المساعد الشخصي الرقمي

مشاهدة النسخة كاملة : (الأسئلة عن الأبتعاث في الخارج) للقطريين فقط


KhalidQ
26-12-2008, 10:48 PM
السلام عليكم و رحمة الله و بركاته

كون الموضوع هو الاول و خبذا ندخل في الموضوع بتفاصيل الممله ان صح التعبير
اريد ان من مر بتجربه الابتعاث او الدراسه في الخارج يشرح لنا

أولاً : الجامعة او الكلية في اي الدولة

ثانياً: عن طريق الاخاص او جهه حكومية

ثالثاً: التخصص

رابعاً: شرح مفصل عن الفيز و السكن و المواقف الطريفه


لا اخفي عليكم ان اخي الاصغر يريد ان يتعلم بالخارج في الدول
ابرطانيا - اليابان - كوريا الجنوبية - استراليا


ومن استشار ما خاب

و لكل شخص يشرح اكثر له مني هدية خاصه
دانـة قطـر
26-12-2008, 10:55 PM
السلام عليكم و رحمة الله و بركاته

كون الموضوع هو الاول و خبذا ندخل في الموضوع بتفاصيل الممله ان صح التعبير
اريد ان من مر بتجربه الابتعاث او الدراسه في الخارج يشرح لنا

أولاً : الجامعة او الكلية في اي الدولة

ثانياً: عن طريق الاخاص او جهه حكومية

ثالثاً: التخصص

رابعاً: شرح مفصل عن الفيز و السكن و المواقف الطريفه


لا اخفي عليكم ان اخي الاصغر يريد ان يتعلم بالخارج في الدول
ابرطانيا - اليابان - كوريا الجنوبية - استراليا


ومن استشار ما خاب

و لكل شخص يشرح اكثر له مني هدية خاصه



ربي يوفقه وييسر أمره :victory:
بس اليابان وكوريا!!:(
بتلوع جبده وبيزهق كل ما تلفت يحصل نفس الاشخاص :tease:
استراليا وبريطانيا فيها عرب أكثر وما راح يتملل
السموحه أخوي ما قدرت افيدك بس بغيت اقول الله يوفقه:nice:
al-fahad
26-12-2008, 11:07 PM
من الدول التي ذكرت انصح بأستراليا شعبها طيب ولا مكان للعنصرية عندهم .. أقول ذلك عن واقع تجربة ..
سلامي للكل
26-12-2008, 11:18 PM
وعليكمـ الســلام ورحمـة الله وبركاته

انا حالياً مبتعث للدراســة:), وان شاء الله اجاوبك على كل الاسئلة اللي تدور في بالك

الجامعــة: جامعة برادفور تقــع في مدينة برادفور - بريطانيا :)

الابتعاث: عــن طريق احــدى الشركــات التابعـة لقطــر للبتــرول وتحت اشـراف قطر للبتــرول

التخصــص: هنــدسـة مكانيكيـة :nice:

الراتب: 1200 باوند استرليني (للسكــن والكهرباء والماء والاكل والمصاريف)

السكــن: مستأجــر شقة خاصة لوحـدي وذلك عن طريق احــدى مكاتب الوساطه بـ المدينة

اغلب سكان المدينة التي انا فيها من المسلميــن الباكستانيين والحمــد لله ما نحاتي سالفة الاكل الحــلال (المطاعم والمحــلات الحـلال موجــودة وبكثــرة :nice:)

نصيحــة اخ لاخــوه: بريطانيا او امريــكـا احســن الاماكـن للابتعاث(من ناحيـة الدراسة وان كان هناك عنصرية ببعض المدن البريطانية وامريكا) وان كان يقــدر يكمــل دراسته ولو بجامعة قطــر ترى خير وبركة, ترى الغربة قاسيــة وانا اخــوك:weeping:

اتمنــى اني جاوبتك على كل الاسئلــة اللي طرحتها :shy:

ربٍ يوفقك اخــوك :)

واي استفســار انا حاضـر:nice:, وفاااااااااااالك التوفيــق:victory:
الألماسي
27-12-2008, 03:52 AM
الله يوفق اخـوك يا خـالد . .

عن تجـربه شخصيّه و لله الحمد تخرجت من أحد جامعات الشمال في بريطانيا بإحدى التخصصات الهندسيه المتعلقه بالبترول و الغاز الطبيعي . .

والجامعات اللـي بـرا حدود لنــدن و كل ما اتجه شمــال كل ما كان أبــرك و أرخـص . .

جامعه مانشستر . . ليــدز . . تيـسايـد . . برادفـورد . . نيـوكاســل . . يـورك كلـها جامعات حلـوه و ان شاء الله الدراسه سهلـه فيهـا . .
المدن بحد ذاتهـا رائعه و رخيصه و السكـان هنـاك أغلبيــّه مسلمـه و الطـلاب الخليجيين و العرب يتمركزون فيهـا و القطريين خـاصه تلقـاهم بليــدز + مانشستر + برادفورد + تيسايد + نيوكاسـل . .

الفيــزا سهله للغايه لبريطانيا و خاصةً لو كانت بعثته عن طريق هيئه التعليم او احد الشركات او الوزارات لأن أمور الفيزا و الاوراق المطلوبه تتيســّـر . .
السكـن + المواصلات ميســّـره للغايه . .

اتمنى التوفيق لأخوك و انصحـه بقــوه للدراسه في بريطانيا . .
قطري كشخه
27-12-2008, 05:35 AM
مرحبا اخوي خالد

انصحك انه مايبعد عن هالدولتين بريطانيا وامريكا ...

وانا سويت الباكالوريس ببريطانيا وحاليا اسوي ماجستير ببريطانيا في جامعه كاردف ( عاصمه ويلز ) اى استفسار حاضرلك يالغالي اتصل فيني على الخاص اذا تبيني افيدك اكثر :)
KhalidQ
27-12-2008, 02:53 PM
ربي يوفقه وييسر أمره :victory:
بس اليابان وكوريا!!:(
بتلوع جبده وبيزهق كل ما تلفت يحصل نفس الاشخاص :tease:
استراليا وبريطانيا فيها عرب أكثر وما راح يتملل
السموحه أخوي ما قدرت افيدك بس بغيت اقول الله يوفقه:nice:


وافقكم الراي و لكن الكوريا و اليابان يظل هم الافظل
KhalidQ
27-12-2008, 02:54 PM
من الدول التي ذكرت انصح بأستراليا شعبها طيب ولا مكان للعنصرية عندهم .. أقول ذلك عن واقع تجربة ..


طيب هل هناك مكاتب تستخرج فيز لسفر لأستراليا
KhalidQ
27-12-2008, 02:56 PM
مرحبا اخوي خالد

انصحك انه مايبعد عن هالدولتين بريطانيا وامريكا ...

وانا سويت الباكالوريس ببريطانيا وحاليا اسوي ماجستير ببريطانيا في جامعه كاردف ( عاصمه ويلز ) اى استفسار حاضرلك يالغالي اتصل فيني على الخاص اذا تبيني افيدك اكثر :)



يعطيك العافية ممكن الموقع الرسمي للجامعه
و يمكن تذكرلي الخطوات اللي حصلت عن الفيزا
وانت في الدوحه
KhalidQ
27-12-2008, 03:00 PM
وعليكمـ الســلام ورحمـة الله وبركاته

انا حالياً مبتعث للدراســة:), وان شاء الله اجاوبك على كل الاسئلة اللي تدور في بالك

الجامعــة: جامعة برادفور تقــع في مدينة برادفور - بريطانيا :)

الابتعاث: عــن طريق احــدى الشركــات التابعـة لقطــر للبتــرول وتحت اشـراف قطر للبتــرول

التخصــص: هنــدسـة مكانيكيـة :nice:

الراتب: 1200 باوند استرليني (للسكــن والكهرباء والماء والاكل والمصاريف)

السكــن: مستأجــر شقة خاصة لوحـدي وذلك عن طريق احــدى مكاتب الوساطه بـ المدينة

اغلب سكان المدينة التي انا فيها من المسلميــن الباكستانيين والحمــد لله ما نحاتي سالفة الاكل الحــلال (المطاعم والمحــلات الحـلال موجــودة وبكثــرة :nice:)

نصيحــة اخ لاخــوه: بريطانيا او امريــكـا احســن الاماكـن للابتعاث(من ناحيـة الدراسة وان كان هناك عنصرية ببعض المدن البريطانية وامريكا) وان كان يقــدر يكمــل دراسته ولو بجامعة قطــر ترى خير وبركة, ترى الغربة قاسيــة وانا اخــوك:weeping:

اتمنــى اني جاوبتك على كل الاسئلــة اللي طرحتها :shy:

ربٍ يوفقك اخــوك :)

واي استفســار انا حاضـر:nice:, وفاااااااااااالك التوفيــق:victory:


افضل رد حتى الان مشكور اخ سلامي للكل

ممكن تقولي من اول ما بعثت اورقك الجامعه مهي الخطوات

ابي اتعلم التفاصيل من الالف الى الياء

على سبيل المثال الفيز كيف حصلت عليها

القبول من الجامعة وما هي المتطلبات

التذاكر السفر و الا اخره ....... استحملني شوي
KhalidQ
27-12-2008, 03:03 PM
الله يوفق اخـوك يا خـالد . .

عن تجـربه شخصيّه و لله الحمد تخرجت من أحد جامعات الشمال في بريطانيا بإحدى التخصصات الهندسيه المتعلقه بالبترول و الغاز الطبيعي . .

والجامعات اللـي بـرا حدود لنــدن و كل ما اتجه شمــال كل ما كان أبــرك و أرخـص . .

جامعه مانشستر . . ليــدز . . تيـسايـد . . برادفـورد . . نيـوكاســل . . يـورك كلـها جامعات حلـوه و ان شاء الله الدراسه سهلـه فيهـا . .
المدن بحد ذاتهـا رائعه و رخيصه و السكـان هنـاك أغلبيــّه مسلمـه و الطـلاب الخليجيين و العرب يتمركزون فيهـا و القطريين خـاصه تلقـاهم بليــدز + مانشستر + برادفورد + تيسايد + نيوكاسـل . .

الفيــزا سهله للغايه لبريطانيا و خاصةً لو كانت بعثته عن طريق هيئه التعليم او احد الشركات او الوزارات لأن أمور الفيزا و الاوراق المطلوبه تتيســّـر . .
السكـن + المواصلات ميســّـره للغايه . .

اتمنى التوفيق لأخوك و انصحـه بقــوه للدراسه في بريطانيا . .

شكراً اخ الالماسي

وحبيت لو تقول طريقة الابتعاث من الهيئة او عن طريقك الخاص
ولو تذكر لنا الجامعة و تفاصيل اكثر اكون لك شاكر
al-fahad
27-12-2008, 05:22 PM
طيب هل هناك مكاتب تستخرج فيز لسفر لأستراليا

هناك مكتب آي دي بي مقابل دوار سلوى يقوم بتسهيل الاجرائات لمن يرغب في الدراسة في استراليا وأعطاء فكرة كاملة عن المدارس والجامعات وتكلفة الدراسة والمعيشة هناك وتستطيع تعبية طلب للحصول على فيزا عن طريقهم وتأخذ عادة أسبوعين للحصول على الفيزا

الرجاء الاطلاع على الرابط ادناة

http://www.qatar.idp.com/

كل الشكر
blueZircon
27-12-2008, 05:43 PM
السلام عليكم و رحمة الله و بركاته

كون الموضوع هو الاول و خبذا ندخل في الموضوع بتفاصيل الممله ان صح التعبير
اريد ان من مر بتجربه الابتعاث او الدراسه في الخارج يشرح لنا

أولاً : الجامعة او الكلية في اي الدولة

ثانياً: عن طريق الاخاص او جهه حكومية

ثالثاً: التخصص

رابعاً: شرح مفصل عن الفيز و السكن و المواقف الطريفه


لا اخفي عليكم ان اخي الاصغر يريد ان يتعلم بالخارج في الدول
ابرطانيا - اليابان - كوريا الجنوبية - استراليا


ومن استشار ما خاب

و لكل شخص يشرح اكثر له مني هدية خاصه




انا اخوي ادرس حالياً في استراليا وبالتحديد في مدينة ملبورن , مبتعث عن طريق قطر للبترول , والجامعه اللي ادرس فيها اسمها swinburne university of
technology

الجامعه قويه جداً بالتخصصات التقنيه مثل الهندسة والحاسب الالي , انا دراستي أمن وتصميم شبكات , ومن ناحية البلده , لاتخفى عليك حلاوة العيشه في استراليا وخاصه في ملبورن , يعني عن تجربه انا ماانصح اللي يروح يدرس في استراليا الا مدينة ملبورن لاني جربت مدينة سيدني , ماتنفع للدراسه سدني

والناس طيبين لابعد الحدود ومش عنصريين , لانه توجد قوانين صارمه من ناحية التمييز العنصري والكل يخاف على مصلحة نفسه. البلده مافيها عروق وحده, تقدر تقول multi culture country لهذا السبب لاتوجد عنصريه

ومن ناحية الصرف والاسعار, فالجو والمرافق جداً مهيأيين للطالب الجامعي وبشكل عام استراليا ارخص بكثير من الدول الاخرى اللي ذكرتهم من ناحية السكن والاكل والمصاريف الاخرى

وطبعن يوجد الكثير من الطلاب الخليجين والعرب المسلمين في ملبورن , مايقارب خمسة الاف طالب خليجي, والحمدلله تحصل في كل جامعه مسجد

ونصيحه مني , اذا اخوك بيدرس هندسة لاتجيبه استراليا لانه الهندسه في استراليا جداً صعبه ويبغي له نفس طويل

بالتوفيق
KhalidQ
28-12-2008, 09:47 AM
هناك مكتب آي دي بي مقابل دوار سلوى يقوم بتسهيل الاجرائات لمن يرغب في الدراسة في استراليا وأعطاء فكرة كاملة عن المدارس والجامعات وتكلفة الدراسة والمعيشة هناك وتستطيع تعبية طلب للحصول على فيزا عن طريقهم وتأخذ عادة أسبوعين للحصول على الفيزا

الرجاء الاطلاع على الرابط ادناة

http://www.qatar.idp.com/

كل الشكر

يعطيك العافيه بس و ين دوار سلوى اللي اعرفه طريق سلوى :nice:

وفي واحد خلف نادي السد بس وين ما ادري

ومشكور يالفهد
KhalidQ
28-12-2008, 09:50 AM
انا اخوي ادرس حالياً في استراليا وبالتحديد في مدينة ملبورن , مبتعث عن طريق قطر للبترول , والجامعه اللي ادرس فيها اسمها swinburne university of
technology

الجامعه قويه جداً بالتخصصات التقنيه مثل الهندسة والحاسب الالي , انا دراستي أمن وتصميم شبكات , ومن ناحية البلده , لاتخفى عليك حلاوة العيشه في استراليا وخاصه في ملبورن , يعني عن تجربه انا ماانصح اللي يروح يدرس في استراليا الا مدينة ملبورن لاني جربت مدينة سيدني , ماتنفع للدراسه سدني

والناس طيبين لابعد الحدود ومش عنصريين , لانه توجد قوانين صارمه من ناحية التمييز العنصري والكل يخاف على مصلحة نفسه. البلده مافيها عروق وحده, تقدر تقول multi culture country لهذا السبب لاتوجد عنصريه

ومن ناحية الصرف والاسعار, فالجو والمرافق جداً مهيأيين للطالب الجامعي وبشكل عام استراليا ارخص بكثير من الدول الاخرى اللي ذكرتهم من ناحية السكن والاكل والمصاريف الاخرى

وطبعن يوجد الكثير من الطلاب الخليجين والعرب المسلمين في ملبورن , مايقارب خمسة الاف طالب خليجي, والحمدلله تحصل في كل جامعه مسجد

ونصيحه مني , اذا اخوك بيدرس هندسة لاتجيبه استراليا لانه الهندسه في استراليا جداً صعبه ويبغي له نفس طويل

بالتوفيق

امتعتني بالتافصيل الحلوه

لو تشرح من اجرات التسجيل و السكن و تذاكر السفر :shy:

اكون شاكر لك :nice:
عكاس
28-12-2008, 02:14 PM
السلام عليكم و رحمة الله و بركاته

كون الموضوع هو الاول و خبذا ندخل في الموضوع بتفاصيل الممله ان صح التعبير
اريد ان من مر بتجربه الابتعاث او الدراسه في الخارج يشرح لنا

أولاً : الجامعة او الكلية في اي الدولة

ثانياً: عن طريق الاخاص او جهه حكومية

ثالثاً: التخصص

رابعاً: شرح مفصل عن الفيز و السكن و المواقف الطريفه


لا اخفي عليكم ان اخي الاصغر يريد ان يتعلم بالخارج في الدول
ابرطانيا - اليابان - كوريا الجنوبية - استراليا


ومن استشار ما خاب

و لكل شخص يشرح اكثر له مني هدية خاصه




أخوي العزيز
انا تخرجت من بريطانيا وعندي بكالريوس، بتكلم عن بريطانيا بس،
الدراسة في بريطانيا تختلف من جامعة لجامعة، في جامعات صعبه وفي جامعات سهله ونفس الشي للتخصص اللي يرغب به اخوك، خذها كلمة من اخوك لو اخوك بغى بكالريوس بدون عوار راس ومذاكرة يروح امريكا احسن، اما لو بغى بكالريوس ودراسة يروح بريطانيا،
طبعا الدراسة تختلف من جامعة لجامعة، في بعض الجامعات تركز على مجهود الطالب وتلاقيه في الاسبوع ياخذ محاضره وحده لكل ماده والباقي يعتمد على مجهوده في القراءه.
والامتحانات تختلف في بريطانيا عن امريكا، في بريطانيا بعض الجامعات والتخصصات تلاقي الامتحان مافيه الا سؤال واحد والطالب يكتب معلقه تتراوح مابين 4 الى 5 اوراق لكل سؤال
اما في امريكا وبعض الجامعات البريطانية تلاقي الاسئله اختيار متعدد يعني لو كلش قفلت معاه يسوي عكره بكره ويمكن يمشي.
عن نفسي انا تخرجت من جامعة اوكسفورد وهي تقع في مدينة اوكسفورد
الشعب هناك مسالم لابعد الحدود ومتعودين على الطلبه والسواح لانها مدينة سياحية
وقريبه من لندن تبعد عنها حوالي 100 كيلو الى الشمال الغربي
كنت مبتعث على حسابي الخاص
طبعا اجراءات الفيزا سهله، بعد ما الجامعة تبعث لك رسالة القبول تاخذها وتوديها قسم الفيز في السفارات البريطانية وتعبي الفورمه ويعطونك الفيزا بناء على عدد السنوات المذكورة في رسالة القبول، وطبعا السنوات قابلة للزيادة .
طبعا معظم الجامعات توفر سكن طلابي لاول سنة لين ما يتاقلم الطالب وبعدين ثاني سنة يدور له على سكن خاص فيه
الخيار راجع لكم ان بغيتوه في سكن جامعي وهو الافضل من ناحية اكتساب اللغه والتعرف على اصدقاء اجانب او سكن خاص لحاله.
واي استفسار اخر لايردك الا الخاص.
al-fahad
28-12-2008, 07:13 PM
يعطيك العافيه بس و ين دوار سلوى اللي اعرفه طريق سلوى :nice:

وفي واحد خلف نادي السد بس وين ما ادري

ومشكور يالفهد

أفضل شي أخوي أنك تتصل فيهم دايركت بيقولون لك وين بالضبط
أعذرني في مسألة التوصيف وآنا أقصد دوار مدماك سابقا الحين صار جسر
بالقرب من محلات الأثاث الي تلقاها على يمينك وأنت مقبل على الجسر المذكور وانت جاي من الصناعية

بالنسبة للسكن اعتقد يتفاوت مابين الستمية دولار للألف وميتين دولار استرالي هذا على أيامي
بالنسبة لمكتب الآي دي بي راح يجاوبون عن كل أسئلتك الي تتعلق بالموضوع وحتى تقدر تقدم على طلب اللألتحاق في الجامعة وهم يتابعون لك الموضوع .

أتمنى اخوي اني قدرت أوصل الوصورة
والله يعينك على وصفي لأني فعلا ما اعرف اوصف نهائيا
ياما ضيعت ناس بس من غير قصد
:)
قطري كشخه
28-12-2008, 08:29 PM
اتمنى يسمحولي المشرفين تفضل اخوي الموقع

جامعه كاردف البريطانيه (http://www.cardiff.ac.uk/)

امور الفيزا جدا سهله من تحصل القبول يدزونه لك ع البريد ف الدوحه او على DHL تستلم الأوراق وتروح حق السفاره يومين ثلاثه بالكثير الفيزا عندك

الديره وايد شرحه وهاديه هي مدينه دراسيه اكثر من انها سياحيه ولكن في نفس الوقت مش ممله في اشى حلوه ويميزها الطبيعه عن باقي المناطق البريطانيه وشعبها يعتبر احسن شعب مقارنه بالانقليز والسكوتش وغيرهم في الشمال وهذا السبب الرئيسي الى ماخلاني اغير المدينه في الماجستير وتمت على نفس المدينه من الراحه النفسيه والاستقرار فيها والاكسنت مالهم جدا جدا كلير مقارنه بشعب انقلترا لاني لين اروح انقلتر اتوهق حزات مع الاكسنت عندهم والاسكتوش الله لايرويك يالله يالله تقبض شي من عندهم

السكن جدا متوفر قريب الجامعه وفي سكن طلاب وفي سكن خاص على حسب هو وجوه تتروح الاسعار بين 300 لين 400 لشخص واحد والسكن جدا جدا نظيف ومباني جديده

اذا عندك اى استفسار للأمور الثانيه حاضرلك اخوي
مكنتوش
28-12-2008, 10:36 PM
مرحبا اخوي خالد

انصحك انه مايبعد عن هالدولتين بريطانيا وامريكا ...

وانا سويت الباكالوريس ببريطانيا وحاليا اسوي ماجستير ببريطانيا في جامعه كاردف ( عاصمه ويلز ) اى استفسار حاضرلك يالغالي اتصل فيني على الخاص اذا تبيني افيدك اكثر :)

حرقت الحمر ورحت ماتخلي عوايدك :weeping:

موفق خير ان شاء الله

ترد بسلامة
KhalidQ
28-12-2008, 11:16 PM
أخوي العزيز
انا تخرجت من بريطانيا وعندي بكالريوس، بتكلم عن بريطانيا بس،
الدراسة في بريطانيا تختلف من جامعة لجامعة، في جامعات صعبه وفي جامعات سهله ونفس الشي للتخصص اللي يرغب به اخوك، خذها كلمة من اخوك لو اخوك بغى بكالريوس بدون عوار راس ومذاكرة يروح امريكا احسن، اما لو بغى بكالريوس ودراسة يروح بريطانيا،
طبعا الدراسة تختلف من جامعة لجامعة، في بعض الجامعات تركز على مجهود الطالب وتلاقيه في الاسبوع ياخذ محاضره وحده لكل ماده والباقي يعتمد على مجهوده في القراءه.
والامتحانات تختلف في بريطانيا عن امريكا، في بريطانيا بعض الجامعات والتخصصات تلاقي الامتحان مافيه الا سؤال واحد والطالب يكتب معلقه تتراوح مابين 4 الى 5 اوراق لكل سؤال
اما في امريكا وبعض الجامعات البريطانية تلاقي الاسئله اختيار متعدد يعني لو كلش قفلت معاه يسوي عكره بكره ويمكن يمشي.
عن نفسي انا تخرجت من جامعة اوكسفورد وهي تقع في مدينة اوكسفورد
الشعب هناك مسالم لابعد الحدود ومتعودين على الطلبه والسواح لانها مدينة سياحية
وقريبه من لندن تبعد عنها حوالي 100 كيلو الى الشمال الغربي
كنت مبتعث على حسابي الخاص
طبعا اجراءات الفيزا سهله، بعد ما الجامعة تبعث لك رسالة القبول تاخذها وتوديها قسم الفيز في السفارات البريطانية وتعبي الفورمه ويعطونك الفيزا بناء على عدد السنوات المذكورة في رسالة القبول، وطبعا السنوات قابلة للزيادة .
طبعا معظم الجامعات توفر سكن طلابي لاول سنة لين ما يتاقلم الطالب وبعدين ثاني سنة يدور له على سكن خاص فيه
الخيار راجع لكم ان بغيتوه في سكن جامعي وهو الافضل من ناحية اكتساب اللغه والتعرف على اصدقاء اجانب او سكن خاص لحاله.
واي استفسار اخر لايردك الا الخاص.


على قولت المصرين مشكور اوي :nice:
KhalidQ
28-12-2008, 11:18 PM
أفضل شي أخوي أنك تتصل فيهم دايركت بيقولون لك وين بالضبط
أعذرني في مسألة التوصيف وآنا أقصد دوار مدماك سابقا الحين صار جسر
بالقرب من محلات الأثاث الي تلقاها على يمينك وأنت مقبل على الجسر المذكور وانت جاي من الصناعية

بالنسبة للسكن اعتقد يتفاوت مابين الستمية دولار للألف وميتين دولار استرالي هذا على أيامي
بالنسبة لمكتب الآي دي بي راح يجاوبون عن كل أسئلتك الي تتعلق بالموضوع وحتى تقدر تقدم على طلب اللألتحاق في الجامعة وهم يتابعون لك الموضوع .

أتمنى اخوي اني قدرت أوصل الوصورة
والله يعينك على وصفي لأني فعلا ما اعرف اوصف نهائيا
ياما ضيعت ناس بس من غير قصد
:)


انت بحد ذاتك (ماجلان) ابلس :nice:
KhalidQ
28-12-2008, 11:20 PM
اتمنى يسمحولي المشرفين تفضل اخوي الموقع

جامعه كاردف البريطانيه (http://www.cardiff.ac.uk/)

امور الفيزا جدا سهله من تحصل القبول يدزونه لك ع البريد ف الدوحه او على DHL تستلم الأوراق وتروح حق السفاره يومين ثلاثه بالكثير الفيزا عندك

الديره وايد شرحه وهاديه هي مدينه دراسيه اكثر من انها سياحيه ولكن في نفس الوقت مش ممله في اشى حلوه ويميزها الطبيعه عن باقي المناطق البريطانيه وشعبها يعتبر احسن شعب مقارنه بالانقليز والسكوتش وغيرهم في الشمال وهذا السبب الرئيسي الى ماخلاني اغير المدينه في الماجستير وتمت على نفس المدينه من الراحه النفسيه والاستقرار فيها والاكسنت مالهم جدا جدا كلير مقارنه بشعب انقلترا لاني لين اروح انقلتر اتوهق حزات مع الاكسنت عندهم والاسكتوش الله لايرويك يالله يالله تقبض شي من عندهم

السكن جدا متوفر قريب الجامعه وفي سكن طلاب وفي سكن خاص على حسب هو وجوه تتروح الاسعار بين 300 لين 400 لشخص واحد والسكن جدا جدا نظيف ومباني جديده

اذا عندك اى استفسار للأمور الثانيه حاضرلك اخوي

تسلم على المعلومات القيمة و اسأل الله ان يوفقك من كل صوب

:victory:
KhalidQ
28-12-2008, 11:25 PM
اخواني الاعضاء اتمنى منك شرح الموضوع بالتفاصيل
لكي استفدي اكثر انا لا اخفي عليكم انني من خلال مشاركتكم
ابدأت الصوره تتضح اكثر ولكن بصوره بطيئه حبذا لو تذكرون
لي اسم الجامعه و مكتب الطلبه الدولي و بالانجليزي حتى يسهل
البحث عنها و والمواقف خلال السفر و اول سنه من الدراسه
كا تقييم لك عن الجامعه و المكان

والتخصص لا ننسى ذكره اذا امكن

واولاً و ليس اخيراً (مدري كيف تجي)

شكراً للأعضاء اللي تفاعل في الموضوع

واتمنى المشاركه مره اخر