استفسار من شباب الجمارك ..

[moschino8]

يعطيكم العافيه في موتر باخذه من واحد من الشباب ومطلوب تحريات بس باخذه بلوحته وباخذ توكيل على الريال ياريت اقدر اعرف اذا يطلع من الحدود او لا مع العلم باخذه بلوحته وبيتم باسمه وشاكرلكم .. ياريت تبينولي اذا اقدر اطلع من بو سمره او لا وشكرا

[عضو قديم]

لا ما يطلع على حسب علمي

[الجمارك]

الله يعافيك الشيخ
والموتر اكيد ما يطلع لانه مطلووب

[غناتي1]

ما يطلع 00 وش تبي بعوار الراس

[مستثمر 999]

ما يطلع
مب لانه مطلوب للتحريات

لانه مب باسمك

خبرك الشباب مزاجيين

وبالكلمه الطيبه تمشي امورك

حاول اتفاهم مع المرور ويمكن المشكله بسيطه والمخالفات الي عليها بسيطه

[moschino8]

يا شباب انا باخذ توكيل في بيع الموتر والسفر وكل شي

[_QTR_]

اذا على الطلعه عادي اذا عندك توكيل ومصدق من المحكمة نطلع عادي
انا كنت مسوي نفس الحركة حق واحد من الربع في الامارات
بس على التحريات مادر اذا بيطلع ... وبعدين اذا الاستمارة سارية المفعول اتوقع عادي

[moschino8]

في ناس تقول عادي وفي ناس تقول لا احترت الصراحه شاكر مشاركاتكم بانتظار مشاركه الاخرين

[QatarProv]

مرحبا الشيخ ..
الموتر اذا مطلوب .. يطلع ماعندك مشكلة من الجمارك ..موتري كان مطلوب وسافرت فية فوق الـ 5 مرات بس اذا علية تعميم .. طبعاً مايطلع ..

ويطلع الموتر بدون اي مشاكل .. بس اذا ماخاب الضن قبل ماتجدد الاستمارة لازم يتأخذون الاجراء معاه قبل ماتجدد ..

[moschino8]

شلون اعرف اذا الموتر معمم عليه او لا ؟

[بن درويش]

شلون اعرف اذا الموتر معمم عليه او لا ؟

اتصل جمارك بوسمره وعطهم رقم الموتر وشيك
قولهم باسافر فيه يطلع وله معمم عليه :)