الـــى موظفيـــن كيــــوتل خـــاصتنـــا .. واهـــل الخبـــرة عامتــنا ..

[راسيه]

صباح الخير
اخواني .. واخواتي

ماكتبت هالموضوع الا راجيه الاقي حل عندكم ...

وحدة من ربعي تمر في ظروووف صعبه والسبب ازعاج من رقم سعووووودي بغرض التخريب وهدم بيتها ..

السؤال ::؟؟؟
- هل ممكن نعرف هالرقم ( السعودي ) على اي جهاز يشتغل ؟؟ وشنهي الارقام القطرية اللي اشتغلت على نفس الجهاز من قبل ؟؟ لعل وعسى نعرف صااحب هالحركااات

علما بان الخط السعودي في قطر وله اوقات يشتغل فيها .. يعني مب 24 ساعه شغال

يعني صاحب هالحركات قطري .. وفي قطر .. ويستخدم الشريحه السعوديه بغرض التخريب واللعب في اعراض الناس .. وان الشرائح السعوديه ماتتسجل بأسمااااااء ,,

واللي يرحم والديكم اللي يقدر يفيدني او يساعدني لايقصر ..

[فارس الكلمة]

دعيها تغير رقمها .. و ترتاح ..

أو تقوم بالإبلاغ عنه .. لدى الشرطة و كيوتل ..

[راسيه]

دعيها تغير رقمها .. و ترتاح ..

أو تقوم بالإبلاغ عنه .. لدى الشرطة و كيوتل ..


شاكره لك ردك اخوي
بس تغير رقمها ..:discuss:
ورقم اهلها ؟؟ المشكله انه شغال على اكثر من رقم

الابلاغ ؟ صعب .. بنت ناس وقبايل يتحقق معاها ومع اهل بيتها ..

[سهم بن سهم]

الرقم السعودي يطلع عندكم في الموبايل ؟؟؟؟؟

[ANONYMOUS]

خل تغير رقمها.. اذا جاده في الموضوع

إلا إذا كان الرقم أهم من خراب لبيوت

[zeknon]

كيف يعرف اكثر من رقم لها على قولتج يعرف
على العموم تبند الرقم فترة او تغيرة
والله يستر عليها او على المسلمين

[فارس الكلمة]

الابلاغ ؟ صعب .. بنت ناس وقبايل يتحقق معاها ومع اهل بيتها ..

عليها أن تبلغ زوجها .. و اقرباءها عن هذا المتصل المزعج ..؟

حتى تكون في مأمن من الشكوك و الريبة .. و تنفذ بجلدها .:)

نسأل الله أن يستر على جميع المسلمين ..

[Abu Deeb]

أختي ممكن أنها تشتكي لكيوتل وأعتقد ممكن يصير تنسيق وينعرف صاحب اسم صاحب الشريحه السعوديه
ومن ثم يتم تحديد مكان الشريحه بقطر وهم في كيوتل عندهم طرق يعرفون مكان هالرقم
أو إذا هالرقم مب مهم تغيرة وتفتك

[واحد ثقة]

إذا كانت صديقتك جادة في مسألة معرفة من هو صاحب هذه الحركات فلتبلغ الجهات المختصّة فهي التي بإمكانها معرفة هذه التفاصيل ومعاقبة هذا المزعج ،،

أما إذا كانت لاتريد الفضيحة وعوار الرأس فلتغير رقمها نهائياً وتنهي الموضوع ،،

وكروت الـ هلا الآن بـ 50 ريال فقط :)

[opama]

كيف يعرف اكثر من رقم لها على قولتج يعرف
على العموم تبند الرقم فترة او تغيرة
والله يستر عليها او على المسلمين

انا اتفق معك
يعطيك العافية

[بو الجوري]

تغير رقمها وتفتك ..

بس انا دخلت الموضوع عشان أصحح العنوان ..

خاصةً مب خاصتنا !!

وعامةً مب عامتنا !!

ولج تحياتي ..

وتقبلي مروري

[هدهد سليمان]

الحل الوحيد هو بإبلاغ ذوي القربى .. زوجها اخوها ابوها او الشي الثاني تسفه الرقم والملغ الإ ما يجيه يوم يتملل ويستح على وجهه وما يتصل .. والله يستر على الناس في الدنيا والأخره

[عبير وردة]

الباب اللي يجيك من الريح .................. سده واستريح

والرقم اللي يجيلك منه وجع الراس ......... مش صعب انه ينلغى ويتغير .... وبس

[alwahesh]

اختي
ارجوا انج تتقبلين ردي بصدر رحب
كل السالفه انها تبلغ شرطة العاصمه عند البنات القطريات وفي نفس اليوم يطلعونه ويسحبونه من اذنه

الا اذا ................تعرف الشخص لانك ذكرتي انه يعرف ارقامها ... والله هداها وخايفه من الفضايح مثلا

مالها الا انها تغير ارقامها

ولكن تقولين بنت قبايل وبنت ناس وما يحوز تدخل المراكز انا ما تفق معاج لان الشرطه فقط عندهم الصلاحيه
بتحديد موقع الشخص عن طريق الاقمار الصناعيه ويعرفون نوع الجهاز او الجوال عن طريق الرقم المتسلسل
او السيريال نمبر


وطرشي رساله لاخونا جاجاجاسم على الخاص ممكن يفيدج

[ورقــة أمــل]

عادي تقدر تغير ارقامها حتى لو غيرت ارقامها وارقام بيتهم كلها اهم شي تفتك منه ولا تجيب لنفسها عوار الراس ولا تدخل بمشاكل
بعدين غريبة يعرف اكثر من رقم لها؟ يمكن حد يعرفها و يبي يسوي لها مشاكل

[يابعدهمـ]

آنا أجوف انهآ تقول حق اهلهآآ السآلفه من طأ طأ إلى السلأمـ عليكمـ ،، ولأ عقب بتصير لهآآ مشآكل هي في غنى عنهآآ حتى لو كآنت تعرف هالشخص إلي يتصل فيهآ ومعآهآ علأقه من قبل ،، تقول لآهلهآ كل شي ولآ أن يدرون من شخص ثآني ...!! ابوهآ واخوآنهآ بيقدرون يتصرفون معآآهـ ،، السآلفه يبيلهآآ رجآل لآ أكثر ولآ أقل ،،

الله يوفقهآآ ويستر علينآ وعليهآآ وع الجميـع ،،


تحيآآتي لج


=)

[بوعبدالله2]

خذي اذن بتسجل المكالمة وسجليها عندم يتصل الرقم وسوف تكون هذه آخر مكالمة باذن الله

[بنت^البحرين1]

استغفر الله العظيم

ماودي اظلم احد ، لكن حدث لي نفس الموقف ومن رقم سعودي ومن السعودية، يوميا يتصل بشكل جنوني كل وقت واستمر اكثر من شهر بدون كلل او ملل، الى أن طفح بي وقلت لاخوي السالفة وعطيته التلفون، وطبعا تفاهم معاه بطرق الرياييل الخاصه فيما بينهم ومن يومها انتهى عوار الراس واختفى الازعاج الحمدلله

مثل ماقالوا الاخوان والخوات، الموضوع محتاج ريال بس يوقف وقفة أسد وكل شي بيكون اوكي ان شاءالله

[بوخالد911]

التبيلييغ عن الحقييير

او تغيير الرقم وتخبر ربعها بالرقم الجديد

وبس

[qtr666]

الله يستر علينا وعلى المسلمين

[البرونزي]

اختي
ارجوا انج تتقبلين ردي بصدر رحب
كل السالفه انها تبلغ شرطة العاصمه عند البنات القطريات وفي نفس اليوم يطلعونه ويسحبونه من اذنه

الا اذا ................تعرف الشخص لانك ذكرتي انه يعرف ارقامها ... والله هداها وخايفه من الفضايح مثلا

مالها الا انها تغير ارقامها

ولكن تقولين بنت قبايل وبنت ناس وما يحوز تدخل المراكز انا ما تفق معاج لان الشرطه فقط عندهم الصلاحيه
بتحديد موقع الشخص عن طريق الاقمار الصناعيه ويعرفون نوع الجهاز او الجوال عن طريق الرقم المتسلسل
او السيريال نمبر


وطرشي رساله لاخونا جاجاجاسم على الخاص ممكن يفيدج

أعرف واحد صار له نفس الموضوع
وراح مركز العاصمه وقالوا له روح
أقرب مركز شرطه حق بيتكم وراح اقرب
مركز حق بيتهم وقالوا له مانقدر نسوي لك
شي دام الرقم مش قطري وروح البحرين وشتك
عندهم والحبيب راح البحرين وشتكى في المركز
وقالوا له لازم تشتكي في اقرب مركز في لحظه
الاتصال وطلع من عندهم وهو رايح شارع المعارض
وجاته رساله من رقم الي يزعجه وراح المركز الي
في شارع المعاض وشتكى وهالسالفه من اربع شهور
والين اليوم ماصار شي بالموضوع .
يعني عوار راس على الفاضي

انصحيها وخلتها تقول

حسبي الله ونعم الوكيل


واعتقد هالشي يكفي واحسن من مراكز الشرطه

[حبر سري]

المشكلة تدرون وين؟
ان الحل معروف بس لسبب ما ماتبي الاخت تطبقه , الا وهو تغيير الرقم
الله يستر علينا وعلى جميع بنات المسلمين

[بنت المنتدى]

خل تغير رقمها.. اذا جاده في الموضوع

إلا إذا كان الرقم أهم من خراب لبيوت

:nice:

[Only Me]

الواحد يعتمد ع نفسه
يعني اشوف ان الموضوع ما يحتاج إن ينكتب او ينقال

الواحد يعرف إيش يسوي مو لازم يقول حق كل الناس