ادخل الريان ولا لا ب100 الف

[العنابي11]

السلام عليكم وش رايكم شباب اسحب سلفه من البنك 100 الف واشتري الريان وخليه لمده 6 شهور ارجو ابدا الراي وشكرا

[الجسراوي]

اخوي نصيحه لوجه الله

ادخل قسم الشريعه واقرأ فتوى للشيخ السالوس يحرم شراء الاسهم عن طريق البنوك بسلفه

والله اعلم

[قناص الاسهم]

تسمع كلامي ؟

تحمل تسوي هالحركة :)

[ANONYMOUS]

لاتشتري ولا سهم بسلف

اذا عندك من زمان.. كيفك ..

بس بسلف.. تحمّل

[فهد الخاطر]

الغالي اذا كاش اوكي اذا قرض لا اؤيد هذا الشيء تخيل بعد ستة اشهر تلقاه بسعر 7 شوبتسوي عقب
لا ترمي نفسك في الهلاك يا الغالي
القروض للاسهم هي الي سببة للسوق كل المشاكل الحاليه

[Bin Hood]

اخوي نصيحه لوجه الله

ادخل قسم الشريعه واقرأ فتوى للشيخ السالوس يحرم شراء الاسهم عن طريق البنوك بسلفه

والله اعلم

عطني اللينك ضرووري اخوي الجسراوي

[qatar.com]

اخوي نصيحة لوجه الله وبتندم بعيدن ربعك الاولين الي سوى نفس هل الحركة روح شوفهم كل يوم يراجعون العيادة النفسانية والله يعين

[Q-tr]

قرض شراء الاسهم اختلف فيه العلماء ولم تتضح الرؤيا في صحته او شبهته

http://www.qatarshares.com/vb/showthread.php?t=215398

وانا راااي استخير او اتصل دار الفتوى واذا قالو لك اوكي يعني ركزز على كلمة أذا خذ لك على الاقل بتحصل اربااااح تقريبا 9000 ريال اذا شريت بالسعر الحالي


والسهم ان شاء الله بيطلع يعني بتدخل مبلغ حلو :)

انا هذا راااي

بالتوفيق

[Bin Hood]

بيض الله ويهك اخوي ولد الخور على اللينك

اخوي تقصد ارباح 9000 ريال !!

اذا الارباح 9000 ريال ما يغطي ارباح القرض !!

[Q-tr]

بيض الله ويهك اخوي ولد الخور على اللينك

اخوي تقصد ارباح 9000 ريال !!

اذا الارباح 9000 ريال ما يغطي ارباح القرض !!

اقصد العاائد على السهم أخوووي تقريباااااااا بيطلع لك تقريبا 8400 تقريبا يعني بالهلحدوود

وبعدين تقدرر تضاارب مضااربه يووميه يعني اشلون


الحين انت شريت 10000 سهم ب100 الف ريال على سعررر 10.00 انا الحين اعطيك مثاال اوكي

وعقب بيع ال10000 سهم على سعررر مممممممم خلنا نقول 10.3 بيطلع لك 103000

يعني ربحك تقريبا في اليوم اذا كنت شااطر 3000 ريال طبعاا هذا بالتقريب ...


حاول تطقطق شوي الين ما السهم يرتفع وان شاء الله متفاااائل خير بالسهم انه بطلع

الشهور الجااايه

بالتووفيق للجميع

[Bin Hood]

تسلم ولد الخور والفكرة وصلت

[BuFaisal]

الغالي اذا كاش اوكي اذا قرض لا اؤيد هذا الشيء تخيل بعد ستة اشهر تلقاه بسعر 7 شوبتسوي عقب
لا ترمي نفسك في الهلاك يا الغالي
القروض للاسهم هي الي سببة للسوق كل المشاكل الحاليه

اتفق مع كلام اخوي بالاعلى ولا حاجة ان اذكرك بالتاكد من حكمها الشرعي وتفادي البنوك الربوية
صل صلاة استخارة وقرر وتحمل نتائج قرارك
يعني ان لم تشتري وطلع السهم لا تقول الشباب نصحوني بشئ ضرني
وان شريت ونزل السوق لا تدعي عليهم :)
وان شريت وطلع السوق .. الله يوفقك

عن نفسي انا جربت الشراء عن طريق بنك اسلامي من زمان وطلعت خسران والحمد لله على كل حال

[بن كهلان]

تحمممممممممممممممممممممممممل من تجربة شخصية خذيت سلفة وشريت اسهم ( ايام ما كان المصرف فوق 300) ولا يومك اسدد الاقساط ...والعوض على الله الحمد لله قدر الله وما شاء فعل

[غــلآ عمــري]

تحمممممممممممممممممممممممممل من تجربة شخصية خذيت سلفة وشريت اسهم ( ايام ما كان المصرف فوق 300) ولا يومك اسدد الاقساط ...والعوض على الله الحمد لله قدر الله وما شاء فعل

وآنآ بعد صآرت لي نفس الحآآآلـــه..آخوي آبعد عن الشر وغني لــــــــــه

[كويتي111]

اما حياتن كلها عز في عز ===== ولا مماتن في سبيل المعزه ===== اقول الله يوفقك كلن له حظ وستخير====== وملا يغبر شاربه مايدسمه

[دربوه]

اخوي نصيحه

فكر صح ولا تغرك الردود

انا بقولك على شغله

ان كان هالسلفه مب حرام

فلما تشتري ببنك اسلامي ما اظنه حرام

الشرع واضح واتمنى اي حد عنده فتوى يدلنا عليها

لانه ساعتها اكثرنا بيكون دش بالحرام بدون لا يعرف

انا نصيحتي لك انه تاخذ مبلغ معقول مثلا 100 الف

ماعتقد بتهدد مستقبلك اذا نجحت الحمدلله

واذا لا بتكون حاولت تحسن مستواك وهالشي طيب

الحين بالله لو شريت الريان ب10 ونزل لل8 بتكون خسرت مبلغ بسيط

بس انت بعد مو لازم تبيع لما ينزل لل8

طلع الفلوس وبيع الاسهم بنفس اليوم علشان ماتكون خسارتك كبيره ويمكن تربح

وخل الكاش برصيدك اول ماتشوف الاسعار وصلت لحد مغري

مثلا الريان وصل لل8 او لل8 ونص اشتري وانطر وصدقني

ماراح تندم فكر عدل ولا تتسرع ولا تخلي الاسهم تسيطر عليك

اشتريها لما تكون رايحه فيها واستغل ابسط ارتفاع وبيع ورد انطر لين تنهار

وبعون الله راح تنجح اهم شي تكون صبور

[العنابي11]

اشكر جميع اخواني على النصائح الطيه من الوجيه الطيه
ملفت نضري اختلاف الاخوان في لو كان القرض ربوي او حلال
ولله الحمد والشكر انني في بنك حلال المصرف الاسلامي
وانا لو ربحت لله الحمد والشكر ولو خسرت بعد الحمدلله والشكر
الواحد يعمل بالاسباب والرزق عند العزيز الحكيم
وارجع واقول اشكركم جميعا على النصائح الطيبه