اغلاق تقاطع نفق اللاند مارك للصيانة

[سهم مديون]

الصيانة في مشاريع الطرقات لدينا ظاهرة طبيعية تعودنا عليها ولكن هل نحن عاجزون امام هذه الظاهرة كي لا تكرر في مشاريعنا المستقبلية ؟؟؟؟؟؟؟؟؟؟؟
نريد مشاركاتكم واقتراحاتكم وتعليقاتكم حول هذه الظاهرة !!

[الجزيرة]

..... حرام عليك ... ليش سوء الضن

.... يمكن عشان الكرسمس .... ولا بابنويل مايقدر ايمر من تحت الجسر

... مهندس مستورد ودهن تاتا ... ولا حسيب ولا رقيب

[واحد 11]

اعتقد بسبب الفشل..وقلة الكفاءة وتواضع من يدير هذه المشاريع...هذه بأختصار الاسباب وبس والله يعينا

[qatar.up]

الله يسلمك علشان النفق مافي ولا حفرة فقرروا يسونله حفرة النفق أو الجسر

وراء كل جسر حفرة ( أشغال )

[So Charming]

والله صراحة اخواني انا مستغربة من سالفة الطرق في قطر
مشاالله قطر بلد خير ونعمة وشارع المطار قعدوا فيه سنتين والله كل ماسافر وارد اقول خلاص بلاقيهم خلصوه لكن انصدم بالحفريات مره ثانية
غير عن الحفر اللي جنها قبور من عمقها
يا ترى وين الخلل
والله يا جماعة الخير في ديرتي الشارع شطوله ماياخد اكثر من شهر مع ان اقتصاد ديرتي لا مجال لمقارنته مع اقتصاد قطر مشالله
اعتقد الخلل في الشركات اللي يتعاملون وياها
تحياتي

[!قطريـة بنت القمـر!]

نفقي المفضل :weeping:


؟؟؟؟؟؟؟؟؟؟؟
نريد مشاركاتكم واقتراحاتكم وتعليقاتكم حول هذه الظاهرة !!

الله يخلي لنا اشغال بس :) ....

[PathFinder]

أول مرة في حياتي اشوف نفق فيه اشارات ضوئية !!

[Bu Rashid]

أن شاء الله يفتحوووووون أنفاق غزة ...

[الوعد2016]

ليش مايكون النفق متميز بالدوران للخلف بدون اشاره ويكون وسيع ولامانع من اشاره
اعتقد ان التخطيط للمشروع من البدايه فاشل لان التصميم عادي ولم يخفف الازدحام فالمساحه صغيره جدآ

[ام علي1981]

والله يحزنني المبالغ الباهضة التي تدفعها الدوله من اجل هذه المشاريع وبعد كم شهر يسكروها ويعيدو الحفر مره اخرى
والسؤال هنا لصالح من هذا؟؟؟؟؟؟؟؟؟؟؟؟؟؟؟؟؟

[WIFE]

أول مرة في حياتي اشوف نفق فيه اشارات ضوئية !!


.....ما قل و دل.....صدقت

[Riku3]

اشغال تاخذ مليارات وتوقيف مشاريعها بالنص بسبب مشاكل مع المقاولين وثم تتأخر في انهاء المشروع وثم تفتتح جزء واحد فقط وبعد فترة تغلقه للصيانة وبعد فترة ينفتح المشروع والكل يستانس ولكن ينصدم ان الزحمة ماتغيرت كثير .. وقبل مايتغير لون الشارع شوي نلاقي الشارع نزززززززل واغلقوه للصيانه P: .

قصة حياة اشغال .

[مريش]

انا مب من معترضي هذا النق
لكن لم يحل مشاكل كثيره الزحمه موجوده موجوده !!

يعني يوم كان دوار كان أهون !!
المفروض هاي يكون أحسن من دوار ويحل

لكن عنبر أخو بلال وهذا سيفوه وهاذي خلاقينه

[BoFahed]

اتمنى من اشغال ومع تحسن العلاقات (الحمد لله) ترسي المناقصات على الشركات السعودية العملاقة مثل بن لادن وسعودي اوجيه وغيرها واللي ترصف شوارع بالاف الكيلومترات وما توقف عليها التريلات ليل نهار عشرات السنين لانه والله العظيم تعبنا خلاص ارحمونا مادري شيبون يبون الشباب القطري ينقرض في حفر شوارعهم ولا يصيب كل الشعب السكري والضعط .

[بوشهاب]

أول مرة في حياتي اشوف نفق فيه اشارات ضوئية !!

هلا اخوي
توني بكتب نفس جملتك بالظبط

كل مامر من هالنفق اقول من هالمهندس الداهيه اللي خطط المشروع

بالعقل يا مسؤولين ,,,,, منحدر نازل وفجأه اشاره في ويهك ,,,, هذي حتى لوكنت ماشي شوي شوي يبيلك دعسة بريك محترمه عشان توقف ,,, عيل شلون لو الواحد مسرع !!!!!!!

تنطرونه يدعم

ناس ادير المشاريع بالاونطه ... بس شافو لهم مهندس اجنبي قص عليهم وبس قالو عنده العصا السحريه وبيحل لنا ازمة الزحمه اللي حاصله

بس للأمانه بعد
سمعت ان نفق العسيري تخطيطه ممتاز
بس شعقبه

هذا بلا ابوك ياعقاب

[بوخالد911]

أول مرة في حياتي اشوف نفق فيه اشارات ضوئية !!



حق الحوادث المميتة + القاتلة

:omg::eek5::eek5::omg:

[HEART_LION]

أول مرة في حياتي اشوف نفق فيه اشارات ضوئية !!

اي والله انك صادق :victory:

[kitmat]

إيه والله لصالح من ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟كل ما يجري في قطر الحبيبة واليوم وانا راجعة من الدوام مكسرين شارع جديد حسبي الله ونعم الوكيل ننام ونصحى ونشوف بس تكسير شوارع يقولون الشركات اللي ربحانة في قطر هي شركات التكسير والتحفر