تويوتا تعلن عن خسائر للمرة الاولى

[moaam_79]

السلام عليكم اخواني
تويوتا تعلن عن خسائر للمرة الاولى في 70 عاما



هذ ا الخبر منشور في موقع ال BBC
وهذا الرابط

http://news.bbc.co.uk/hi/arabic/business/newsid_7795000/7795004.stm

[مستثمر تحت التعليم]

دعوها تخيس .....................قصدي دعوها تصدي ــ ناجحه وخصوصا في السعوديه والفال لنا

[hxamad]

خسائر والحماعة عندنا على قولت أحد الأعضاء عندنا أنهم زودوا 5000 ريال على كل سيارة تويوتا

[My Trip2]

مب زين الشماته ياربع

[مهاجر]

مب زين الشماته ياربع

اي والله مب زينه

وانا اقول الله يوفقهم ويبارك لهم ( طبعا هالكلام لعبدالغني )

[moaam_79]

اخي الكريم my trip 2 القصة ما هي قصة شماتة

بس شركة عبدالغني بترفع الاسعار بالدوحة بدون حسيب ولا رقيب واذا تبي تشتري سيارة احجز سيارة بعد شهر باحسن حالك بتوصلك والمخازن عندهم مليانة

[cayenne s]

الله يقويكم يالربع ان شاء الله

[làst çhàncè]

خسائر تويوتا تقدر با 12 مليار ,,,,

[الحزين]

ياجماعة السيارات يبين انها متكدسة في شركة عبدالغني ويبون يصرفونها ..
أنا مثلا كنت حاجز Gx-r 2009 من شهر 7/2008 وخذوا صورة من بطاقتي الشخصية وراجعتهم مرتين وكل مرة يقولون لي بنتصل فيك لين وصل دورك .. وخليتهم لين قبل شهر اتصلت فيهم أسألهم عن السيارة إذا وصلت .. قالوا اسمك مب موجود في الحجز .. فدبرت لي سيارة من خارج الوكالة لاني ماقدرت انتظر اكثر من جذي .. والاسبوع اللي طاف اتصلوا فيني الوكالة وقالوا سيارتك وصلت فقلت لهم انتوا قلتوا ان اسمك مب موجود والحين تقولون سيارتك وصلت .. فقلت لهم خلاص مابيها الحين ،، واستغربت من رد الموظف اللي كان يكلمني باهتمام ماتعودنا عليه من الوكالة ..
واليوم الثاني اكتشفت ان كل اللي اعرفهم حاجزين اتصلوا فيهم ..
معناها ان السيارات كانت موجودة عندهم في المخزن بس يبون يعطونها حق غيرنا والحين يبون يصرفونها عشان ماطيح في جبودهم ..
مع ان اللي كلمني قال تعال خذ السيارة وبيراعونك في السعر .. بصراحة كلام وايد استغربت له انه من شركة عبدالغني

[moaam_79]

كلامك صح 100% اخ الحزين

[بومحمد911]

دعوها اتصدي

[alq6ry]

شباب شوفو اش كثر هالمواتر اعتقد انها لعبه خبيثه راح يتبعونها علشان عارفين ان احنا شعوب مغلوب على امرها يعني عادي عندهم يخلون موظفينهم وكأنهم مش مهتمين يعني يتصلون فيك يقولون لك ها تبي السياره ولا لا ومايكثرون معاك علشان يخلونك تحس ان بتروح حق غيرك وهكذا نفكر ان السيارات تروح وياخذونها الناس
هذه سياسه ذكيه انهم يطولون معاك ومايسلمونك السياره علشان لما تتأخر فتره طويله وعقب يتصلون فيك تقول بلللل خل الحق قبل لا تطير مني
انا متاكد انها سياسه خبيثه تتبعها الشركات لتوهم المشتري بان سياراتهم مرغوبه جدا حتى في هذا الوقت من الازمه
وماشالله القطري ذكي و كثير متفاعل مع الازمه يشتري حتى لو شنو لان احنا جزء من الشعوب اللي ماتدري وش يصير حواليها