عشان هرمه
قلت الحمد لله وهذي تساهيل من رب العالمين
وسووا لي طريج وخلصت الفحص قبل... ناجحه طبعا :dance
واستانست اني عديت هالمرحله وانا اتمنى اني ماانحط في هالموقف مره ثانيه ابد
مع ان ربي سخر لي من يساعدني من الخيرين اللي حتى ماخلوني اوقف طابور حق الدفع ولا حتى انزل من السياره:shy:

وشركة التأمين شفت مكانها في طريجي وقلت راح اتكون محطتي الثانيه
ولكني يوم خلصت الفحص ورحت للشركه ((الدوحه للتأمين)) لقيتها زحمه وايد ومافي مواقف

واليوم الثاني من الساعه 6 ونص حضرت عندهم :shy:
وانتظرت وصول الموظفين ودقايق وخلصت المعامله الحمد لله

المرور
جنه الموظفه ازعلت يوم شافت ماعلي مخالفات:tease:
اول سنه ((بدون مخالفات)):victory:
وطبعا 10 دقايق مو اكثر وخلصت المعامله واستلمت الاستماره الجديده:)

اللي يبي يخلص اموره بسرعه عنده حل من اثنين
1- انه يروح لمكان المعامله قبل الموظفين عشان يكون اول واحد :)
2-:shy::shy: وحده اللي اتروح ((هرمه)) :shy::shy:

[moaam_79]

يا اخواني شركات التامين تقدر تساوي الف حل لهذة الازمة مثل ما قالو الاخوان عن طريق الموقع في الانترنت عن طريق الفروع عن طريق الدوام المسائي .........الخ
بش المشكلة ان شراكات التامين تبيها زحمة عشان تطفش الناس من عندها والشخص يروح يدور شركة تامين ثانية

عشان التامين ضد الغير ما فيه فايدة الهم
والدليل اذا اراد الشخص تامين شامل او اي نوع اخر من التامين مثلا تامين على الشحن تامين على الحريق

فيستقبلوك بكل اريحة مع الشاي والقهوة عشان فيه مربح لهم

بس التامين ضد الغير طوابير وعدوم توفر ارقام عشان ما فيه ربح 90% بس ربح 40%

وعلى حد علمي بانظمة التامين بسبب عملي السابق في اكثر من شركة تامين

ان بسنز التامين لا يوجد فيه خسائر ( صدق او لا تصدق)

[تركي الشهراني]

فيه اختراع اسمه مندوب

[ولد شرق]

سبحان الله
حتى شركات التأمين بدت اتذل القطري؟

اشبقا بعد غير؟

عبدالغني ذال هل قطر
كيوتل يكلمون القطري بخياس نفس
الخطوط القطريه دايسين على القطري

الصراحه انا اشوف ان الشركات الخدمية تندمج مع بعض و يكون عليها رئيس مثل وزير الداخلية الله يجزاه خير
والله يحفظ بلادنا ويحفظ اميرنا

[بوحماني]

الله يعين اسم تامين بس وتحمل اتسوي حادث واتكون انت المتضرر بتروح عليك بيذلونك ذل

[سعادة الوزير]

للأسف ان هالشركات تحت ظل الحكومة ووزارة الداخلية وتحت حمايتها ، واي شي تسويه في الناس محد يقدر يكلمهم عنه ولا حتى يلومهم عليه ، لذلك لا تستغرب اذا شفت كل هالذل في المعاملة.

[Q-tr]

حبيت اقولكم تقدرون تأمنون عن طريق المندوبين اللي في مروور مدينة خليفة وعموولتهم ماابين 50 و100

نووو عواار راااس نووووووووو خراابيط

[S A L M A N]

الله يعين اسم تامين بس وتحمل اتسوي حادث واتكون انت المتضرر بتروح عليك بيذلونك ذل


ايه والله

اكون انا الغلطان ولا اكون المتضرر

مأساااااه

(اول مره اشوف المتضرر يدفع فلوس عشان تصليح سيارته) !

[السد]

انا باخذ على كلمتك بس لين صادوني الشرطه انت تدفع المخالف الي بيعطونياها لان التأمين مع الاستمار

يعني انا مب امجدد الستماره

خلك جاد في موضوع ترى انا جاد ومب امجدد موتر على كلمتك بس اذا صادوني انت تدفع المخالفه عني اوكي

انا ماتغشمر تراني صاج


الظاهر اخوي انت فهمت غلط علي
انا اقصد من هذا الموضوع لا تعمل تامين في هذه الشركات المزدحمة
عرفت ؟:victory::victory:

[سهم متردد]

زين اخوي ربع ساعة
ومشكور انك ذكرت اسم الشركة

احسن تعامل شفته من شركات التاميييين
الله يوفقهم

[فلفل حار]

حبيت اقولكم تقدرون تأمنون عن طريق المندوبين اللي في مروور مدينة خليفة وعموولتهم ماابين 50 و100

نووو عواار راااس نووووووووو خراابيط

صادق:)

[Ghost]

انا رحت الا الموظف في قمة عدم الاحترام يقول تعال بكرة قبل الساعة السابع صباحاً ولا ازيدكم من الشعر بيت قعدنا في الطابور علشان حضرته يقول لنا تعالوا قبل السابعة هذا في شركو قطر للتأمين الدفنة بجوار اظن المحاكم

[بوعبدالله2]

ياليتنا ندفع أكثر بس نحصل على خدمة أفضل -- أحينا في الحوادث الصغيرة -- المتسبب في الحادث أفضل حالا
التأمين عندنا متخلف

[بوعبدالله2]

اذا أردت أن تصلح السيارة عن طريق التأمين وشفت معاملة الشركة جيدة ومستعدين لإصلاح السيارة فأعلم أنهم سيرسلوك الى أحد الكراجات التي يعرفونها
بالمناسبة شركات التأمين يملكها المساهمون (يعني مثلي ومثلك) لكن الي يضع سياستها المدراء ومجالس الادارت

[Q-tr]

صادق:)

شووووووفوو اللي يبغي يأمن عن طريق المندوووب او وسيط وبنفس الوقت يستلم التأمين في المروووور كلموني علشان اعطيكم الرقم بالخااااااص

هو مستعد يخلص المعاملات بالفااكس مايحتاج ارقام ولاشي يعني شغل سريع سريع عنده :)

نو خرابيط نو عوار رااس


<<< استغفر الله العظيم >>>

[السد]

انا رحت الا الموظف في قمة عدم الاحترام يقول تعال بكرة قبل الساعة السابع صباحاً ولا ازيدكم من الشعر بيت قعدنا في الطابور علشان حضرته يقول لنا تعالوا قبل السابعة هذا في شركو قطر للتأمين الدفنة بجوار اظن المحاكم

اكيد عدم الاحترام
انت قاعد اتطر من عنده
الصور اللي حاطها انا توضح ذلك !!

[السد]

اذا أردت أن تصلح السيارة عن طريق التأمين وشفت معاملة الشركة جيدة ومستعدين لإصلاح السيارة فأعلم أنهم سيرسلوك الى أحد الكراجات التي يعرفونها
بالمناسبة شركات التأمين يملكها المساهمون (يعني مثلي ومثلك) لكن الي يضع سياستها المدراء ومجالس الادارت

والله محد اللي مضيعها الا المصريين والفلسطينين
تقول قاعد تتسول عندهم
انا رايح شركة تامين
مش صندوق زكاة