ابي حد يفهمني : الدولة تبي العقار ينخفض ولا يرتفع؟؟؟؟

[سعادة الوزير]

السلام عليكم ورحمة الله

هالسؤال يجول في خاطري من اول ما بدت الازمة العالمية وطالت سوق العقارات عندنا ، والي لاحظته ان معظم الاقتصاديين في قطر كانوا يتحاشون انهم يتكلمون عن تأثير الازمة في العقارات (مع ان التأثير صار واضح جدا والعقارات في بعض المناطق انخفضت الى اكثر من النصف!) ، والحين قاموا يقولون ان الازمة مالها تأثير على سوق العقارات ، وان العقارات مردها بتزدهر وبترتفع اكثر واكثر ، يعني شوي ويقولون (زاد الله من زاد!!) .

الحين السؤال الي باطرحه ، هالاقتصاديين وينهم عن هالكلام يوم العقارات تضخمت وزاد سعرها 15 مره في فتره ماتتجاوز 3 سنوات؟؟؟؟ . مش المفروض ان "هالخبراء" يكونون موضوعيين ومالهم مصلحة في السوق ؟؟ .. مش المفروض ان احنا دولة "شفافية"؟؟؟ .. وليش الحين بالذات هم زعلانين ومتكدرين على نزول العقار؟؟؟ .. ليش مازعلوا وتكدروا على المواطن المسكين الي ماقدر يكمل بيته بقرض الدولة الي مايكفي حتى نص العظم؟؟؟ .. ليش مازعلوا على الي يبي يسكن جنب اهله ومب قادر يشتري هالارض لان قيمتها زادت 10 مرات ؟؟

انا اقول لهالخبراء الي يكتبون في الجرايد : اتقوا الله في الي تكتبونه وتبثونه بين الناس ، ترى المكافئة الي راح تجيك ، ماتسوى حسابك قدام العزيز القدير.

[مالي ومال الناس]

صدقت بكلامك

[بويوسف]

صدقت اخي الفاضل .. لكنها كما تعلم قوى موجودة .. والقوى هو اللي يفرض قوانينه .. او يحاول ان يفرض قوانينه ..

[رحال]

النيات يا أخي لا يعلمها الا الله ، ان لا ينظر الى صوركم

ولكن ينظر الى قلوبكم !!!

[sad-o-bas]

النيات يا أخي لا يعلمها الا الله ، ان لا ينظر الى صوركم

ولكن ينظر الى قلوبكم !!!

أخوي رحال، جيب الاقتباس من السنة النبوية عدل بارك الله فيك.. هذي مافيها نوايا بعد..

قال صلى الله عليه وسلم: (ان الله لاينظر الى صوركم وأموالكم ولاكن ينظر الى قلوبكم وأعمالكم) رواه مسلم

[شورت تايم]

لانه معظم الأقتصاديين الله يسلمك عندهم عقارات

ولازم يروجون ان اسعار العقارات جيده وبترتفع
بعد فتره بسيطه عشان يبيعون العقارات اللي عندهم
واللي توهقو فيها

يعني على قولت بعض الاعضاء حول حمله على سيارة
التويوتا دعوها تصدى

يعني بعد هالنزول اللي صاير في العقارات واللي
بيستمر طول عام 2009

أقول حق الأعضاء خلو العقارات عنكم بس 6 شهور
ونشوف فوق هالنزول نزول دبل

[technical]

لما تتكلم عن الدوله لازم تحدد من في الدوله تقصد ؟ البنك المركزي , وزاره الأقتصاد . أو تقصد الشركات التي تمتلك الدوله جزء منه ؟ مثل بنك قطر , الصناعات , وغيره ...

أذا كنت تقصد في كلامك البنك المركزي , وزاره الأقتصاد . طبعاً ليس ي مصلحتهم أرتفاع العقار لأن هذا سيعني أرتفاع التضخم وهذا ضد أهداف الدوله المعلنه في جعل نسبه التضخم 2.5 % (راجع أتفاقيه العمله الخليجيه الموحده) .

لكن أذا تقصد الدوله بنك قطر الوطني , شركه الصناعات وغيره على هذه الشاكله . هذول أي نعم في مصلحتهم أرتفاع قيمه العقار لأن هذا سيرفع من قيم هذه الشركات مما يسهل عليها الربح أو الحصول على أعتمادات (ديون سهله) .

لكني أقول أن الأشكال الحاصل عندنا هو في وجود افراد يرأسون الفرع الأول والفرع الثاني في نفس الوقت , فيكون السؤال الحاصل هل سيوجهون الأوليه في القرار والمصلحه لأي جهه ؟ شوف مين يرأس بنك قطر الوطني ومين يرأس صناعات .

هذه مشكله أداريه دستوريه أقتصاديه , مشكلاتيه . وأن شاء ألله أكون ساعدت في الجواب عن سؤالك .

[بويوسف]

لما تتكلم عن الدوله لازم تحدد من في الدوله تقصد ؟ البنك المركزي , وزاره الأقتصاد . أو تقصد الشركات التي تمتلك الدوله جزء منه ؟ مثل بنك قطر , الصناعات , وغيره ...

أذا كنت تقصد في كلامك البنك المركزي , وزاره الأقتصاد . طبعاً ليس ي مصلحتهم أرتفاع العقار لأن هذا سيعني أرتفاع التضخم وهذا ضد أهداف الدوله المعلنه في جعل نسبه التضخم 2.5 % (راجع أتفاقيه العمله الخليجيه الموحده) .

لكن أذا تقصد الدوله بنك قطر الوطني , شركه الصناعات وغيره على هذه الشاكله . هذول أي نعم في مصلحتهم أرتفاع قيمه العقار لأن هذا سيرفع من قيم هذه الشركات مما يسهل عليها الربح أو الحصول على أعتمادات (ديون سهله) .

لكني أقول أن الأشكال الحاصل عندنا هو في وجود افراد يرأسون الفرع الأول والفرع الثاني في نفس الوقت , فيكون السؤال الحاصل هل سيوجهون الأوليه في القرار والمصلحه لأي جهه ؟ شوف مين يرأس بنك قطر الوطني ومين يرأس صناعات .

هذه مشكله أداريه دستوريه أقتصاديه , مشكلاتيه . وأن شاء ألله أكون ساعدت في الجواب عن سؤالك .

كلامك خطير ويدعو للتأمل بصراحة