المساعد الشخصي الرقمي

مشاهدة النسخة كاملة : بوالين 17 .. كلام كثير .. بس شنو الافضل للكرورز الجديد ؟؟


ولد-قطر
27-12-2008, 02:40 AM
السلام عليكم..

شباب عندي كرورز 2009 .. وودي أركب بالون من فتره والحين حان وقت التركيب شتاء واحسن شيء حق البر .. بس كل يوم يأسمع كلام من اصحاب البوالين عن مميزات وعيوب بعض البوالين..

ولحد الحين ماطلعت بنتيجه من الافضل خاصه 17 انش.. الاهيرو فيه مشكلة على كلام الي جربوه انه في رقله ؟؟

الماكسس ماحد ينصح فيه لانه يحك في الرفرف او اذا لفيت السكان يمين او يسار يحك ؟؟

المالوان والزتكس او السايمكس اجدد انواع البالون في السوق.. ولكن شنو الاحسن..

أبغي من الي جرب البالون 17 يقولنا شنو جرب وبشنو ينصح..

نتمى ان نشوف ارأكم وان تعم الفائدة على الجميع..

وأهم شيء انه البالون مايكون في نفضه لانه النفضه تذبح الموتر وتعفس فيه اشياء على المدى البعيد

ويعطيكم العافيه
سطح القمر
27-12-2008, 03:03 AM
مرحبا اخوي انا مركب الهيرو امممم يعني زينه الرقله اول ماتمشي بالسياره بعد فتره لصخن التاير تروح الحين ماشي عليها 40 الف مركبها من شهر 3 الي طاف وللحين باقي فيها يمكن 4 شهور انا رايي احسن شي الهيرو بس فيها عيب واحد الي هي الرقله اول ماتمشي
قطراوي للأبد
27-12-2008, 03:41 AM
الهيرو ولا فـ اذنك مااي =)

خفة + شكل ..

ركبهم مع لزقاات الميزانية ..
ولا رقلة ولا هم يحزنوون ..

بس الحين غلاايا ..
البالون وصل 750 ..


الله يعينك ع الأسعار ..
عضو قديم
27-12-2008, 11:18 AM
السلام عليكم..

شباب عندي كرورز 2009 .. وودي أركب بالون من فتره والحين حان وقت التركيب شتاء واحسن شيء حق البر .. بس كل يوم يأسمع كلام من اصحاب البوالين عن مميزات وعيوب بعض البوالين..

ولحد الحين ماطلعت بنتيجه من الافضل خاصه 17 انش.. الاهيرو فيه مشكلة على كلام الي جربوه انه في رقله ؟؟

الماكسس ماحد ينصح فيه لانه يحك في الرفرف او اذا لفيت السكان يمين او يسار يحك ؟؟

المالوان والزتكس او السايمكس اجدد انواع البالون في السوق.. ولكن شنو الاحسن..

أبغي من الي جرب البالون 17 يقولنا شنو جرب وبشنو ينصح..

نتمى ان نشوف ارأكم وان تعم الفائدة على الجميع..

وأهم شيء انه البالون مايكون في نفضه لانه النفضه تذبح الموتر وتعفس فيه اشياء على المدى البعيد

ويعطيكم العافيه

وانا مثلك خاطري اركب بوالين لكن الحين الكل رايح يقولك راية من تجاربهم ولكن في الاخير ما راح نوصل لحل
انا اقترح عليك انك تعيد ضياغة هذه المشاركة وتضف لها ميزة التصويت لمدة شهر في هذه الحالة راح تشوف نسب التصويت وتحكم

تحيتي لك
بن درويش
27-12-2008, 12:25 PM
شوف بالنسبه للرقله عندي حل بسيط لها هو انك لين دقيت سلف حق الموتر رويس او جدم اشوي علشان اتغير وضعيت التاير وبعد ما تسخن السياره بتشوف الفرق عن قبل هو صج انه شي بسيط بس يمكن يفرق من ماركه لاخرى والله اعلم هاي من واقع تجربه قديمه على ايامنا بس مواتر الحين مادري عنها شي
م الكواري
27-12-2008, 12:57 PM
الاهيرو انا مجربه اشوفه اوكي هو المالوان

وعندي مافي رقله يمكن مركب لصقه الميزانيه

وانشاءالله الربع يفيدونك
H A S S A N
27-12-2008, 01:23 PM
انا مركب هيرو اول ماركبته كان الهوا 55 ماكان في رقله بس الحين الهوا 40 في رقله بسيطه اول ماحرك الموتر
ولد-قطر
27-12-2008, 01:26 PM
مرحبا اخوي انا مركب الهيرو امممم يعني زينه الرقله اول ماتمشي بالسياره بعد فتره لصخن التاير تروح الحين ماشي عليها 40 الف مركبها من شهر 3 الي طاف وللحين باقي فيها يمكن 4 شهور انا رايي احسن شي الهيرو بس فيها عيب واحد الي هي الرقله اول ماتمشي

مراحب ياخوي وتسلم على الرد وننتظر رد باقي الأخوان
ولد-قطر
27-12-2008, 01:28 PM
الهيرو ولا فـ اذنك مااي =)

خفة + شكل ..

ركبهم مع لزقاات الميزانية ..
ولا رقلة ولا هم يحزنوون ..

بس الحين غلاايا ..
البالون وصل 750 ..


الله يعينك ع الأسعار ..


تسلم ياخوي على الرد بس انا سألت كذا واحد في ناس تمدح وفي ناس تذم فيها واتوقع الهيرو في منها نوعين فمادري شنو الاحسن فيهم
ولد-قطر
27-12-2008, 01:30 PM
وانا مثلك خاطري اركب بوالين لكن الحين الكل رايح يقولك راية من تجاربهم ولكن في الاخير ما راح نوصل لحل
انا اقترح عليك انك تعيد ضياغة هذه المشاركة وتضف لها ميزة التصويت لمدة شهر في هذه الحالة راح تشوف نسب التصويت وتحكم

تحيتي لك


ماعليك الا انك تنتظر لين نشوف رد الاخوان وايش هم اكثر يمدحون فيه في ناس وايد مدحوا لي الزتكس وفي ناس امدحوا الهيرو وفي المالوان

بالنسبه للتصويت كنت ابغي احط تصويت بس ماعرفت كيف احطه

:)
ولد-قطر
27-12-2008, 01:32 PM
شوف بالنسبه للرقله عندي حل بسيط لها هو انك لين دقيت سلف حق الموتر رويس او جدم اشوي علشان اتغير وضعيت التاير وبعد ما تسخن السياره بتشوف الفرق عن قبل هو صج انه شي بسيط بس يمكن يفرق من ماركه لاخرى والله اعلم هاي من واقع تجربه قديمه على ايامنا بس مواتر الحين مادري عنها شي

انا والله كنت على 2007 كنت مركب بوالين دنلوب ومافي احسن منها لا رقلة ولا عوار راس يعني كنت ادق سلف وامشي ولا احاتي الرقله


وان شاء الله نحصل شيء مثل مستوى الدنلوب بحجم بوالين 17
ولد-قطر
27-12-2008, 01:35 PM
الاهيرو انا مجربه اشوفه اوكي هو المالوان

وعندي مافي رقله يمكن مركب لصقه الميزانيه

وانشاءالله الربع يفيدونك

تسلم على الرد وننتظر رد باقي الاخوان
ولد-قطر
27-12-2008, 01:45 PM
انا مركب هيرو اول ماركبته كان الهوا 55 ماكان في رقله بس الحين الهوا 40 في رقله بسيطه اول ماحرك الموتر

تسلم ياخوي على الرد


بس صعبه الواحد يخلي هواء التاير 55 والموتر راح يتضرر مع المطاب او الحفر
My Trip2
27-12-2008, 02:16 PM
في بوالين اسمه مالون ماعليه كلام اغلب شباب الميلس امركبينه ويمدحونه حجمهم نفس البوالين سيم 16 بس هم 17 اعراض وشكلهم حلوين
عاشق الشهادة
27-12-2008, 02:40 PM
هيرو شكل ورزه على الموتر
راعي الاوله
28-12-2008, 08:30 AM
هيرو ......
ولد-قطر
28-12-2008, 09:47 AM
لاهنتوا على الردود
vxr2002
28-12-2008, 01:55 PM
Simex Simex Simex
musel999
29-12-2008, 03:19 AM
شوف انا بعطيك تجربتي وانت كيفك
انا قبل فتره ركبت ماكسس وتعبت من الرقله وزهقتني خصوصا بالسفر طول الخط كني راكب غساله
واحد من الشباب دلني على ميزانية اللازقه بعد ماسويتها التاير الواحد ب 40 ريال
راحت الرقله والموتر ميه ميه
الماكسس ترفع الموتر وتحك بس برنقات الاستاندر (الشنابر) لاكن برنقات الجي اكس ماتحك
فاذا تبي رايي اذا عندك استاندر ولا تبي تبدل رنقاته مالك الا الهيرو
اذا رنقاتك مب شنابر ركب ماكسس سوله ميزانيه يرفع الموتر اكثر
والماكسس يعمر اكثر

تقبل مروري
Abu Abboud
29-12-2008, 06:17 AM
اخوي انا مجرب 3 انواع مب كلهم على موتري لا انا مركب على موتري هيرو واخوي مكسس ولد اختي مركب تواير جداد مب متذر اسمهم

اول شي الهيرو انا مركبهم من شهر 2 لين الحين ولا شتكيت منهم ومثل ماذكرولك الاخوان اهم شي الميزانيه
رقب اللزقه احسن من العادين وانسه الرقله انا نافخ التواير 45 والحمدالله

2. اخوي مركب مكسس عيبهم صغار
3. الي مركبهم ولد اختي عيبهم وايد ضعاف وفيهم رقله

وعلى فكره اخوي لو تلاحظ اغلا نوع الهيرو لنه مرغوب وماتلاقيه بساهل لنهم جيدين

والله يوفقك في ختيارك
ولد-قطر
30-12-2008, 09:33 AM
اخوي انا مجرب 3 انواع مب كلهم على موتري لا انا مركب على موتري هيرو واخوي مكسس ولد اختي مركب تواير جداد مب متذر اسمهم

اول شي الهيرو انا مركبهم من شهر 2 لين الحين ولا شتكيت منهم ومثل ماذكرولك الاخوان اهم شي الميزانيه
رقب اللزقه احسن من العادين وانسه الرقله انا نافخ التواير 45 والحمدالله

2. اخوي مركب مكسس عيبهم صغار
3. الي مركبهم ولد اختي عيبهم وايد ضعاف وفيهم رقله

وعلى فكره اخوي لو تلاحظ اغلا نوع الهيرو لنه مرغوب وماتلاقيه بساهل لنهم جيدين

والله يوفقك في ختيارك

تسلم اخوي على الرد وعلى الملاحظات وان شاء الله نستفيد منكم ونركب الشيء الزين
العنابي
04-01-2009, 07:37 PM
وين محل يبيع تواير الهيرو 17 لستاندر 2008
Dubai
06-01-2009, 10:14 AM
الصراحة انا عن تجربة لل 17 ركب هيرو والصراااحة وايد اوكي

وانا اشتريتهم من ميزانية دبي في الدوحة ..
العنابي
06-01-2009, 10:26 AM
الصراحة انا عن تجربة لل 17 ركب هيرو والصراااحة وايد اوكي

وانا اشتريتهم من ميزانية دبي في الدوحة ..

مشكور اخوي وين مكانهم والسعر
انا مركب حزام تايرون للسلامة مادري اذا يقدرون يفكون ويغيرون التواير والحزام مركب على الرنج من داخل لانه يحتاج شوية فن
bu 3li
06-01-2009, 01:35 PM
يالربع بخصوص الـ هيرو لـ اللي مركبينه

ماينحل بسرعه ؟ وكم سعره تقريباً لو قلنا باركب 5 تواير ؟
mE mYself & i
06-01-2009, 07:19 PM
بغيت استفسر بالنسبه للماكسيس هل يحك في الرفرف اذا ركبته على الجي أكس ؟؟؟
S A L M A N
07-01-2009, 12:57 AM
الشباب يمدحون الماكسس

خاصتاً كحجم يعطي الموتر هيبه

فيه ناس في النت يقولون يحك والربع الي اعرفهم يقولون مايحك

لازم اجرب بس انا صارلي شهر تقريبا وانا ادور تواير ماكسس مب ملاقي للاسف

لفيت الدوحة كلها
Dubai
07-01-2009, 09:49 AM
مشكور اخوي وين مكانهم والسعر
انا مركب حزام تايرون للسلامة مادري اذا يقدرون يفكون ويغيرون التواير والحزام مركب على الرنج من داخل لانه يحتاج شوية فن


والله ياخوي مااعرف مكانهم بالضبط .. المحل اسمه ميزانية دبي في الدوحة

اكيد شباب الدوحة راح ايدلونك عليه ..

و انا كنت ماخذ الخمسه ب 2500 ..

بس الحين اكيد زاد سعرهم ..

و اكيد ايعرفون ايفكون الحزام ياخوي ..
ولد-قطر
07-01-2009, 10:07 PM
السووق للأسف مافيه بوالين 17 شيء مستغرب منه :(
Dubai
08-01-2009, 09:38 AM
السووق للأسف مافيه بوالين 17 شيء مستغرب منه :(

حياااك في دبي ياخوي .. و بوديك عند احسن محلات عندنا ..

انته عزم و فالك طيب
ولد-قطر
08-01-2009, 01:06 PM
حياااك في دبي ياخوي .. و بوديك عند احسن محلات عندنا ..

انته عزم و فالك طيب

الله يحيك

كنت في الشارجه من اسبوع حصلت بس سايمكس وانا ابغي ملوان دورت في كل مكان حتى في المصفح مالقيت

ويوم فكرت اركب بالون هيرو بعد مش موجود في ميزانية دبي
العنابي
08-01-2009, 02:11 PM
اليوم شفت ميزاينة دبي والعبيدلي وشارع سلوى و مالقيت هيرو كلش
شاقح
08-01-2009, 07:54 PM
عندي 4 هيروو استخدام يوم واحد فقط جديده جديده ب2200 الي يبيها يراسلني
ولد-قطر
09-01-2009, 01:05 AM
عندي 4 هيروو استخدام يوم واحد فقط جديده جديده ب2200 الي يبيها يراسلني

سبب البيع !!
Dubai
09-01-2009, 02:12 AM
الله يحيك

كنت في الشارجه من اسبوع حصلت بس سايمكس وانا ابغي ملوان دورت في كل مكان حتى في المصفح مالقيت

ويوم فكرت اركب بالون هيرو بعد مش موجود في ميزانية دبي


افا .. كيف تجي و ما تخبرني .. :anger1:

بتحصله في دبي في محل اسمه المستقبل للاطارات .. و مكانهم عند المعارض ..

هالمكان كل شي عندهم ماشاء الله . خخخ امسويلهم دعاية ..

ان شاء الله اتحصل ياخوي

بس خبرني اذا امعزم المرة الجاية ..
Dubai
09-01-2009, 02:14 AM
عندي 4 هيروو استخدام يوم واحد فقط جديده جديده ب2200 الي يبيها يراسلني

ليش تعبت نفسك و ركبتهم ؟؟؟

يوم واااحد بس !!! :eek5:


غريبة في حد ايبيع بالون في هالوقت !!! الحين الناس كلها اتركب و انته ماتبيه ؟؟
احساس غريب
09-01-2009, 10:33 AM
اخوي الهيرو انا مركبها على موتري مافيها رقله الا ف البدايه اذا كان الموتر واقف فتره بس عقب خمس دقايق تروح الرقله وماينحلون بسرعه ..
وياجماعه بخصوص الزيتكس هذيلا يالربع ضعاف ومنظرهم عالموتر خايس وهم اصلا نفس المكسس ينفعون حق بر والموتر تحسه مب ثابت وانا اول ماخذت موتري ركبتهم والله طلع موتر ف وجهي كعيت بريك الموتر والله زحف علي وكانك تبي نصيحتي ركب الهيرو وتوكل على الله..
ولد-قطر
09-01-2009, 12:56 PM
افا .. كيف تجي و ما تخبرني .. :anger1:

بتحصله في دبي في محل اسمه المستقبل للاطارات .. و مكانهم عند المعارض ..

هالمكان كل شي عندهم ماشاء الله . خخخ امسويلهم دعاية ..

ان شاء الله اتحصل ياخوي

بس خبرني اذا امعزم المرة الجاية ..

ان شاء الله المره الجايه راح اخبرك علشان بالمره نتعرف عليك

بس في وين في دبي ؟
sad-o-bas
09-01-2009, 01:42 PM
الشباب يمدحون الماكسس

خاصتاً كحجم يعطي الموتر هيبه

فيه ناس في النت يقولون يحك والربع الي اعرفهم يقولون مايحك

لازم اجرب بس انا صارلي شهر تقريبا وانا ادور تواير ماكسس مب ملاقي للاسف

لفيت الدوحة كلها

من يومين ركبت ماكسيس 16 انش ب415 ريال للتاير، المحل في محطة البترول الي ورى الجامعة، بعد الغولف وقبل لاتقبض خط الخور.. لايحكون ولا شي.. بس على ماسمعت انهم ينحلون بسرعة.. والعهدة على الراوي..
S A L M A N
10-01-2009, 12:06 AM
من يومين ركبت ماكسيس 16 انش ب415 ريال للتاير، المحل في محطة البترول الي ورى الجامعة، بعد الغولف وقبل لاتقبض خط الخور.. لايحكون ولا شي.. بس على ماسمعت انهم ينحلون بسرعة.. والعهدة على الراوي..


لا اخوي انا اقصد ماكسس ال17 على الجيات الجديده

ولحد الحين أدور ولحد الحين مافي للاسف
:(
Dubai
10-01-2009, 01:02 PM
ان شاء الله المره الجايه راح اخبرك علشان بالمره نتعرف عليك

بس في وين في دبي ؟

ان شاء الله

و مكانه في شارع الخيل عند كراجات العوير
شاقح
10-01-2009, 01:27 PM
سبب البيع !!

لاني ببيع السياره
شاقح
10-01-2009, 01:35 PM
اليوم شفت ميزاينة دبي والعبيدلي وشارع سلوى و مالقيت هيرو كلش

شارع سلوى عند البنشريه الي قريب من دوار الصناعيه عندهم هيرو ب750 الواحد
شاقح
10-01-2009, 01:36 PM
ليش تعبت نفسك و ركبتهم ؟؟؟

يوم واااحد بس !!! :eek5:


غريبة في حد ايبيع بالون في هالوقت !!! الحين الناس كلها اتركب و انته ماتبيه ؟؟

ببيع السياره
Dubai
10-01-2009, 10:50 PM
ببيع السياره

الله ايوفقك يالشيخ في بيعتها ان شاء الله
الكونغرس
11-01-2009, 01:22 PM
احسن تواير الهيرو وبس