ودَي اشتكي على الدكان بس اخاف يسكرونه

[هسلان]

السلام عليكم ورحمة الله وبركاته
كل عام وأنتم بخير وسنة هجرية مباركة على الجميع

ودَي اشتكي على الدكان بس اخاف يسكرونه

كان هذا ناتج نقاش مع احد الاصدقاء القاطن في منطقة بني هاجر والذي اكتشف أن الدكان الموجود بالمنطقة وقد يكون الوحيد يبيع السجاير للأطفال وطلاب المدارس بسعر ريال ونصف للسيجارة الواحدة يعني بحسبة بسيطة يصل قيمة الباكيت بالتجزءة لثلاثين ريال الله لا يربحه :anger1:
معادلة صعبة يصفها لنا هذا الصديق بقوله ودي اشتكي على الدكان بس اخاف يسكرونه
ليه لأنه لا يوجد دكان اخر قريب يقدم خدمات للمنطقة وبعد اخاف اضربه ويسجنوني :rolleyes2:
ياجماعة معقولة نتهاون مع هذا الدكان وصاحبه الجشع لهذا السبب
معقولة منطقة مثل بني هاجر ما تستغني عن مثل هذا الدكان ولا يوجد بديل
وين التخطيط ؟؟؟؟؟؟؟؟؟؟؟؟؟؟؟
ذكرني التخطيط بمنطقة بونخلة الي مافيها دكا عشان يسكرونه :tease:
ماذا تفعل لو وجدت نفسك في هذا المكان تشتكي وتسكر الدكان وتتعطل أو تصبر وتنقهر

[مافيا قطر]

انطنش و انتعش
وظبط الدى واكبر الجى

[العقل الحر]

متأكد انت انه يبيع على البزران زقاير

والله لو انت متأكد لاشتكي عليه وقلعه تقلعه

اهم ماعلينا عيالنا

[عاشق الشهادة]

ومن قالك اول ما تشتكي عليه يسكرونه بيعطونه فرصه بل اثنتين بل ثلاث لين تفقد الامل:weeping: في تسكيره ,
وعلى حسب علمي السماح لبيع السجائر بالنسبه للدكاكين مسموح بس بشرط تكون المدرسه تبعد عنه بـ 500 متر وهذا ينطبق على دكان بني هاجر مافي مدرسه قريبه منه .....

[الهاجري 2]

لالا اخوي من يقولك دكان واحد فيه 3 بعد

[الهاجري 2]

ومن قالك اول ما تشتكي عليه يسكرونه بيعطونه فرصه بل اثنتين بل ثلاث لين تفقد الامل:weeping: في تسكيره ,
وعلى حسب علمي السماح لبيع السجائر بالنسبه للدكاكين مسموح بس بشرط تكون المدرسه تبعد عنه بـ 500 متر وهذا ينطبق على دكان بني هاجر مافي مدرسه قريبه منه .....

من يقولك

دكانين قريبين من المدرسه لا ومدرسة المنار الابتدائيه

[عاشق الشهادة]

من يقولك

دكانين قريبين من المدرسه لا ومدرسة المنار الابتدائيه





انا خبري بدكان واحد اول ما تدخل المنطقه الدكان بيكون غرب المنطقه ومافي مدرسه عندها ,
اما اذا تقصد واحد ثاني هذا ما عندي خبر عنه ....

[هسلان]

متأكد انت انه يبيع على البزران زقاير

والله لو انت متأكد لاشتكي عليه وقلعه تقلعه

اهم ماعلينا عيالنا

على ذمة الراوي متأكد واسم الدكان الروابي

[هسلان]

ومن قالك اول ما تشتكي عليه يسكرونه بيعطونه فرصه بل اثنتين بل ثلاث لين تفقد الامل:weeping: في تسكيره ,
وعلى حسب علمي السماح لبيع السجائر بالنسبه للدكاكين مسموح بس بشرط تكون المدرسه تبعد عنه بـ 500 متر وهذا ينطبق على دكان بني هاجر مافي مدرسه قريبه منه .....

يعني لين ما يسكرونه قد ادمن على الدخان معظم اطفال المنطقة :rolleyes2:

[عاشق الشهادة]

يعني لين ما يسكرونه قد ادمن على الدخان معظم اطفال المنطقة :rolleyes2:




هههههههههههههههههههههههههههه صدقت لين يدمنون على الدخان بعدين بيتحركون ضد الدكان ,
واًبشرك وتحركهم عباره عن مخالفه ماليه لاتتعدى 500 ريال:weeping::weeping:

[هسلان]

لالا اخوي من يقولك دكان واحد فيه 3 بعد

طيب شيء جميل على الاقل يكون هناك تنافس لصالح الطلبة والاطفل واهم شي بكم يبيعون الدخان :victory:
الهنود مالهم ذمة وهذا الموضوع أثرته في المنتدى وبنشوف ردة الفعل من اصحاب المنطقة والبلدية

[هسلان]

هههههههههههههههههههههههههههه صدقت لين يدمنون على الدخان بعدين بيتحركون ضد الدكان ,
واًبشرك وتحركهم عباره عن مخالفه ماليه لاتتعدى 500 ريال:weeping::weeping:

500ريال يابلاش والله الطفل رخيص في عين البلدية

[فيزيائية]

مافي الا تتلثمون وتطقون الهندي طق لين يقول بس :eek5:



وتره انا ماقلت شي

[هسلان]

مافي الا تتلثمون وتطقون الهندي طق لين يقول بس :eek5:



وتره انا ماقلت شي

والله فكرة :victory:

[غناتي1]

لا وازيدكم من الشعر بيت 00

ان هالدكان لا زال يبيع السجاير والسويكة بالخش

وكل عيال المنطقة وما يجاورها مجربين هالنوعين ومدمنين عليه

[عاشق الشهادة]

لا وازيدكم من الشعر بيت 00

ان هالدكان لا زال يبيع السجاير والسويكة بالخش

وكل عيال المنطقة وما يجاورها مجربين هالنوعين ومدمنين عليه




بل :eek5: دخان ومشيناها بعد سويكا :anger1: والله يستر من المستخبي :secret:

[pinky]

الله يعينكم الله يستر بكره يبعون خمور لعيالكم عادي عصير .........ما بق شي دخان وسويكى الله المستعان
اشتكي في الطقاق الدكان ولا يخربون الاطفال انشالله يتسكر والله البلديه لو تمنع هالدكاكين من الفريج انه ابرك

[الوعد2016]

من بكره راح يتم اغلاق المحل ان شاء الله

[الوعد2016]

على ذمة الراوي متأكد واسم الدكان الروابي

الروابي في الريان

[الهاجري 2]

انا خبري بدكان واحد اول ما تدخل المنطقه الدكان بيكون غرب المنطقه ومافي مدرسه عندها ,
اما اذا تقصد واحد ثاني هذا ما عندي خبر عنه ....

اخوي فيه 3 دكاكين

دكان العلم ماعنده مدرسه

اما دكان المنطقه ومجمع التسويق العائلي (( يعتبر دكان )) فهم قريبين من مدرسة المنار الابتدائيه

[الهاجري 2]

طيب شيء جميل على الاقل يكون هناك تنافس لصالح الطلبة والاطفل واهم شي بكم يبيعون الدخان :victory:
الهنود مالهم ذمة وهذا الموضوع أثرته في المنتدى وبنشوف ردة الفعل من اصحاب المنطقة والبلدية

دام مالهم ذمه ليش يبيعون على البزران ((الاطفال))

[ابـو مــحــــمـــــد]

على ذمة الراوي متأكد واسم الدكان الروابي


اخوي هسلان
ماعندنا دكان اسمه الروابي في منطقة بني هاجر
محل الروابي كان على شكل سوبر ماركت في محلات العطيه
الي تم ازالتها خلال الفتره السابقه وهي قريبه من مدرسة الريان الثانويه

وفيه موقف صار معاي

عند احدى الدكاكين الي في المنطقه دخل عليهم موظف من هيئة الصحه
وشيك على المحل وحصله يبيع زقاير في باكيت كامل وعطاه مخالفه قدامي
وهدده بـ اغلاق المحل لمدة شهر في حال المخالفه مره اخرى

[ابـو مــحــــمـــــد]

لا وازيدكم من الشعر بيت 00

ان هالدكان لا زال يبيع السجاير والسويكة بالخش

وكل عيال المنطقة وما يجاورها مجربين هالنوعين ومدمنين عليه

اخوي العزيز
اذا تقصد الروابي فهي مش في منطقة بني هاجر
واذا تقصد دكان اخر ياليت تزودنا فيه لان احنا من سكان المنطقه وحرصين كل الحرص
على اولادنا واذا انت خايف على تسكيره عطني معلومات عنه وانا على استعداد ان اخبر
عنه حتى يتم القبض عليه اذا كنت متاكد من معلوماتك

[aljuri]

مرحبا اخوي هسلان شكرا لك على غيرتك على جيل ومستقبل بلادنا ويا ريتك تكمل اجرك وتشتكي على الدكان لانه اليوم عيال الفريج بكره عيالنا ، والله لو كنت انا رجال كنت رحت واشتكيت حتى لو كان ولد امي وابوي .

[الطيبة كلها]

اشتكي عليهم وحصل الاجر خل يغيرون الهندي ويجيبون غيرة

[m&m &Qatar]

أخوي جزاك الله خير على هذا الموضوع
وياريت تبلغ على هذا الدكان لأن لوسكت فسوف تكون شيطان أخرس والعياذ بالله لأن من ساكت عن الحق شيطان أخرس فسامحنى وأرجوا منك أبلاغ الجهات المختصة لأن اليوم دكان وبكرة بيكونون أكثر من دكان لوكل واحد فينا شاف الغلط وسكت المهم أنك رحيت ظميرك من اللى السلوكيات الخاطئة ترى ياخوى أعيالنا وفلذات أكبادنا هم الضحية ومايرضيك أنهم ينضرون على يد هؤلاء الناس التى لاتخاف الله وسوف أذكر لك قصة حقيقة حدثت من شهر ويعلم الله أنى صادجة بكلامى:
ولدى طالب بأحدى المدارس المتبعة للمنطقة .... المهم شاف أطفال صغار بالمرحلة الأبتدائية ويليها المرحلة الأعدادية أسيوى ينتظرهم خارج المدرسة ويبيع لهم السويكة وبسعر رمزى جدا تخيل أطفالنا يتعاطون هذا المخدر المهم لجأ أبنى الى مدير المدرسة ومن خلاله وضع خطة مع الشرطة وجزاهم خير على حرصهم وسرعة القبض على هذا الأسيوى والمفاجأة أيضا اللى وراه 20 أسيوى أخريين متوزعين على مدارس الدوحة كلها لا وبعد فاتحينها دعارة بعد والعياذ باللة . والحمد لله أن ولدى ماكان ضحية وأن هو اللى بلغ على هذه العصابة . فأرجوا منك أخوى الفاضل أن لا تسكت وبلغ الجهات المختصة وهم أكيد مايرضون أن أعيالنا وشبابنا يصير فيهم أى مكروه .
والله الحافظ أن شالله

[بنت المنتدى]

حرام والله

المفروض يكسرون راس هالهندي عشان يتعلم يبيع على من

[الملكة الام]

اخي هسلان





السلام عليكم ورحمة الله وبركاته
كل عام وأنتم بخير وسنة هجرية مباركة على الجميع
ودَي اشتكي على الدكان بس اخاف يسكرونه
كان هذا ناتج نقاش مع احد الاصدقاء القاطن في منطقة بني هاجر والذي اكتشف أن الدكان الموجود بالمنطقة وقد يكون الوحيد يبيع السجاير للأطفال وطلاب المدارس بسعر ريال ونصف للسيجارة الواحدة يعني بحسبة بسيطة يصل قيمة الباكيت بالتجزءة لثلاثين ريال الله لا يربحه :anger1:
معادلة صعبة يصفها لنا هذا الصديق بقوله ودي اشتكي على الدكان بس اخاف يسكرونه
ليه لأنه لا يوجد دكان اخر قريب يقدم خدمات للمنطقة وبعد اخاف اضربه ويسجنوني :rolleyes2:
ياجماعة معقولة نتهاون مع هذا الدكان وصاحبه الجشع لهذا السبب
معقولة منطقة مثل بني هاجر ما تستغني عن مثل هذا الدكان ولا يوجد بديل
وين التخطيط ؟؟؟؟؟؟؟؟؟؟؟؟؟؟؟
ذكرني التخطيط بمنطقة بونخلة الي مافيها دكا عشان يسكرونه :tease:
ماذا تفعل لو وجدت نفسك في هذا المكان تشتكي وتسكر الدكان وتتعطل أو تصبر وتنقهر


:omg::omg:



احنا ناقصين ....



عيالنا بدون شي مقلع....



تدري.... عندي لك الحل...



انشده عن مكانه بالضبط...



بطرش له مصطفى ومعاه 3 بنفس الحجم....


بيعلمونه ان الله حق ....



صدقني لي اطلعوا من عنده ماراح يبيعه في حياته ابد....لا هنيه ولا في بلاده...



لاتخاف مهب منصادين...




اختكم العوده



الملكة الام

[@فهد@]

هالشي منتشر في اماكن وايد ..... وبعد انتبهوا لعيالكم في محلات الي تبيع العاب البلي ستيشن بعد فيه بلاوي مب الكل بس الحرص واجب

ومحلات تاجير الافلام

يعني الواحد مفروض مايخلي عياله يروحون بروحهم لان الشيطان شاطر

[وتبقى الدنيا حلوه]

روح و كلم راعي الدكان و حذره و اذا ماسمع طير على البلدية

لان هذي ذمة

[FULL]

طيب هل تم ابلاغ البلدية ؟ ام المخالفات والانذارات و سالفة 500 ريال مجرد افتراضات من قبل الاعضاء ؟؟؟

اكسب الاجر وبادر بالاتصال على البلدبة على الاقل تبرئ ذمتك !