حبيبي لا تعذبني ..

[حورية البحر]

حبيبي لا تعذبني ..


أنا أهنيك من قلبي قدرت إنك تبكيني
وحق الله يالغالي أنا من القلب هنيتك
كذا روحي تعللها ولا لي من يواسيني
وأنا اللي بكل معنى الحب والإحساس حبيتك
أهون عليك وحياتك كذا وحدي تخليني
تنسى عشرتي وتروح وعمري بلحظة ما نسيتك
حبيبي قول ما بقلبك إذا زعلان صافيني
تدري كم أنا أحبك وتدري كم صافيتك
أنا مقدر على زعلك ولا إنك تجافيني
عساني ما تهنى لو أنا في يوم جافيتك
أريدك ما تصدقهم كل اللي حكو فيني عذول وفيهم الغيرة عشان بعمري أنا فديتك
حبك ساكن بقلبي ويجري في شراييني عشقتك يوم ما شفتك وخليل الروح سميتك
تدلل بس على روحي ولو تطلب نظر عيني
وحق الواحد المعبود معاه القلب أنا عطيتك
ولك عهد الوفا مني أقضي عندك سنيني
مطيع بكل ما تأمر ولو حارس على بيتك
منى نفسي أنا شوفك ولو خلسة بيكفيني
ملكت الكون ساعتها وتاج الراس خليتك
حبيبي لا تعذبني تراه البعد يظنيني
ورجيتك لا تحسسني أنا غلطان غليتك
نار العشق يا عمري ترى بالله تكويني
تشعل في وسط صدري بأول يوم أنا ريتك
حبيبي عودلي رجواك قبل موتي يوا فيني
قبل لا تنطفي شمعة زمان كان مضويتك
مليك الروح لا تنسى إذا ما تقدر تجيني
تذكر يا بعد عمري كم أنا تمنيتك
وإذا جالك خبر موتي أنا ما أريد تبكيني
أنا ما أريد أتعذب عشان بيوم بكيتك
ترى لي بس طلب واحد أنت اللي تواريني
تلبسني الكفن بأيدك قبري تلحّده بغيتك
ولو تسمح بدل إسمي شهيد الحب سميني
وعلى قبري زرع وردة دخيل الله ترجيتك
كفاية عروقها جنبي وسط قبري تسلِّيني
وكل ما تشم زهرتها أنا بالعرق شميتك
ودوس القبر بأقدامك ولوما تطالعك عيني
ترد الروح في جسمي وأنا بالطيف ناديتك
وتذكر قسوتك عندي وظلمك يوم نا سيني
ولما تلعب بقلبي شرى لعبة مسليتك
وسجل في كتاب الدهر كل اللي جرى فيني
عساه الدهر ينصفني وأنت بعد ياريتك

[حورية البحر]

لا تعذبني معاك الله يرحم والدينك

--------------------------------------------------------------------------------

دامني ما اخترت في درب الهوى شخص بدالك
لا تعذبني معاك الله يرحم والدينك

ولا تذل القلب في دنيا المحبين بجمالك
و اعتبرني من خلقك الله مكتوب بجـبـيـنك

ولا تخليني مجرد شخص يمر بخيالك
خلها عشرة غرام قوم حط ايدي بدينك

ولا تخلي الهجر تفكير الزمان وراس مالك
والله ان تندم على ما فات من ماضي سنينك

تدري انك في عيوني ند خلق الله لحالك
وشلك بدرب الفراق وقول وش بيني وبينك

ان غلطت بحقك ابشر والله ان نشبع دلالك
وان غلطت بحقي مسامحك والله لا يهينك

ولا تقول الا الحقيقه واعتبرني وسط بالك
وان غلطت بحرف واحد قلت لك عيني بعينك

وبعدها لازم تعرف ان الحشا كله صفالك
والمعاليق بجميع اللي فعلت مسامحينك

خلنا نبدا الحياه وجعل فالي مثل فالك
دامني منك وفيك وديني يطابق لدينك

الحشا والروح تدري كلبو عمري حلالك
سو ما يحلو بعمري بس لا تقطع حنينك

دام قلبي يوم جيت براحة الكفين شالك
وشعليك انت الوحيد اللي كفوفي شايلينك

بس بشرني عسى ناوي يواصلني وصالك
يا بشاير خير جعل الله على حلمك يعينك

قال لي تبغا الحقيقه فيه شي ماطرالك
خلني في حالتي والله يرحم والدينك
__________________

[حورية البحر]

مهما ابوصف في قصيدي معانيـك


ومهما ابكتب بالشعر في وصالـك





ومهما اجر الصوت واقول اغليـك

ومهما أجيب من الجمل في دلالـك




يكفي بها ان القلب بالشوق يطريك

ولا غبت عنه قام صـاح وندالـك




ولاغبت عن عيني عروقي بترجيك

وروحي تناشد تنتفـض بالوفالـك




تبي الحقيقة بصدق أموت انا فيـك

وما اقدر اعيش إلا بنسمة هوالـك





وتبي الحقيقة بصدق أحترق انا فيك

وما اتخيـل بدنيـاي احـد بدالـك




تدري لو انك تطلب القلب لاعطيـك

واقول روحي يـا حبيبـي فدالـك






لا لا تردد واطلب اللـي بيرضيـك

لو تطلـب الدنيـا ترهـا حلالـك




عسى ربي ما يجي بيـوم يبكيـك

وان صار لابكي يا حبيبـي بدالـك





بس المهم إني ابحضنـك وادفيـك

واموت في حضنك شهيد الوفالـك



&&&&&&&&&&&&&&&





ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك



&&&&&&&&&&&&&&&&

يكلمني عن جروحه ،، و أنا من سـبّـته مجروح
يسولف لي عن ( أحبابه ) !! ،، و أسولف عنه لحاله

أحس في دمعة عيونه ، و تطلع من بكاه الروح
و إذا يفرح مع غيري ،، ( بكى قلبي .. و هنـّى له ) !!

ياليت آنا معاه اللي ركبنا في سفينة نوح
محد يقدر يفرّقنا .. لا عمـّي ،، و لا خاله

رسمته في قلم ناشف على قطعة خشب من لوح
و تهيـّأ لي يحاكيني ، و يبيني أرسم ظلاله

تحرّك طيفه الدايم ، و لَـعـَب في حسبتي بـجموح
( يحب الخيل ) ، و أشعاري عشانه صاروا خيـّاله

و صار بعيني الأجمل ، مع إنه شويّ هو مملوح
و لا غيره ملا عيني ، و قلبي بس يصفى له

ذبحني قلبي الساكت ،، متى قلبي عليه يبوح ؟؟
أحبه .. و مادرى إني أحبه , و أعشق وصاله

كتمت / و هذا من طبعي ، و تمنيت الغلا مفضوح
بأبيّن له ، و لا أقدر !! مع إني جالس قباله

أخاف إنه بعد مده يطير ،، و من إيديني يروح !!
هو نعمة من فضل ربي ، و يقولوا : النعمه زوّاله !

لي قلبٍ من كثر حبه ،، على فراش التعب ( مطروح )
لا هو ميت و لا عايش .. و والله إن مات أشوى له !!

و حبي ( من طرف واحد ) ، غلا صادق ، بدون مزوح
و إذا هو طاح قدامي : نزل له قلبي و شاله

شكى لي ، و كنت له ( أسمع ) / و قلبي دووووم له مفتوح
يطمّني عن ( أخباره ) ، و شنهي آخر أعماله

و إذا شفته خطا بحقي . . بدون أعذار هو مسموح
في نيـّاته .. و لا يدري .. و طيبة قلبه همّاله !

في جياته يروح الهم .. و يبدّل دمعتي بـ فروح
تمنيت البشر مثله ،، و كل من حولي أمثاله

من الله حبّه بقلبي ،، حشى مالي ترى مصلوح
عسى يكبر و يذكرني .. و يسمّي بـ ( اسمي ) عياله



&&&&&&&&&&&&&

مـــــــن صغري وانـــا اسمع يقولــون الزمــان يـــدور

يعني اذا بـــيوم يضـــحك لــــــي بيجي باكر ويبكيني

وكلن شايــــل هــــمه احــــد ضايق واحـــد مقهوور
وانــــا بــس اواســــيهم ومابـــه مـــــــــن يواسيني

وانــــــــا ماودي اتكـــلم وابـــوح واكشف المســـتور
ولكـــن يــــالغلا صـــدك عـــلى هـــالبـــــوح يجبرني

انــــا للــــحزن قـــــــصه ولــــه في داخلي دســـتور
اجـــامـــل وابــتسم لنـــاس ودمعي ســـاكن بعيني

وانـــا الي حــــيل يتعبني لاضقــت دمعي المـــغرور
تخــــيل مايبي يســـــكب يخـــــــــاف انـــه يريحــني

اموووت بـضيقتي فـــيني واعـــانـــي من زمان الجور
وتخنق عــــبرتي صـــدري وتجـــرح دمعــتي عيــني

انـــا مـاودي ازيـــدك هـــم انـــا ودي تعيش ســـرور
ولـكنـــي ابـــي تـــعــرف تـــرا حـــزنــي يبعــثــرني

انــــــا قلبي من عنا وقتي حزين وخاطري مكــــسور
وانــــا الــي زايــد بهمي صمـــتي الـــــــي متعبني

وتـــــرا مهما يضيق الـــكون تــرا عقب الظــلام النــور
يــعني مـــثل مـــاضــاقــت بـتـفـرج بـاقــي سنيني

انـــا لـوقلت لــي ضايق اشيل همك انـــا على الفور
انـــا ما ابـــي احــد يحزن واذا بــه شـــي يربــــطني

وانــــا الـــــي بيني وبينك شـــعر ومحـــبه وشــعور
طــاهـــر يــجمع محبتنا مــثل مـحـبه اخــــــويـــــني

وانــا شعري تــرا مـابــه غــموض وعــنجهه وغـــرور
وانــا شعري صــدر بااحساس طـفل سـاكــن فــيني

انــا ودي ابــيــن لــك وابـــوح بــكل مــــــافيني يدور
ولــكــن مــا ابــي اصــبـح ثــقـــيل ومـــا تــــدانيني

وانا موتي ولا اصبح على احد(ن)ثقيل ومايبيلي دور
وانـــا ودي اذا جــــاء موتي امـــوت وعــزتي فيــني

وكانــك يـــا الغــلا تبغى يــكون القصـــيد بيننا منثور
اجل اقرب وانــا اكتب لــك قصيدن يوصــف سنيــني

وانــا اقــول عــلى كــل الــي مضــى مشـكوور
وكانــي اخطــيت فــي حــقك ابــيك الحـين تعفينـي

وانــا بطلب بــــآخر بيت من الي يعلم ماخفى بصدور
انــه يسعد قلبــــك دوم ويسـعـد بـاقــي سنيني

مما قرات

&&&&&&&&&&&&&&&&&&


أحس بداخلك شيٍ يخصني وبانت الأسباب
كأني ماعرفته , بس انا داري وش اسبابك

انا أدري صرت بك قصه وقلبك ضمنّي بكتاب
وصرت حروف منثوره بالأسطر داخل إكتابك

قريت إسمي بشريان الخفوق الخايف المرتاب
خجل إنه يعلّمني ويقول إنّي من أحبابك

غروري والثقه فيني تميّزني عن الأصحاب
وانا أدري إن غروري والثقه بي , زادت إعجابك

غروري حبّك الصافي غروري فيك والإعجاب
غروري فيك ياحبّي , والي من مات يحيا بك

كتبت الشعر لجل أغتر بحبّك , كان حبّك شاب
يشب ويحترق فيني وانا بردان وادفا بك

تفضّل قول ماعندك , وحتى لو شكا وإعتاب
وفضفض ما حوى صدرك شعورٍ فيك ينتابك

ترى في ذا الزمن صرنا بوحدتنا كما الأغراب
وكلٍ هام مع حزنه وكن الحزن يشقا بك

ولكن جيت لك كفّي امدها في لقا الأحباب
وتومي بالهلا ايدي , وقلبي حيل هلاّ بك

عيوني شوفها تدمع وتلمع دمعها منساب
بعد ماشفتك بعيني , بعيش العمر اهنا بك

تجرّأ قولها واخلص , حروف اتضمهّا بكتاب
أحبّك قولها يازين , يرحم بطن من جابك


&&&&&&&&&&&&&&&&&&&&&


عذري أني أحبك لو تموت الأعذار..
وعذري أنك تحس
وتدري أني أبيك
المهم أن غيرك ماله أي اعتبار،،
كل قلبى خذيته أنت مالك شريك.!
صرت من زود حبك من محبتك أغار،،
شفت وش كثر أحبك
حسبي الله عليك

...............

تســأل : أعزك أو إذا ما أعزك؟
باللــه : تمـزح
أو تكلمنــي بجد
لا لا أبـد مابيك ما أحب حبّك
ولا أنا طايق .. أشوفك لهالحد!
وأموت بترابك
وأعشقــــــك وأودّك
وغلاك محتل الصداره .. بلا عد
بس بسألك الحين وأعرف ردّك
في ذمتك : أي الإجابات أقصد؟

احبك


&&&&&&&&&&&&&&&&&&&



ياليت بعض الناس فيني يحسون
وياليت مافي خاطري يعرفونـه





وياليت بعض الناس للعهد يوفون
والماضي اللي فات ماينكرونـه





وياليت لاقبلنـا عليهـم يهلـون
لاجيتهم والقلب زايـد شجونـه





وياليت لاواجهتهـم مايصـدون
ابتمعـن فـي حــلاوة...... عيونه


وياليت لارسلت الرسايل يردون
وباب الوصل مايغلقونـه





وياليت لاجيت اشتكي له يعذرون
قلـب تولـع ليتهـم يعذرونـه




وياليت ياهل الحب للحب قانون
قانون يجمع شمل منهـم يبونـه




وياليت ثم ياليت ياليت يـدرون
من سبته قلبـي تزايـد طعونـه

&&&&&&&&&&&&&&&

ذبحني الشوق من صديت ياكيف انساك خبرني
وانا من وين ماصديت ترى طيفك يحاصرني
انا لو هي على كيفي نسيتك مثل ما قلبك نساني
ولاكن قلبي يوم اني هويتك اذا صديت عن حبك قلبي عصاني
اناجي الليل واحزاني تكلمني بلا اي صوت
تقول شلون تنساني تبيع اللي يحبك موت
غريبه والله هالدنيا ياغالي ولا كانك هذاك اللي احبه
بعد ماكنت ميت في وصالي يجي لك وتبيع المحبه
يضيق الكون في صدري كثر فرقاك وغيابك
وانا للحين ماادري ياظالمني وش اسبابك
عموما روح انا ماراح الومك الوم قليبي في حبك وعيني
عساك تعيش وتتهنى في يومك وانا لي ربي يعوض سنيني
وغيابك في هذا اليوم

&&&&&&&&&&&

لا تساوم فـي حبي, تـكـفى إعفــيـنـي,
حـبـنـي بالوفا , و بكـل مـا فيـنـي.
ولا تـكـفى دخيلك, جــود و إحـميـنـي,
منك ومن جور حبك, يكـفي مـا فيـنــي...


&&&&&&&&&&&&&

قالو علامك تنثر اليـوم عبـرات=قلـت السبـب ياليتكـم عارفينـه
امسح دموعي والحشى فيه حـرات=اكثر مـن اللـي زود الهـم دينـه
اربع ليالي يصبح الصبح مابـات=واربع ليالـي فاتـحٍ جفـن عينـه
ياليت وقتٍ كنت ويـاه مـا فـات=يوم اسفهل لاشفـت غـرة جبينـه
واليوم يامجمول هيهـات هيهـات=اللي بلاه الحـب راحـت سنينـه
ياليت من ياخذ مع الزين سجـات=وما حال حظ الياس بينـي وبينـه
هذا القدر والحب لاشـك لوعـات=اللـي تولـع بالهـوىالله يعينـه
يازين لك من معجبٍ بك تحيـات=واغلى سلام القلب لـك مرسلينـه
راحت علوم اقصار وجتنا طويلات=والوقت يخلف مع قساتـه ولينـه
ارحم رحمك اللي سمك للسمـاوات=مبعد وقلبـي مـا توانـا حنينـه
يازيـن حبـك مظهرٍللخفـيـات=واليا كتمـت الحـب والله غبينـه
ماهمني من قال مافات قـد مـات=اذنٍ بها طينه والاخـرى عجينـه
راح العمر ما بين روحه وجيـات=النفس خفت عقب ماهـي رزينـه
ياهيه قلبي يشتكي فيـه حسـرات=وش عقب وقتٍ فايـتٍ صابرينـه
اطلب تدلل كـل آذانـي صغيـات=ماهمني لرضـاك حاجـه ثميتـه
ما غيبك عنـي بعيـد المسافـات=صورك ما بين الضلـوع الدفينـه
في وحدتـي اداعبـك بالخيـالات=والزين ساجنـي بداخـل كمينـه

&&&&&&&&&&&&&&&
لاقلت لك : خلني ، (تكفى تخليني) ،،
النفس ضاقت وتعرف من مضيقها ...


ماني بحاجة علومك لو تسليني ،،
بعّد عن العين وأحسن لو تفارقها ...


لاضقت أنا حتى روحي ماتدانيني ،،
وإليـا هدى البال غربها وشرقها ...


لو كان غيرك حرام إنه يحاكيني ،،
لو كان كل الدروب البيض يطرقها ...


تدري وش إللي ذبحني والبلا فيني !!
بعرف عروق الغلا وشلون تسرقها ... ؟؟


يمكن تكون الخيانه من شراييني ،،
وإلا (حظوظك) يجوز الله موفقها ...

ماقلت لحدن سوى ( أمي ) يابعد عيني ،،
وشلـون خليتني لعيونك أنطقها ...َ!!

ياروح روحي ياقلبي يابساتيني ،،
يابسمة العين ليه العين ترهقها ...


والله من زود حبك صنت رجليني ،،
ماشفتني يوم أسوق الرجل وأفهقها ...


أنا بـ صفك وأضيع وانشدك ويني ... ؟
وشلون لارحت جدراني أصفقها ...


ماتدري إني شريتك يوم تشريني ،،
عشان (حبك) أبيع الخلق وأحرقها ...


أرجوك لاشفتني ضايق تخليني ،،
وإليا هدا البال غربها وشرقها ...


&&&&&&&&&&&&


حبيبـي نــام ياعـمـري عـلـى صــدري وصارحـنـي
وفضـفـض لــي بـعـد عـمـري وعاتبـنـي وفهـمـنـي


أنا أطـري علـى بالـك كثـر مـا أنتـه علـي تطـري!


تعـال أقـرب مـن أحضانـي تــرى خــدك مواعـدنـي
يبي يلامس شغف روحي ويقطف بوحي من شعري
تـعـال أنـثــر هـنــا لـيـلـك وخـــل ويـلــك يولـعـنـي
أنا أحبـك وأبـي قربـك.. تـرى منـي قضـى صبـري

أنــا نبـضـك زهــر أرضــك وأنــت! ايــه تملكـنـي
بنحل خصـرك ..جمـر ثغـرك وزود بلونـك الخمـري

تتـوهـنـي .. تغـرقـنـي.. ومـــن بــــردك تـدثـرنــي
وتبكـي لـي وتشكـي لـي ولـه قلبـك ومــن سـحـري

أبـي دموعـك مـع أنفاسـك بـصـدق الــود تحرقـنـي
وأبـي عطـرك مـع سحـرك وآهـك بالحـشـا تـسـري
أبــي همـسـك يبعثـرنـي غـــلا ولـمـسـك يلملـمـنـي
وأبي عيونك مـن عيونـي تـذوب مـن الولـع كثـري

أبــي أيــدك تسـافـر بـــي وزهـــر قـــدك يلحـفـنـي
وأهيم بعالمك عاشق جنوني أنت .. وانت بي تدري

تشـوف الجمـر بعيونـي! تشـوف الشـوق جننـي!
أجـل تـدري مثـل مــا أدري بـأنـك حلـمـي يـابـدري

حبيبـي قـوم وصارحنـي عــن احسـاسـك وعلّمـنـي
أنا أطري على بالك ! كثر مـا أنتـه علـي تطـري


&&&&&&&&&&&&


يا مبعد التفكير .. لا يخونك التعبير
مدام انا احبك .. تستاهل التقدير
لازم تبادلني احساسا باحساس

لا تآخذك الظنون.. مو كل محب يخون
واصابع كفوفك .. محال يتساوون
من يتبع العذال يعيش في وسواس

يا روحي افهمني .. مابيك تظلمني
دامك سمعت الغير.. لابد تسمعني
ولا انت من طبعك تسمع لناس وناس


&&&&&&&&&&&&

غالي ) أنا لو طلبتك خابرك فزّاع
ما قِدْ خبرتك في مرّه تجهل الداعي

يا خوك أنا صابني غروٍ عليه طْباع
ما ريّحتني طباعه زادت أوجاعي

حبّه سطا بي وقلبي في هواه انصاع
قلبي خذلني وانا اللي خابره واعي

له منزلٍ في شراييني وله مرباع
له مركبٍ ما أظنّه يقبل شْراعي

له طلّةٍ تقنع اللي ما يبي الاقناع
له في فوادي بريد وْ له بَعَدْ ساعي

له فزّةٍ ما تقول إلاّ ظبي وارتاع
يمشي وكنّه يقول القاع ذي قاعي

الضيق في مبسمه أمّا العيون وْسَاع
ما مرّ زينه وصوفٍ ما لها داعي

إن قال كلمه تحسّ بقمّة الامتاع
وِلْيَا سكت كنّه اللي لاوي ذْراعي

(غالي ) انا باسألك وش حيلتي لو ضاع
كنّ المشاعر رعيّه ضيّعت راعي

يا خوك لا هو شرى حبّي ولا هو باع
عَلّمني الصدق هو ناوي على وْداعي؟


&&&&&&&&&&&&&&&&&&


صباح الندى والورد ياطلة الاشـراق
........ يانور الشعاع اللي مع الصبح منساقي
على وجه روض غطته خضـرة الاوراق
........ تشـوف الخـزامى والنفـل فيه مـتلاقي
بعدماسقاه الوسم من وابـله دفاق
........ تغازل بقطـرات الـندى خـضـرالاوراقي
يجددغرام المغرم العاشق المشتاق
........ عبير النسـيم اللي مع الصـبح دفاقي
سقى الله على عيني متى يضحك البراق
........ على ذيك الارض اللي لهاالقلب مشتاقي
انا والله ان قلبي تسوقه لهاالاشواق
........ ولانيب عارف كـيف اعـبر عن اشــواقي
احس انه اكبر من كلام على الاوراق
........ هذاك الغرام اللي سكن داخل اعـماقي
يهوجس بها فكري ويسري بهاالخفاق
........ وانــا تايـه مابين فكـري وخـفـاقي
لامنه هدى بالي وفكري وجوي راق
........ طرالي وليف ٍ محــرق ٍ قلـبي احراقي
غرامه يتل القلب من داخل الاعماق
........ تحـكم بتفـكيري وشــدد لي اوثـاقـي
تسلط علي كلي من الراس لين الساق
........ لامنه تحــرك بالصــدر تنثني ســاقي
حسين الوصوف اللي حكمني بحسن اخلاق
........ على حســن خلقـه جامع ٍ حسـن الاخلاقي
ولايمكن افكر بهجره على الاطلاق
........ ولو كان تحكمنا المقــاديـر بفراقي
وانا كل ليل اسهر مع الشوق والاشفاق
........ بعيد ٍ عن الغالي وله شـوق واشـفاقي
اشوفه ونور الشمس عقب الفجر منساق
........ ودونه سـواد اللـيل جـالـه تفـتاقي
تهاوى دموع العين مني على الاحداق
........ واذا طاحت الدمعه على الخد وش باقي
مدام الدهر باقي وللشمس فيه اشراق
........ غرامه بوسـط القلب له نور واشـراقي
صحيح المحبه حاليه مار لو تنذاق
........ علااها مـرار الصـبر لابـد ينـذاقـي

&&&&&&&&&&&&&


برد صدري وأنا " أشهق " من لقاك و " أزفر " بفرقاك
ترى ما أقسى من غياب الحبايـب .. غيـر أوهامـي

نبت بأرض السنين المجدبة حبك .. وصـرت أهـواك
رضيـت أعيـش بآجمـل ذكرياتـك باقـي أيـامـي

حبيبي لو لقيت اللـي تبـي مـن هالحيـاة .. هنـاك
أنـا باقـي ( هنـا ) ليـن الليالـي تزهـق آلامــي

على بابك وقفت أمـس أبتسـم لـك كنـي أترجـاك
تعيـد اللـي سرقتـه مـن هنـاي إن كنـت قدامـي

مشينـا مـن زمـان .. وقـدر الله ينتهـي ممشـاك
على درب الغياب .. وخطوتك أسـرع مـن أقدامـي

تجاهلت الوداع .. وقلت لك : ياصاحبي وش جاك ؟!
ترش الماء على رمضى الطريق .. وصاحبك ضامي !!
حنين اللي نقش إسمك علـى صـدري وخـلا شفـاك
تهجـا مـا يـدور بداخلـي مـن جرحـي الـدامـي

جمعني بالورق قصة وفاء .. عاشـت علـى ذكـراك
طمست إسمك من أوراق القصيد .. وصرت بإبهامي !

أنا الوافي علـى كثـر الذنـوب اللـي تبـي أنسـاك
تحزمـت الـوداع .. وشلـت لـك تذكـار بحزامـي

فمـان الله .. رح فـج الغـيـاب ولــوح بيمـنـاك
أبرسـم صورتـك فـي داخلـي وأحييـك بإلهامـي

جمعنا ماضـي الحـب الحقيقـي يـا عسـاي أفـداك
أبيـك تطمـن رمـوش السهـر وتقـولـه نـامـي

فزع بعض القصيـد بهاجسـي مـن هـزت الشبـاك
كتبت آخـر تفاصيـل اللقـا .. وإنقطعـت أحلامـي

&&&&&&&&&&&&&

[miss-qatr]

حبيبي لا تعذبني ..


مليك الروح لا تنسى إذا ما تقدر تجيني
تذكر يا بعد عمري كم أنا تمنيتك
وإذا جالك خبر موتي أنا ما أريد تبكيني
أنا ما أريد أتعذب عشان بيوم بكيتك
ترى لي بس طلب واحد أنت اللي تواريني
تلبسني الكفن بأيدك قبري تلحّده بغيتك
ولو تسمح بدل إسمي شهيد الحب سميني
وعلى قبري زرع وردة دخيل الله ترجيتك
كفاية عروقها جنبي وسط قبري تسلِّيني



عجبتني الابيات تسلم ايدك على النقل الرااائع

بس ماكتبتيلنا من الشاعر ؟؟ :)

يعطيك العااافيه اختي حورية

[حورية البحر]

اسرق اللحظات من وقتي واجيك
واشتكي همي وعتابك واسمعك
***
ايه احبك ايه ارددها ابيك
بس اخاف الناس تشوفني معك
***
موقفي واضح ولا يخفى عليك
مشربي غيرك وشفي منبعك
***
ايه اودك واحلف اني مهتويك
عاشق صادق وروحه تتبعك
***
مل امري ياحياتي بين يديك
انت تامرني وانا رهن اصبعك
***
بعت هالدنيا لجل يمكن اشتريك
صاحبك ربحه يشاهد مدمعك
***
في غيابك كل شي يحتريك
عين وانفاس وشتات يجمعك
***
اسال قلبي اذا عنده شري
في غرامك اوفكر يخدعك
***
اساله كيف المعاني تحتويك
يحضنك قلبن غفى في مهجعك
***
الحلا والطيب والاخلاق فيك
والسماحه والامل في مطلعك

&&&&&&&&&&

تحرى مني الزله على أهون كلمة يازين
على شأن الموده ياعديم الذات تنهيها
يدور بخاطرك شي غريب من يجي يومين
لمسته من صدى نبرات صوتك في معانيها
فهمت اللي نويته لي ولا يحتاج له تبيين
ترى النيه مضيه لا تراجع وانت ناويها
تبي الفرقا وأقول ابشر من عيوني الثنتين
وش اللي يمنعك يومك تردد ما تطريها
تسهل .. مستحيل اني أرآعي المقفيين

سمح قلبي..سمح قلبي حرام انك تخفيها
وابدفن ماضي أيامك على جال السهر والبيين
وابنهي قلبــــــــي على الذكـــــــــــرى وماضيها
وأنا وش عاد لو دمعي عليها يغرق من العينيين
مصير الوقـــــت وأيامه تنسينـــــــــي لياليهـــــــــا
خساره ضاع من عمري سنه ومعها ثلاث سنين
حصيلتها جـــروح في ضميري كيف ادآويهـــــــــا
أمــوت من الولع ودمـــــوع عيني واقفـــــه بالعين
ولا أذكر عشرتـــــك في مقبل أيامــي ولا أرجيهــــا
وأنا عندي كرامــــــــه في زماني مالها تثميــــــــن
حيـــاة الــــذل ما أقبلها ولا أنزل ساعــــة فيها

&&&&&&&&&&&

دخيلك يامنى قلبي حرام أن دمعـك تهلـه
حرام الدمع في خدك وخدك صار منديلـه
قهر لا شفت أنا دمعك يهل ومقـدر أشلـه
لو أن الموت ياخذني بس أني أقدر أزيلـه
ترا لامن نزل دمعك أحس الروح مختلـه
ترا دمعك علي غالي دخيلك مامعي حيلـه
تحسب أني أنا مبكي تراني أخفـي العلـه
أنا أبكي وسط قلبي وعيني مابكـت ليلـه
دموع القلب أجمعها وأشيل الدمـع وأزلـه
أكرر دمعي بقلبي أخاف النـاس توحيلـه
ترا بكي القلوب أصعب عسى مايوم توصله
يشيب الراس بأسبابه كثيـر الهـم يبغيلـه
أحبك وأعشقك وحدك عليك الروح مفتلـه
وحبك ساكنن قلبي وأنا ما أرضى بتبديلـه
لو ان الوقت في قلبي يحد السيف ويسلـه
ترا حبك معي ثابت مكانه صعب تعديلـه
يفوح القلب في بعدك كما فوح أصفر الدله
يسج بعالمن ثاني ولا أدري ويش أسويلـه
ولا غير الصبر عندي وهمي بآكلـه كلـه
أبصبر وأكتم الونه ودمع القلب في سيلـه
أمانه كفكف دموعك وجفنك مبتسـم خلـه
عسانا نجتمع يالله عسى ياصاحبي الليلـه

[!قطريـة بنت القمـر!]

اختيارات ومقتطفات في منتهى الروعة وكلها اعجبتني جميلة جدا .... ذائقتكِ شفافة وجميلة للغايه اختي حورية .... صح لسانج ولسان من كتب هالابيات جميعا .... ويعطيج الف عافيه غلاتي :nice: ....

[lusail]

ابيات جميله ونقل اجمل لاهنت اختي...

حبيبـي نــام ياعـمـري عـلـى صــدري وصارحـنـي
وفضـفـض لــي بـعـد عـمـري وعاتبـنـي وفهـمـنـي


أنا أطـري علـى بالـك كثـر مـا أنتـه علـي تطـري!


تعـال أقـرب مـن أحضانـي تــرى خــدك مواعـدنـي

[حورية البحر]

خاطرة

ماني بلعبة تروح واتبقي الغير وتراوشلي من بعيد
وتتبع معي صغر الافكار وتتخذ كل اساليب الخذلان
لوعندك عزت نفس وكرامة ماخذلت والا فعلت مافعلت
ماهو بكيفيك تمشي بدروب الخزي بامرك وتتبلى علي
ولا ترميني باردى الامور ولامشيت بردى الاساليب
ولابنيت حاجز بتركة عدو ولابنيتني هامش باسم عدو
ماهو بكيفيك تترك لي عدو وتلعب معة وتمشي علي
وماهو بكيفيك ترميني بخذلانك وتستهتر معي بكل امر
لو عندك عزت نفس وكرامة ماخذلتني بامرك ولا فعلت مافعلت
ولا فعلت بي مافعلت وتركتني لعبة بايديك وتتخذني عدو
لوعندك عزت نفس وكرامة ماخذلتني والا فعلت مافعلت
والاارتكبت بي وعلي ماراتكبت واثبت لي نفسك باكبرخبثها
ماهي بشطارة منك تفعل بي وعلي مافعلت
ولا هي بشطارةتركة عدو منك تجي والاشغلت ابارى
والا ضحك ناب لي وضحكت عدو
حتى الطفل لالعب مثلك مالعب بشغلات خبث وحقارى
ولا مشي معي بخذلان وولا بكل عبارى
ولفعل حس بالخذل قدم زيلة بمسحة وشيلة وباعتذارة
والا انت تكتنف كل الامربيدك وبكيفيك من غير خجالى
ماني بلعبة بكيفيك تراوشلي من بعيد على الخذالى
ماني بكيفيك تلعب بي من بعيد والا تتبع معي كل خذل وحقارى
وماهو بكيفيك تتخذ معي كل اسلوب نذل ومذلة وخيانة
وتتخذ باتفه اساليبك واصغر افكارك نذل وخذالى

[العاشق]

أنا أهنيك من قلبي قدرت إنك تبكيني
وحق الله يالغالي أنا من القلب هنيتك

حبك جبر خاطر ياليتك تواسيني
ياغلى ماعرف قلبي وحق الله حبيتك

هالبيت اضافه من عندي


صح لسانج

تقبلي مرور

[ورقــة أمــل]

الابيات رووووووووووعة

شكرا

[دانـة قطـر]

وانــا اقــول عــلى كــل الــي مضــى مشـكوور
وكانــي اخطــيت فــي حــقك ابــيك الحـين تعفينـي

وانــا بطلب بــــآخر بيت من الي يعلم ماخفى بصدور
انــه يسعد قلبــــك دوم ويسـعـد بـاقــي سنيني

تسلم يدج عالابيات الرائعه

[ابن الجزيره]

حبيبي لا تعذبني ..


أنا أهنيك من قلبي قدرت إنك تبكيني
وحق الله يالغالي أنا من القلب هنيتك
كذا روحي تعللها ولا لي من يواسيني
وأنا اللي بكل معنى الحب والإحساس حبيتك
أهون عليك وحياتك كذا وحدي تخليني


روعة الاختيار

موفقة الفاضلة

ودمتم سالمين

[حورية البحر]

وصرت لغمزك توديني وترجعني
وصرت للتعذيبك تفرحني وتحزني
وصرت لتمسخرك تشرقني وتغربني
وصرت لتجريحك تعززني وتهييني
وصرت للعبك وسومك تذلني وتخذلني
مانبي بلعبةلأيدك تههددني وتكويني
ولاني لتعذيبك بلعبةتصبحني وتمسيني
ولاني لتعزيرك بلعبة تخليني وتخليلي
ولاني لسوماتك بلعبة تبقيلي وتكويني
ولاني لتذيليلك بلعبة تحملني وتذللني

[سيدة الخليج]

قويه هالكلمات
ماظنتي في حد يستاهلها